•·.·´¯`·.·• ( لقاء مع Critic ) •·.·´¯`·.·•

[+GOSPEL OF TRUTH+]

يا تروث انتى صديق عام لكل الاعضاء فى المنتدى (المفروض يعملولها عضوية جديدة دى) و ليكى شعبيتك و شهرتك ههههههه

قولههههههههمممممممممممممم قول للاداره

هههههههههههههه شكل ما روك هيكرشني ههههههههههه

ليا شعبيتي و شهرتي

الله يخليك

معنديش اسئله الان حبيت اعلق بس

سلام

 

[zama]

critic

أنا الحقيقة حبيت أدخل عشان أرحب بيك ..

لى سؤال واحد بس ..

ليه عايز تسافر بعد ما تخلص ؟؟

فى نجاح و تميز هنا بردو ..

سلام يا حبيبى ..

 

[+GOSPEL OF TRUTH+]

فى نجاح و تميز هنا بردو ..

مافيش

صعب جدا

انا ساعات بحس يا زاما انك عايش في بلد غير البلد للاسف

فين النجاح و التميز الي من غير وسايط

فين المرتبات الي ما توكلش عيش

فين نسب البطاله العاليه

سامحني اخي الكريم بس هيا دي الحقيقه

مالناش مكان فيها

انا اهو واحده متخرجه بقالي اربع سنين و مش عارفه اشتغل و المرتبات اقل من اي بلد

احنا اه عايزين نطلع السلم من اوله و اكيد المرتب هيبقي قليل بس دا تحت السلم حتي هههههههه

 

[Coptic MarMar]

اناااااااااااا جيتلك بسرعة اهوووو يا فادى
اى خدعة

يعنى محشش يحوووووشنى واخد بالك من محشش دى :friends: هههه

بص بقى صحصح و ركز معايااااااااا كده...
1- قول رساله الى اعضاء المنتدى
2- قول رساله الى مشرفين المنتدى
3- وجه رساله الى 10 اعضاء
4- وجه رساله الى 5 مشرفين


5-لونك المفضل؟
6-هل انت مؤمن حقيقى ؟
7- راضى عن نفسك ؟
8-اهدافك فى الحياه
9-موقف عملته و ندمت عليه
10-ايه رايك فى المنتدى
11-و بيمثل ليك ايه
12-موقف صعب قابلته فى المنتدى
13-احكلنا قصه عجبتك
14-ايتك المفضله
15-ترنيمتك المفضله
16-اوصفلنا فادى لما يكون فرحان جدا
17-و لما يكون متنرفز
18-و لما يكون زعلان
19-ايه اكتر موقف يضايقك من اصحابك
20-و ايه اكتر حاجة تفرحك منهم
21-اكتر شحص فى المنتدى بتحترمها

** الكلمات دى بالنسبه ليك ايه ::766ah:

22-الرب يسوع
23- الكتاب المقدس
24-النعمة
25-الحياه
26-الاصدقاء
27-الحب
28-العداوة
29-السلام
30-الصبر
31-الطبيعة
32- الرسم
33-الموسيقى

34-مواهبك ايه هى ؟
35-ايه رايك فى جيل اليومين دول؟و لماذا؟
36-دوله نفسك تزورها و ليه ؟
37- لو خيروك ترجع تعيش فى مصر توافق ؟ وليه ؟
38- أكتر عضو بتعجبك مواضيعه ؟
39- أكتر عضو متابعه ؟
40- أكتر عضو بتعجبك خفة دمه ؟
41- أكتر عضو بيعجبك تشدده وحزمه ؟

** تقول لمين الكلمات دى يا فادى :66:

42- بـــحبك
43- حياتى من غيرك لا أستطيع تحملها
44- ربنا مايحرمنى منك
45- أنت صديقى الحقيقى
46- مهما أتووووووه لازم برجع لحد عندك
47- بكرهك
48- ندمان انى عرفتك
49- بيك من غيرك هكمل حياتى
50- مش عايز أشوفك وشك فى الموضوع ده ( غيرررررررى طبعا لانى كل شوية هنطلك متحاولشleasantr هههه )

يلا أشوف الأجابة يعد دقيقة عشان أنزل لك باقى الأسئلة :new6:

وعلى فكرة الأسئلة دى ملطووووووووشة:t33::t33:
​

 

[Critic]

حبيبى يا كريتك مينفعش ابدا الكرسى بتاعك يعدى كده من غير لما اسيب بصمتى فيه

حبيب قلبى :hlp:



قصيده او اغنيه اومقطع..ملك احساسك وتعمق في قلبك؟
اغنية على بالى لشيرين

صفه محببه اليك في شخصيتك ،، واخرى تبغضها وتتمني التخلص منها؟
يقال ان دمى خفيف و ليا حضور فى اى مكان ابقى فيه
انا عصبى جدا جدا و مش بسامح بسرعة

حدد أهم الأمور التي تقوم بيها وانت في البيت؟
بخلاف الاكل و الشرب بذاكر و اعد على الكمبيوتر بسسسسسسس

مدرس لازال في ذاكرتك .. ولماذا؟
مدرس الانجليزى _و للعلم هو مسلم_ كان اكتر مدرس محترم و هادئ قابلته فى حياتى و لحد دلوقت لما اشوفه بسلم عليه

حكمتك في الحياة؟
اتعب هتلاقى و لكل شيئ تحت السماء وقت

مالذي تسعى للوصول إليه في حياتك (( طموحك )) ؟
طموحى كبير جدا انا بسعى عامة لافضل حياة و افضل مستقبل

متى يشعر فادى بالغضب ؟
من التفاهة
حد من اصحابى مثلا يتقمص بسرعة او على سبب تافه

الحياه مدرسه .. ماذا تعلمت منها ؟
انك لما تفرح شوية اعرف ان هيجى بعدها حزن
و ان مافيش حاجة بتيجى ببلاش او على الجاهز

التضحية عمل رائع نقدمه لمن يحتاج إلينا ... ونرفض التعامل به كل شخص اناني ...

من الشخص الذي تضحي من أجله بكل رضى وسرور ؟
جميع افراد اسرتى و حبيبتى المستقبلية


الحياة فرص ... ومنها مايصعب إستغلاله ...

ماهي الفرصة التي كانت متاحة لك ولم تحسن إستغلالها ؟
على حد ذاكرتى مافيش

بماذا تذكرك هذه الأشياء !!

غروب الشمس
تجمع الهموم و السرحان

البحر
جلسة تفكير فى الماضى مع النفس

القمر
ولا حاجة

كم شخص عمله بلوك على ايميلك ؟ مع ذكر السبب ؟
ولا شخص على حد علمى

لو طلبنا منك اكثر صورة محببه لك من الصور المخزنه على جهازك الشخصي ماذا سترينا؟
الصورة دى معزية اوى

هل تختلف شخصيتك الواقعية عن شخصيتك على النت؟
اطلاقا

ما الذي يميز فادى عن غيره بوجهة نظرك ؟
لا مافيش حاجة عندى لوحدى مميزانى عن غيرى اكيد فى غيرى زيى و احسن منى

هل تمتلك قوة الشخصيه ؟
بيقولوا عليا كدة :t30:

اعطيتك فرصه من خلال هالكرسى لتقول كلمه لأغلى شخص ماذا تقول فيها ؟
للاسف حاليا مافيش عندى شخص واحد اغلى شخص !!!!
عندى اسرتى و كلها بنفس الغلاوة

كم مرة قولت لبنت أحبك من قلبك ؟ وكم مرة قولتها ضحك ولعب ؟
قولتها كتير بس لبنت واحدة و هى حبيبتى السابقة
و ولا مرة فى حياتى قلتها لعب او لحد تانى

"هذه هي البنت الي أريدها" كم مرة قولت هالجمله
3 او 4 مرات لان ده عدد الشخصيات اللى حازوا اعجابى بشدة

الناس تسأل عن بعض ......... تشتاق وتحن لبعض

وأنا وأنت للأسف ......... ما كنا حبينا بعض

كل الامور تغيرت ......... وأيامنا الحلوة اختفت

هل هناك شخص معين يريد فادى توصيل هالكلام له ؟
لا مافيش

نحن نخطيء وقد نجرح بأخطائنا مشاعر قد لا يبرئ جرحها ونعتذر ولكن العذر قد يكون مرفوض

في بعض الأحيان وبعض أخطائنا نتجاهلها وكأننا لم نرتكبها ...

هل مر عليك هذا الموقف ’’؟؟
طبعا

ومن هو هذا الشخص ؟؟
اكتر انسان جرحته هى حبيبتى السابقة

وهل لديك الشجاعه لتوجيه رسالة إعتذار خاصه له من خلال إعترافك لنا ؟؟؟
زمن الاعتذار انتهى حاولت اعتذر و اعتذارى متقبلش و لا هيتقبل و بينى و بينك مش فارقة !


هل عندك استعداد ان تغفر لمن جرحك حتي ولو كان الجرح عميق ؟ وهل جرحت من قبل ؟
اه بس بحدود
و علاقتنا ش هترجع زى الاول هيظل الشرخ بينا موجود
اه اتجرحت كتير من حبيبتى السابقة و من اللى كان اعز اصحابى و من ناس كتير (انا حساس بطبعى من اتجرح بسرعة)

متى تخونك عيناك وتنهمر دموعك؟
لما تصعب عليا نفسى و احس بالعجز انى نفسى اوصل لحاجة بعيدة عليا اوى
او لما حد بعزه اوى اكتشف انى مفرئش معاه

نقطه ضعف فادى ما هي؟
حساس شوية فبزعل بسرعة و مش ببطل تفكير

احلى خبر سمعته في حياتك كلها ماهو ؟ وفي المقابل اسوء خبر ما هو ؟
اسوأ خبر :مش فاكر تقريبا بنسى او بتناسى الاخبار الوحشة



لمن ستوجه هذه الكلمات ..(( الاشخاص طبعا ناس في حياتك العاديه مش شرط من الاعضاء))

((الدنيا تدور))
اصحابى الئودام

((زرعت لي درب المحبه بالاشواك))
واحد صاحبى سابقا

((حسيبك لزمانك))
كل من باعنى

((والله واحشني مووت))
ناس كتير من اصحابى اللى بقالى كتير مشفتهمش

((حبك سكن قلبي))
حاليا مافيش

((مجبور أنا أعيش من بعد فرقاك))
لا مافيش الدنيا مشبتقف على حد


في انتظار اجاباتك يا عسليه

ايه يا بطل المطحنة دى رفقا بالغلابة يا عمونا ليك يوم بردو حتى لو جلست على الكرسى قبل كدة :t30:

 

[Critic]

critic

أنا الحقيقة حبيت أدخل عشان أرحب بيك ..

حبيب قلبى zama فينك يا راجل بأمانة وحشتنى

لى سؤال واحد بس ..

ليه عايز تسافر بعد ما تخلص ؟؟

فى نجاح و تميز هنا بردو ..

سلام يا حبيبى ..

برا هختصر الطريق و زى ما تقول انا هبدأ من الصفر و ده لو حصل هنا محتاج 50 سنة علشان اكون نفسى علشان ارتبط و انا من طموحاتى انى متأخرش فى الارتباط اوى 26 او 27 حلو اوى مثلا و هنا ده مستحيييييييل

نورت بامانة متغبش عننا تانى

 

[Critic]

اناااااااااااا جيتلك بسرعة اهوووو يا فادى​

اى خدعة
لييييييه بس تتعبى نفسك ما تريحى شوية كمان :t30:​

يعنى محشش يحوووووشنى واخد بالك من محشش دى :friends: هههه
ههههههههههههههههههه​

بص بقى صحصح و ركز معايااااااااا كده...
1- قول رساله الى اعضاء المنتدى
منورين
2- قول رساله الى مشرفين المنتدى
تعبنكم معانا
3- وجه رساله الى 10 اعضاء
لا بلاش دى علشان محدش يزعل انى اخترت حد و سبت حد

4- وجه رساله الى 5 مشرفين
اه دى ممكن :t30:
نيومان : ارجع المنتدى محتاجك
ماريا و انتونيوس و صوت الرب : وحشنا نقاشك يا رب تخلص دراسة و ترجع للحوار تانى
دونا : كلك زوق
مرمر : ارحمى الاعضاء الغلابة شوية :t30:
​

5-لونك المفضل؟
اسود
6-هل انت مؤمن حقيقى ؟
اه الحمد لله
7- راضى عن نفسك ؟
اه بس بسعى انى ابقى احسن
8-اهدافك فى الحياه
النجاح و السعى للافضل
9-موقف عملته و ندمت عليه
انى دخلت فى قصة حب من غير ما احسبها من كل النواحى او ادى لنفسى الفترة الكافية للتفكير بنضج
10-ايه رايك فى المنتدى
ادمان :t30:
11-و بيمثل ليك ايه
حياتى على النت
فعلا المنتدى فى حاجة غريبة زى ما يكون فيه روح
12-موقف صعب قابلته فى المنتدى
قلة ذوق من بعض الاعضاء
13-احكلنا قصه عجبتك
ممممممم مش مسترجع قصة معينة دلوقت :hlp:
14-ايتك المفضله
استطيع كل شيئ فى المسيح الذى يوقينى
و لا تشمتى بى يا عدوتى ان سقطت اقوم
15-ترنيمتك المفضله
كيف انسى سيدى الغالى المسيح
16-اوصفلنا فادى لما يكون فرحان جدا
بفضل اهذر و اضحك
17-و لما يكون متنرفز
ماتشوفيش وحش :smil8:
18-و لما يكون زعلان
ببقى ساكت خالص و مش بحاول ابين بس بيبان عليا بردو
19-ايه اكتر موقف يضايقك من اصحابك
لما حد يزعل على سبب تافه
20-و ايه اكتر حاجة تفرحك منهم
لما احس بالتقدير او الجدعنة
21-اكتر شحص فى المنتدى بتحترمها
لا فى كتير مش شخص واحد​

** الكلمات دى بالنسبه ليك ايه ::766ah:​

22-الرب يسوع
الهى و رجائى و منقذى
23- الكتاب المقدس
الكلام اللى ربنا عوز يقولهولى
24-النعمة
بشكر ربنا من كل قلبى عليها
25-الحياه
صعبة اوى و محتاجة كفاح
26-الاصدقاء
من غيرهم لا حياة و لا فرفشة و لا شكوى لما ازعل و لا اى حاجة
27-الحب
شيئ جميل بعيد المنال قرب يبقى حلم
28-العداوة
ملهاش لزمة
29-السلام
هدوء نفسى
30-الصبر
مفتاح النجاح
31-الطبيعة
خلابة بس وحشة اوى لما بتقلب :t30:
32- الرسم
هوايتى و موهبتى اللى ربنا عطهالى
33-الموسيقى
بعشقها و خاصة الرومانسى و الحزين​

34-مواهبك ايه هى ؟
الرسم-الحضور بالشخصية- المثابرة (الصبر)-الذكاء الى حد ما
35-ايه رايك فى جيل اليومين دول؟و لماذا؟
بضايق من التفاهة بس دى مش حالة عامة فى ناس كويسة فى اى جيل
36-دوله نفسك تزورها و ليه ؟
حاليا مافيش
37- لو خيروك ترجع تعيش فى مصر توافق ؟ وليه ؟
انا اصلا فى مصر ههههههه بس لو كنت برا متغرب كنت هتمنى ارجع تانى لان هنا فى الفة غريبة و جو فيه روح
38- أكتر عضو بتعجبك مواضيعه ؟
لا كتيييييير

39- أكتر عضو متابعه ؟
فى قسمى مثلا بتابع اى موضوع لمولكا و صوت صارخ و انتونيوس و ماريا و اسد الغابة و الياس السريانى و مواضيع ايند كل فين و فين بس خرافية
40- أكتر عضو بتعجبك خفة دمه ؟
مرمر :t30:
41- أكتر عضو بيعجبك تشدده وحزمه ؟
استاذى صوت صارخ​

** تقول لمين الكلمات دى يا فادى :66:​

42- بـــحبك
حاليا مافيش
43- حياتى من غيرك لا أستطيع تحملها
يسوع الهى
44- ربنا مايحرمنى منك
اعز اصحابى
45- أنت صديقى الحقيقى
اعز اعز اصحابى
46- مهما أتووووووه لازم برجع لحد عندك
الهى يسوع
47- بكرهك
لا مافيش
48- ندمان انى عرفتك
اصحابى السابقين اللى باعونى
49- بيك من غيرك هكمل حياتى
حبيبتى السابقة
50- مش عايز أشوفك وشك فى الموضوع ده ( غيرررررررى طبعا لانى كل شوية هنطلك متحاولشleasantr هههه )
لا لا مقدرش اقولها لحد ابدا ههههههههههههه​

يلا أشوف الأجابة يعد دقيقة عشان أنزل لك باقى الأسئلة :new6:​

وعلى فكرة الأسئلة دى ملطووووووووشة:t33::t33:​

ربنا يستر من اللى جاى :hlp:

 

[$CinDrellA $]

ههههههههه
اية ياعم الحج
دول قايمين معاك بالواجب وزيادة
بس لازم اسئل برضو

1- حلم حلمته ومش اتحقق ؟
2- مين قدوتك ؟
3- احكلنا اكتر موقف محرج اتعرضت ليه ..
4- اوصفلنا كريتيك فى تلات كلمات بس ..
5- امتى تحس بالعجز وقلة الحيلة ؟

كفاية دول ولو افتكرت حاجة هرجعلك
ههههههههههه​

 

[Critic]

ههههههههه​

اية ياعم الحج
دول قايمين معاك بالواجب وزيادة
بس لازم اسئل برضو
يا سلام ده انتى تنورينى يا زعيمة​

1- حلم حلمته ومش اتحقق ؟
لحد دلقوت ربنا محققلى كل احلامى لكن الاحلام اللى لسة متحققتش فده علشان لسة مجاش وقتها
2- مين قدوتك ؟
مافيش
3- احكلنا اكتر موقف محرج اتعرضت ليه ..
قبل كدة كنت باصص جنبى وانا ماشى فى رحلة تبع الكنيسة و خبطت فى بنت جامد اوى و كنت هموت من الاحراج​

و مرة كان فى واحدة واقفة قدامى بس مش شايف وشها و كانت شبه واحدة صاحبتى و لا بسة زيها فى اليوم ده ف رحت اسلم عليها بعشم اوى طلعت مش هيا كنت عايز الارض تنشق و تبلعنى هههههههههههه
4- اوصفلنا كريتيك فى تلات كلمات بس ..
ضحك-طموح-تفكير
5- امتى تحس بالعجز وقلة الحيلة ؟
لما احب و معرفش افصح عن حبى و اكتمه جوايا​

كفاية دول ولو افتكرت حاجة هرجعلك​

ههههههههههه​

اوعى تفتكرى اى حاجة تانى ريحى نفسك خاااااالص ههههههههههه :t30:

 

[$CinDrellA $]

هههههههههههههههه
اريح نفسى وانت على الكرسى
لا يجوووووووووووز​

 

[Critic]

هههههههههههههههه
اريح نفسى وانت على الكرسى
لا يجوووووووووووز

لا بل يجوز
و دى فتوة شرعية منى
حلالون حلالون حلال ههههههههههههههه

 

[عاشقة البابا كيرلس]

هههههههههههه
انكل كريتك على الكرسى
وانا اقول الكرسى منور ليه
هههههههههههههههه
منور يا اونكل
انا جاية اتفرج واشوف ايه الاخبار

 

[tasoni queena]

اهلا اهلا انت هنا

ايه ده
​

​

هواياتك
الرسم-تحفيظ الالحان للاطفال

ههههههههههههههه

انت هواياتك تحفيظ القرأن

عشان نناقش فيه​

 

[tasoni queena]

مين اكتر ناس صحابك في المنتدي
كل يوم بكتسب اصحاب جداد فى اى موقف
و من اكتر اصحابى مع ان فى منهم غايب و فى منهم منفضلى و فى منهم بيتخنق منى :
طحبوش و مولكا و كيوبيد و جيسس سيرفانت و ابسالموس و سندريلا و تاسونى و روزى و مرمر و كيريا و انتى طبعا :t30: و ناس كتير بعتبلاهم اعلى من اصحابى هما اساتذتى زى انتونيوس و صوت صارخ و نيومان و انت الفادى و جون و ماريا و علاء و الياس السريانىو كريستيان و ابن الملك و ماى روك
و فى ناس تعاملى معاها قليل بس قمة فى الزوق و على رأسهم دونا نبيل و كاندى و جيلان و فيتا و زاما و مارشيلينو و ناس كتييييييير مش عايز حد يزعل انى نسيته

​

هههههههههههههههههه هو اتبقى حد فى المنتدى مقلتهوش

هههههههههههههه​

 

[tasoni queena]

احلى خبر : لما جبت 100 فى ثانوية عامة

وبتقول عليا دحيحة

ههههههههههههههههه

انا بقى هسأللك واحدة واحدة عشان مبعرقفش اسأل الاسئلة لكرسى الاعتراف

ليه بقيت بتدخل اوف لاين على طول​

 

[Critic]

هههههههههههه
انكل كريتك على الكرسى
وانا اقول الكرسى منور ليه
هههههههههههههههه
منور يا اونكل
انا جاية اتفرج واشوف ايه الاخبار

ميرسى يا عاشقة ميرسى ده نورك
يا شماتة ابلا ظاظا فيا هههههههههههه :t30:

 

[$CinDrellA $]

يا خراشى انا من ضمن اصدقائك
لالالالالا مش يمكن
هيغمن عليا كدة
هههههههههههههههههه​

 

[Critic]

اهلا اهلا انت هنا

ايه ده​

اهلا يا تاسونى

اه هنا شوفتى الزمن :hlp: ​

ههههههههههههههه

انت هواياتك تحفيظ القرأن

عشان نناقش فيه

ههههههههههههههه من الحان لقرأن يا مفترية 30:
الاسلاميات اثرت عليكى

هههههههههههههههههه هو اتبقى حد فى المنتدى مقلتهوش

هههههههههههههه

اه فى ناس كتيييييييييييييييييييييير مئولتهاش :t30:

ليه بقيت بتدخل اوف لاين على طول

جه عليا وقت اتخنئت و حبيت انعزل كانى مش موجود :hlp:
و كمان علشان ادخل اى موضوع مش عايز حد يعرف انى دخلته :t9:

​

 

[Critic]

يا خراشى انا من ضمن اصدقائك​

لالالالالا مش يمكن
هيغمن عليا كدة

هههههههههههههههههه​

طبعا يا زعيمة طبعا ده انا ليا الشرف :t30:

 

[$CinDrellA $]

كم سؤال على الماشى كدة

امتى حسيت بالجرح ؟

ييعنى اية حزن بالنسبة ل كريتيك

اية مفهوم السعادة من وجه نطرك

اية اكتر حاجة تشدك فى اللى قدامك

ياترى حكيم فى قرارك على الناس من اول مقابلة​