أستني اعرف الاول

[ابن يسوعنا]

مترميش اللمة الموفرة
لانها بتنور تاني باقل التكاليف

قبل الدخول في الموضوع
يجب توافر الاتي
1- افوميتر (للقياس)
2-كاوية
3قصدير

اولا نضع الافو ميتر علي الصافرة
لقياس زجاج اللمبة
من طرفيها
المشارر اليهم بالاسهم

ان صفر او اخرج صوت الافو ميتر تكون الزجاج سليم وسوف يستجيب بعدالاصلاح
ثانيا علي وضع الصافرة برضة
نقيسالمكثف السيراميكي الاخضر اللي بيضهر بين الاسلاك الموصلة بالزجاج
اذا صفر كدة المشكلة في المكثف
وقوة المكثف 1200 فولت او 1250فولت وغير موجود بمحلات قطع الغيار
بس لية بديل في متناول الايدي
(وهو الاستارتر بتاع اللمبة النيون )
ومكتوب علي هذة القطعة
الرقم 472

كدة العطل انتهي واللمبة هتنور

دي تاخد القطعة الملفوفة بديل للمكثف

وتتفحص جيدا المكثف الكميائي
وهو غالبا يحمل الرقم 400فولت علي 10 يو اف ميكرو فرات
عطلة بيكون منفوخ او مرشح من تحت عن الارجل
يتم تغيرة بس احترس لانة لية سالب وموجب
العطل الاخير
والمهم
نفحص بالافوميتر موحدات التيار السيلكون او الدايود وهو سالب وموجب وشكلة زي المقاومة اللي لونها ازرق

ودي لو الصافرة اشتغلت علي قياسها من الطرفين تكون خربانة ولو من جة واحدة وعدت الر قام تكون تعمل بشكل جيد
والنقطة الاخيرة
المقاومة اللي باللون الازرق بالصورة عطلها انها تكون مفحومة او محرقة والحرق باين فيها
وتغييرها بنفس الالوان والاتجاة
ملحوظة ممكن يكون سلك مش موصل وبيخلي اللمبة مش شغالة
علشان كدة احرص علي عدم رميها في سلة المهملات
مستعد للمناقشة وحلول بعض المشكلات في هذا الموضوع
خبرة 5 سنوات
لا

فين التقيمات علشان الموضوع هنطالب بتثبيتة
علشان الاعضاء والزوار يستفيدوا
انتظرونا في اصلاح جميع الاعطال المنزلية
لانها سهلة جدا

​

 

[واثقه فيك يارب]

يجب توافر الاتي
1- افوميتر (للقياس)
2-كاوية
3قصدير

طيب اللي هيخليني اجيب كل الحاجات دي
اجيب لمبه جديده اوفر واحسن واسهل واضمن

شكرا رمسيس عالموضوع اللي اكيد هيفيد ناس كتير
​

 

[ابن يسوعنا]

ايوة
كلامك صوح بس انا مليت كرتونة فيها اكثر من 50 لمبة قبل ما اسافر
يعني بطلت اشتري لمبات
الافوميتلر مشتية 27 جنية وكاوية 10 جنية وكمان القصدير اللفة 3جنية تيجي فيها حوالي 3متر
يعني انا ليا الفترة دي انا موفر فيها مبلغ وقدرة
وبعدين الية ادفع تمن لمبة وانا اصلحها ببلاش
​

 

[عبود عبده عبود]

مش عارف ...بس متهيألى ان اللمبة الموفرة دى
أختراع أبن ........... لب فاشل
بتضعف بعد فترة ...وبتجيب لى العصبى
النيون الألكترونى أحسن وأوفر ومش بيضعف
وألا أية رأيك ؟
​

 

[واثقه فيك يارب]

ايوة
كلامك صوح بس انا مليت كرتونة فيها اكثر من 50 لمبة قبل ما اسافر
يعني بطلت اشتري لمبات
الافوميتلر مشتية 27 جنية وكاوية 10 جنية وكمان القصدير اللفة 3جنية تيجي فيها حوالي 3متر
يعني انا ليا الفترة دي انا موفر فيها مبلغ وقدرة
وبعدين الية ادفع تمن لمبة وانا اصلحها ببلاش
​

اهااا
ماهي الميزة انك هتعرف تصلح اللمبات اللي باظت
ودي موهبه اكيد ربنا انعم عليك بيها
بس غيرك اكيد مايعرفش يركب لمبه في النجفه حتي
زي حالاتشي كدا:smile02
​

 

[ابن يسوعنا]

يا استاذ عبود لما تضعف اللمبة تغير علطول القطعة اللي مكتوب عليها 1200فولت باقطعة اللي لافي الاسستارتر بتاع النيوع هتعيش معاك كتير دي حلها سهل
​

 

[ابن يسوعنا]

اهااا
ماهي الميزة انك هتعرف تصلح اللمبات اللي باظت
ودي موهبه اكيد ربنا انعم عليك بيها
بس غيرك اكيد مايعرفش يركب لمبه في النجفه حتي
زي حالاتشي كدا:smile02
​

انتي مصعبة الامور خالص
انا مكنتش اعرف انا خريج تجارة لكن لما قرفت من اللمة وتتحرق بسرعة عملت كدة وليا 5 سنين مش مشتري لمبة
وكمان منور الشارع كلة لمبات موفرة ههههههههههه
انتي افتحي اللمبة واتعرفي عليها الاول هتلاقيها سهلة جدا ومع الممارسة هتعرفي العطل علطول

 

[واثقه فيك يارب]

انتي افتحي اللمبة واتعرفي عليها الاول هتلاقيها سهلة جدا ومع الممارسة هتعرفي العطل علطول

​

 

[ابن يسوعنا]

​

اشتروا فلتر للمياة
هههههههوحطوا لمبة موفرة فوقية

 

[+ ميلاد العجايبى +]

ان صفر او اخرج صوت الافو ميتر تكون الزجاج سليم وسوف يستجيب بعدالاصلاح

الجديد اللى مش الكل يعرفه هو
ان اذا وجدت احدى فتايل الزجاج محترقة يمكنك عمل شورت ( كوبرى ) علي الفتيلة وسوف تعمل اللمبة بدون اى مشاكل

نقيسالمكثف السيراميكي الاخضر اللي بيضهر بين الاسلاك الموصلة بالزجاج
اذا صفر كدة المشكلة في المكثف

معاك حق معظم عيوب اللمبة الموفرة تكمن فى هذا المكثف
ولهذا السبب عندما فكرت فى انتاج تلك الدائرة فى مصنعى وضعت بدلا منه مكثف 2000 فولت وجودة عالية

وقوة المكثف 1200 فولت او 1250فولت وغير موجود بمحلات قطع الغيار

من قال كدة المكثف متوفر فى الاسواق وسعره زهيد جدا
ولو عاوز منه 50000 تعال خذ من عندى ههههههه

(وهو الاستارتر بتاع اللمبة النيون )
ومكتوب علي هذة القطعة
الرقم 472

الاستارتر التقليدى لا يصلح كبديل لهذا المكثف
واذا كنت تقصد فك الاستارتر واخذ المكثف الموجود بداخله
فأعتقد ان قيمته صغيرة جدا تقاس pf
اما مكثف اللمبة الموفرة فقيمته 472 يعنى 4.7nf
ويمكن ان تصل الى 10nf ( يعنى 10 نانوفراد ) يعنى 10000pf بيكوفراد

وتتفحص جيدا المكثف الكميائي
وهو غالبا يحمل الرقم 400فولت علي 10 يو اف ميكرو فرات
عطلة بيكون منفوخ او مرشح من تحت عن الارجل
يتم تغيرة

مكثف تنعيم التيار نادرا مايحدث به عطل
وان حدث به عطل ستعمل اللمبة بدونه ولكن كانها بها رعشة
فى الاضاءة لان موجة التيار ستكون متعرجة

بس احترس لانة لية سالب وموجب

برافو عليك المكثفات الكميائية هى مكثفات ذات قطبية
​

والمهم
نفحص بالافوميتر موحدات التيار السيلكون او الدايود وهو سالب وموجب وشكلة زي المقاومة اللي لونها ازرق
ودي لو الصافرة اشتغلت علي قياسها من الطرفين تكون خربانة ولو من جة واحدة وعدت الر قام تكون تعمل بشكل جيد

تمام كدة
وعند تغييرها يجب مراعاة اتجاه الدايود

المقاومة اللي باللون الازرق بالصورة عطلها انها تكون مفحومة او محرقة والحرق باين فيها
وتغييرها بنفس الالوان والاتجاة

خلى بالك تلف المقاومات دليل قاطع على تلف الترانزستورات ايضا
ورقما (13003) فى اللمبة 26 وات

وكفاية كدة احسن انا وانت نأخذ كارت احمر من المنتدى
لاننا حولنا منتدى الكنيسة لمنتدى الكترونيات
وتصبح على خير يا رمسيس

 

[ابن يسوعنا]

منتظرك يا استاذ ميلا د
وتجيب بالصور طريقة عمل الشورت
زي ما قولت في الاقتباس دة

الجديد اللى مش الكل يعرفه هو
ان اذا وجدت احدى فتايل الزجاج محترقة يمكنك عمل شورت ( كوبرى ) علي الفتيلة وسوف تعمل اللمبة بدون اى مشاكل

 

[ابن يسوعنا]

ويا سيدي متقلقش
مفيش كارت احمر ولا حاجة انتا هات مواهبك الكل يستفاد بيها
انا عن نفسي بتعلم حاجات كتير
دة كمان عايزين نعمل قسم للمواهب الللي لاعند الاعضاء
كل واحد عندة فكرة يطرحها في هذا القسم

 

[ابن يسوعنا]

لاستارتر التقليدى لا يصلح كبديل لهذا المكثف
واذا كنت تقصد فك الاستارتر واخذ المكثف الموجود بداخله
فأعتقد ان قيمته صغيرة جدا تقاس pf
اما مكثف اللمبة الموفرة فقيمته 472 يعنى 4.7nf
ويمكن ان تصل الى 10nf ( يعنى 10 نانوفراد ) يعنى 10000pf بيكوفراد
حضرتك انا جربتة واشتغل كويس خالص
تقريبا نفس القيمة الفولتية
لانة فعلا ممتاز

​

 

[حبيب يسوع]

معلومات مفيدة جدا
الرب يباركك

 

[ابن يسوعنا]

معلومات مفيدة جدا
الرب يباركك

شكرا يا استاذنا لمشاركتك
يا رب تفيدك المعلومات
الرب يبارك حياتك

 

[kawasaki]

تمام يا رمسيس


فعلا في راجل بيجي يلم اللمبات المحروقه وبيصلحها تاني
بس بنصح كل اللي ملوش درايه بالدوائر الألكترونيه
مش يحاول يصلح بنفسه
ربنا يسترها علي الكل ​

 

[ابن يسوعنا]

اة هي بتنور تاني
لكن فية ناس بترميها ومتعرفش انها بتتصلح
وترجع تنور

 

[soul & life]

بس يا جماعة ايام لما كانت اللمبات دى جديدة سمعت انها فيها مادة سامة اذا اتفتحت او انكسرت فيها خطورة على صحة الانسان .. ازاى انت يا رمسيس بتفتحها وتبدل اجزاء فيها باجزاء تانية ده مش خطر؟؟؟

 

[ابن يسوعنا]

بس يا جماعة ايام لما كانت اللمبات دى جديدة سمعت انها فيها مادة سامة اذا اتفتحت او انكسرت فيها خطورة على صحة الانسان .. ازاى انت يا رمسيس بتفتحها وتبدل اجزاء فيها باجزاء تانية ده مش خطر؟؟؟

اللمبة عاملة زي نظام التليفزيون شاشة
وطابعة اليكترونية
والعطل اللي في الدايرة الالكترونية هو اللي بيتبدل
مش الغاز اللي جوة الزجاج
وانا صلحت منها كتير اوي
ومفيش اي مشاكل لانها سهلة جدا

 

[kawasaki]

مش بخوف الناس يارمسيس
مش قصدي كده

انا اقصد ان اللي بيعرف يستخدم الافوميتر والكاويه والهوت اير هو اللي يحاول وهاتنجح معاه
​