مواقف مضحكة للاعضاء منتدي الكنيسة

[tasoni queena]

انا جيت

بصو بقى دا موقف واحنا فى الجامعة

كنت بنقعد انا وصحابى فى محل قدام الجامعة نهزر ونضحك طول الصبح ولا كنا بنحضر محاضرات ولا نيلة كنت بطلع المحاضرات الى بقعد اضحك فيها وبس
فمرة وانا قاعد لقيت بنت حلوة داخلة عليا وش وبتسلم عليا سلام معلمين بحرارة كانها تعرفنى من سنين
فرحت مسلم وبتقولى عامل اية يا قمر اقولها تمام يا جميل وانتى عاملة اية وكدة
وقعدة تحكيلى عن خطيبها ومشاكلهم وكل حاجة
المهم سبتها وطلعت برة وقفت جنب كام واحد من صحابى فبيقولولى مين ياابنى الموزة دى قولتلهم والله ما اعرفها يا جدعان
المهم ببص لقيتها بتكلم البنت الى ماسكة المحل والبنت دى صحبتى اوى
وببص على وش البنت الحلوة لقيتها بصالى ومتنحة
ففهمت الموقف
اداريها بتسال البنت الى ماسكة المحل بتقولها مالة شادى النهاردة
فقالتلها شادى مين دا اخوة فادى
فانا فهمت لوحدى فبقولها ايوة انا فادى اخوة
فلقتها اتسرعت وكل الى طالع عليها لالالالالالالا
وانا اقولها طيب اهدى بس انتى داخلة عليا بحرارة وكدة احرجكك يعنى قدام الناس ما يصحش
وفين وفين لما هديت وبقينا صحاب اوى لغاية اخر سنة يا يعنى
اداريها طلعت بنت يهودية فى تعاملتها :d

هههههههههههه انتوا متماثلين بقى

 

[احلى ديانة]

ههههههههههههههههههههههههههه
فكرتني باسماعيل ياسين مش انا ده اخوووووووووووووووويا هههههههههههههههههههههه
​

حاسس بتتريقى علينا يا بت انتى​

 

[احلى ديانة]

• 
  
  [*]هههههههههههه انتوا متماثلين بقى

• عليا الطلاق ابدا بس هما علشان كانت اول مرة تشوفنى :spor2:

​

 

[+Roka_Jesus+]

حاسس بتتريقى علينا يا بت انتى​

وانا اقدددددددددددددددددددددددر:a63::a63::a63:
​

 

[ملاك السماء]

انا بقى هحكي لكم موقف جامد قوي حصل معايا بس يفطس من الضحك ...
مره كان عندي امتحان و انا قاعده في اللجنه كنت ساعتها في اولى ثانوي و كان الامتحان الساعه 9 و بعد ما ورق الاجابه و الاسئله اتوزع و انا قاعده بحل الاسئله راحت الورقه طايره و وقعت عالارض هي و المسطره فوطيت اجيبهم راح البينج مميل بيا بقى واقف على سنه ما اعرفش ازاي ده حصل و جيت ارجعه ما عرفتش و راح البينج واقع بيا و عمل صوت عالي جدا انا اتخضيت و قعدت اعيط موش من الوقع لا لاني اتخضيت هههههههههه و المدرسين اللي كانوا بيراقبوا في اللجان التانيه اتلموا و المدير جه و كانت شغلانه و يجوا يقوموني موش عارفه اقوم اروح واقعه تاني ههههههههههههههه اتاري البلوزه بتاعتي مربوطه في مسمار في ظهر البينج ههههههههههههه بس المدرسه قطعت لي البلوزه عشان تقومني لا و ايه كمان كان في رجل من رجليا تحت حرف البينج كانت اه بتوجعني بس انا ما كنتش بعيط من كده لا انا كنت بعيط بس عشان اتخضيت خضه وحشه قوي هههههههههههههههههه ...

 

[ملاك السماء]

و في موقف تاني حصل لي بس ده موقف باااايخ قوي بجد كنت في مره راجعه من الكليه و كانت الدنيا زحمه جدا و كان معايا بنات اصحابي فركبت و حجزت لها جنبي جه واحد رزل مصمم يدخل يقعد جنبي انا تنحت معاه و ما رضيتش اخليه يقعد و قولت له معايا ناس قال لي يعني ايه طاب اقعد فين انا قولت له و انا مالي ما تشوف لك حته تانيه غير دي اقعد فيه فركب دماغه معايا و انا بقى اللي يركب دماغه معايا يبقى يومه موش فايت فقولت له لو سمحت عديهم ما هو واقف في السكه بقى لاراضي ينزل و لا راضي يعدي حد فقولت له خلاص انا موش ورايا حاجه خليك انت واقف و ظهرك متني و انا قاعده مرتاحه و واخده راحتي 24 قيراط فقعد يزعق بقى و يقول انتم حتى المواصلات بتزحمونا فيها و قعد يغلط و يزعق ما حسيتش بنفسي غير و كف ايدي نازل يطرقع على وشه الناس اللي في العربيه كلهم التفتوا على صوت الالم ده و هو اتنرفز طبعا و قعد يزعق اكتر كان في ناس بقى ورايا قاعدين قالوا له تعالى اقعد جنبنا يا كابتن و سيبك منهم فراح جنبهم و اصحابي البنات كانوا موش راضيين يركبوا في العربيه بسبب الراجل ده و انا بقى ما كنتش هفضل فيها بس عشان هو تنح معايا و ضايقني انا كمان فقعته و مانولتهوش اللي في باله و روحت نازل من العربيه و رجعت قولت له انا ما كنتش هركب بس برضه مانولتكش اللي في بالك عشان تبقى تتنح بعد كده و تقل في ادبك قعد يقول لي و الله هضربك قولت له انزل لي لو كنت راجل و شوف مين فينا هيضرب التاني انا ايامها كنت متعلمه كام حركه في الضرب بس حركة موت لو كان نزل كان زمانه مات بس حظه طلع حلو لان العربيه كانت مشيت دا لو كان نزل كنت فرمته ...

 

[حبة خردل]

8/11/2011 ثالث ايام عيد الاضحي

انا بقي النهاردة حصل معاايا موقف ينرفز

وانا في شغلي - الصيدلية - قاعدة في أمان الله وكان معايا المساعد .. دخل علينا شوية شباب لا يزيد عمرهم عن 15 سنة والظاهر انهم عاوزين يستخفوا دمهم .. المهم انا مكاني مش بيبقي باين للناس اووي والمساعد هو اللي بيتعامل مع الجمهور ولو في حاجة بيسألني .. سأل احدهم عندك ترامادول ولا اي حاجة بتضيّع الدماغ !! .. انا شفت شكلهم وسؤالهم وطلعتلهم .. لأ معندناش..وواحد منهم برضة عاوز يستظرف ولا في ...... - مخليتهوش يكملها ..بقولك معندناش .. وهما خارجين من الصيدلية وااحد منهم بيقول للمساعد .. ممكن سؤال .. انت ودانك طويلة ليه .. شتمهم المساعد وانا روحت حدفاهم بالكرسي الحديد طلعوا يجرووا زي الكلاب

بس سؤال بقي هما يعني معندهمش طريقة للاحتفال بالعيد غير البواخة وقلة الأدب

 

[!! Coptic Lion !!]

8/11/2011 ثالث ايام عيد الاضحي

انا بقي النهاردة حصل معاايا موقف ينرفز

وانا في شغلي - الصيدلية - قاعدة في أمان الله وكان معايا المساعد .. دخل علينا شوية شباب لا يزيد عمرهم عن 15 سنة والظاهر انهم عاوزين يستخفوا دمهم .. المهم انا مكاني مش بيبقي باين للناس اووي والمساعد هو اللي بيتعامل مع الجمهور ولو في حاجة بيسألني .. سأل احدهم عندك ترامادول ولا اي حاجة بتضيّع الدماغ !! .. انا شفت شكلهم وسؤالهم وطلعتلهم .. لأ معندناش..وواحد منهم برضة عاوز يستظرف ولا في ...... - مخليتهوش يكملها ..بقولك معندناش .. وهما خارجين من الصيدلية وااحد منهم بيقول للمساعد .. ممكن سؤال .. انت ودانك طويلة ليه .. شتمهم المساعد وانا روحت حدفاهم بالكرسي الحديد طلعوا يجرووا زي الكلاب

بس سؤال بقي هما يعني معندهمش طريقة للاحتفال بالعيد غير البواخة وقلة الأدب

شوفتي ازاي فهمتيهم غلط وظلمتيهم
مش معني انهم 15 سنه انهم كانوا جايين يهزروا
بس للاسف حقيقي هما كانوا عايزين ترامادول
المشكله ان السم ده بيخلي الواحد فيهم زي الاسد
يشيل ويحط ويتحرك من غير حتي ما يبقي ليه نفس للاكل
بس اول ما بيروح مفعولها عظام جسمه كلها بتتكسر
وبيكون عايز حبايه تاني
ومع الوقت لازم يزود الجرعه لدرجه انه ممكن ياخد شريط في المره الواحده
لازم يبقي في رقابه اكتر من كده علي الموضوع ده
ربنا يرحمنا
​

 

[حبة خردل]

علي فكرة انت فهمت غلط خااااالص... هما كانوا داخليين يهزروا ليس إلا .. عشان هي دي طريقة العيد عندهم وعلشان كدا انا ذكرت العيد في بداية الموقف .. هم كانوا عاديين جداً وواضح جداً عليهم انهم بيعيّدوا وكانوا داخلين يضحكوا .. بالظبط الموقف كان كالآتي .. ياض يا محسن هو الدوا اسمه ايه ..مش عارف ..اسمه ايه يا محمد ..مش عارف .. للمساعد .. ماعندكش اي حاجة بتضيّع الدماغ انتروفيك ..اتروفيك.. ولما المساعد قابلهم برفضه وانا بعد كدة طلعتلهم .. هما كانوا برضه عاوزين يهزروا ..فواحد منهم قال للمساعد كما ذكرت وكان ردنا الرد الطبيعي لمثل هذة المواقف..... بس كدة .....هما بعيدين خااالص عن المرض هما بس في اعيادهم بيحبوا يشتغلوا الناس .. ليه معرفش

 

[!! Coptic Lion !!]

علي فكرة انت فهمت غلط خااااالص... هما كانوا داخليين يهزروا ليس إلا .. عشان هي دي طريقة العيد عندهم وعلشان كدا انا ذكرت العيد في بداية الموقف .. هم كانوا عاديين جداً وواضح جداً عليهم انهم بيعيّدوا وكانوا داخلين يضحكوا .. بالظبط الموقف كان كالآتي .. ياض يا محسن هو الدوا اسمه ايه ..مش عارف ..اسمه ايه يا محمد ..مش عارف .. للمساعد .. ماعندكش اي حاجة بتضيّع الدماغ انتروفيك ..اتروفين.. ولما المساعد قابلهم برفضه وانا بعد كدة طلعتلهم .. هما كانوا برضه عاوزين يهزروا ..فواحد منهم قال للمساعد كما ذكرت ..... بس كدة ..هما بعيدين خااالص عن المرض هما بس في اعيادهم بيحبوا يشتغلوا الناس .. ليه معرفش

اذا كان كده ماشي
بس بجد مصر بقت حاجه سيئه جدا من الناحيه دي
انا بشتغل في شركه فيهاي اكتر من 50 موظف علي سواق
طبعا الرجاله
انا واتنين تاني الحلات الشذه اللي فيها مش بناخد حاجه
وهما ما شاء الله بيحاولوا جاهدين انهم يعالجونا من حالتنا دي
​

 

[حبة خردل]

أصل هما بينفذوا مفهوم العيد فرحة بس علي قد دماغهم

 

[!! Coptic Lion !!]

أصل هما بينفذوا مفهوم العيد فرحة بس علي قد دماغهم

يا ما شاء الله
وعندهم دماغ كمان
​

 

[حبو اعدائكم]

اقول لكم على موقف محرج جدا جدا حصل لى بس قعت اتحك عليه لما مت00000 بس كل واحد يقعد كويس على الركسى علشان محدش يقع من الدحك علشان مش هقدر اجى اشيل--
المهم الموضوع انى كنت جديده فى منتدى يسوع و مش كنت واخده بالى ان كل ما اشارك اللقب يتغير من عضو جديد لعضو لعضو نشيط و و و المهم عندما نصل لعضو مبارك بيبقا لون الاسم اخضر -- انا بقا مش كنت فاهما كدا خالص و افتكرت الاداره قال إه اخدت بالها انى بحب اكتب باللون الاخضر و علشان كدا غيرو اسمى و اصبح باللون الاخضر-- رحت زى الهبله بعت رساله حب و شكر للاداره و مكنتش مسدقه نفسى هههههههههههههههههههههههههههه دا انا قولت كلام ههههه اتوقع المشرفين كانو من الضحك متكومين على بعض على الارض--- بس محبوش يكسفونى و ردو الرب يفرحك بالعضويه المباركه000 و بعد شويتين لاحظت ان كل الاعضاء المباركين لونهم يتحول للاخضر هههههههه فاحرجت جدا جدا و بعدت رساله لهم ثانيه و قولت انى عرفت الموضوع و اشكرهم انهم مكسفونيش و قولت لهم إنى مبسوطه بردو بالعضويه الخضراء المباركه هههههههه شوفتو اهبل من كدا!!!!!!!!!!!!!! ههههههههههه قال لاحظو حبى للون الاخضر قال هههههههههههههه

 

[tasoni queena]

هههههههههههههه

وبرده بتحبى اللون الاخضر وبتكتبى بيه

وانشاء الله تبقى خضرا هنا كمان يا قمر

 

[حبو اعدائكم]

هههههههههههههه

وبرده بتحبى اللون الاخضر وبتكتبى بيه

وانشاء الله تبقى خضرا هنا كمان يا قمر

هو هنا كمان العضو المبارك بيبقا اخضر؟؟!!! طب كويس انك قولتى -- بس حتى لو بقيت فحلقى مش هنطق تانى خلاص-- اخذت درس إحراج مفيش بعد كدا

 

[ABOTARBO]

أفتكرت موقف من زمااااااان ضحكنى خالص وخلانى أتأمل روحياً فى الموقف ...
+ كنا فى حفلة او زى مؤتمر والدنيا زحمة خالص
و نلاحظ سيدة معاها 3 اطفال .. اتنين جنبها والطفل التالت شيلاه على ايدها ..
المهم فى وسط الزحمة فضلت تقول لبنتها الصغيرة اخوكى فين اخوكى فين وهو ابنها شايلاه ههههههههههههههههههههه المهم بنتها بكل براءة الاطفال قالتلها ما هو يا ماما ما انتى شايلاه هههههههههههههههه .. انا فضلت اضحك انا وفكرت لما الام بتحب اولادها كدة وخايفة عليهم بالشكل دة امال حنان ورعاية ربنا تبقى ازاى فعلا
ان نسيت الام رضيعها انا لا أنساك ..!

 

[ابنة الرب المحب]

أنا بقى رح احكي موقف صار مع بنتي الصغيرة (3 سنين), شوفوا براءة الأطفال : مرة كنا منتفرج عالتلفزيون فطلعت وحدة حامل قلتلها انو هي ببطنها في بوبو و انتي كمان كنتي ببطني هيك , قام قالتلي مالما بدي بوبو , انا سايرتها و قلتلها طيب رح قول لبابا نجيب بوبو قالتلي بدي روح معكم انا ما كنت مركزة معها قلتلها لوين قالتلي نجيب البوبو و فرطت ضحك وقتها .

 

[مينا راجى]

:t36:

 

[مينا راجى]

ربنا موجود

 

[princess flower]

حلووو هالموضوع كولش