ممكن تضربى ولد ؟؟

[artamisss]

ممكن تضربى ولد ؟؟

ناس كتير هتفكر إن الحكاية غريبة شوية خصوصا في مجتمعنا الشرقي

بس ليه لأ يا جماعة ....... ممكن تحصل

ممكن تكون حصلت مع واحدة فيكو يا بنانيت

وممكن تكون حصلت لواحد فيكو يا ردالة



السؤال هنا بقى:-
انتى فعلا ممكن تضربي ولد؟
وايه الموقف اللى ممكن يخليكي تعملى كدة؟
وهل هيختلف ردك حسب المكان ولا الشخصية ولا الناس اللى حواليكي؟
وتفتكروا ان الموضوع ليه علاقة بالحرية او الجرأة وكدة؟

وياريت واحد يقولى لو افترضنا يعنى ان حصل معاه كدة هيعمل ايه؟؟ وهيكون ايه رأيه في البنت دى؟؟


مستنية ردودكوا
وميرسي عليها مقدما​

 

[Yes_Or_No]

حرام عليكم يا بنات اتقوا ربنا

دا انا غلابه

 

[artamisss]

قووووووووول انك اضربت قبل كدة يا مينا صح

 

[†gomana†]

ههههههههههههههههههههههههههههههههههههههههههههههههههههههههه

موضوع عســــــــل للصبح

هارد عليه قريبا

 

[Yes_Or_No]

حرام عليكم بطروا افتراااااااااااااااا

 

[ميريت]

هههههههههههههههههههههههههههههههههههه
فظيعه يا ديانا بتطلعي بكل موضوع والتاني
ارحمي ها ارحمي
بس هرد عليكي
بصراحه معتقدش اني ممك اضرب ولد
لان الكل بيقول عليا بارده ومش بتنرفز اصلا
يعني مش بوصل لمرحله الزعيق هوصل لمرحله اني اضرب ولد

 

[Yes_Or_No]

علي كل الشباب ان يضربوا من البنات محدش يقلق كله هياخد علقه بالدور و النبي بالدوررررررررررر

 

[Coptic Man]

انا اعارضك بشدة

اولا البنت اللي تضرب ولد تبقي تخلت عن رقتها واصبحت شخصية عنيفة تتضرب الصبيان
ثانيا مش تضمني رد فعل الولد ( ممكن يضربك ) مهما عمل انتي تبقي افضل وتسبيه وتمشي وتحسسيه انه ركام بشري وغير مهم بالنسبة ليكي مجرد نفاية بشرية

دي رائئ

 

[Yes_Or_No]

يا ابني رقه ايه هو مين دلوقتي من البنات عنده رقه

يا ابني احنا غلابه

 

[artamisss]

يا سيدى هو مقتنع ان لسه فى رقه انت زعلالالالالالالالالالالالالان ليه حاجه غريبه
انا شخصيا مقدرش اضرب ولد الا بقى لما ربنا يجبر بخاطرى واجوز واخلف ولد هاقعد اضرب فيه علشان يتربى ههههههههههههههه

 

[Yes_Or_No]

مفتررررررررررررررررررررررررررية

 

[artamisss]

ربنا يخليك يا مينا

 

[heidi]

بصراحة انا عمرى ما ضربت ولد

و لا هاحاول اضرب اى ولد

حتى و لو بهزار

لأنى مادام مديت ايدى عليه

اكيد هو كمان هايمد ايده

و انا اصلا حتى مع البنات محبش الهزار اللى بالايد

هو دا رأى فى المضوضوع

شكرا ليكى كتير

 

[Yes_Or_No]

هيه شكلها بايخ مش اكتر يا هايدي

 

[mary]

فعلاً أنا مع هايدى ومع مينا هوت المعاملة تبقى بالكلام لأن مد الإيد ما يصحش أبداً من بنت لولد أو من ولد لبنت :spor22: :gun:

 

[ramyghobrial]

طيب علشان نبقى على نور بس
احب اعرفكم بنفسي
رامي بطولة جودوة تحت 12 سنة ((تالت على المنطقة))
وبطولة كونغ فو تحت 15 سنة
يالا عايز بنت تتهور بقة
الصراحه الموضوع جميل اوي ياديانا وعايز اشوف ارائكم فية
والحقيقة بالنسبالي عمر الموضوع مايوصل معايا لحاجة ذي كدة مع اي بنت بس فية مواقف ليكم تستعدي انكم تضربو فعلا ولد
وعايز اعرف راي بقية البنات في الموضو دة
وشكرا ليكي ياديانا على المضوع الجميل اوي

 

[الرائحة الذكية]

بصراحة أنا عمرى ما مديت ايدى على ولد ومش متخيلة انى ممكن اضرب ولد ..
لان ده سلوك سئ جدا ولا يصدر إلا من فتاة سيئة ..

وزى ما مينا بيقول ان ضرب البنت للولد بيفقدها رقتها واحترام الآخرين ليها.


ميرسى يا ديانا على موضوعك اللطيف ده
وبصراحة بينى وبينك الولاد تستاهل اكتر من كده ..بس يلا بقى احنا نعمل عليهم بنات رقيقة
لحد مانوقعهم فى الفخ وبعد كده الوش التانى يبااااااااااان .​

 

[artamisss]

وانتى لازم تسيحى كدة على الوش التانى ماتسيبيهم يتفجأو لوحدهم

انا شايفه ان البنت لازم تتعلم تدافع عن نفسها يعنى البنت ممكن تتعرض لمواقف رخمه يبتوجب فيها الضرب
زى واحد بيستخف دمه وبيعاكس وراح مادد ايده يبقى لازم ياخد على دماغه وبيتهيئلى لو لسه فى شهامه فى ولاد البلد مش هايسبوها تضرب الواد فى الشارع وهايرحوا يشجعوا هههههههه مش كدة

 

[الرائحة الذكية]

بصراحة انا كده اتلخبطت انتو بتتكلموا عن ايه بالضبط :
عن .... ضرب البنت للولد كهزار فى الجامعة او الكلية
ولا....... ضرب البنت للولد اللى بيعاكسها
ولا.......ضرب البنت للولد بعد الجواز مثلا


كده الاجابة هاتفرق..

لو فى الحالة الاولى واللى هى الهزار بين الولاد والبنات..ده انا لا اوافقه تماما لانه مش كويس خالص.

اما الحالة التانية وهى فى حالة المعاكسات ... طبعا لو البنت تعرف تضرب وتاخد حقها اوك عادى .
.. لكن لو البنت مش بتعرف يبقى احسن متحطش نفسها فى موقف سخيف...

اما الحالة التالتة اللى هى بعد الجواز...طبعا دى مرفوضة تماما لان اللى تعمل كده تبقى مش مضبوطة خالص... وطبعا الراجل اللى يضرب مراته يبقى مجنووووووووووووووون..

 

[ميريت]

انا اعارضك بشدة

اولا البنت اللي تضرب ولد تبقي تخلت عن رقتها واصبحت شخصية عنيفة تتضرب الصبيان
ثانيا مش تضمني رد فعل الولد ( ممكن يضربك ) مهما عمل انتي تبقي افضل وتسبيه وتمشي وتحسسيه انه ركام بشري وغير مهم بالنسبة ليكي مجرد نفاية بشرية

دي رائئ

عندك حق ياهوت
البنت المفروض اصلا متزعقش ولا صوتها يعلي ممكن بتصرفات معينه تفقع الولد الي قدامها
وتكون عملت فيه اكتر من الضرب
مش بيقولو ان كيدهن عظيم