^_^ شارك معانا بطفولتك الجميلة ^_^

[ramyghobrial]

هاحكيلكم على موقف ايام ثانوي
انا كنت مشاغب اوي بس شاطر وكان المدرسين يحبوني ويحبو يهزرو معايا
بس كان فية استاذ بتاع عربي كان حمار وانا كنت بحب اساله وازنقة
وكان اول مايخش الفصل يروح جايب ورقة الغياب ويكتبني حضور ويوقولي خدها سلمها بنفسك وامضيها
وماشوفش وشك تاني في الحصة
واقضيها انا بقة في لعب الكورة مع اي حصة العاب :yahoo: :yahoo:

 

[ارووجة]

:t33: هههههههههههه حلوة

 

[lovebjw]

هههههههههه
موضوع سكر يا ارووجة
انا زمان كنت شقى اوى
لدرجة انى مرة نطت من البلكونة عندنا بجد
معرفش ليه طقت فى دماغى انى انطق
والست اللى تحت قعدت تصوت يا لهوى الحقو الواد بيقع
وانا اللى كانت عايز انط اصلا
بس كانت تجربة حلوة
ومرة تانى اتخنقت انا واخوى وابن خالتى مع عيال فى الشارع اكبر مننا
ماسكنهم وحاطنهم فى شوال عشان يرحمو يمشو فى الشارع تانى
بس دا ايام الطفولة البرئية يعنى
وهابقى اكملكو باقى مشاغباتى بعدين

 

[ارووجة]

هههههههههه

حصل ايه معاك بعد نطتك من البلكونة

 

[lovebjw]

صدقنى قمت نفضت هدومى وخلاص
وكان مفيش حاجة حصلت
لكن لو عملتها دلوقتى
يمكن يطلق على اسم المرحوم
بجد

 

[Bero]

موضوع لذيذ او يا ارووجة ربنا يباركك
وبجد ياميرنا ان فطست على نفسى من كتر الضحك لما قريت ان اخواتك ضحكوا عليكى وشربوك الخل باين عليكى كنت خام خالص
وانا هاكلمكم عن موقف عملته من حوالى 10 سنين كده قدام بيت سيتى فى شجرة كبيرة فى الشارع وسيتى ساكنة فى الدور الاول روحنا جبنا سلك سنارة وحطينا فيه تعبان ابن خالى اقتله بجد مش بهزر كان تعبان طوله حوالى متر وبعدين حطيناه على الشجرة وربطنا بسلك السنارة وكان كل حد يعدى فى الشارع باليل كنا بنزل عليه التعبان واول ما ينزل على وشه كنا بنرفعه تانى للشجرة لفوق وكان كل واحد نزل عليه التعبان كان بيشتمنا ياقذر الشتائم وكانوا بيقولنا حرام عليكم احنا عندنا القلب والسكر هاتموتنا الله يخرب بيوتكم وكان بيقعودوا يدعو علينا وكان مرة فى بنتين ماشين من المرات روحنا نزلنا عليهم التعبان قعدوا يصروخوا بطريقة هستيرية من الخوف لغاية كان فى واحدة هتموت بس ربنا ستر معانا وماتتش
والموقف التانى كنت انا وابن عمى طلعنا على سطح البيت واشتيرنا 10 بيضات وكانت الناس الى حظها وحش اللى عدت فى الوقت كنا بنرمى عليهم البيض والناس تقعد تشتم ويقولوا انتم يابهايم حرام عليكم هدومنا اتوسخت هاروح الشغل ازاى بس هما مكانوش يعرفوا مين اللى بيرمى البيض عشان كنا بنستخبى بسرعة بس انا دلوقتى الحمد لله ربنا هادانى وبطلت اعمل الحكايات القرعة دى وتبت والحمد لله
اخوكم المتشرد فى صغره بيرو

 

[twety]

مواقفكوا حلوة ياشباب
انا كمان افتكر حاجه كده كنت بعملها غلاسه بس
كنت وانا نازله اشترى اى حاجه من تحت
كنت برن جرس البا على واحده جيرانا وانزل
ووانا طالعه اعمل نفس الحركه
وذات يوم وقفتلى ورى بابا بيتها :smil13:
وانا كالعادة رنيت وطالعه الشقه قفشتنى
وطلعت ورايا زعقتلى :a82:
بس كفايه ده النهاردة :t33:

 

[lovebjw]

ههههههههه
انا لو من الست دى يا تويتى كنت خليتكى انتى الجرس هههههههههههههه

 

[twety]

شكرا :smil13:
بس كلامك غللللللللط
دى حبيبتى بامانه :beee:

 

[lovebjw]

ياتويتى مانتى كل شوية توجعى دماغها
انتى من يومكى كدة

 

[ارووجة]

هههههههههههه بيرو دنتا شقي اووووووي

 

[ارووجة]

ههههههههههههه عسولتي تويتي جميل اوي

 

[جاسى]

اولا بجد موضوع تحفه
وانتوااااااااااااااااا كلكم تحف
هاحكلكم بقى انا كنت بنوته مصيبه بلوه كده
مره كنا عند عمى وهو لوحد فى البيت فبيقفلوا البيت من تحت وبيسيبوا باب الشقه فانا غفلتهم وطلعت على السطح والسطح ملهوش سور وبعدين ماما اكتشفت فطلعت بسرعه واعدت تندهلى وانا طبعا مكبره ليها وكل ما تقرب منى انا ابعد فهى خايفه تقربلى وبعدين جه اخويا اعدت يلهينى ويلعب معايا من بعيد واعد يقرب يقرب لحد ما مسكنى راحت ماما جايالى ومسكتنى واديتنى حته دين الم ههههههههههههه
وكنت بتفق انا واخويا على تيته وجدو هو يسلطنى اعض تيته وهو مره دخل جدو فى البلكونه علشان قاللوا هايوريله حاجه وراح جرى وقفل البلكونه عليه وسابه ومشى وطلع عندنا علشان هما ساكنين تحتينا
بس معلش طولت عليكوا اصلى سرحت فى ايام زمان وانا كان ليا مواضيع كتييييييييييير

 

[lovebjw]

ههههههههههههههههههه
ارووجة بجد شكر على الموضوع السكر دا اللى بيخلى الناس تنبسط بجد

 

[ارووجة]

رد على: ^_^ شارك معانا بطفولتك الجميلة ^_^

اولا بجد موضوع تحفه
وانتوااااااااااااااااا كلكم تحف
هاحكلكم بقى انا كنت بنوته مصيبه بلوه كده
مره كنا عند عمى وهو لوحد فى البيت فبيقفلوا البيت من تحت وبيسيبوا باب الشقه فانا غفلتهم وطلعت على السطح والسطح ملهوش سور وبعدين ماما اكتشفت فطلعت بسرعه واعدت تندهلى وانا طبعا مكبره ليها وكل ما تقرب منى انا ابعد فهى خايفه تقربلى وبعدين جه اخويا اعدت يلهينى ويلعب معايا من بعيد واعد يقرب يقرب لحد ما مسكنى راحت ماما جايالى ومسكتنى واديتنى حته دين الم ههههههههههههه
وكنت بتفق انا واخويا على تيته وجدو هو يسلطنى اعض تيته وهو مره دخل جدو فى البلكونه علشان قاللوا هايوريله حاجه وراح جرى وقفل البلكونه عليه وسابه ومشى وطلع عندنا علشان هما ساكنين تحتينا
بس معلش طولت عليكوا اصلى سرحت فى ايام زمان وانا كان ليا مواضيع كتييييييييييير

الحمد لله القصة انتهت على خير
ههههههههههه
ميرسي ليكي ياجميل عالمشاركة الظريفة دي

 

[ارووجة]

رد على: ^_^ شارك معانا بطفولتك الجميلة ^_^

ههههههههههههههههههه
ارووجة بجد شكر على الموضوع السكر دا اللى بيخلى الناس تنبسط بجد

لولا مشاركاتكم ماكان الموضوع سكرةة ^_^

 

[هاني ريعو]

رد على: ^_^ شارك معانا بطفولتك الجميلة ^_^

عمتا يا جماعه اسمحولي اشارك معاكم في الموضوع اللذيذ ده​

مرة وانا في ثانوي كنتت قاعد في فصلي وكانت حصه العربي...
دخل استاذ محمود اللي انا كنت بقولله يا استاذ حوده من كتر الهزار بيني وبينه
وكان الكلام ده في اخر السنه
فكان معظم الطلبه اللي في فصلنا غايبين.........
وكان اللي موجودين في الفصل كلهم من الشله بتاعتنا ماعدا4
المهم كنا قاعدين مخنوقين ومش عارفين نعمل ايه
فقولت لاستاذ حوده يالا بينا نلعب كوره تحت قاللي ماشي....ونزلنا نلعب
وإحنا في الحوش كنا عمالين نزعق(إلعب- باظي-شوط:yahoo:-ارفع يا اناني-شوط يا أعمي:a82
المهم واحد من الشله اسمه مينا دخل جون واستاذ حوده قعد يحضن في العيال بتوع فرقتنا وجه الناظر والمديرة مع بعض
اخوكوا هاني طبعا مايبيعش حد ابدا :smil12:
روحت قايله ايه بقي؟
(بالزمه مش عيب عليك؟____هو انت صغير علي الكلام ده؟ ــــــــ يا أخي عيب عليك ـــــــ إكبروا بقي علي اللي انتوا فيه ده ــــــــ مدرسين أخر زمـــــــــــــــــــن)
وأخدت بعضي وطلعت علي الفصل من سكات والله اعلم باللي حصل معاه بقي​

 

[ارووجة]

رد على: ^_^ شارك معانا بطفولتك الجميلة ^_^

هههههههههههههههههه ايوة باين مابتبعش حد ابدا
مسكين الاستاذ
ميرسي ليك اخي على مشاركتك الجميلة دي

 

[crazy_girl]

رد على: ^_^ شارك معانا بطفولتك الجميلة ^_^

ههههههههههههههههههههههه
اولا احب اعرفكوا انى لسه مبطلتش جنون وهبل على عبط :ura1:
بجد انا لسه مبطلتش ولو حكيت عن مواقفى مش هاخلص
هاخد المنتدى على حسابي
فبلاش
احسن
هههههههههههههههههههههه
هتتعقدوا منى

 

[ارووجة]

رد على: ^_^ شارك معانا بطفولتك الجميلة ^_^

اي عحسابك
خدي راحتك
المهم تضحكينا ^_^