لاول يضم معظم الجماعة الوطنية من احزاب قديمة كالوفد والتجمع والناصرى والكتلة والغد , والعديد من الاحزاب الجديدة التى تحت التاسيس , وايضا الحركات الاحتجاجية المعبرة عن شباب ثورة 25 يناير كمجموعة خالد سعيد و 6 ابريل وغيرها ,والجمعية الوطنية للتغيير بقيادة البرادعى , وحركة كفاية , وايضا العديد من الشخصيات المستقلة وبعض مرشحى الرئاسة المحتملين كعمرو موسى والمستشار هشام البسطويسى ونجيب ساويرس وغيرهم ويضم هذا الفريق ايصا الاقباط الذين رفضوا هذه التعديلات لانها لا تحقق امالهم بدولة مدنية حديثة طيب انتوا يعنى قسمتم البلد بينكم خلاص يعنى بقت مصر بتاعة الناس دى وباقى ال80 مليون ملهمش لزمة
اقتباس:
كان الفريق الاول يرى انه بعد ثورة 25 يناير فانه يجب ان يكون التغيير شامل ويجب ان يكون اسقاط النظام اسقاطا شاملا فلا يعقل ان نتخلص من الشخصيات التى كانت تحكمنا ولكننا نأتى باشخاص اخرين كى يحكمونا بنفس المنظومة القديمة . خصوصا ان الظروف ملائمة كل الملائمة كى نبنى نظام جديد فبدل من ترميم نظام وبيت قديم اصبح متهالك ويكاد يقع على ساكنيه فاننا يجب ان نبنى بيت جديد باسس واساس جديد خصوصا ان قدراتنا تتيح لنا ذلك .
طيب وايه المانع ان يبقى تغيير الدستور فى فترة استقرار ولا يعنى لازم نغيره واحنا بالطريقة الصعبة دى
المفروض ان هيبقى فيه تغيير للدستور كليا بعد تولى الرئيس الجديد والمفروض ان التغيير هيبقى بواسطة لجنة منتخبة بموافقة مجلس الشعب يبقى ايه المشكلة
وبعدين يعنى عاجبكم حال البلد الواقف دا كل واحد فى اللى القوى الساسية السياسية اللى بتتكلموا فيها كل همه مصلحته ونفسه وبس ويتحرق الناس الغلابة ماهو مدام كل واحد فيهم راكب عربيته وعنده حساب فى البنك يبقى مش مشكلة ولا عمرهم هيحسوا بالغلابة والأجرية اللى بيكسبوا قوتهم يومك يومك
المفروض اننا نحاول بقدر المستطاع اننا ننهى الحالة دى باقصى وقت ممكن لان مفيش اى تقدم هيحصل طالما حال البلد بالوضع دا حتى الحكومة اللى مفروض انها بتدير البلد اسمها حكومة تسيير اعمال يعنى مجرد حكومة تسيير اعمال هههههههههههه يعنى مشى حالك
فبالله عليك ايهما افضل نسيب البلد تقلب تعدل ونقعد لنا سنتين نجهز فى دستور جديد ومش مهم البلد ولا الاقتصاد ولا الغلابة اللى مش لاقيين ياكلوا فى ظل حظر تجول وقانون طوارئ اللى بيخترقه ممكن يتسجن خصوصا ان اللجنة اللى هتعمل الدستور هيتولى اختيارها الجيش يعنى كل واحد مش هيلاقى اللى عاوزه فى الدستور هينتقد اللجنة واللى بتعمله واللى انتخبها واقرب مثال نقدكم لاختيار صبحى صالح ووصفكم له بانه متعصب وعنصرى و و و و
وكان الكلام دا كله مجرد كام مادة هيتغيروا فما بالك بتغيير الدستور كله يبقى مش هنخلص بقى
ولا الافضل اننا نشكل لجنة بموافقة مجلس الشعب اللى المفروض هيمثل الشعب كله
اقتباس:
ولكن الفريق الثانى الذى لا يفكر الا فى مصالحه الانيه كان له هدف اخر
ومنين حكمت ان الفريق الثانى انه بيفكر فى مصالحه الانانية وليه ميكونش الفريق الاول هو اللى بيفكر فى مصالحه الانانية وخصوصا ان حكاية الاعتراض على التعديلات من الاساس كلمة حق اريد بها باطل بمعنى ان كل هم الاحزاب دى انها تاخد الفرصة الكافية لعمل قاعدة شعبية علشان الانتخابات انما مش همهم الحقيقى الدستور بدليل ان اول اعتراض حصل من ساعة ما قال الجيش انه هيستمر 6 شهور واعلنوا انها ليست فترة كافية لاعداد انفسهم لانتخابات
وبعدين كان فيه لجنة قديمة للتعديلات ليه ما رفضوهاش
ولما بدأت اللجنة الجديدة التعديلات ليه ما قالوش للجيش احنا مش عاوزين تعديلات احنا عاوزين تغيير برغم ان الجيش اجتمع معاهم والمواد المعدلة دى هم اللى اقترحوها اشمعنى دلوقتى بقت وحشة يعنى
اعتقد زى ما قال المستشار طارق البشرى انهم عاملين زى التلميذ الخايب اللى مش مذاكر وبيتحجج باى حاجة علشان يهرب من الامتحان
اقتباس:
فمن جهة الحزب الوطنى ورجاله المنتشرين فى كل مكان فليس هناك افضل من بعض التريقعات على دستور 1971 ومن ثم اجراء انتخابات سريعة تنقذه من ازمته وتمكنه من العودة باى شكل الى الصورة والاستحواذ على اى جزء من الكعكة
انت بتتكلم وكان الشعب المصرى شعب غبىىىىىىىىى وعبيييييييييييييييط ومش فاهم حاجة
ياسيدى الفاضل الحزب خلاص كان حلم وراح انساه وارتاح
الحزب لا يرقى اى رواج فى اى منطقة فى مصر وهذا من قبل الثورة حتى
ولعلمك سبب فوز الاخوان فى انتخابات 2005 هو كراهية الناس للحزب الوطنى برغم ان الناس كانت مكممة الافواه ولم يكن احد يستطيع ان يعلن عن حجم فساد الحزب الوطنى وبرغم ذلك لم يحقق الحزب الوطنى اى فوز يذكر فهل تتوقع ان يفوز بعد كل الفضائح التى لحقت به ؟
اقتباس:
ينما السلفيين والاخوان ليس هناك افضل من اجراء انتخابات سريعة جدا بعد هذا التعديل يستحوذوا من خلالها على النسبة الاعلى من المقاعد فى مجلس الشعب القادم بما يتيح لهم التحكم فى اختيار الاشخاص الذين سيقوموا بتغيير الدستور تغيير شامل فيما بعد لان طول الفترة الانتقالية التى يحكم فيها الجيش من شانها ان تولد قوى واحزاب مدنية راسخة تستطيع ان تقف بقوة فى وجه الاخوان وهذا ما لايتمناه الاخوان
رجعنا تانى لنكتة التلميذ اللى مش مذاكر
احزاب راسخة ايه اللى هتتعمل وكان فين الكرامة والناصرى والجبهة الوطنية والتجمع وغيرها من التى تطلق عليها قوى وطنية كانوا فين من زمان
طول عمرهم احزاب هامشية ليس لها اى نشاط مجرد حبر على ورق وعارف انك هتقول الكلمة التى يدافعون بها اعن نفسهم ان الحزب الوطنى لم يكن ليعطيهم الفرصة للنشاط وهذه اكبر نكتة ايضا
لا يوجد حزب فى مصر لاقى ما لاقاه الاخوان ولا سجن منه عدد مثل ما سجن من الاخوان ولا عاملوه بالقمع والتشويه مثل ما عاملوا الاخوان وبرغم ذلك الاخوان متواجدون وملتحمون مع الناس والشارع وفى منتهى التنظيم والود مع الناس
ولماذا النظرة دائما للاخوان على انهم اعداء لكم ولجميع القوى الوطنية
وكيف سيسطر الاخوان على اللجنة التى تشكل بموافقة مجلس الشعب برغم انهم اعلنوا انهم لن يتقدموا باكثر من ثلث مقاعد المجلس
لماذا الخوف من الاخوان اذا حتى فازوا باغلبية المقاعد اليس هذا هو اختيار الشعب وهذه هى الديمقراطية وهل اختيار مرشح لعضوية مجلس الشعب سيتم بين يوم وليلة بمعنى ان اى مرشح من القوى الساسية سيطفو على السطح وسيعرفه الناس ويختاروه فى يوم وليلة ولا حتى شهور ان انتخاب الناس للشخص المشهود له بالكفاءة دائما وليست صفة سيكتسبها الشخص المرشح بعد فترة شهور ولهذا الشخص المشهود له بالكفاءة يستطيع ان يترشح فى اى وقت وهذا ما فعله الاخوان انهم محتكون بالشارع وملتحمون بالناس فى اى وقت
اقتباس:
مع كل هذا ومع تسرع واستعجال الجيش اجريت عملية الاستفتاء بالامس وبدل من ان يقف الاخوان فى خندق كل القوى الوطنية رايناهم يخرجوا عن الاجماع الوطنى بضرورة تغيير الدستور ويضعوا ايديهم فى يد الحزب الوطنى فى انتهازية واضحة ويخرجوا ليقولوا نعم لهذه التعديلات .
المفروض ان الجيش يسلم البلد الى الرئيس الجديد فى اقرب فرصة لان ما يحدث له الان ليس من عمله وهو مجبر عليه و فوق طاقته وكلنا يعلم ما على الجيش من اعباء
طيب نتيجة الاستفتاء فوق السبعين فى المائة يعنى هذه النسبة ليست وطنية وانتم الوطنيون
وهل نسبة السبعين فى المائة تمثل الاخوان بمعنى هل الاخوان سبعين فى المائة من سكان مصر
اقتباس:
سرقوا فرحتنا بهذا العرس الديمقراطى حيث قاموا بافعال اسوأ مما كان يقوم بها الحزب الوطنى سابقا
حرام عليك المبالغة بقى هم عملوا اكتر من اللى كان بيعمله الحزب الوطنى اللى كان بيزور الانتخابات عينى عينك
اقتباس:
اقنعوا البسطاء ان التصويت بنعم فيه انتصار للاسلام وهزيمة للاقباط
ياعم ما تزعلش نفسك قوى ماهى الكنيسة عملت كده وحشدت ناس رايحة الاستفتاء وهى ما تعرفش اكتر من انه هيدوه ورقة هيعلم على الدايرة السودا
اقسم بالله حاورت صديق مسيحى فى الموضوع دا لقيته ما يعرف اى حاجة فى اى حاجة وكل اللى هيعمله بناءا على الاوامر انه هيروح يعلم على الدايرة السودا
اقتباس:
اشتروا اصوات الناخبين البسطاء بالمال وشنط الطعام التى وزعوها عليهم .
يا سلام امال انا مشفتش دا ليه ........................ ياخى حرام عليك
انت عارف لو دا حصل كان زمان الاعلام نشره فى كل حتة
اقتباس:
استمروا فى الدعاية امام اللجان والتاثير على الناخبين البسطاء حتى داخل اللجان واستخدموا مكبرات الصوت فى يوم الاستفتاء فى ظل مباركة من الجيش الذى اعتقل اختين لانهما( فى ظل تطبيق انتقائى للقانون ) وزعا منشور يدعو للتصويت بلا .
يعنى والجيش كمان معاهم
يا سلام
وكمان طلع الجيش مش وطنى
اقتباس:
قيامهم بضرب مخالفيهم لمنعهم من التصويت فقد سيطروا على كل مكان فى غياب حزم الجيش والشرطة فقد ضربوا البرادعى ومناصريه فى المقطم ومنعوا جميلة اسماعيل ومرافقيها من التنقل فى اسوان ومنعوا الاقباط فى دفش والطيبة بالمنيا وفى اماكن اخرى عديدة من الوصول الى لجان الاستفتاء
كمان ضربوا البرادعى
بص دا انا سمعت انهم سبب زلزال اليابان كمان
يا راجل حرام عليك
اقتباس:
- ليس هذا فقط بل انهم قاموا بتسويد الاصوات لصالح نعم وهذا مثبت بتسجيلات على الانترنت واثبتته العديد من اللجان الحقوقية.
طيب ياريت بقى لنك للكلام دا علشان نشوفه
يا راجل حراااااااااااااااام دا الدنيا كلها بتشهد بنزاهة الاستفتاء يوصل كمان لتسويد
اقتباس:
ونسى سيادته ان الاخوان هم من يقف ضد توجهات كل الجماعة الوطنية بتاييدهم المشبوه والانتهازى لهذه التعديلات .
مشبوه ازاى يعنى ؟
وايه الجماعة الوطنية دول اذا كان نسبة الاستفتاء اللى المفروض الجماعة الوطنية ضده فوق السبعين فى المائة ودا المفروض انه صوت الملايين من المصريين
طيب ماهو حاجة من اتنين اما ان الجماعة دى وطنية واحنا مش وطنيين
او العكس
واخيرا
الاختلاف فى الرأى لا يفسد للود قضية