- إنضم
- 24 ديسمبر 2008
- المشاركات
- 21,377
- مستوى التفاعل
- 3,544
- النقاط
- 113
تصدق فاتتني دي
خلاص اسال دونا هههههههه
خلاص اسال دونا هههههههه
"آدم" فى مأزق ... فى بنتين وولد ... مع شقاوه ووايت D:
- بادئ الموضوع white.angel
- تاريخ البدء
- إنضم
- 10 نوفمبر 2010
- المشاركات
- 8,448
- مستوى التفاعل
- 1,987
- النقاط
- 113
فين باقى التقطيع ؟ :new6:
Strident
مفصول لمخالفة قوانين المنتدى
لو ماكنتش متأكد انه تعليق يفطس م الضحك (لأن تعليقاتك كلها بتفطسني من الضحك) ماكنتش اتحايلت عليك!
الرجالة لبعضيهم يا دودو ما تشمتهمش فينا...اخلص
- إنضم
- 24 ديسمبر 2008
- المشاركات
- 21,377
- مستوى التفاعل
- 3,544
- النقاط
- 113
Strident
مفصول لمخالفة قوانين المنتدى
يا عم اقعد بقى كسفتني قدام الناس اخخص عليك....بكرة يستضيفوك واذلك تعليقات من ورا ضهرك!
هو كله بيعزني اوي كده ليه؟
وما تقولي رأيك كده على بال ما ينزلوا بالمجموعة التانية؟
عجبتنى جدا ردودك على الاسئلة يا جونى تحياتى
- إنضم
- 6 يوليو 2010
- المشاركات
- 3,777
- مستوى التفاعل
- 1,303
- النقاط
- 0
هنكمل معاك يا جون الجزء التانى :yahoo:واتمنى متبقاش زهقت مننا :dance:ونظراً لان ليك ملف قديم عندى :smil12: فاهنتسلى كتير مع بعض :spor2:
نبــــــــــــــدأ
2) والدتك رفضت البنت اللى بتحبها .. او لم تتقبلها .. :mus13:؟
3) خطيبتك طلبت منك انها تروح مشوار وانت رفضت ... وبالصدفه كنت انت هناك ... وشفتها ... :new2: ؟
4) زوجتك رفعت ايدها عليك فى ثورة غضب ... :bud:؟؟
1) هل تشترط جنسيه معينه للفتاه اللى هترتبط بيها ... ولا مبتفرقش ؟؟
2) من كلامك لاحظت انك لا تستطيع اخفاء نواقص حياتك .. كيف تتعامل مع نقاط النقص فى داخلك ؟؟
3) ماهو اول شئ يجذبك فى فتاه تلقاها لاول مره :w00t:؟؟
4) الا ترى ان تلقائيتك ... تضعك احياناً فى مواقف محرجه ؟؟
5) ماذا تفعل اذا رفضك الاخر .. او شعرت ان وجودك غير مرغوب فيه ؟؟
6) لاحظت انك بتخشى المقارنه بينك وبين اخر .. هل دة بيرجع لانك ترفض مبدأ وجود شخص افضل منك ؟؟
7) هل لك صديق/ه قديم/ه لازلت تحتفظ به .. عشرتكم اديلها كام سنه ؟؟
لــــــــــــــــــــــــــــــــو
1) زوجتك ليها صديق "انتيم" رجل :2:؟
2) والدتك رفضت البنت اللى بتحبها .. او لم تتقبلها .. :mus13:؟
3) خطيبتك طلبت منك انها تروح مشوار وانت رفضت ... وبالصدفه كنت انت هناك ... وشفتها ... :new2: ؟
4) زوجتك رفعت ايدها عليك فى ثورة غضب ... :bud:؟؟
ما رأيـــــــــــــك
1) هل تشترط جنسيه معينه للفتاه اللى هترتبط بيها ... ولا مبتفرقش ؟؟
2) من كلامك لاحظت انك لا تستطيع اخفاء نواقص حياتك .. كيف تتعامل مع نقاط النقص فى داخلك ؟؟
3) ماهو اول شئ يجذبك فى فتاه تلقاها لاول مره :w00t:؟؟
4) الا ترى ان تلقائيتك ... تضعك احياناً فى مواقف محرجه ؟؟
5) ماذا تفعل اذا رفضك الاخر .. او شعرت ان وجودك غير مرغوب فيه ؟؟
6) لاحظت انك بتخشى المقارنه بينك وبين اخر .. هل دة بيرجع لانك ترفض مبدأ وجود شخص افضل منك ؟؟
7) هل لك صديق/ه قديم/ه لازلت تحتفظ به .. عشرتكم اديلها كام سنه ؟؟
اسيبك مع شقاوه ... ولى عودة
:99:
:99:
Strident
مفصول لمخالفة قوانين المنتدى
زهقت ايه بالعكس
طيب حلو هنتسلى اوييي
عرفي انتيم....انا بالنسبة لي من اهم حاجات الزواج ان كل واحد بيكون اهم انسان في حياة الاخر...
انا زوجتي هتكون اهم عندي واولى حتى من اصحابي الوﻻد....ووقتي كله او معظمه هيبقى ليها...وهاقضيه معاها اكتر بكتيييير من اني اخرج مع اصحابي الوﻻد...ومستني ده كمان...
انتيم يعني ايه؟ تقضي معاه وقت اطول مني وتحكي له اسرارها ومشاكلها؟ ﻻ طبعاً ارفض...زي ما بارفضه على نفسي مستني منها انها ترفضه على نفسها....انتيمي هي مراتي وانتيمها ﻻزم اكون انا مش حد تاني
مش عارف ... مافكرتش فيها لأنها مش هتصل....ماما نفسها اصﻻً طيبة وعاقلة وواثقة فيا وانا مش مجنون...فمش هيبقى فيه خﻻف يعني لأني مش هاجيب واحدة رايحة في داهية ...
بس اشمعنى والدتي؟ اللي ممكن يعترض اكتر بابا بس حتى هو معترف اني عاقل ومش هيبقى فيه خناقة...وانا عموماً يهمني رأيهم بس انا مستقل وهم نفسهم عندهم ان ده قراري انا...وهم هيقولوا الرأي لكن ده حياتك انت وحلو او وحش على دماغك
بس انا مستبعد الموقف ده تماماً اصﻻً
هافرض جدﻻً انه حصل (هتعرفي ليه مش هيحصل كمان سطرين) انا اكره الكذب وعدم الوضوح.....افضل انها تعند وتقول لي في وشي ﻻ انا رايحة واعلى ما ف خيلك اركبه، عن انها تقول لي مثﻻً اوكي مش رايحة وتروح في الخباثة...
بس هو انا هارفض ليه اصﻻً؟ لو مختلفين هنتناقش وحد فينا هيقنع التاني وخﻻص فمش هيبقى فيه اضطرار انها تضحك عليا اصﻻً...
الموقف ده انا متخيله ممكن في حالة واحدة بس:
انا عايز اريحها في حاجة معينة....واقول لها خليكي بقى ما تتعبيش روحك انا هاعملهالك...واروح اﻻقيها هناك عشان هي مصممة برضو ماتتعبنيش مثﻵ
بس اكيد مش هتبقى خيانة للثقة ساعتها
موقف صعب بس مش هاضربها اظن....هو ممكن ارفع ايدي دفاعاً عن نفسي ك reflex يعني من غير ما افكر بس مش هاضربها ... اصﻻً انا اخر مرة ضربت حد (ولد او بنت) كان من زماااااااااان اوي وانا صغير فمش فاكر الضرب ده كان بيبقى ازاي اصﻻً
بس طبعاً لو انا مش غلطان ، اني اتصالح معاها في الحالة دي (انها ضربتني) هتبقى صعبة شوية وهيبقى عليها مجهود كبير انها تصالحني لو انا الغلطان (غلطة كبيرة) هاعذرها
ﻻ ما تفرقش خالص...بس اعتقد انتي عايزة تسألي عن الثقافة مش الجنسية...
الثقافة يعني حتى الآن افضل تكون قريبة مني...(عربية) بس انا مهيأ نفسي ان ممكن ارتبط بواحدة اجنبية ما بتتكلمش عربي خالص بس المهم تكون مسيحية
هههههه نواقص؟ ومن كﻻمي؟ طب زي ايه مثﻻً؟ هههههه
امممممم .... مش عارف ايه الاسئلة الصعبة دي؟
يعني باحاول ممكن احسنها او بكل بساطة...انا مثﻻً مش باحب الشعر....خﻻص مش هاقرا شعر على ايه اوجع قلبي يعني؟
اعتقد انا شوية كمان باتعامل مع نفسي على انها مش نواقص انما that's me....وباحاول بس اتأقلم وخﻻص...
واحدة معرفهاش وﻻ كلمتها وأول مرة اقابلها اكييييييييييد شكلها طبعاً!
انا ممكن احاول ارتب شوية حاجات تشدني من قبل ما اكلمها...بالترتيب:
- شكلها
- ستايلها وطريقة لبسها وتسريحتها ونضافتها (نضافة بشرتها او ضوافرها مثﻻً) وكده
ده طبيعي طبعاً لأن اول مرة عيني تقع عليها...
بعد كده بقى...انا مثﻻً عارف ان دي اللي رايح اكلمها....وشايفها من بعيد...
فبعد النقطتين اللي فوق...
- يظهر بقى مثﻻً طريقة حركتها (خفيفة - عنيفة - حيوية - مملة - همجية - منظمة) او طريقة اكلها مثﻻً
- طريقة كﻻمها وضحكها (تقول لي هي دمها تقيل مثﻻً وﻻ حيوية وLively كده) مثﻻً وهي قاعدة وسط ناس
بعد كده بقى وانا باكلمها يبتدي يظهر تفكيرها وكﻻمها بقى وكل الحاجات التانية
كتيييير....وباحاول اتعلم واتعلمت شوية فعـﻻً بس ماباحبش ابقى ممثل كتير بصراحة....احب اكون تلقائي وساعات اتمنى الناس تكون حساسيتها اقل شوية....بس انا عارف ان الناس مش هتبقى على مزاجي وباحاول اتعلم ان اقول كﻻمي بطريقة اظرف مثﻻً....
هتيجي مع الوقت وكتر التعامل...
وعلى فكرة برضو انا باحب نفسي شوية وباتمنى لو كانت الناس تقدر تفهمني اكتر زي مانا
احساس سييء جداً وهيحبطني كتير بصراحة....عشان كده مش بابقى جريء 100% في تقوية عﻻقتي بحد لو حاسس انه هيرفض... اه باخد شوية risks واجرب وعادة بتنفع بس لو عندي احساس قوي انه هيرفضني مش باعمل الخطوة دي...
لو انا ف مكان وحاسس اني غير مرغوب فيا هاتسحب وامشي ماحبش افضل في الاحساس ده...
ﻻحظتي فين طيب؟
اممممم شخصياً انا مقتنع ان فيه ناس كتير احسن مني ومتأكد من كده....دي مش بتعمل مشكلة...إﻻ ف حالة واحدة...لو انا عايز حاجة معينة وخايف من المنافسة من حد احسن...يعني اخاف مثﻻً اترفض ﻷن فيه واحد احسن مني (وهو فعﻻً احسن مني)...
وممكن نقول انا متذمر على شوية الحاجات اللي بره ايدي ما اقدرش اعدّلها....زي الطول مثﻻً...
انا مش فاهم السؤال اوي فلو الاجابة مش كافية ممكن توضحي السؤال اكتر وهاجاوب يعني
سواء السؤال ده او غيره
اه ليا اصدقاء من وانا عندي 8 سنين مثﻻً....يعني بقالها اهو 17 سنة
بس صديقة قديمة ﻷ...للأسف كنت في مدرسة بنين طول عمري
مستنيين وميرسي ع الاسئلة....
التعديل الأخير:
- إنضم
- 10 نوفمبر 2010
- المشاركات
- 8,448
- مستوى التفاعل
- 1,987
- النقاط
- 113
اجاباتك حلوة اوى ياجونى بجد عجبتنى
استمروا فى التقطيع هههههه
استمروا فى التقطيع هههههه
- إنضم
- 23 يناير 2012
- المشاركات
- 5,276
- مستوى التفاعل
- 1,807
- النقاط
- 0
رجعتلك تانى ... اجابات حلوة هتشعجنى اسأل اكتر :smil12:
1/ هل تعتبر نفسك رجل غيور ؟؟ ام لا ؟؟ و هل الغيرة سببها شعور بالنقص ؟؟
2/ كيف تتعامل مع المرأة الغيورة ؟؟
3/ قولت فى اجابتك
4/ اذكرلنا عيب شوفته فى نفسك و ازاى قدرت تغيره ؟ او لو معرفتش تغيره يبقى ليه ؟؟
5/ قريت قبل كدة رد ليك بتقول فيه ان حب الانترنت ربما يكون بداية لعلاقة حقيقية .. و دة بينافى كلامك ان الجمال اول حاجة بتجذبك .. ازاى هتقدر تحدد اللى قدامك جميلة ولالا من الانترنت ؟؟ وهل لو معجب جدًا بيها فكرًا و اخلاقًا و مطلعتش بالقدر الكافى من الجمال تتنازل عن الجمال ولا تتمسك به و تتنازل عن البنت نفسها ؟؟:yahoo:
6/ مهما كانت زوجتك جميلة اكيد فيه الاجمل منها .. لو افترضنا انك قابلت واحدة اجمل وبالصدفة اعجبت بيك .. هل وارد تعجب بيها و تخون زوجتك معاها ؟ وليه ؟:t32:
7/ مين هيكونله الاولوية فى حياتك .. زوجتك ولا والدتك ؟؟ و اشمعنا ؟:smil12:
8/ قولت فى ردك
9/ هل مؤمن بالصداقة بين الولد و البنت ؟ ولا لا ؟؟ و ايه رأيك فى اللى بيقولها عنها انها حب على نار هادية ؟؟:wub:
10/ من وجهة نظرك ايه اكتر عيب فى الرجالة ؟؟ و ازاى تتغلبو عليه ؟:a63:
11/ " دموع المرأة دموع تماسيح " مع ام ضد ؟؟ و ازاى بتتعامل مع بنت بتعيط ؟؟:cry2:
خلصت اسئلتى و اتمنى انها كانت خفيفة عليك .. اسيبك مع وايت و اخر مجموعة اسئلة
1/ هل تعتبر نفسك رجل غيور ؟؟ ام لا ؟؟ و هل الغيرة سببها شعور بالنقص ؟؟
2/ كيف تتعامل مع المرأة الغيورة ؟؟
3/ قولت فى اجابتك
هل تعتبره تعنت ولا عجز و لا عدم استعداد ؟؟:t32:
4/ اذكرلنا عيب شوفته فى نفسك و ازاى قدرت تغيره ؟ او لو معرفتش تغيره يبقى ليه ؟؟
5/ قريت قبل كدة رد ليك بتقول فيه ان حب الانترنت ربما يكون بداية لعلاقة حقيقية .. و دة بينافى كلامك ان الجمال اول حاجة بتجذبك .. ازاى هتقدر تحدد اللى قدامك جميلة ولالا من الانترنت ؟؟ وهل لو معجب جدًا بيها فكرًا و اخلاقًا و مطلعتش بالقدر الكافى من الجمال تتنازل عن الجمال ولا تتمسك به و تتنازل عن البنت نفسها ؟؟:yahoo:
6/ مهما كانت زوجتك جميلة اكيد فيه الاجمل منها .. لو افترضنا انك قابلت واحدة اجمل وبالصدفة اعجبت بيك .. هل وارد تعجب بيها و تخون زوجتك معاها ؟ وليه ؟:t32:
7/ مين هيكونله الاولوية فى حياتك .. زوجتك ولا والدتك ؟؟ و اشمعنا ؟:smil12:
8/ قولت فى ردك
هل هتقدر تستمر كدة كتير ؟؟ و هل التزامك الزايد عن الحد دة مش ممكن يسببلك ملل فى المستقبل ؟؟ :a82:
9/ هل مؤمن بالصداقة بين الولد و البنت ؟ ولا لا ؟؟ و ايه رأيك فى اللى بيقولها عنها انها حب على نار هادية ؟؟:wub:
10/ من وجهة نظرك ايه اكتر عيب فى الرجالة ؟؟ و ازاى تتغلبو عليه ؟:a63:
11/ " دموع المرأة دموع تماسيح " مع ام ضد ؟؟ و ازاى بتتعامل مع بنت بتعيط ؟؟:cry2:
خلصت اسئلتى و اتمنى انها كانت خفيفة عليك .. اسيبك مع وايت و اخر مجموعة اسئلة
نورتـنـــــــــــــا
Strident
مفصول لمخالفة قوانين المنتدى
طب كويس انها عجبتك
اسألي براحتك خااالص....يا ريت تسألي اكتر كمان الأسئلة دي سهلة اوي ﻻ ماعتقدش اني غيور....في اللبس مثﻻً انا معنديش اي مشكلة خااالص في اي لبس تلبسه....
اعتقد ممكن تكون شوية شعور بالنقص، او عدم ثقة في الطرف الآخر او خليط من الاتنين
هتبقى مشكلة كبيرة لو هي غيورة وشكاكة اوي...هتبقى خنقة بصراحة...
التعامل هيكون اني هاحاسب شوية في تعاملﻻتي اكتر من العادي لكن لو هي شكاكة بقى وتفضل تفتش ومفيش ثقة خالص مش هينفع
ﻻ دي طبيعة الراجل وحاجة defining ليه اصـﻻً...يعني عشان يغيرها مش هيبقى راجل by definition ...
وبالتالي فهاقول ان ده عجز
التشاؤم مثﻻً....زمان كنت دايماً افترض اسوأ السيناريوهات حتى لو احتمالها ضعييييف جداً واقضي وقت طويل قلقان من حاجة احتمال كبير اوي مش هتحصل واقعد احط خطط وافضل قلقان منها وكده...
دلوقتي مفيش باخطط اه بس مش بقلق ومش بافترض ان الفاس هتقع في الراس...
غيرته ازاي...امممم اعتقد غصبت نفسي شوية + اني كنت بقيت زهقت منه ومن نفسي وتعبت اللي حواليا....فبالتدريج الواحد بقى يقاوم انه يقعد يفكر فيها وخـﻻص...
وبقيت مستبيع سِنّة وكده
هههههههه انتي قلتي اول حاجة في واحدة بتقابلها....يعني انا معرفش فكرها وﻻ كلمتها قبل كده....اكيد ع النت مش هاعرف هي جميلة وﻻ ﻷ عشان كده النت لوحده مش كفاية...للجمال ده حاجة والحاجة التانية الاخﻻق والشخصية مش هتبان من النت وﻻ حتى من video زي skype مثﻻً...
انا النت اقصد بيه انه مجرد وسيلة لتوسيع الافق والتعارف....لكن عمره ما هيبقى كفاية لوحده...لو اعجبت بواحدة وتفكيرها وكﻻمها....وكان بداية لعﻻقة حقيقية...مش هاقول العﻻقة بدأت قبل ما اكلمها واقابلها فعﻻً ونرتاح لبعض ونتشد لبعض....
بالنسبة لي في الارتباط فيه شروط كلها ﻻزم تتحقق مع بعض...فالترتيب مش هيفرق ﻷن أي واحدة تنقص فيهم مش هينفع...
ولو شكلها معجبنيش اكيد مش هادخل العـﻻقة دي وهاتنازل عن البنت (كشريكة للحياة) لكن اكيد هافضل محتفظ بيها كصديقة....ومن الأول مش هاخد قرار الدخول في عـﻻقة قبل ما اشوفها
الفرق الوحيد ان ممكن تفكيرها يخليني اتنازل سنة...بس ﻻزم تعجبني زي ما انا قلت فوق والسنة دي مش هتبقى كتير اوي
أوﻻً: انا الخيانة مش من طبعي أصـﻻً وانا واحد باعتبر نفسي وفي وملتزم ومتحمل للمسئولية...يعني حتى لو انا عندي رغبة رهيبة في خيانتها ماعتقدش هاخونها أصـﻻً وهاعتبر مجرد التفكير ده خيانة ليها وﻻزم اعتذرلها عنه...
ثانياً: الجمال مهم أوي عندي اه لكنه مش كل حاجة....ومش لمجرد ان واحدة أجمل يبقى هتشدني اكتر....فيه بنات جميلة ورخمة ودي ما تنفعنيش...
وحياتي مع زوجتي المفروض بتخليها اقرب واقرب ليا...
زوجتي طبعاً....ﻷن ده الطبيعي...ودي خطة ربنا أصـﻻً....يترك الرجل أباه وأمه ويلتصق بامرأته...بس ده مش معناه اني مش هاسأل عن ماما يعني...
وﻷن انا هاكون اهم عن مراتي من باباها ومامتها....كمان هي ﻻزم تكون أهم عندي من بابا وماما...
كمان ﻷن دي حاجة بتميزنا عن المسلمين...ﻷن هم عندهم اهم امرأة في حياة الراجل أمه مش مراته....انما الست الأولوية لجوزها مش باباها وﻻ مامتها
هو مش التزام زايد على الحد....انا مش غاوي اصﻻً خروجات كتير والبيت والأسرة أهم عندي طول عمرها عشان كده أصـﻻً انا مش هاحس انه التزام زايد عن الحد....ممكن اه من وقت للتاني كل واحد يخرج مع اصحابه او صاحباته ويكون ليه حياته الخاصة عشان نشتاق لبعض ولكسر الملل....لكن بالتأكيد انا شرط اساسي عندي في اللي هاتجوزها ان تكون امتع اوقات هي اللي باقضيها معاها...
وبعدين 5 ايام في الاسبوع مش هاشوفها غير بالليل ع العشا ومفيش غير الويكند....هو انا هالحق اشبع منها كده اصـﻻً؟
الصداقة العادية وسط المجموعات وكده عادي...فانا هاتكلم على الانتيم او الbest friends
انا ما جربتش للأسف فمش هاعرف افتي....لكن في مصر وتربية المصريين اعتقد هيبقى حب على نار هادية....ماعرفش فعـﻻً ايه الوضع فمش عارف افتي ف دي
سؤال صعب ﻷنك عايزة عيب في الرجالة عموماً، مقارنة بالستات....اممم اكبر عيب....ممكن اقول ان الراجل مش صبور وانه ميعرفش يعيش من غير الست أبداً...معرفش يتعالج ازاي
كمان الخشونة والعنف...ممكن نقول القسوة مثﻻً زي الحروب وكده؟ بس مش عارف هل كل الرجالة ايه...
بس هو الاكيد....ان الواحد يحب يتعامل مع ست وﻻ يقعد مع 100 راجل زيه
وده اكيد بسبب عيوب الرجالة (بيزهق من الرجالة التانيين وعيوبهم فيحب يكلم الست )على حسب....ساعات تبقى دلع وهروب م المسئولية وساعات فعـﻻً بتبقى متضايقة وبتطلع مشاعرها...
هاتعامل ازاي؟ هاواسيها طبعاً هاعمل ايه يعني؟ بس لو هي ماسخة وبتعيط على كل حاجة بزيادة اوي وكمان عشان تهرب من مسئوليتها هاسيبني منها
خفيفة اوي انا مش عارف الاسئلة مش صعبة وانتو اللي تعبتو مني مش العكس....
خلوهم 66 سؤال بدل 44 انا مبسوط ومش حاسس ان جت اسئلة محرجة خالص
التعديل الأخير:
- إنضم
- 10 نوفمبر 2010
- المشاركات
- 8,448
- مستوى التفاعل
- 1,987
- النقاط
- 113
عجبتنى الاجابات للاسف مش عارفه اقطع :yahoo::yahoo:
Strident
مفصول لمخالفة قوانين المنتدى
معقول؟ دي تالت مجموعة وبرضو الاجابات عاجباكي ومش عارفة تقطعي
ده انا على كده حكاية
ده انا كنت متوقع اني هاتقطع 100 حتة بعد المجموعة دي على فكرة
خصوصاً اني اعترفت من غير ما اجمّل اي اجابة
- إنضم
- 6 يوليو 2010
- المشاركات
- 3,777
- مستوى التفاعل
- 1,303
- النقاط
- 0
ورجعنا تانى بعد فاصل من الاحداث المؤسفه وخطاب الرئيس اللى اسقط ضحايا اكثر من ضحايا بورسعيد نتيجة الشلل .. نستمر فى لقائنا الهادئ بعيداً عن كل هذا ... اعترف يا جونى ومتخبيش :hlp: :
... اعترف يا جونى ومتخبيش :hlp: :
1) لو بنت عجبتك وحبيت تغازلها ... هتقولها ايه ... بتعاكس ازاى من الاخر :hlp: ؟
2) "ثمه رجال لا تكسبينهم الا بالخساره .. " مامدى توافقك مع هذه المقوله
؟؟3) الى اى مدى يمكن ان تضحى من اجل امرآه :wub: ؟؟
4) "اثنان لا حدود لهم الكون والغباء ولو اني غير اكيد بشأن الكون "
تعمل ايه لو اضطريت تتعامل مع شخص غبى ... فى مجال العمل مثلاً
leasantr ؟؟5) اذكرلى عضوة من المنتدى لها الصفة التالية
( قدام كل صفة عضوة ) :
- ذكية
- دمها خفيف
- اجتماعية
- قوية
- تتوقع انها جميلة
- رقيقة
- مثقفة
6) ليه الرجل الشرقى "عينه زايغه" :smil12:؟؟
7) ايهما انتقامه اقوى واشد .. انتقام رجل من امرآه .. ام انتقام امرآه من رجل ؟؟
8) ماهى نقطة ضعفك أمام المرأة :wub: ؟؟
9) ايه الموقف او الصفة اللى لو اكتشتفتها فى بنت تقطع علاقتك بيها تماما :banned: ؟؟
10) عمرك اتكسفت قدام بنت :08: ؟؟
11) صف شقاوه ووايت كما تراهم .. - ابدأ بالمميزات انت فى موضوعنا - :smil16: !!
بعتذر عن التأخير ...
وبتمنى تكون الاستضافه امتعتك زى ما امتعتنا ...
اتشرفنا بيك جونى .
:Red_Heart_Balloon: :16_4_10: :Red_Heart_Balloon: :16_4_10: :Red_Heart_Balloon: :16_4_10:
وبتمنى تكون الاستضافه امتعتك زى ما امتعتنا ...
اتشرفنا بيك جونى .
:Red_Heart_Balloon: :16_4_10: :Red_Heart_Balloon: :16_4_10: :Red_Heart_Balloon: :16_4_10:
التعديل الأخير:
Strident
مفصول لمخالفة قوانين المنتدى
ورجعنا تانى بعدفاصل من الاحدا المؤسفه وخطاب الرئيس اللى اسط ضحايا اكر من ضحايا بورسعيد نتيجة الشلل .. نستمر فى لقائنا الهادئ بعيداً عن كل هذا
هههههههههههههه بصراحة اه....بس انا في خطابه ده وانا باتفرج شتمته كتير على فكرة
ااااااخ الاسئلة المرة دي كلها قنابل....ربنا يستر....
امممم شخصياً باكره جداً ان بنت تحرجني....فمبدئياً مش باعاكس او حتى ابدي اعجابي بلبسها مثﻻً لو حاسس انها هتحرجني...مثﻻً لو واحدة ما اعرفهاش اصﻻً ماشية في الشارع اكيد وﻻ هاكلمها...
انما عموماً لو واحدة عاجباني وفيه مجال (حتى لو ما اعرفهاش بس اتكلمنا لسبب ما ... استنينا في طابور مثﻻً اي حاجة)....باقول كلمة رقيقة وقصيرة، وتكون بطريقة عادية وتلقائية جداً...وطبيعية مع الموقف مش مفتعلة يعني...
بما انها اعتراف بقى....
مثﻻً معانا سكرتيرة هنا ... فلسطينية هي....وظريفة يعني وشيك وكده...وف يوم كانوا بيصوروا كل واحد فينا....فهي كانت معايا انا وواحد تاني وقالت انها مش هتتصور عشان مش جاهزة ومش جايبة فستان وكده...
فقلت لها طب ليه مانتي شكلك حلو....بس فقالت شكراً وابتسمت وخـﻻص...ومفيش اي عﻻقة معاها عشان بس اللي دماغه هتروح بعيد
2) "ثمه رجال لا تكسبينهم الا بالخساره .. " مامدى توافقك مع هذه المقوله
اممممم مش فاهم اوي بصراحة....خسارة يعني تمثل انها ضعيفة او مابتعرفش تلعب لعبة معينة مثﻻً؟
ممكن مع بعض الرجالة....فيه ناس عندها عقد مثﻻً تحب تحس انها القوية والمسيطرة...
انا شخصياً تجذبني البنت الناجحة والقوية....بس ماتكونش مغرورة لأن اكتر حاجة تضايقني في بنت ان يبقى صعب ان حد يوصل لها او يكلمها...او تكون مغرورة او شايفة نفسها زيادة...
هممممم انا اعتقد انتي تقصدي تضحي من اجل حب امرأة...صح؟ اصل طبيعي لو واحدة في خطر قدامي هاحاول انقذها يعني...بس ما اعرفش هاموت نفسي بدالها وﻻ ﻷ....
وطبيعي لو مراتي وﻻ ماما مثﻻً اموت نفسي عشان انقذها....
اما لو قصدك بقى لحد فين اضحي عشان اكسب حب واحدة....اممم لو حسيت انها مش هتبادلني نفس الشعور هابعد اعتقد ومش هاكمل....لو خدت كام خطوة الأول وهي مفيش استجابة خﻻص مهما كانت عاجباني مش هاقرب اكتر من كده وهاشوف حد تاني...مش هاموت نفسي يعني ويا اما اعيش معاها يا اما ﻷ...
4) "اثنان لا حدود لهم الكون والغباء ولو اني غير اكيد بشأن الكون "
تعمل ايه لو اضطريت تتعامل مع شخص غبى ... فى مجال العمل مثلاً
ااااااه جيتي ع الجرح....انا باكره الغباء بيشلللللني...وخصوصاً لما يكون غبي ومتمسك برأيه كمان بابقى عايز اكسر دماغه ساعتها...
لو مضطر اتعامل مع حد كده ... ربنا يستر هافضل امسك نفسي لحد ما انفجر وارتكب فيه جناية...واعتقد من وقت للتاني ممكن اعصابي تفلت وازعق مرة او اتكلم بنبرة مش اد كده...وخصوصاً لو عمل حاجة بغباءه واذتني
( قدام كل صفة عضوة ) :
- ذكية
- دمها خفيف
- اجتماعية
- قوية
- تتوقع انها جميلة
- رقيقة
- مثقفة
[/FONT][/QUOTE]
ااااااااخ طب ليه الاسئلة المحرجة دي بقى ى ى ى ى؟ انا كده هاتقتل
بصي طيب بما ان السؤال ده رقبتي هتطير فيه...
فخليني اسخنه شوية قبل ما اجاوب...وبالمرة هازود لكو المشاهدات لرقم قياسي....اكتر من المصطبة يمكن
وهاكسبكو فلووووس ادددد كده...احنا نفتح جولة مراهنات...
كل واحدة وممكن كل واحد برضو من المشاهدين يتوقع انا هاقول مين في كل واحدة...
كل واحدة او واحد يدفع 200 جنيه....ومع كل اجابة صح ياخد 50...
ولضمان النزاهة واني مش هاستغل اجابات المراهنين عشان اتﻻعب او اغش، هابعت لك الاجابات ع الخاص قبل ما اي حد يكتب حاجة وتعرضيهم انتي
ايه رأيكو؟
ههههههه كنت لسه باكلم صاحبي الالماني ده ع الغدا النهاردة، وسألته عن رأيه في قضية شفتها قبل كده وهي: هل الراجل سطحي اكتر من المرأة ومهتم بالجمال اكتر؟ هو كان شايف انه ﻷ...وانه بس احنا بنعترف بيها اكتر من الستات بس....مثﻻً رجالة كتير تهمها ان الابتسامة تكون حلوة...ودي بنعتبرها شكل...البنات يهمهم الابتسامة برضو بس مش بيعتبروها شكل
دي حاجة على جنب كده...عشان اقول انه الرجالة في كل مكان يهمهم الجمال إلى حد ما...وحتى الستات كمان....
ليه الرجل الشرقي بالذات بقى عينه زايغة وانا فعﻻً اظن انه عينه زايغة اكتر من غيره...اممم...مش عارف...ممكن نقول مثﻻً بسبب نظرته للمرأة انها سلعة او على احسن تقدير انسان وُجد لمتعته هو...حاجة يستمتع بيها زي ما هو عايز...ومهمتها في الحياة هي اشباع رغباته...فيه ناس كتير هتقول الميديا والإعﻻم، بس انا اظن انه من قل اختراع التليفزيون، من ايااام ما كانوا بدو في الخيام وهم عينيهم زايغة، بأمارة الجوازات الكتير واسواق الجواري وكده...
بصي....فيه كذا نظرة للموضوع ده....لو انا كراجل وفيه راجل تاني زعﻻن مني، وست زعﻻنة مني....اعتقد هاخاف اكتر من الراجل...انتقام الراجل وكيده لراجل تاني فظيع ومليان عنف وقسوة وشراسة...
الست ممكن تأذيني اكتر بس هيكون بطريقة تدمير الحياة... يعني لو هاعمل تشبيهات...الراجل يفجر الراجل بقنبلة...الست تسمه وتخليه يموت في 10 سنين!
بس لو هنقارن بقى راجل بينتقم من ست بالنسبة لست تنتقم من الراجل....الراجل مهما عمل، هيبقى حنين شوية...او مش هيقدر يمارس كل عنفه قدام الست...مهما حصل هتصعب عليه او كده....الست بقى انتقامها ممكن يكون صعب جداً خصوصاً انها بتشيل وتشيل وتشيل...وساعتها مش هيهمها....بس ده في الاحوال الextreme اوي...غير كده ممكن تسامح وتفوت...
امممم....مش كفاية تكون جميلة...ﻻزم تكون جميلة وجذابة ليا، بس فوق كده...واهم حاجة تخليني ضعيف قدامها ومستعد اعمل لها اي حاجة...اني احس انها مقدرة ده مني وانها تدلع عليا شوية وتحسسني انها مبسوطة وهي معايا...
همممم....ولو ان تماماً دي صعبة شوية....بس ممكن اقول الغدر والخيانة والكذب طبعاً....
ماعتقدش كسوف، لكن ممكن مثﻻً واحدة كنت ابقى عايز اكلمها لأول مرة مثﻻً ومش عارف ... خايف اكلمها تحرجني...
شقاوة ذكية وجريئة اوي ومنفتحة جداً ومثقفة وقوية...
عيبها انها عنيدة ودماغها ناشفة شوية
وايت...ذكية اوي ومنفتحة جداً...وروقاااان زي الصورة اللي هي حاطاها...وطيبة كده وحبوبة
عيبها....مختفية على طول وفيييين على ما ترد
الشرف ليا انا وانا استمتعت جددددداااا بالأسئلة....خصوصاً الكام واحد المحرجين دول...
لو عليا اتمنى اكمل شوية وخلوها 66 سؤال
[/SIZE]
التعديل الأخير:
- إنضم
- 6 يوليو 2010
- المشاركات
- 3,777
- مستوى التفاعل
- 1,303
- النقاط
- 0
ااااااااخ طب ليه الاسئلة المحرجة دي بقى ى ى ى ى؟ انا كده هاتقتل
بصي طيب بما ان السؤال ده رقبتي هتطير فيه...
فخليني اسخنه شوية قبل ما اجاوب...وبالمرة هازود لكو المشاهدات لرقم قياسي....اكتر من المصطبة يمكن
احنا نفتح جولة مراهنات...
كل واحدة وممكن كل واحد برضو من المشاهدين يتوقع انا هاقول مين في كل واحدة...
كل واحدة او واحد يدفع 200 جنيه....ومع كل اجابة صح ياخد 50...
واللي هتجيب اعلى score ليها كمان من عندي.......بوسة..
ولضمان النزاهة واني مش هاستغل اجابات المراهنين عشان اتﻻعب او اغش، هابعت لك الاجابات ع الخاص قبل ما اي حد يكتب حاجة وتعرضيهم انتي
ايه رأيكو؟
لا يا حلو .. زى الشاطر جاوب على السؤال واتقتل :a63:
Strident
مفصول لمخالفة قوانين المنتدى
بﻻش انا قلت اكسبكو كتييييير!
طيب عضوة واحدة بس قدام كل صفة؟ وﻻ أكتر؟