- إنضم
- 28 سبتمبر 2006
- المشاركات
- 63
- مستوى التفاعل
- 4
- النقاط
- 0
يارب
ازيك...عامل اية واخبارك اية يا رب...انتا وحشتني قوي يا رب... ونفسي اقعد معاك شوية كتار...
اكيد انتا فاكرني يا رب .... فاكرني...
انا اللي كنت كتبتلك قبل كدة لما كنت لسة صغير وقلتلك ابعتلي فلوس يا رب عشان ماما تعبانة ومش معانا فلوس نجيب الدوا ولما انتا بعتهملي يا رب بعتلك تاني وقلتلك متبعتليش في البسطا عشان بتوع البسطا خدو من الفلوس..... افتكرتني يا رب؟؟؟
انا كبرت دلوقتي يا رب وبروح المدرسة وبابا الحمد لله لقي شغل كويس وبقي بيجيب فلوس حلوة وجابلنا حاجات كتير يا رب ... جبلي عجلة السنة اللي فاتت يا رب والسنة دي لما نجحت جبلي موبايل...وانا قلت اول واحد هاديلو رقمي انتا يا رب... بس انا معرفش رقمك وعايزك تبعتهولي لما توصلك رسالتي دية...
انا عارف يا رب انتا ممكن تكون زعلان مني يا رب عشان ليا كتير مسالتش عليك...انا اسف يا رب انا غلطان متزعلش مني...اصلي انا يا رب كنت فرحان قوي لما بابا لقي شغل وبقي يجيبلنا حاجات حلوة كتير ليا انا وماما وكان بيجبلي لعب كتير وكنت علي طول بلعب بيهم يا رب ونسيتك...
معلش يا رب مش تزعل مني انا غلطان بس انا بصالحك شان انا عارف ان انتا مش تزعل مني عشان انتا بتحبني زي منا بحبك...انا بحبك قوي يا رب .... ونفسي تيجي تقعد عندنا شوية وتلعب معايا بالحاجات اللي جابهالي بابا يا رب صدقني العجلة حلوة قوي يا رب ولو مش بتعرف تسوق انا هاعلمك زي ما ماما علمتني. انا بسوق دلوقتي كويس قوي يا رب....
عارف يا رب مرة كنت بلعب بالعجلة بتاعتي قدام البيت ولقيت قطة نونو قاعدة بتتفرج عليا رحت قربت منها شوية ونزلت من علي العجلة وملست عليها كان شعرها حلو قوي يا رب وناعم كمان...وقعدنا نهزر شوية مع بعض وبعدين قولتلها تعالي نعمل سبق انا وانتي ورحت انا ركبت العجلة يا رب بس هيا قعدت تجري الاول قبل ما اقولها نبتدي.... وبعدين احنا وبنتسابق يا رب كان في غصن شجرة طوييييل واقع علي الخضرة وانا مكنتش عارف اعمل اية ولما قربنا من الغصن يا رب راحت القطة فطت من فوقية يا رب وانا وقعت بالعجلة يا رب راحت جات تغيظني وقعدت تطلعلي لسانها وتلحس في خدي يا رب.....ومن سعتها يا رب كل يوم انا والقطة بنلعب مع بعض ....
علي فكرة يا رب بابا وماما بيحبوك قوي وحاجات كتير بكون عايز اعملها بيقولولي كدة بابا يسوع هايزعل منك لو عملت كدة فانا مش بعمل كدة خالص عشان انتا متزعلش مني يا رب ... ولما بسال بابا وماما عنك بيقولولي انهم بيحبوك قوي قوي قوي قوي وان انتا السبب في حياتهم وانهم بقيوا اسرة وكمان بابا بيقولي انة لولاك انتا يا رب ولولا انك بتحبنا كلنا انا وبابا وماما مكنش بابا اشتغل شغل كويس ولا مكنتش ماما خفت وبقيت بتعمل كل حاجة دلوقتي وبتلعب معايا وبتعلمني ازاي اقرا في الكتاب المقدس....
عارف يا رب مرة بابا كان مسافر في قرية صغيرة قريبة مننا وكنت سهران انا وماما لوحدنا وكانت بتعلمني وبتقرالي في الكتاب المقدس وقالتلي يلا يا بطل خد انتا اقرا لماما في كتاب القصص بتاعي شوية قلتلها حاضر يا ماما وقعدت اقرالها انا ,وهيا تسمعني .... انا مكنتش بقدر اقرا بسرعة زيها يا رب .... فاية بقي حصل بعديها
... ببص كدة لقيت ماما نامت علي الكنبة وانا بقرالها رحت بشويييييييش جبت الغطا وغطيتها ورشمت عليها الصليب وقلتلها تصبحي علي نور بابا يسوع يا ماما ورحت بوستها وقعدت اتفرج عليها شوية ورحت قعدت اقري شوية في الكتاب المقدس يا رب وساعات كتير مكنتش بفهم كل اللي كنت بقراة انتا كلامك لية صعب كدة يا رب. وبعدين رحت نمت تحتها في الارض يا رب....شوفت انا شاطر ازاي يا رب ... بقيت انا بنيم ماما وبغطيها وبقرالها كمان....
متيجي بقي يا رب تزورنا وتقعد معانا دة ماما بتعمل اكل حلو قوي....
انا كل ما اسال بابا وماما هو بابا يسوع مش بيجي يزورنا لية...قالولي بابا يسوع بيجيلنا كل يوم بالليل يطمن علينا ويروح السما تاني....وكمان بيبعتلنا ملايكتة تساعدنا في كل حاجة....ولما سالتهم علي الملايكة عشان انا مش بشوفهم قالولي الملايكة محدش بيشوفهم....ولما سالتهم عنك يا رب وقلتلهم طيب انتا لية مش بتجينا بالصبح قبل منام قالولي عشان انتا وراك المملكة بتاعتك بتتطمن عليها كلها وبترعي شئونها ومشغولياتك كتير... انا عارف يا رب ان انتا ملك ومملكتك كبيرة بس متاخد يوم اجازة وتيجي تلعب معايا يا رب....انتا عارف ان انتا صاحبي الوحيد ومعرفش صحاب تاني غيرك عشان كل الناس هنا محدش فيهم يعرفك....
انا نفسي قوي تيجي تقعد معايا يا رب مش انا بحبك وبكلمك وببعتلك رسايل.... انتا لية مش تيجي تقعد معايا حتي شوية صغننة يا رب....دة انا اول ما بابا جبلي الموبايل يا رب قلت لازم اول حد اقلة واديلة رقمي انتا يا رب....انا نفسي اشوفك قوي بقي يا رب...وكمان بابا وماما عايزين يشوفوك ...صدقني هاتتبسط قوي يا رب لو جيت عندنا هاوريك بونة....بونة دة الارنب الصغير بتاعي كل يوم بوكلة بايدي وهاخليك توكلة بايدك كمان...بس انتا تعالي بقي....
بص يا رب انا هاكتبلك رقمي في اخر الجواب عشان لما ترد عليا وتقولي هاتيجي امتا تبعتهولي في رسالة علي الموبايل بتاعي ....عشان البوسطا بعيدة قوي عن قريتنا ومن سعت ما بعتلي الفلوس وكانو ناقصين مفيش جوابات تاني وصلتلي منك يا رب وانا خايف لحسن يكونو مش بيجيبو حاجة عشان احنا بعيد....
هاستني منك رد يا رب وتقولي هاتيجي امتا عشان اخلي بابا يستناك علي محطة القطر وماما تعملك الاكل اللي انتا بتحبة...
الا انتا بتحب تاكل اية يا رب.....
خلاص لما تبعتلي قولي انتا بتحب تاكل اية وهاتيجي امتا .....
يلا باي بقي يارب....
اة علي فكرة يا رب متخافش احنا البيت عندنا كبير عشان لما تبيت معانا متكونش قلقان وانا هاخليك تنام في اوضتي وانا هنام مع بابا وماما....
يلا تعالي بسرعة بقي يا رب... انا هاستناك...
صاحبك..
ازيك...عامل اية واخبارك اية يا رب...انتا وحشتني قوي يا رب... ونفسي اقعد معاك شوية كتار...
اكيد انتا فاكرني يا رب .... فاكرني...
انا اللي كنت كتبتلك قبل كدة لما كنت لسة صغير وقلتلك ابعتلي فلوس يا رب عشان ماما تعبانة ومش معانا فلوس نجيب الدوا ولما انتا بعتهملي يا رب بعتلك تاني وقلتلك متبعتليش في البسطا عشان بتوع البسطا خدو من الفلوس..... افتكرتني يا رب؟؟؟
انا كبرت دلوقتي يا رب وبروح المدرسة وبابا الحمد لله لقي شغل كويس وبقي بيجيب فلوس حلوة وجابلنا حاجات كتير يا رب ... جبلي عجلة السنة اللي فاتت يا رب والسنة دي لما نجحت جبلي موبايل...وانا قلت اول واحد هاديلو رقمي انتا يا رب... بس انا معرفش رقمك وعايزك تبعتهولي لما توصلك رسالتي دية...
انا عارف يا رب انتا ممكن تكون زعلان مني يا رب عشان ليا كتير مسالتش عليك...انا اسف يا رب انا غلطان متزعلش مني...اصلي انا يا رب كنت فرحان قوي لما بابا لقي شغل وبقي يجيبلنا حاجات حلوة كتير ليا انا وماما وكان بيجبلي لعب كتير وكنت علي طول بلعب بيهم يا رب ونسيتك...
معلش يا رب مش تزعل مني انا غلطان بس انا بصالحك شان انا عارف ان انتا مش تزعل مني عشان انتا بتحبني زي منا بحبك...انا بحبك قوي يا رب .... ونفسي تيجي تقعد عندنا شوية وتلعب معايا بالحاجات اللي جابهالي بابا يا رب صدقني العجلة حلوة قوي يا رب ولو مش بتعرف تسوق انا هاعلمك زي ما ماما علمتني. انا بسوق دلوقتي كويس قوي يا رب....
عارف يا رب مرة كنت بلعب بالعجلة بتاعتي قدام البيت ولقيت قطة نونو قاعدة بتتفرج عليا رحت قربت منها شوية ونزلت من علي العجلة وملست عليها كان شعرها حلو قوي يا رب وناعم كمان...وقعدنا نهزر شوية مع بعض وبعدين قولتلها تعالي نعمل سبق انا وانتي ورحت انا ركبت العجلة يا رب بس هيا قعدت تجري الاول قبل ما اقولها نبتدي.... وبعدين احنا وبنتسابق يا رب كان في غصن شجرة طوييييل واقع علي الخضرة وانا مكنتش عارف اعمل اية ولما قربنا من الغصن يا رب راحت القطة فطت من فوقية يا رب وانا وقعت بالعجلة يا رب راحت جات تغيظني وقعدت تطلعلي لسانها وتلحس في خدي يا رب.....ومن سعتها يا رب كل يوم انا والقطة بنلعب مع بعض ....
علي فكرة يا رب بابا وماما بيحبوك قوي وحاجات كتير بكون عايز اعملها بيقولولي كدة بابا يسوع هايزعل منك لو عملت كدة فانا مش بعمل كدة خالص عشان انتا متزعلش مني يا رب ... ولما بسال بابا وماما عنك بيقولولي انهم بيحبوك قوي قوي قوي قوي وان انتا السبب في حياتهم وانهم بقيوا اسرة وكمان بابا بيقولي انة لولاك انتا يا رب ولولا انك بتحبنا كلنا انا وبابا وماما مكنش بابا اشتغل شغل كويس ولا مكنتش ماما خفت وبقيت بتعمل كل حاجة دلوقتي وبتلعب معايا وبتعلمني ازاي اقرا في الكتاب المقدس....
عارف يا رب مرة بابا كان مسافر في قرية صغيرة قريبة مننا وكنت سهران انا وماما لوحدنا وكانت بتعلمني وبتقرالي في الكتاب المقدس وقالتلي يلا يا بطل خد انتا اقرا لماما في كتاب القصص بتاعي شوية قلتلها حاضر يا ماما وقعدت اقرالها انا ,وهيا تسمعني .... انا مكنتش بقدر اقرا بسرعة زيها يا رب .... فاية بقي حصل بعديها
متيجي بقي يا رب تزورنا وتقعد معانا دة ماما بتعمل اكل حلو قوي....
انا كل ما اسال بابا وماما هو بابا يسوع مش بيجي يزورنا لية...قالولي بابا يسوع بيجيلنا كل يوم بالليل يطمن علينا ويروح السما تاني....وكمان بيبعتلنا ملايكتة تساعدنا في كل حاجة....ولما سالتهم علي الملايكة عشان انا مش بشوفهم قالولي الملايكة محدش بيشوفهم....ولما سالتهم عنك يا رب وقلتلهم طيب انتا لية مش بتجينا بالصبح قبل منام قالولي عشان انتا وراك المملكة بتاعتك بتتطمن عليها كلها وبترعي شئونها ومشغولياتك كتير... انا عارف يا رب ان انتا ملك ومملكتك كبيرة بس متاخد يوم اجازة وتيجي تلعب معايا يا رب....انتا عارف ان انتا صاحبي الوحيد ومعرفش صحاب تاني غيرك عشان كل الناس هنا محدش فيهم يعرفك....
انا نفسي قوي تيجي تقعد معايا يا رب مش انا بحبك وبكلمك وببعتلك رسايل.... انتا لية مش تيجي تقعد معايا حتي شوية صغننة يا رب....دة انا اول ما بابا جبلي الموبايل يا رب قلت لازم اول حد اقلة واديلة رقمي انتا يا رب....انا نفسي اشوفك قوي بقي يا رب...وكمان بابا وماما عايزين يشوفوك ...صدقني هاتتبسط قوي يا رب لو جيت عندنا هاوريك بونة....بونة دة الارنب الصغير بتاعي كل يوم بوكلة بايدي وهاخليك توكلة بايدك كمان...بس انتا تعالي بقي....
بص يا رب انا هاكتبلك رقمي في اخر الجواب عشان لما ترد عليا وتقولي هاتيجي امتا تبعتهولي في رسالة علي الموبايل بتاعي ....عشان البوسطا بعيدة قوي عن قريتنا ومن سعت ما بعتلي الفلوس وكانو ناقصين مفيش جوابات تاني وصلتلي منك يا رب وانا خايف لحسن يكونو مش بيجيبو حاجة عشان احنا بعيد....
هاستني منك رد يا رب وتقولي هاتيجي امتا عشان اخلي بابا يستناك علي محطة القطر وماما تعملك الاكل اللي انتا بتحبة...
الا انتا بتحب تاكل اية يا رب.....
خلاص لما تبعتلي قولي انتا بتحب تاكل اية وهاتيجي امتا .....
يلا باي بقي يارب....
اة علي فكرة يا رب متخافش احنا البيت عندنا كبير عشان لما تبيت معانا متكونش قلقان وانا هاخليك تنام في اوضتي وانا هنام مع بابا وماما....
يلا تعالي بسرعة بقي يا رب... انا هاستناك...
صاحبك..
