الزواج
ليه بقي يا اسيدنا الجواز ده حكر
العابر ياخد عابره
والعابره تاخد العابر
لم نفسك ياض ياوائل ........قلنا علشان المشاكل !
طيب واحده واحده كده وتعالي فنط معايا المشاكل
هو مش الرب جاء للشعب وخاصته انكرته !!!!
اهو احنا برده اتينا للرب .والرب قبلنا وولاده انكرونا !
ليه بقي ؟؟؟
ما انا طول عمري بقول احنا العابرين المسيحين الدرجه الثانيه ......يمكن كمان نكون الترسو
وانتوا تقولولي ازاي ......متقولش علي نفسك كده ......
طب يعني احنا نموت نفسينا يعني !!!!
مانتوا اللي طريقه معاملاتكم بتقول كده
مثــــــــــــــــــــــــــــال
انا لو روحت اتقدمت لفتاه مسيحيه (اصليه)
ووافقت عليا
وخدتها وروحنا للمأذون
صباح الفل ياشيخنا عايزين نتجوز..........
هاتبص تلاقيه خد جرعه منشطه وضرب ايده في الدرج وطلع الاستماره وترييييييييك
هايقوم ماليها
ويمكن كمان مايرضاش ياخد الاجره
وخلاص انا كدا اتجوزت ادام الحكومه
وتحت مرئي ومسمع القانون
اجوزها بقي ادام ربنا
اروح لابونا نعمل اكليل
وكله يابابا بالقانون والاوراق الرسميه
امام الله مراتي وامام الحكومه مراتي
دا مش بعيد كمان لو انا عايز اخلي الداخليه تعين علينا حراسه
واهلها يجو عندنا واحنا نروح ليهم
ومراتي تروح الكنيسه عادي
ومش بعيد كمان جراتنا توصلها
طب والعيال ياخفيف !!!!!!!!!!
هاتكتب الديانه ايه ؟؟؟؟؟
مسيحين
اه مسيحي
هايروحوا مدارس عادي (مدارس راهبات)
ومفيش اي حاجه من سيستم الحياه هايتغير
انتا باين عليك ياض ياوائل اهبل
وواخد الامور ببساطه
ياعم انا اهبل وعبيط
واللي في الفيديو دي كمان هابله !!!!!!
خادمه واتجوزت عابر عن طريق المأذون
وعن طريق الكنيسه
اتفرجوا علي الفيديو
وبعدين احكموا