هتدى صوتك لمين ؟؟؟

[R.O.R.O]

انا صووت لما صوتى راح خالص
على فكرة المنافسة كدة مابين السيسى وحمدين
منافسة غير متكافئة
لو كان حمدين نازل امام شفيق مثلا كنا نقول ماشى
لكن حمدين نازل امام الاسد
هو حمدين عارف انه كدة كدة ساقط ساقط
----------
انا سمعت ولكن مش متأكد ( مجرد اشاعات )
ان حمدين قبل اعلان النتيجة هابنسحب من السباق الرئاسى
ويدعى ان الانتخابات غير نزيهة حتى يعمل بلبلة وخلاص
وهو ده هدفه
افساد العملية الانتخابية
لانه عارف انه امام السيسى مجرد صفر على الشمال

يعمل اللى يعملوا ان شالله يتقلب قرد حتى
حد قاله يلعب مع الاسد يستحمل بقى
المهم انت مصوتش فوق والنحمة كانوا 6 مصوتين ولسة مازدوش ههههههه
​

 

[+ ميلاد العجايبى +]

يعمل اللى يعملوا ان شالله يتقلب قرد حتى
حد قاله يلعب مع الاسد يستحمل بقى
المهم انت مصوتش فوق والنحمة كانوا 6 مصوتين ولسة مازدوش ههههههه
​

والنحمة صووت
انشالله يخبطنى اتوبيس نهرى صووت
ما انا ابقى واحد من الستة
انا صووت قبل ما اكتب المشاركة
اصل انا كنت لسة راجع من الشغل جهزت العشاء وكنت بأكل وماسك الاكل بأيدى اليمين والماوس بأيدى الشمال وصووت
بس مش معقول كمان هاكتب مشاركة وانا بأكل
حد فهم حاجة ؟؟

 

[R.O.R.O]

ههههههههههههههههههههه
صعبت عليا تصدق
مصدقاك والنحمة يبقى هو حول عندى انا
شوفت الخمسة 6 هههههههههه
​

 

[johna&jesus]

السيسى ليه معرضش برنامج انتخابى
ليه مقلناش هيعمل ايه ؟؟
ليه اترشح بعد محلف انه مش هيترشح ؟؟
نفس مبداء الاخوان
وبدل الزيت والسكر
بقيت لمبات موفرة
انا بقدر الراجل دا وبحترمه
بس لو كان فضل
فمكانه فالجيش كان هيكون مصدر امان
اكتررررررر
​

​

 

[R.O.R.O]

السيسى ليه معرضش برنامج انتخابى
ليه مقلناش هيعمل ايه ؟؟
ليه اترشح بعد محلف انه مش هيترشح ؟؟
نفس مبداء الاخوان
وبدل الزيت والسكر
بقيت لمبات موفرة
انا بقدر الراجل دا وبحترمه
بس لو كان فضل
فمكانه فالجيش كان هيكون مصدر امان
اكتررررررر
​

​

كل البرامج اللى بيطلع فيها دى ومعرفتش هيعمل ايه :act31:
اقولك انا اترشح ليه يا فالح
اترشح لان الشعب كله عاوز كدا
وطلب منه انه يترشح
انا معاك ان مكانه صعب حد غيره يمسكه
بس قولى كدا مين اجدر منه يمسك البلد دلوقتى
ولا احنا شعب اتعود على الثورات
ومش عاوز يرتاح بقى ويبقى زى بقيت البلاد
مستغربة من مواقفكم اوووى :act23:


​

 

[ابن يسوعنا]

هو ممكن اروح النهاردة او بكرة انتخب لان مد الانتخابات يوم
لحد الاثنين

 

[R.O.R.O]

هو ممكن اروح النهاردة او بكرة انتخب لان مد الانتخابات يوم
لحد الاثنين

انت لسة مانتخبتش يا رمسيس
لا السيساوية اسرع من كدا ههههههه
​

 

[ابن يسوعنا]

انت لسة مانتخبتش يا رمسيس
لا السيساوية اسرع من كدا ههههههه
​

معلش ممكن النهارة او بكرة اعطل من الشغل واروح
لية انا بعيد عن السفارة المصرية بكتير

 

[واثقه فيك يارب]

السيسى ليه معرضش برنامج انتخابى
انت مابتتفرجش علي تلفزيون ولا ايه ياجون ؟
ليه مقلناش هيعمل ايه ؟؟
لو اتفرجت علي اي حوار له كنت عرفت هيعمل ايه
ليه اترشح بعد محلف انه مش هيترشح ؟؟
لا هو محلفش انه مش هيترشح انما مكنش لسه اخد قراره "تفرق"
نفس مبداء الاخوان
وبدل الزيت والسكر
بقيت لمبات موفرة
ايه اللي جاب طوخ لمليج دلوقتي ؟
انا بقدر الراجل دا وبحترمه
بس لو كان فضل
فمكانه فالجيش كان هيكون مصدر امان
اكتررررررر
علي فكرة عايزة اقولك ان السيسي كان في مكانة كويسة
وكبيرة ومحترمة جداااااا
كون انه يكون في القوات المسلحة ومشير
احسن بكتير من "الكرسي الرئاسي"
ومتنساش انه اما كان"قائد القوات المسلحه"
قدر انه يمشي "الرئيس" "المرسي"
يعني انا حابة اوصلك ان السيسي
مطمعش في الكرسي زي الاخوان ماعلملوا
وزي مانت شبهته بيهم دلوقتي
لانه كان في مكانة احسن من مليون "رئيس"

وبرضو cc:ura1:
​

​

 

[حبو اعدائكم]

صوتى للنسر ​

نسر مين -- دا عايز يتطخ بالفرفر

 

[حبو اعدائكم]

فكرتونى بفيديوا شوفته بتاع واحده ست مصريه---
سىسى يس سيسي يس
مرسى نو مرسى نو
سي سي يس سيسي يس

هاوس وايت- شات اب - يو- اند اوباما

:t13:

 

[tamav maria]

كان نفسي انتخب السيسي
وااااااااااااااااااااااااااااااااااااء
ماعرفتش انتخب

 

[+ماريا+]

اولا وحشتينا جدا رورو وحمدالله على سلامتك
منوره دايما بمواضيعك الجميله

صباحى ايه ومسائى ايه السيسى طبعا
بالرغم انا كنت ضد انه يترشح علشان محدش يقول انه طمعان فى الكرسى
لكن مفيش حد مناسب على الساحه السياسه غيره
وبعدين فى حد قالى ان متفق مع صباحى على انه ينزل قدامه
علشان مينجحش بالتذكيه وحد يشكك فى الانتخابات
وبكده تكون النتيجه من اختيار الشعب
مش عارفه حقيقة الكلام ده ايه بصراحه
لكن عموما السيسى طبعا لأننا بنتمنى الخير لبلدنا الغاليه

 

[oesi no]

هو انا بس اللى هنتخب حمدين ولا ايه
جاتكم وكسه

 

[+Nevena+]

حمدين كان خارج حساباتي من اول مره
ماكنتش برتاح لاي حوار ليه اطلاقا

فمستحيل انتخبه ولو كان اخر واحد في العالم


اما النحنوح دا بقي
فبرده رغم انه عمل شئ كويس جدا
لكن مش عارفه اتخيله رئيس

بس اذا لزم الامر
فممكن ابطل صوتي ارحم
ههههههههههههههههه

 

[oesi no]

حمدين كان خارج حساباتي من اول مره
ماكنتش برتاح لاي حوار ليه اطلاقا

فمستحيل انتخبه ولو كان اخر واحد في العالم


اما النحنوح دا بقي
فبرده رغم انه عمل شئ كويس جدا
لكن مش عارفه اتخيله رئيس

بس اذا لزم الامر
فممكن ابطل صوتي ارحم
ههههههههههههههههه

حمدين كويس leasantr

 

[oesi no]

كان نفسي انتخب السيسي
وااااااااااااااااااااااااااااااااااااء
ماعرفتش انتخب

 

[+Nevena+]

حمدين كويس leasantr

البس نظاره يا جو والنبي عشان تشوف حقيقته

حمدين من ساعه ما ظهر علي الساحه
هو اخواني بحت

وغير كدا وبعيدا عن كونه اخواني او لا

فهو لا يصلح ليصبح رئيسا لبلد بحجم مصر
هيغرقها اكتر مهي غرقانه


كفايه انه قال مره انه هيسمح لايران تدخل مصر


قال ايران قال

فوق يابني :smil16:

 

[oesi no]

البس نظاره يا جو والنبي عشان تشوف حقيقته

حمدين من ساعه ما ظهر علي الساحه
هو اخواني بحت

وغير كدا وبعيدا عن كونه اخواني او لا

فهو لا يصلح ليصبح رئيسا لبلد بحجم مصر
هيغرقها اكتر مهي غرقانه


كفايه انه قال مره انه هيسمح لايران تدخل مصر


قال ايران قال

فوق يابني :smil16:

البسي سماعه علشان تسمعى راى حمدين فى الاخوان ورأيه فى فترة حكمهم ورأيه فى الانقلاب الشعبي بتاع 3-7
​

متخليش كرهك للراجل يفقدك حياديتك
وبعدين مالها ايران
مشكله المسلمين مع ايران انهم شيعه
وبيخافوا انهم ينشروا التشيع فى مصر
لكن مشكلتنا احنا معاهم ايه
انا شايف ان ايران دوله قمعية بأمتياز
دوله مبارك متجيش فيها حاجة
لكن ده مش بيمثلى مشكله مع السياحه الايرانيه مثلا

 

[+Nevena+]

البسي سماعه علشان تسمعى راى حمدين فى الاخوان ورأيه فى فترة حكمهم ورأيه فى الانقلاب الشعبي بتاع 3-7
​

متخليش كرهك للراجل يفقدك حياديتك
وبعدين مالها ايران
مشكله المسلمين مع ايران انهم شيعه
وبيخافوا انهم ينشروا التشيع فى مصر
لكن مشكلتنا احنا معاهم ايه
انا شايف ان ايران دوله قمعية بأمتياز
دوله مبارك متجيش فيها حاجة
لكن ده مش بيمثلى مشكله مع السياحه الايرانيه مثلا

مش كره صدقني ولا يعني لي شئ
معلش كل الاخوانين بيقولوا انهم مش اخوان
وبيشتموا ويلعنوا في مرسي وفتره حكمه

يعني دا العادي بتاعهم

كون انه يسمح بدخول معتقد ضد معتقد بلده
فبدا هيكون عاوز حرب
ولا ناسي الحادثه اللي حصلت
كدا هيخلي البلد بحور دم بين الشيعه والسنه
ودا شئ غير محبب بالمره
مش كوني مختلفه في العقيده يبقي
هابقي مبسوطه بضرر غيري

قرار غير واعي لو اتنفذ

مع اليهود بيجيوا سياحه لكن رغم كدا
وجودهم مالهوش نفس تاثير الشيعه اذا جاوءا لمصر


وطبعا انا مش بفرض رايي علي حد
انا بقول اللي مقتنعه بيه

غير انه حمدين اصلا مش هو الشخص اللي يقنعني
يكون رئيس لمصر

مستحيل