عيال كئيبة ..!!

[عبود عبده عبود]

موقف اخر قبل ما اقوم يعني

ياريتك كنتى قمتى أحسن ...
وأستاذ الأنجيلش اللى شبه راغب علامة دة ياترى كان فى سنة كام ؟؟
يعنى كنت أعدادى ثانوى أبتدائية ؟؟

 

[عبود عبده عبود]

>>> ليه يا.. عبوووود يا أخويا.......[الأنانية دى ](..!!!)
لماذا تنسانى أنا .. أنا كمان من هذه الحقبة التى عشتها بكامل الانطباق
كما عشتها أنت
أنا دفعة السباتس
أنا بتاع السيكو
زادت غلاوتك يا أبو جاريبو [ يا ذوى القرابة بالصعيدى ] لانك من الزمن الجميل.

شاكك فيك أنك كنت على " أيامنا "
لذا سأطرح عليك سؤال لا يجيبه الا فتى كان على " أيامنا "
فاكر أعلان " سيكو أفندى " كان بيقول أية ؟

 

[عبود عبده عبود]

وكفاية عليك نكد كده :smile01:smile01

لية كفاية نكد ؟؟
أنا متعود يوميا آخد فنجان نكد بوش ع الصبح مع حتة كوكيز كآآبة ...تستقبلى يومك زى الطين
حاجة تفتح الشهية يعنى ...

 

[+Nevena+]

ياريتك كنتى قمتى أحسن ...
وأستاذ الأنجيلش اللى شبه راغب علامة دة ياترى كان فى سنة كام ؟؟
يعنى كنت أعدادى ثانوى أبتدائية ؟؟

هههههههههههههههه
هو دا موضوع للغلاسه ولا الذكريات يا بودي


كنت اولي ثانوي يا ولدي
يابني المستر كان معجب :99:
بس مكنش مصدق اني مسيحيه
وفاكرني قريبه حد هو يعرفه ومش عاوزه اقوله

كنت موزه زمان بقي هههههه :t30:

 

[عبود عبده عبود]

هههههههههههههههه
هو دا موضوع للغلاسه ولا الذكريات يا بودي


كنت اولي ثانوي يا ولدي
يابني المستر كان معجب :99:
بس مكنش مصدق اني مسيحيه
وفاكرني قريبه حد هو يعرفه ومش عاوزه اقوله

كنت موزه زمان بقي هههههه :t30:

زمان بس ؟
معنى كدة أنى هتفجع لو شفتك دلوقتى ؟؟:a4:
مالكيش عندى آيس كريم من ابو جنيه وربع
أنسى

 

[+Nevena+]

زمان بس ؟
معنى كدة أنى هتفجع لو شفتك دلوقتى ؟؟:a4:
مالكيش عندى آيس كريم من ابو جنيه وربع
أنسى

ههههههههههههههههههه

لا دلوقت حاجه تانيه خالص


وطبيعي هانسي الايس كريم ابو جنيه وربع دا



لاني عاوز ابو خمسه جنيه :99:

 

[عبود عبده عبود]

وطبيعي هانسي الايس كريم ابو جنيه وربع دا
لاني عاوز ابو خمسه جنيه :99:

أبو خمسة جنيه ؟
مش دة بتاع الأعلان اللى بياكل أبو صاحبه ؟؟
آآآبووووويااا عملت أيييية ؟؟؟

 

[Dona Nabil]

ايووون حلووو جداااااا المود ده يا عبوود
استمر كده بقى هههههه
الموضوع شيق متابعه اكيد

 

[عبود عبده عبود]

ايووون حلووو جداااااا المود ده يا عبوود
استمر كده بقى هههههه
الموضوع شيق متابعه اكيد

حضرتك لو فيه أى ذكريات بائسة ...ياريت تنفعينا

 

[+Nevena+]

أبو خمسة جنيه ؟
مش دة بتاع الأعلان اللى بياكل أبو صاحبه ؟؟
آآآبووووويااا عملت أيييية ؟؟؟

انشالله اعدم شوشو يا خويا
والنبي ما اعرف
لا انا اقصد بتاع قويدر :99:

 

[+Nevena+]

اقولكم موقف مضحك جدا مش يخصني قوي
هو يخص بنت خالي

ايام زلزال 1992 طبعا الكل فاكره
لانه كان قوي جدا ومحدش فاهم كان ايه اللي بيحصل وقتها

المهم مدرستها كانت جنب مدرستي
كانت هي واختي في مدرسه ابتدائي
وانا واختها في الاعدايه جنبهم

المهم
حصل الزلزال والمدرسين والاطفال كلهم بقوا يجروا
واللي ينط من فوق والسلالم مكربسه
والكل بيجري ومحدش عارف السبب

فطلعت اجري وانا واختها عشان نشوفهم

وندور بين العيال لحد ما لاقيت اختي
وهي لسه مش عارفين مكانها
وفضلنا يجي نص ساعه
وفيالاخر الاقي مدرس التاريخ جايبها ويقولنا
حرام بجد اللي عملته فيا دا
واحنا مش عارفين عملت ايه
والراجل حكي من هنا ومش مسكنا نفسنا
البت كانت لسه 4 ابتدائي
ولاقيت كل المدرسين بيجروا والعيال
ودا المدرس اللي قدامها راحت مسكت في رجل البنطلون
وقالتله مش هاسيبك يعني مش هاسيبك يقولها انا هنط سيبي
تقوله هنط معاك ماليس دعوه مش هتسبني لوحدي
المدرس دا كان يعرفنا طبعا
فضلت معاه لحد ما جبها وفضل يدعي علينا
هي نزله عياط واحنا ضحك من الموقف

فعلا كان هم يبكي وهم يضحك

 

[Dona Nabil]

حضرتك لو فيه أى ذكريات بائسة ...ياريت تنفعينا

ليه هو انت شايف انى مش قايمه بواجبى فى التنكيد عليكوا ولا ايه ههههه
اكييييد فى ذكريات كتير تنفع للموضوع ده بس الزهايمر شايف شغله معايا
هحاول اهرب منه حبه واافتكر اى حاجه واجى احكيها ..

 

[Twin]

عياااال كئيبة ​

 

[oesi no]

[YOUTUBE]e_2EzPWg20w[/YOUTUBE]

 

[حبيب يسوع]

الموضوع ليس نكد ولكن نتذكر ما كنا فيه وحالنا الان ونحمد ربنا على نعمه

 

[عبود عبده عبود]

عياااال كئيبة ​

ههههههههههههههههههههههههه
أى خدمة يا عمنا ...مش قلت من الأول ما سمعتش كلامى

 

[عبود عبده عبود]

خشى ياحوبوا ....أنا شايفك

 

[Desert Rose]

[YOUTUBE]e_2EzPWg20w[/YOUTUBE]

النكد الاصلى :99: رغم انى بحب الاغنية ديه بس الكمان بتاع ياسر عبد الرحمن ينكد على بلد بحالها:99: بس هى اغنية معناها حلو

 

[white.angel]

افتكرت موقف .... مش عارفه دماغى فكرت ازاى بالطريقه دى .... وقتها :11azy:

ليلة ما نتيجة الثانويه العامه ظهرت بتاعة تانيه ثانوى
انا قاعده بقى مستنيه النتيجه مش اقل من 96% وهبقى اتظلمت
وافاجئ بمجموع دمرنى وجابلى انهيار عصبى

بليييييييييييل بقى كلهم ناموا .... وانا قاعده بقول انا لازم انتحر
مفيش فايده خلاص مستقبلى ضاع ... وحياتى انتهت

انتحر ازاى بقى ..... احرق نفسى .... هبهدلهم الشقه وبعدين طريقه توجع ... وافرض انقذونى ... اعيش محروقه
ههههههههههههههههههههه

بلاش الحرق .... طيب اقطع شرايين ايدى .... انا مش جريئة عشان اعمل الحركه دى .... وعيطت كتير مش قادره اقطع حاجة ... بلاش دى ...

ابلبع برشام ... ممكن ينقذونى بردو واعيش بقرحه فى المعده ...

طيب انتحر ازااااااااااااااى ... اروح لخالو واخد المسدس من عنده واضرب نفسى بيه ... مش هعرف افتح الدرج دة مقفول ...

طيب انا بقول ... اذاكر واشد حيلى فى تالته اسهل من العذاب دة
هههههههههههههههههههه ...
ومانتحرتش ... بالذمه دى اشكال تنتحر 30:
​

 

[حبو اعدائكم]

هههههههههههههههه ماشي نقلبها ضحك وذكريات دراسيه بقي

افتكر موقف عمري ما هنساه ابدا
كنت لسه دخله اولي ثانوي
وطبعا في ابتدائي واعدادي كنت متعوده اني مش الم شعري
غير انه بطبعته كان حرير مهما حطيت فيه توك كانت بتقع لوحدها
المهم اول يوم في الثانوي
رحت بشعري عادي فاكره انه عادي بقي محدش هايقولي حاجه
وفجاه في الطابور قيت وحده بتشدني من شعري
كانت الهبله بتاعت الاخصائيه الاجتماعيه
وراحت قالتلي لمي شعرك دا يا حلوه انتي فاكره نفسك في حفله
قولتلها مش معايا توكه
قالتلي طب بنسه
قولتاها ولا بنسه وضحكت واصلا مش بيتلم
راحت بنت جنبي محجبه
قالتلها هاتي بنسه يابت بسرعه
ومسكت شعري بكل غل وفضلت تلم فيه وثبته بالبنسه
وهو يفك ههههههههههه
تلت اربع مرات
ويفك برده
راحت شدتني منه قوي وقالتلي بكره لو جيتي بيه كدا
هاقصه خالص
طبعا تاني يوم روحت لمته بدل ما يتقص
هههههههههه

نهاااار بلاك مدهون بلاك و مرشوش بلاك --
و انت سكتى لها!!!!!!!!!!!!!!!!!!!!!!
دى كانت تبقا وقعتها سوده لو مدرسه عملت كدا!!!
كانت تترفد من المدرسه فى نفس ذات الوقت (حلوه نفس ذات الوقت دى هههههههه)