هي فين الكراهيه والغل ديه؟ يابني المسحيين في المنطقة ألعربيه لو كأنو بيردو الصاع صاعين اللي كل اللي جرالهم وبيجرالهم مكانتش المنطقة ديه اتوجدت أصلا علي الخريطة من كتر الحروب المستمرة اللي كانت هتبقا فيها
هو انت متخيل ان الانسان ، اي إنسان مش ممكن يعني يمسك سلاح ويقتل؟ لكن احنا مش بنعمل كده لان مسيحنا معلمناش كده
اما الشهداء ، فأنا فعليا بشكر داعش وأشكر الشهداء لأنهم في موتهم قووا ايمانا وشهادتنا للرب يسوع ، لأنهم لو كأنو تنكروه كأنو هيعثرونا ، لكن العجيب والجميل ان ولا واحد منهم ولا واحد رضي انه ينكر رب المجد ، بجد أقول للشهداء أشكركم لأننا الان بنعمل زي ما قالنا الكتاب ، ننظر الي نهاية سيرتكم ونتمثل بأيمانكم ، خليتو العالم كله بتسأل آيه الإيمان اللي يخلي شخص يقدم رقبته ولا انه ينكر إيمانه حتي لو ظاهريا
كنتو أشخاص بسطاء من خلفيات ربما فقيرة وبسيطة لكن خجلتونا كلنا ، وربما كمان خجلتو روساء الكنائس والخدام الكبار ، حتي اننا اكتشفنا كلنا اننا مش خدام حقيقين للمسيح ، أشكركم لأنكم أنعشتو إيمان كلنا
أشكركم لان زي ماقال الرب يسوع ان حبه الحنطة لازم توقع في الارض وتمت وهي بكده هتيجي بثمر كثير وان كان كان بيتكلم عن نفسه ، فأنتم ايضا اتمثلتو بالسيد وموتو علي اسمه