طيب اوعديني انك هتعملى اللى هقولك علية بالتزام تام
1- كل يوم العبى رياضة 15 دقيقة على الاقل (رياضة عامة ولياقة بدنية او سويدي)
2- اشتغلى فى مجال تحبيه,
لو معندكيش مؤهلات تشغلك فى المجال اللى بتحبيه,
خدى كورسات انجليش و كمبيوتر ICDL أو جرافيك Photoshop مثلاً
3- الصلاة لوحدها لا تكفى روحى الكنيسة مرة كل اسبوع على الأقل
4- لو عندك هواية معينة كبريها وركزى عليها (رسم - صوتك جميل - ... )
5- لازم تعملى صداقات مع بنات من دينك ودا هيحصل من خلال ذهابك المنتظم للكنيسة ولو فية اى نشاطات او اجتماعات رحلات كنسية اشتركى فيها
6- كل يوم قبل متنامى صلى بحرارة وبصدق من كل قلبك ومتقوليش كلام مكتوب ومحفوظ, كلمية بكل صدق كأنك بتكلمى والدك, كلمى ربنا باللغة العامية, قوليله انتى حاسة باية, واطلبى منه انه يديكي الحكمة والمعرفة علشان تاخدى قرارات سليمة تتوافق مع مشيئته ليكي على الأرض
7- لو جاتلك فرصة للسفر الى الخارج مع اهلك .. وافقى
وعاوزك تعرفى انك هنا بين اخواتك
وكل اللى بتمرى بيه دلوقتى مجرد مرحلة وهتنتهى وهتبقى مجرد ذكرى قديمة فى حياتك لا اكثر ..
المهم تتماسكى واعرفى ان التجربة دى هتنتهى اكيد
وربنا معاكى
