(+(+(+ لقااء مع Bitar +)+)+)

[ارووجة]

سلام ونعمة

مرحبااا بالجميع
كيفكم؟؟ بتمنى تكونو بالف خير

اليوم هنكون مع ضيف جديد
هو تقريبا مشرف جديد
واكيد بيستاهل الاشراف
بمواضيعه واخباره وجهوده

مشرف قسم الاخبار المسيحية والعامة

"BITAR"

اهلا وسهلا اخي بيك معانا نوررررت كرسي الاعتراف



وهنبدا بالاسئلة البسيطة



اسمك الاول

عمرك

بلدك

حالتك الاجتماعية

دراستك\عملك

هواياتك

طموحك

مقولة متمسك بيها



بتمنى المشاركة من الجميع
وطبعا اخي فيك ماتجاوب عالاسئلة اللي بتخصك

وربنا معاك ^_^​

 

[BITAR]

رد على: (+(+(+ لقااء مع Bitar +)+)+)

شكرا يا ارووجه على جلوسى
انا تعبت من الوقوف
ههههههههههههههههههههههههههههه

والان نبدأ الرد

عمرى

(46)​

بلدى

المحروسه ( ام الدنيا )

حالتى الاجتماعية

(متزوج واعول)

دراستى \ عملى

( معهد فوق متوسط )
( رئيس شئون عامليين )


هواياتى

(القراءه والمسابقات والرحلات والشطرنج)

طموحى

(ان يكون ابنائى حاصلين على مؤهلات عليا لمجابهه الحياه المجهوله)

مقولة متمسك بيها

(من كنز القلب الصالح يخرج الصلاح ...... ومن كنز القلب الفاسد يخرج الفساد)
ياخوفى من الاسئله القادمه
تحياتى​

عادت الذاكرة الجميله وكنت كاتب فى طموحاتى
ونشكر ربنا تحققت
ابنتى الكبيرة مدرسة انجليزى ومتزوجه دكتور
والاصغر بكالوريوس صيدلة
والابن كليه علاج طبيعى​

 

[فراشة مسيحية]

رد على: (+(+(+ لقااء مع Bitar +)+)+)

بيتر بجد انت عمرك 46 سنة ؟ ولا بتهزر​

 

[BITAR]

رد على: (+(+(+ لقااء مع Bitar +)+)+)

بيتر بجد انت عمرك 46 سنة ؟ ولا بتهزر​

لو عندى اسكينر كنت صورتلك البطاقة
هههههههههههههههههههههههههه
اكيييييييييييييد
(46)​

 

[twety]

رد على: (+(+(+ لقااء مع Bitar +)+)+)

اهلا ياباااااااااااااشا

منور الكرسى

جالك الموت ياتارك الصلاة

كام سؤال كده

بس احب اقدملك تحيه الاول

كام ساندوتش على كوكاكولا لتر كده

نبدا بقى فى الاسئله

ايه احساسك دلوقت وانت على الكرسى
ايه اممنياتك
ايه طموحك
ايه اكتر ايه بتحبها
ايه اكتر سفر بتفضله ( قديم وجديد )
ايه اكتر اكله بتحبها
ايه اكتر مكان بتحب تزوره باستمرار
ايه اكتر دير مش ممكن تنساه


بص كفايه دول مؤقتا

اصل انا زياراتى كتيييييييييييير
جيت فى منطقتى بقى :t33:
يبقى تستحمل

شد حيلك يابطل ( الله معك )

 

[فراشة مسيحية]

رد على: (+(+(+ لقااء مع Bitar +)+)+)

لو عندى اسكينر كنت صورتلك البطاقة

هههههههههههههههههههههههههه
اكيييييييييييييد

(46)
​

طيب يا سيدى عقبال 100 سنة :flowers:

أسئلتى : :love34:

أكتر أية كلماتها قريبة منك هى أية

أكتر مزمور بتحبة و حافظة

من أقوال الآباء اللى بتحبها

صلاة دايمآ ترددها

ترنيمة بتحب تسمعها

ممكن تقولى كلمة تنصحنى فيها

وشكرآ كفاية كدا

يا رب مكنش كترت عليك :flowers:​

 

[kajo]

رد على: (+(+(+ لقااء مع Bitar +)+)+)

حبيب هارتى

ازيك يا معلم
اخبارك ايه واخبار الدنيا معاك ايه

الصراحه طبعا ومش اخبى عليك انا مجهزرك كام سوال كده زى الفل

بس للاسف مش فاكر ولا واحد فيهم من حبى فيك نسيتهم

معلش تتعور قصدى تتعوض
هههههههههههههههههههههههههههههههههه​

 

[BITAR]

رد على: (+(+(+ لقااء مع Bitar +)+)+)

شكرا تويتى على هذا الترحيب
وبسرعه نجاوب على الاسئله
ههههههههههههههههه
علشان فى ناس بتتشطر فى منطقتهم
هههههههههههههههههههههههه

احساسى دلوقت وانا على الكرسى

مبسوط علشان بقالى زماااااان واقف

امنياتى

ولادى يحصلون على مؤهلات عليا
​

طموحى

نفس امنياتى

اكتر ايه بحبها

ومن لا يحب لم يعرف الله لان الله محبه

( 1يو 4 : 8 )

اكتر سفر بفضله ( قديم وجديد )

سفر راعوث ( العهد القديم )
الرساله الى العبرابيين ( العهد الجديد )

اكتر اكله بحبها

الجمبرى​

​

اكتر مكان بحب ازوره باستمرار

دير مارمينا


اكتر دير مش ممكن انساه

دير الانبا بولا

هه الحمدلله الاسئله خلصت
تحياتى​

 

[استفانوس]

رد على: (+(+(+ لقااء مع Bitar +)+)+)

سلام ونعمة
اخي الحبيب بيتر
لن اكثر عليك الاسئلة
هم سؤالين لاغير
ولنبدأ
السؤال الاول ذو ثلاثة فروع
1 - كيف تعرفت على منتدى الكنيسة
2 - ماذا يعني لك منتدى الكنيسة اليوم
3 - ماهو القسم المحبب لك في منتدى الكنيسة
السؤال الثاني ذو تسعة فروع
ان تقول جملة بالاسماء الواردة
1- ماي روك
2- كوبتك مان
3- المشرفين
4 - الاعضاء المباركين
5 - الاعضاء الجدد
6 - المسلمين
7 - اسد الغابة
8 - بيتر
9 - يسوع
شفت سؤالين لاغير
:yahoo:

 

[kajo]

رد على: (+(+(+ لقااء مع Bitar +)+)+)

بيتر حبيبى

ازيك جيتلك وجيبت معايا الاسئله

رد يا معلم

ايه اكتر حاجه بتفرحك
ايه اكتر حاجه تخليك مضايق وزعلان
ايه اكتر وقف حصلك مش ممكن ابدا تنساه ( موقف رعب ) . (موقف مضحك ) ( موقف قاتل ) .( موقف حزين)
ايه احسن واكتر مكان تحب تروحه لما تكون مضايق
ايه الحاجه الى بتحب تعملها لما تكون فرحان اوى

جاوب على ما اجيب الباقى

بس عايزين اجابات صريحه وواضحه وغير دبلوماسيه
​

 

[BITAR]

رد على: (+(+(+ لقااء مع Bitar +)+)+)

عزيزتى فراشه مسيحيه
شكرا ليكى علشان انا قاعد وانتى واقفه
معلش السن له حكمه
هههههههههههههههههههههه​

نبدأ الرد على الاسئله​

أكتر أية كلماتها قريبة منى هى أية​

تحب قربيك كنفسك​

أكتر مزمور بحبة و حافظة
​

طوبى للرجل الذي لم يسلك في مشورة الاشرار وفي طريق الخطاة لم يقف وفي مجلس المستهزئين لم يجلس. لكن في ناموس الرب مسرّته وفي ناموسه يلهج نهارا وليلا. فيكون كشجرة مغروسة عند مجاري المياه.التي تعطي ثمرها في اوانه.وورقها لا يذبل.وكل ما يصنعه ينجح . ليس كذلك الاشرار لكنهم كالعصافة التي تذريها الريح . لذلك لا تقوم الاشرار في الدينونه ولا الخطاة في جماعة الابرار. لان الرب يعلم طريق الابرار.اما طريق الاشرار فتهلك​

( المزمور الاول)​

من أقوال الآباء اللى بتحبها​

كن مطمئن جدا ولا تفكر فى الامركثيرا ودع الامر لمن بيده الامر​

( البابا كيرلس السادس )​

صلاة دايمآ ارددها​

بسم الصليب وشوره الصليب​

يا عدرا يا ام النور سهلى لينا الامور​

ترنيمة بحب اسمعها ​

انتى هى سور خلاصنا
يا والدة الاله
الحصن المنيع غير المئتلم
ابطلى مشوره المعاديين
وحزن عبيدك رديه الى فرح
وحصنى مدينتنا وعن ملوكنا حاربى
وتشفعى عن سلامه العالم لانك انت هى
رجائنا
يا والده الاله
(بصوت فرقه دايفد)​

ممكن تقولى كلمة تنصحنى فيها
عموما
صاحب النصيحه يحتاج الى 100 نصيحه
ولاكن يا فراشه​

نصيحتى لكى​

اعتمدى على الصليب فى كل اعمالك
فى دخولك وخروجك
.....................الخ
سلام الرب​

 

[فراشة مسيحية]

رد على: (+(+(+ لقااء مع Bitar +)+)+)

ميرسى يا بيتر على الرد الجميل جدآ دا

و على النصيحة الروعة

ربنا يبارك حياتك و حياة أسرتك​

 

[BITAR]

رد على: (+(+(+ لقااء مع Bitar +)+)+)

شكرا حبيبى استفانوس على هذا الامتحان الصعب عليا انا حاسس انى هجيب ملحق
هههههههههههههه

الاجابه عن السؤال الاول ذو الثلاثة افرع
1 - كيف تعرفت على منتدى الكنيسة
تعرفت على منتدى الكنيسه العربيه مصادفه اثناء تجوالى على النت
وعند مناقشه اشقائى عن هذا المنتدى وجدت ان لديهم معلومات عنه
وتم سؤالى ( ما هو احب المواضع اليك ؟)
قلت لهم لم اقرا مواضيع ولاكنى قرأت ردود باسماء
ماى روك وكوبتك مان والسمردلى واعجبتنى جدا
فضحكوا وقالوا لى انت كده جبت المفيد ثم ضحكوا
لانهم بالفعل مشتركيين به ولم يعلمونى بذلك
2 - ماذا يعني لك منتدى الكنيسة اليوم

هو كل وقتى بعد مواعيد عملى ووقت النوم وتناول الطعام
( هو كيانى )

3 - ماهو القسم المحبب لك في منتدى الكنيسة

كثيره
بدون مجامله ( الترفيهى والاخبار والقصص والعبر والبرامج والحوار )

​

​

اجابه السؤال الثاني ذوالتسعة فروع

جملة بالاسماء الواردة
1- ماي روك
ماى روك منتدى الكنيسه
2- كوبتك مان
كوبتك مان مثال جيد للشباب القبطى
3- المشرفين

المحافظين على مبادىء المنتدى عكس محافظين المحافظات
ههههههههههههههههههههههه​

​

4 - الاعضاء المباركين

صفوة جميله لهم احترامهم

5 - الاعضاء الجدد

كونهم انتموا الى المنتدى فلهم طموحهم للمعرفه
6 - المسلمين
اذا اعتبرونا غير كافريين اصبحوا هم غير كافريين
لانه ببساطه لابد ان يومنوا بصلب الايمان المسيحى
(وهو صلب المسيح)
7 - اسد الغابة
ان اسد الغابه هو توأمى علما بان الفرق 6 سنوات
8 - بيتر
هو الصخرة الذى اعتمد عليه الان
( كونه كيانى الجديد )
9 - يسوع
هو ابى السماوى الذى لا يرفض لى طلبه

رجاء محبه استفانوس ممكن اعرف نتيجه الامتحان
هههههههههههههههههه
تحياتى​

 

[استفانوس]

رد على: (+(+(+ لقااء مع Bitar +)+)+)

عشر على عشر
ولكن عندي خمسة اسئلة ايضا
يتضمن كل سؤال عشرة فروع
ولنبدأ
0
0
0
0
0
0
0
0
0
0
0
0
0
0
0
0
0
0
0
0
0
0
0
0
0
0
0
0
0
0
0
0
0
0
0
0
0
0
0
0
0
0
0
0
0
0
هههههههههههههههههه
بهزر معاك
ربنا يبارك ومشكور على الاجابة​

 

[BITAR]

رد على: (+(+(+ لقااء مع Bitar +)+)+)

ايه ياكاجو بالراحه عليا
اكتر حاجه بتفرحنى
النكت
هههههههههههههههه
اكتر حاجه تخلينى مضايق وزعلان​

لما اقابل اى حد منافق​

اكتر موقف حصلى مش ممكن ابدا انساه
1 - ( موقف رعب )
انقلاب ميكروباص بى ثلاث مرات على الطريق السريع
ورب المجد نجانى وكل افراد الميكروباص ​

2 - (موقف مضحك )
كنت ارغب فى السفر الى اى دوله اجنبيه وكانت لنا جارة صوماليه
وذهبت معى الى القنصليه الايطاليه بالاسكندريه لانها تعرف القنصل معرفه شخصيه
وكانت ترتدى الزى الرسمى الصومالى
وما ادراك بالتريقه الى حصلت عليها وطبعا عليا انا كمان
فما كان منى سو الضحك فقط
وضحكت اكثر لان كان فى فرق حوالى 35 سنه
بين
القنصل الموجود والقنصل الذى كانت هى تعرفه
ههههههههههههههههههههههههههه ​

3 - ( موقف قاتل )
كنت امين خدمه لاجتماع الجامعيين والخرجيين
وقمنا برحله الى دير مارمينا مرورا بالمعموره ثم سبورتنج
وفى شاطىء المعموره
واثناء نزولنا المياه وخروج جميع اعضاء الرحله من المياه
وكنت وحيدابالمياه نظرا لخبرتى بالمعموره
وفجاء طلب منى انقاذ طفلين من الغرق
فاسرعت اليهم واخرجتهم
ولاكن
الموجه مع السحب شدنى الى داخل المياه
فطلب من من طلب منى الانقاذ ان ينقذنى
فجاء اليا مسرعا
فناديت باعلى صوتى المكتوم
بسم الصليب
فتركنى ذلك الشخص مسرعا بالخروج
وتركنى بمفردى اصارع السحب والموج
ولاكن المصلوب على الصليب ارسل لى موجه شديده
القت بى قرب الشاطىء
والحمد لله تمت الرحله على خيييير ​

4 - ( موقف حزين)​

وفاة زوج شقيقتى
وفاه توام روحى ( صديقى المخلص )
وفاة صديقى​

احسن واكتر مكان احب اروحه لما اكون مضايق​

عند حماتى​

الحاجه الى بحب اعملها لما اكون فرحان قوى​

افرح الى حوليا
شكرا يا كاجو ( نيموسابقا )​

 

[BITAR]

رد على: (+(+(+ لقااء مع Bitar +)+)+)

ميرسى يا بيتر على الرد الجميل جدآ دا​

و على النصيحة الروعة​

ربنا يبارك حياتك و حياة أسرتك​

شكرا فراشه مسيحيه على هذة المجامله الرقيقه
ربنا يباركك
تحياتى​

 

[BITAR]

رد على: (+(+(+ لقااء مع Bitar +)+)+)

عشر على عشر

ولكن عندي خمسة اسئلة ايضا
يتضمن كل سؤال عشرة فروع
ولنبدأ
0
0
0
0
0
0
0
0
0
0
0
0
0
0
0
0
0
0
0
0
0
0
0
0
0
0
0
0
0
0
0
0
0
0
0
0
0
0
0
0
0
0
0
0
0
0
هههههههههههههههههه
بهزر معاك

ربنا يبارك ومشكور على الاجابة​

انا بطنى كركبت
قلت هما اصطادونى ولا ايه
هههههههههههههههههه
شكرا ليك لانك كنت بتهزر
ههههههههههههههههه
تحياتى​

 

[K A T Y]

رد على: (+(+(+ لقااء مع Bitar +)+)+)

اهلا اهلا بيتر هنا​

منور وانت علي الكرسي​

وبصراحة انا كنت راسمالك صورة يعني تقدر تقول بالكتير 22 سنة او اقل ​

بس ماعلينا احنا كدا هنستفاد جامد من خبرتك بالحياة​

ها نقول بسم الصليب ولنبدأ​

انا مش هاطول عليك هو سؤال في السؤيع كدا​

1- عندك ايه اولاد ؟ وايه اعمارهم ؟

2- انت متجوز عن قصة حب ولا جواز تقليدي ؟

3-ايه اكتر حاجة بتبقي مستنيها من اولادك انهم يعملوها
؟
4-حسيت في مرة ان ربنا تركك في يوم ؟

5-شفعيك اللي بتحبه وبتنهده في اول ما تقع في ضيقة ؟

6- لو جالك واحد وقالك يا بيتر عندي مشكلة وعرفت ارادة ربنا فيها بس لسة بفكر في حل للمشكلة ومش قادر اقتنع بارادة ربنا وعندي حرب في تفكيري بين ارادة ربنا وبين اللي انا عاوزة ردك يكون ايه ؟
​

كدا كفاية ونكمل بعدين
يارب مكونش تقلت عليك في اسئلتي لكن هاعملك ايه وقعت ومحدش سمي عليك​

 

[يوسف الصديق]

رد على: (+(+(+ لقااء مع Bitar +)+)+)

مرحبا بك على كرسى الاعتراف
السؤال الاول
احلى عظة قمت بألقائها ... موضوعها ايه وامام مين ؟

نسيت ده هو سؤال واحد مش متحاج ان اقول السؤال الاول
مش مهم عديها النوبة دى بس المرة الجاية وشرف امى ما انت معديها

لك تحياتى​

 

[Coptic MarMar]

رد على: (+(+(+ لقااء مع Bitar +)+)+)

أهلااااااااااا بيك يا بيتر باشا على كرسى الاعتراف
صدقنى الكرسى منور بيك يا جميل
بس بجد أجاباتك كلها جميلة وخصوصا الموقف القاتل لذيذ اوووى
وأنا بقى هسئلك وأقولك....

1- ايه أكتر صفة بتحبها فى بيتر وأكتر صفة بتكرها ؟
2- أيه أكتر الالوان اللى بتحبها ؟
3- أيه أكتر أكله بتحبها ؟
4- لما بتزعل ممكن تعمل ايه مع زوجتك وأولادك ؟
5- هل فى حاجة عملتها ندمان عليها ؟
6- أكتر حاجة عملتها مفرحاك ؟
7- اهم سؤال بقى... ايه اخبارك مع حماتك ؟

هههههههههههههههههههه
شايف بقى أسئلتى سهلة وكويسة ازاى
يلا كفاية عليك كده الدفعة الاولى
وأنتظرنى فى الدفعة التانية ​