التعليم وعجينة الطعمية

[YOYO JESUS]

عاملين اية !!
كلنا اتعلمنا , او المفروض اننا اتعلمنا
بابا وماما وانا صغيرة كانوا نفسهم يشوفونى حاجة كبيرة فى المجتمع .. عشان كدة اهتموا بالتعليم
قبل ما ادخل المدرسة كنت بعرف اكتب واقرا واتكلم انجليزى وعربى ... لما دخلت المدرسة .. " نسيت كل دة ":t23:
اول يوم فى الدراسة يستحيل انساه ... روحت المدرسة الصبح .. لما رجعت بابا وماما بقى عاوزين يشوفوا بنتهم بقى اللى هما اصلى ماسسينها هتعمل اية فى المدرسة !! ..
عملتى اية يابنتى !! .. معملتش حاجة ..
طيب خدتى اية .. !! .. الشنطة زى ماهى مخدتش حاجة
طيب اية اللى حصل .. !! .. مافيش دخلنا المدرسة وقفنا طابور ولقيت سنة 5 محدش موجود
قالوا ازاى محدش موجود ..!! .. قولتلهم كان فى ولد كدة واقف مربع ايده فا لمدرس قاله انت مربع ايدك كدة لية !! نزل ايدك
قاله مش كفاية انى انا جيت !!:smil8:
ودة كان اول حلم احلمه فى حياتى .. انى كان نفسى جدا ابقى فى سنة خامسة :smile02
وقفنا شوية وبعد كدة قالوا تحية العلم ... فلقيت نفسى بقول النشيد الوطنى لوحدى
فجالى مدرس قالى بصى ياحبيبتى متبقيش تقولى النشيد الوطنى عشان مايبقاش شكلك وحش :blush2:
بعد كدة بقى طلعنا الفصول .. اول حصة اية !! .. العاب .. نزلنا الحوش تانى
لعبتى اية !! .. لا ملعبناش .. احنا قاعدنا نلم الورق :t16:
وكنت مستغربة اوى احنا بنلم الورق دة لية واحنا فى اول يوم .. مين اللى جاء امبارح رمى الورق دة كله !!:smile02
التعليم عندنا مليان بلاوى ...
يعنى مثلا فى اعدادى اكتشفنا اختراع رهيب وهو " سور المدرسة "
سور المدرسة دة مش عشان منهربش سور المدرسة دة تمرينات لايقة بدنية مش موجودة فى المارينز
الناظر كنا بنتخيل انه عامل السور دة عشان يربينا كويس .. عشان بتوع التربية الرياضية مابيعملوش حاجة
كنا ننط .. نلاقى عيال دى مستنيانا تقولنا .. طلع اللى معاك "
انا كنت بدفع ربع جنية ..
وفى اخر الشهر نلاقيهم واقفين عند باب المدير ... تقريبا بيقبضوا
ساعتها اكتشفنا ان الناس دى تقريبا شغالة فى المدرسة ... دول طلابة شطارين جدا وبقوا مدرسين علينا ^^
نعدى من اعدادى ندخل فى مرحلة الثانوية العامة ... فى الثانوية العامة نسينا يعنى اية لابس مدرسة .... " تعالى بالجلابية :smile01"
كان فى 3 لقطات مهمين جدا بيحصلوا كل يوم فى المدرسة
اول لقطة : ان الناظر يمسك كل يوم الميكرفون ويتحايل على العيال الصايعة انها تتدخل المدرسة
ثانى لقطة : العيال الشاطرة بيتحايلوا على المدير يدخلوا المدرسة
ثالت لقطة : الاسعاف بتيجى تاخد استاذ محمد بتاع الجغرافيا والبوكس يجى ياخد عيل من اللى ضربه المستر
الناظر مش الظبط والربط .. لا الناظر من النظر
يعنى بينظر لنا فى التعليم اللى بنتعلمه
وبالتالى محدش فينا اتعلم اى حاجة ...:w00t:
المواد بقى اللى كنا بندرسها ... اول حاجة الثانوية العامة فيها اشتغالة جامدة جدا
اسمها علمى .. او ادبى
ان العلمى معتمد على تشغيل الدماغ .. والادبى على الحفظ
فتلاقى الطالب بتاع علمى يقول لبتاع ادبى ياابنى انتوا كلكم على بعضكم كدة كلكم حفظ مافيش تشغيل دماغ
ويدير يقول الى صاحبه ... " ايهاب حفظت قانون نيوتن " !! :smile02
طيب ولما بتاع الادبى من جواه مقتنع انه بيحفظ بس .. بياخد دروس لية !!!
يعنى مدرس التاريخ يفضل طول السنة .. " يقرا يقرا يقرا "
هو ثانوية عامة ادبى ولا محو امية !!!!!!!!!
اصلنا بلاش نشتغل بعض .. عارفين احنا بندرس اية !!
من سنة 80 لسنة 96
بندرس سطر واحد بس ... تعداد مصر فى الوقت الحالى 55 مليون نسمة
رغم ان انا فصلى نفسه فيه 80 مليون نسمة :fun_lol:
وتلاقى تامر امين ... بيقول تعداد مصر فى الوقت الحالى 80 مليون نسمة
انا لو طالبة .. اركز مع مين فيهم !!!!
ميلزمنيش الموضوع دة .. انا عارفة ال 80 مليون نسمة اللى عندى فى الفصل وانتهت
الكتب بقى اللى بناخد فيها الجملة دى :
اول مابنستلم الكتب بنعمل حاجة من 3
نرميها فى الشارع ... نديها الى عم محمد بتاع الطعمية وبترجعلنا قراطيس طعميه ... او نديها الى ابن خالتى الرخم اللى اصغر منى بسنة يقوم هو يديها الى عم محمد بتاع الطعمية وترجعلك برضه قراطيس طعمية
احنا كدة مش بندرس حاجة ... كدة معناه ان كل اللى بندرسه هو " عجينة طعمية " :smile02
​

 

[تيمو]

خسارة الورق يالي انطبعت عليه الكتب، وخسارة الشجر يالي قطعوه عشان يعملوا الورق يالي انطبعت عليه الكتب.

نايس توبك مع إنو مشكلة التعليم مش بس بمصر، هي على ما يبدو أزمة عربية وخصوصاً مع الاكتظاظ والتكاثر الأرنبي يالي بنعاني منه في بلداننا.

 

[tamav maria]

ههههههههههههههههههه
كل اللي درستوه طلع عجينة طعميه
هههههههه
شكرا لارا
موضوع ساخر ورائع

 

[kalimooo]

الله الله الله
شهيتيني اتجوز واخلف عيال وابعتهم يتعلموا بمصر
موضوع يستاهل تقاييم ههههههههههههههههه
ها نطخك تقييم
\

 

[ابن يسوعنا]

اولا
وجعلنا السور منطا للهاربين
ثانيا بتدفعي ربع جنية يا مفترية
انا كنت بطلع من الباب عادي مكنتش بهرب ولا حاجة
وكمان نتجمع مع بعض وزعيمهم انا طبعا قبل ما يضرب الجرس نقول اللي يدخل المدرسة يبقي ابن .......
محدش من الفصل يدخل
احنا لما نغيب نغيب فصل كامل او قرية كاملة
كنا بنتخانق مع قرية تاني قرية علي قرية
طبعا استدعينا شباب البلد معانا اللي كانت معاة سنجة واللي كان معاة مسدس
واللي كان معاة سكينة واللي كان معاة مشرط واللي كان معاة مطواة
واللي كان معاة سلسلة وعلي فكرة كل خناقة بينا وبين البلد دي كان طالب يموت من القرية التانية علشان الحكاية تخلص
وتاني يوم نلاقي مدير المدرسة بيندهنا بالاسم
وبوكس الشرطة قدام المدرسة
انا اخدت اقلام وركبت جميع انواع سيارات الشرطة في المحافظة
وفي الاخر نطلع بس بعد ما نتروق
كانت ايام هههههههه ربنا ما يعودها تاني
بس الحمد للة
3 كفوف لن انساهم الكف الثالث محستش بية اصلا بس شوفت ايد الظابط وهو بيرفها
المهم نجحنت وكنت من الناجخين طبعا
بس مكنش يعدي علينا اسبوع ومنعملش حاجة فية
ولا الامتحان لو مسعدناش بعض فية يبقي اللجنة الله يرحمها
ما فيش لجنة كانت بتكمل الامتحانات اصلا معانا

 

[soso a]

هههههههه
هو التعليم فاشل عارفين
لكن مش بالفشل اللى انتى رسماه ده

اه نسيت أرطيس اللب مش طعميه بس
ههههههههه

 

[YOYO JESUS]

خسارة الورق يالي انطبعت عليه الكتب، وخسارة الشجر يالي قطعوه عشان يعملوا الورق يالي انطبعت عليه الكتب.

نايس توبك مع إنو مشكلة التعليم مش بس بمصر، هي على ما يبدو أزمة عربية وخصوصاً مع الاكتظاظ والتكاثر الأرنبي يالي بنعاني منه في بلداننا.

الاكتظاظ والتكاثر الارنبى !!
ههههههههههههههه
بس هى مشكلة التعليم زيادة فى مصر بشكل ملحوظ واكبر من اى دولة تانية
نورت التوبيك ياميتو
​

 

[YOYO JESUS]

ههههههههههههههههههه
كل اللي درستوه طلع عجينة طعميه
هههههههه
شكرا لارا
موضوع ساخر ورائع

اى والله عجينة طعمية ..
نورتى الموضوع ياست الكل ياغالية
​

 

[YOYO JESUS]

الله الله الله
شهيتيني اتجوز واخلف عيال وابعتهم يتعلموا بمصر
موضوع يستاهل تقاييم ههههههههههههههههه
ها نطخك تقييم
\

اتكل على الله :t30::t30:
​

 

[YOYO JESUS]

اولا
وجعلنا السور منطا للهاربين
ثانيا بتدفعي ربع جنية يا مفترية
انا كنت بطلع من الباب عادي مكنتش بهرب ولا حاجة
وكمان نتجمع مع بعض وزعيمهم انا طبعا قبل ما يضرب الجرس نقول اللي يدخل المدرسة يبقي ابن .......
محدش من الفصل يدخل
احنا لما نغيب نغيب فصل كامل او قرية كاملة
كنا بنتخانق مع قرية تاني قرية علي قرية
طبعا استدعينا شباب البلد معانا اللي كانت معاة سنجة واللي كان معاة مسدس
واللي كان معاة سكينة واللي كان معاة مشرط واللي كان معاة مطواة
واللي كان معاة سلسلة وعلي فكرة كل خناقة بينا وبين البلد دي كان طالب يموت من القرية التانية علشان الحكاية تخلص
وتاني يوم نلاقي مدير المدرسة بيندهنا بالاسم
وبوكس الشرطة قدام المدرسة
انا اخدت اقلام وركبت جميع انواع سيارات الشرطة في المحافظة
وفي الاخر نطلع بس بعد ما نتروق
كانت ايام هههههههه ربنا ما يعودها تاني
بس الحمد للة
3 كفوف لن انساهم الكف الثالث محستش بية اصلا بس شوفت ايد الظابط وهو بيرفها
المهم نجحنت وكنت من الناجخين طبعا
بس مكنش يعدي علينا اسبوع ومنعملش حاجة فية
ولا الامتحان لو مسعدناش بعض فية يبقي اللجنة الله يرحمها
ما فيش لجنة كانت بتكمل الامتحانات اصلا معانا

دة انت رئيس عصابة يابيسو
دة انا جنبك تفلية :w00t:
​

 

[YOYO JESUS]

هههههههه
هو التعليم فاشل عارفين
لكن مش بالفشل اللى انتى رسماه ده

اه نسيت أرطيس اللب مش طعميه بس
ههههههههه

فكرتينى بقراطيس اللب دى :t9:

نورتى الموضوع ياحبيبة قلبى
​

 

[ابن يسوعنا]

دة انت رئيس عصابة يابيسو
دة انا جنبك تفلية :w00t:
​

انتي عايزة واحد عمرة ارعة عشر او خمسة عشر سنة هيبفقي اية طيار
لازم يبقي شايف نفسة وطول ما هو بعيد عن اهلة بيفتري
ولو اهلة شجعوة انة ما يسيبش حقة هيبقي جبان يعني
لازم يبقي اسمة من المشاهير في المدرسة
طيب انا حكيلك قصة بسيطة
لما بتيجي مدرسة الانجليزي اول ما تدخل الفصل عارفة بتقول اية ؟
شط يور موس ان شط يور بوك استند اب رمسيس
وفي احدي المرات مشي المدرس قبل الجرس ما يضرب وكانت الحصة التانية انجليزي روحط طالع علي السبورة
وقعت اكلم الزملاء بتلك الكلمات التي كتبتها
ولقيتها داخلة وقالت خليك مكانك قولت للشباب خلاص انا اللي هقول الدرس وهنعمل مراجعة النهاردة راحت جايبة المدير
المدير عملي جواب رفد مع احضار ولي الامر
مرضيضش اطلع من مكتب المدير غير لما اقلب الدنيا علي المدرسة وقولت انها مضهدناني وانا رايح المركز وهشتكيها وهاشتكيك بالمرة لية لاني مضطهد واسألل زمايلي
هو انا عملت اية
وكمان هقول لابوي وجدي وعمي فلان فلان دة لو نفخ في المدير هيحرقة
المهم قعدني شوية وقالي انتا شكلك غلبان روح فصلك ومتعملهاش تاني روحت قايل اية هي اللي معملهاش هي مطهداني وانا باشتكيها ليك جبلي حقي وكانت المس المحترمة هتروح فيها ومن ساعتها ما جبتش اسمي علي لسانها تاني

 

[grges monir]

مشكلة التعليم فى مصر مش زيادة اعداد وعدم وجود امكانيات
القصة فى منهجية اسلوب التعليم نفسة
عاوزة قنبلة عشان تتحسن

 

[soso a]

مشكلة التعليم فى مصر مش زيادة اعداد وعدم وجود امكانيات
القصة فى منهجية اسلوب التعليم نفسة
عاوزة قنبلة عشان تتحسن

عايزه تهدد وتبنى من تانى

 

[YOYO JESUS]

انتي عايزة واحد عمرة ارعة عشر او خمسة عشر سنة هيبفقي اية طيار
لازم يبقي شايف نفسة وطول ما هو بعيد عن اهلة بيفتري
ولو اهلة شجعوة انة ما يسيبش حقة هيبقي جبان يعني
لازم يبقي اسمة من المشاهير في المدرسة
طيب انا حكيلك قصة بسيطة
لما بتيجي مدرسة الانجليزي اول ما تدخل الفصل عارفة بتقول اية ؟
شط يور موس ان شط يور بوك استند اب رمسيس
وفي احدي المرات مشي المدرس قبل الجرس ما يضرب وكانت الحصة التانية انجليزي روحط طالع علي السبورة
وقعت اكلم الزملاء بتلك الكلمات التي كتبتها
ولقيتها داخلة وقالت خليك مكانك قولت للشباب خلاص انا اللي هقول الدرس وهنعمل مراجعة النهاردة راحت جايبة المدير
المدير عملي جواب رفد مع احضار ولي الامر
مرضيضش اطلع من مكتب المدير غير لما اقلب الدنيا علي المدرسة وقولت انها مضهدناني وانا رايح المركز وهشتكيها وهاشتكيك بالمرة لية لاني مضطهد واسألل زمايلي
هو انا عملت اية
وكمان هقول لابوي وجدي وعمي فلان فلان دة لو نفخ في المدير هيحرقة
المهم قعدني شوية وقالي انتا شكلك غلبان روح فصلك ومتعملهاش تاني روحت قايل اية هي اللي معملهاش هي مطهداني وانا باشتكيها ليك جبلي حقي وكانت المس المحترمة هتروح فيها ومن ساعتها ما جبتش اسمي علي لسانها تاني

لاتعليق :w00t:
​

 

[YOYO JESUS]

مشكلة التعليم فى مصر مش زيادة اعداد وعدم وجود امكانيات
القصة فى منهجية اسلوب التعليم نفسة
عاوزة قنبلة عشان تتحسن

عندك حق ياجرجس
نورت ياعريس
​

 

[Comment]

"No comment"

* * * * * * * * * *

* * * * * * * * * *

​

 

[YOYO JESUS]

* * * * * * * * * *

* * * * * * * * * *

​

هههههههه . كلهم حلوين اوى
​

 

[+ماريا+]

موضع ساخر وجميل جدا حبيبتى
ولمستى وتر حساس وهو مشكلة التعليم
العالم كله بيفرح ببدء العام الدراسى ماعدا الدول عربيه
تحس كأننا داخلين حرب مش هنتعلم حاجه جديده
بالرغم انه ساخر يويو لكنها مشكله حقيقيه فى مجتمعنا

 

[YOYO JESUS]

موضع ساخر وجميل جدا حبيبتى
ولمستى وتر حساس وهو مشكلة التعليم
العالم كله بيفرح ببدء العام الدراسى ماعدا الدول عربيه
تحس كأننا داخلين حرب مش هنتعلم حاجه جديده
بالرغم انه ساخر يويو لكنها مشكله حقيقيه فى مجتمعنا

ايوة ياماريا الناس كلها تفرح بقدوم العام الدراسى الا الطالب المصرى
لانه بيبقى معتمد على الدروس الخصوصية .. فبيبقى شايف ان المدرسة دى حاجة تافهة ملهاش لازمة
وكمان المدرسين فى المدارس مش بيعاملوا حاجة ... اكترهم بيدخلوا يناموا فى الحصص
نتمنى ان حال التعليم فى مصر يتقدم شوية
نورتى حبيبة قلبى ^^
​