احنا ايه

[kawasaki]

مش عارف ابتدي منين
بس اديني ابتديت وخلاص
ياجماعه انا عندي مشكله تكاد تكون مشكلتي الاولي والاخيره
وكتير من الاعضاء هايدخلوا يشاهدوا الموضوع وهايعملوا بالماوس باك
ويقولوا في دماغهم دي مش مشكله .علشان مفيش مشكله
لاء فيه مشكله
وانا عارف انها مشكله اللي زيي وهما كتير
انتوا ليه بتعاملونا زي ما نكون مسيحين درجه ثانيه
هوا انتوا مسيحين اصلي واحنا تقليد؟؟؟
ليه بيتم التعامل معانا كده...بجد انا مش فاهم
هوا انتوا كل واحد فيكوا علشان ربنا اداله نعمه انه اتولد مسيحي يبقي مالوش دعوه بالعابر
واذا كان يقدر يساعده فابيتراجع
ويقول لنفسه ((ياعم انا مالي .انا هادخل نفسي في متاهات وقصص))..ليه
ليه الاخ العابر اللي معانا في المنتدي لما كان عايز اي مكان في كنيسه يبات فيها بليل
ويتلمذ ويحضر صلاوات
ليه الاب الكاهن رفضه
هوا انتوا مفكريين ان الاب الكاهن مهمته انه يعمل القداس ويناولكوا
ولوا فيه زواج يكلل ولو فيه حاله وفاه يعمل صلاه جناز ؟ وانتهي الامر
لا ياجماعه
دا مهمته الاولي انه يكرز ويبشر
ربنا قال للتلاميذ روحوا كرزوا وباشروا بأسمي
ماطلبش منهم يطنشوا الناس
طيب العضو الكريم ده عايز يعرف الاله الحق ...عايز حد يبشروا ...عايز حد يفهموا
يترفض ليه ...؟
ده مش هوا بس وغيره وغيرهوغيره
يعلم ربنا انا لما قريت التويك بتاعه حزنت
انتوا عارفين
انا مش هاقولكم انا كنت ايه قبل مايعرفوا حاجه عني في البيت
ياساده انا في اقل من 24 ساعه كنت في الشارع
كل اللي بنيته في سنين راح تماما
يمكن كلاب الشوارع كان ليها قيمه عني
علي الاقل كانت بتعرف تنام في اي حته
انا مكنتش لاقي مكان انام فيه
ماكنتش اعرف حد اطلب منه مساعده
حيائي منعني اني اروح لكنيسه او دير احكيلهم اللي حصل
اصلا مكنش معايا فلوس اروح اي حته
زملاء العمل طبعا ميعرفوش حاجه عن حياتي الشخصيه
واحد زميل لي طلب مني اني اشتغل معاه
الله يسامحه كان بيعاملني زي الطين .ولما كان بيقابل زمايل لينا في منطقه ثانيه كان بيقولهم ((اهو فلان اللي كنتو طالعين بيه السما شغال عندي ))
سنه 2011 كنت سجلت في المنتدي وكتبت شهادتي في قسم الشهادات
وبعديها انقطعت عن المنتدي لظروف الحياه
وانا عند زميلي ده ..فتحت صفحه المنتدي وقلت اكلم اي حد ينصحني اعمل ايه
وطبعا علشان انا عضو لسه صغير ماكنتش بأقدر ارسل رساله خاصه لأي حد
وعملت موضوع في قسم الشكاوي والمشاكل
وقعدت اقول :عايز مشرف من مصر يكلمني
عايز مشرف من مصر يكلمني
ياعالم ياهو
كنت عايز مشرف يكلمني .استشيره في مشكله
""مش هاقدر اوضحها ""
ومكنتش مشكله ماديه .بس كنت عايز حد يقولي اعمل ايه
لحد ما في شخص كلمني
الله يباركك يارب يا .......
اتصل بيا في التليفون
وقعدت ابكي من الفرحه ..ان لسه في حد اقدر افضفضله
وفاكر كلامه ليا كويس :مش عايزك تعيط .انتا فاكر ان اللي انتا روحتله هايسيبك .انتا ابن الملك
كان احن عليا من امي اللي قالت لي "يابني احنا مش عايزين فضايح انتا من طريق واحنا من طريق "
واتصل بيا وقالي تعالي عايز اشوفك
وجابلي المعدات الخاصه بعملي
وقالي علشان تعرف تستغل ويتستقل بنفسك ومتشتغلش عند حد
مش ناسي كلامك ليا لما قلتلي تعالي اوريك مكان ربنا بيجي فيه
مش ناسي لما ختدني في حضنك وقلت لي انتا ابني
مش ناسي لما قلتلي الحاجه بتاعت شغلك دي مش انا اللي جايبهالك
ربنا هو اللي جايبهالك
وزي ماربنا بعتلك حاجه ردها لربنا
انا ماليش دعوه دي حاجه ربنا
يعلم ربنا يا:.......:
انا مش هاقدر اوفيك حقك في الكلام
يعلم ربنا انا بأذكرك في صلاوتي
وان كنت بأدخل المنتدي من غير ماتعرف عني اخبار فهذا من احترامي الشديد وخجلي منك
ربنا يخليك ليا يارب
++++++++++++++++++++++++++++++++++
طبعا انتوا بتقولوا فين بقي المشكله ياعم الرخم
طيب
انا دلوقتي ياجماعه بفضل ربي يسوع حالي بقي احسن من الاول
وانا في ايام المرمطه مكنتش بافكر في الزواج مطلقا
كنت بقول لنفسي :اجيب بنت ناس ابدلها معايا؟
وشويه شويه حالي بقي احسن بكتير
طقت في دماغي كده اني ادور علي عروسه
فاقلت لنفسي هوا انا ادور علي العروسه ولا اجيب شقه الاول
لاء انا اجيب شقه وبعدين ادور علي العروسه
وقعدت ادور
والف مع السماسره واروح هنا واروح هناك
وكنت شارط علي نفسي شويه شروط زي
شقه واسعه
في برج تمام
يكونوا الجيران Christians
منطقه هاديه
مكان بعيد محدش يعرفني فيه
يعني قلت في عقلي دا بنت الناس اللي هاتسكن فيها .دي تبقي مملكتها هي بتاعتها لوحدها
يبقي ياض لازم تعل شقه محترمه
وبعد اللف
وفي يوم
ربي يسوع يرزقني بشقه دور ثاني في برج ضخم والجيران Christians وصاحب البرج Christian
وخدتها وكتبت العقد
وجبت العمال بقي يوضبوها
واقول لمقاول الكهرباء :اعملي هنا مش عارف ايه واديني هنا اضائه مش عارف عامله ازاي
واجيب مقاول السباكه اقولوا اعمل هنا فلتر وهنا بتاع
وعمال اخترع وافتكس
والحياه بقت Piece of cake
ندور بقي علي العروسه
اكتشف ان انا مش عارف ادور علي عروسه فين
ما انا مسيحي بقي صيني مش اصلي
يا نهار ابيض
مينفعش اروح اتقدم لوحده مسيحيه ...مستحيل اصلا
ومينفعش اتقدم لمسلمه برده
طب ايه الزنقه دي
روحت لابي الاعترافي
كلم واحده مسيحيه صيني برده زي حالاتي
قعدت معاها لقيتها تعليمها اقل من المتوسط
طبعا قعدت افكر لقيت الموضوع مش هاينفع
ممكن حد من الاعضاء يقولي ياعم دا انتا فقري
ماشي انا معاك
بس هاقولكوا مش هاينفع ليه
انا عايز زوجه ادخل انا وهي نكلل في الكنيسه نخش 2 نطلع 1
عايز زوجه متعلمه بمعني يكون فيه توافق
عايز زوجه تفهمني وافهمها
عايز زوجه تبقي كل حياتي وانا ابقي كل حياتها
عايز زوجه تفرح لفرحي وتشيل عني لما اكون مهموم
عايز زوجه تشاركني احلامي
عايز زوجه ابني انا وهيا عائله مسيحيه بجد
عايز زوجه اقول لها ياماما علشان انا انحرمت من الكلمه دي
عايز زوجه اقبض مرتبي واديهولها
عايز زوجه انا وهي نروح نشتري لبس العيد
عايز زوجه نروح انا هي نتناول
عايز زوجه انا وهي نروح نزور ماري جرجس
ياجماعه يعلم ربنا لو اقدر استحمل واعيش حياه الرهبنه
لكنت عيشت راهب
دا انا مسواش حتي الحذاء اللي بيلبسه الراهب في قدمه
ولا حتي التراب اللي بيدوس عليه
مقدرش يا جماعه
اقعد اتفرج علي الدش الاقي في التاسك بار بتاع الاعلانات
"شركه الماسه تقدم لك شريك الحياه اتصل بنا علي رقم 0900"
طب انا اتصل بيهم اهبب ايه ....
بعت ايميلات للقنوات الدنيه ..يردوا عليا .هات رقم تليفونك .يتصلوا بيا
"احنا فخورين جدا بيك .ونصلي من اجلك "

اروح الدير اكلم ابونا .افهم من كلامه ان في عابرين كتير جدا بس اماكن تواجدهم غير معلومه الان
وانا عن نفسي باخد ناس كتير وعائلات كامله اوديهم علشان ينزلوا الجرن
بس يا اما واحد .يا اما واحد وزوجته واطفاله . يا اما واحد زي حلاتي
طب انا اعمل ايه طيب
ليا زميلات في العمل
مش بحاول حتي اتكلم معاهم لحد ما اطلقوا عليا "فلان الكشر"
ومره طلعوا عليا "فلان البيضحباطي"
اهم بنات برده بس الواحد بيقول لنفسه هاتبقي اخره العلاقه ايه .فابلاش احسن
عميله عندنا بتتعامل معانا
والكلام بيجيب بعضه :ازيك عامل ايه .تمام الحمد لله .عايزه اعمل كذا .عنيا حاضر
والكلام ده
بقت بتيجي كتير .اعمل الشغل بتاعها .ولو مثلا انا مش موجود تقولهم لاء انا عايزه فلان
وفي مره يعلم ربنا قاعد بعمل ليها شغلها .لقيتها بتقولي :بقولك يافلان ...تتجوزني ؟
انا تنحت تتنيحه وفي لحظه حسيت ان الجو سخن وعرقت ولساني اتحشر جوا و اول مره في حياتي احس ان عقرب ثواني الساعه مش بيمشي
واتحرجت احراج شديد
وقعدت ابتسم كده ومش عارف ارد بأيه
فردت عليا بكلام فيما معناه .اه عندك جو ياعم .ماشيه معاك ياعم .ابقي اعزمنا .والكلام ده
موقف وعدي
بس انا مبقيتش عارف هوا انا ....ايه
هو انا ليه بيجرالي كده
واحد في الدير كنت قاعد معاه قالي طب ما تتقدم لوحده مسلمه عادي خالص
وواحده واحده كده فهما وبراحه لحد ماتفهم ولو بتحبك هتوافق
طب انا ياربي لو عملت كده ادامي رد فعل من اثنين
الاول انها ترفض تمام وتدخلني في مسكله ملهاش حل
والثاني انها علشان بتحبني هاتوافق ودا شئ انا رفضه تماما
انا عايزها تعرف ربنا علشان هيا هي عايزه تعرف ربنا مش تعرف ربنا علشان بتحبني
لألألألأ
طيب
في واحد هايرد عليا ويقول طب ولما ربنا يكرمك باطفال هتعمل فيهم ايه ؟
الاطفال مش مشكله ابدا
هايتعمدوا ويتناولوا ويتعلموا
وكمان تحت اشراف الدوله
طب ازاي؟؟.. شارع رمسيس مليان مدارس اقباط ومدارس الراهبات
وفيها اطفال مسلمين
فاكرين الفنانه مريم فخر الدين ؟
خريجه مدرسه راهبات
وفي لقاء تليفزيوني انا شوفته سمعتها بتقول انها ماكنتش تعرف سوره الفاتحه لحد لما وصلت ل ثالثه ثانوي
واهي مسلمه اهي
بالنسبه ليا انا والزوجه اللي ما يعلم بيها الا الله
اعتقد ان هاسكن انا وهي في مكان بعيد عن اعين المعارف تماما
وتعمدت اني اسكن في مكان فيه Christians
يعني الواحد لو حب مثلا يشغل ترنيمه او قداس في البيت محدش هايقولوا انتا مشغل ايه ....
-------------------------------
ادي مشكلتي ياجماعه .
يعلم ربنا انا معرفش حد غيركوا اتكلم معاه

وكلمه مني ثقه
اهو التوبك انا كتبته وطلعت كل في قلبي
تعالي بص علي التوبك بكره في قسم الشهادات من بره
هاتلاقي المشاركات قليله
والمشاهدات بالهبل
كله هايقول وانا مالي
ربنا معاكوا
هوا انتوا ياجماعه لو ساعدتونا في مشاكل الزواج
مش كلمه الله هاتوصل لكل الناس
المشرفين اكيد عارفين من العابر ومين المخادع
ولو اثنين عابرين ربنا كرمهم واتزوجوا
اطفالهم دول هايطلعوا ايه
مجوس
ما هم مسيحين برده
ولا انتوا لسه بتعاملونا بمبداء مسيحي اصلي ياباني
واحنا الصيني المرمي علي الرصيف
كلمه اخيره
ها هي مشكلتي ومشكله من هم علي شاكلتي اضعها بين ايديكم راجيا من ربي يسوع ان تنظروا لنا بعين الاخذ في الاعتبار
صدقوني انا لا اعرف الامنتدانا الذي اشعر انه بيتي .لان فيه ناس انا بحبهم ومعرفهمش ولا عمري شفتهم


​

 

[GoGo No Way]

مبدئيا انا مش هعرف اساعد فى حاجة بس يمكن ليا دور صغير ....

بص مبدئيا كدة انا كل الى اعرفهم او الى سمعت رايهم يعنى ... مش ان انت الى صينى واحنا الاصل .. لالالا العكس تماما ....

انا الى صينى علشان انا وجدت الله كدة موجود ووجدت المسيحية شىء طبيعى .. ولكن انت داخل و حابب الله حابب الحقيقة ... لازم تفهم ان مفهومك دة غلط ... وتعامل ان مفهومك دة هو الى غلط ...

حتى لو كان فيه ناس بتعمل الى انت بتقول عليه تاكد انهم ناس قليلة بجد ...

لو غيرت مفهومك تأكد ان المشكلة هتتحل وانت الى هتحلها بنفسك ....

ربنا معاك ويباركك وتجد المساعـــــــــدة

 

[rafaatbarsoum]

well don quazaki as long as your life since you converted to Christianity was full of problem and now after while is better the marriage as well is the same......! ask God in your prayer and you will see as much as God never ever let you down able to ménage a girl who gut same situation like you no worries every thing under heaven on time

 

[amgd beshara]

اد ايه انا اتأثرت و بكيت و ضحكت من طريقة سردك للحوار ..
بالنسبة لصيني و اصلي فصدقني و بقولها بصراحة العابر بيبقي اصلي اكتر من اي شخص مسيحي .. جايز بتحس بالموضوع ده من جهة المعاملة لان فكرك دلوقتي في الارتباط و كونك عابر شايف ان مفيش واحدة مناسبة متاحة , فبتقول مش لو فضلت مسلم اصلي كنت هلاقي واحدة كويسة و لو كنت مسيحي اصلي مش كنت عرفت واحدة تناسبني

صدقني بامانه اعتقد ان دي اكبر مشكلة بتواجه العابرين لاننا في مجتمع متخلف من جهه و من جهه تانية كنيستنا مش قايمة بأي دور تجاه العابرين

نسيبنا بقي من المجتمع المتخلف و الكنيسة اللى مش شايفة شغلها و نبص لنفسنا

شوف يا حبيبي بالنسبالي انا شايف انك لو قدامك فرصة تسافر فانتهزها بسرعة و اول طيارة و اخرج من البلاد دي و بره هتبدأ حياة جديدة كريمة و محترمة تليق بانسان
لو السفر مش متاح
يبقي تعالي نحلل الموضوع بالراحة ...

انت عندك شقة راائع , يعني اهم مشكلة ممكن تقابلك و اتحلت يا معلم

طيب و العروسة ؟
شوف شيل من دماغك موضوع واحدة مسلمة ده خالص و اللى قالك كده يستحسن بالمرة متروحلوش تاني لان واضح انه مش فاهم حاجه

طيب و العمل ؟
حاجه من اتنين يا بنت مسيحية من اسره فقيرة مادياً و دول هتلاقي منهم متعلمين و عقليتهم و روحانيتهم كويسة جداً لكن ظروفهم المادية صعبة .. و ده مناسب لانها بتبقي مستنية حد تبدأ معاه حياه جديدة
هتتعرف عليهم عن طريق الشغل او الكنيسة في اجتماعات الشباب مثلاً

او عابرة بردو و بردو هما كتير و بيواجهوا نفس المشكلة و اللى سمعت منهم هنا في المنتدي كتير عن نفس الازمة دي .. دي ممكن تتعرف عليها من هنا في المنتدي او من النت عموماً و طبعاً تتعرف علي شخصيتها قبل ما تقابلها او اي حاجه

و في الحالتين لو البنت حبتك و اتعلقت بيك مش هتسيبك ابداً .. و علشان كده لو بنت مسيحية متصدمهاش بموضوع عابر كده وش من اول مرة خليه بالتدريج و بعد ما تعرفك كويس عل قد ما تقدر

يا ريت كان بإيدي حاجه تانية غير الصلاة كنت عملتها حبيبي
ربنا معاك و يقويك و يعطيك حسب قلبك

 

[+GOSPEL OF TRUTH+]

انا خايفه كتير ناس يشكوا فيا بس الاخ الي رد فوقيا علطول ازال حاجز الخوف من قلبي

بلاش تتجوز مسلمه لانها هتكون سببا في افتضاح امرك حتي لو عابرة اهلها هيطاردوك لو عرفوا امرها

خد بنت اجنبيه مسيحيه مش مصريه و حتي لو انتا صعيدي و قيمنا الخاصه بالشرف تفرق معاك اوي يا اما تغفر لها زي ما المسيح علمنا نغفر او فيه اجنبيات مسيحيات كويسين اوي مش الكل وحش

يا اما مسيحيه المولد و القانون بيبيح لك تماما و بيشجعك كمان انك تتجوز بنت مسيحيه المولد و مش لازم تكون ارثوذوكس لو الموضوع عندهم صعب اوي

اقله هتكون وفيه ليك و خايفه عليك و هتربي ولادك كما تتمني و تحب تماما

ما رايك في الراي دا؟

انا خوفت اكتبه ليقال انني سببا في اذيه البعض و لكن حرام...هتعيش عمرك كدا؟ لو قدرت تسحمل سنين في الاخر هتعمل ايه؟

عن تجربه شخصيه صحتك النفسيه هتبقي في الارض....

ربنا يوفقك و يختار لك الاصلح لحياتك و ليدبر حياتك كما يليق

يالا سلام
​

 

[القسيس محمد]

سلام ونعمه
قريت الموضوع كله والردود
الاستاذ صاحب الموضوع بيقول ان العابرين تقليد والمسيحى المولد اصلى
احب اقوله انا كنت اكتر منك وكنت بتضايق جدا من المسيحيين ويمكن ده كان من اسباب شك ناس كتير فيه
وفى ايمانى
لكن احب اقولك الان ان لا تعيش فى هذا العالم
العابرين اصبحوا اكثر من المسيحيين المولد فى مصر اما موضوع الزواج
فانا اختلف معاك فى شىء
روحت لابي الاعترافي
كلم واحده مسيحيه صيني برده زي حالاتي
قعدت معاها لقيتها تعليمها اقل من المتوسط
طبعا قعدت افكر لقيت الموضوع مش هاينفع


انا فى دوله عربيه وعايش مسيحى وبدرس لاهوت وسانتقل لدوله اخرى اكمل دراستى بعد 3 شهور
ويوجد عابرين كتير لهم ايمان بالرب انه معهم
صدقنى اخى من سنتين فقط كانت عندى مشاكل العالم
والرب دايما بيعزينى
انا لا انتقدك لكن اقولك نصيحه خلى الاب الكاهن يعرفك على عابرين مثلك وطالما بتروح كنيسه وليك اب اعتراف
مهو زيك زى المسيحيين المولد على فكرة الكنيسه بتفرح كل يوم بالعابرين
هل تعلم ان كليات اللاهوت فيها ما لا يقل عن 50 الف عابر يدرسون الكتاب المقدس بطريقه روحيه وعلميه
ساكمل فى وقت لاحق

 

[ElectericCurrent]

كلمة واحدة ها اقولها لان [ كثرة الكلام لا تخلو من معصية ]
وأتكلم فيها عن نفسي ..:.. أنا أقدس وأحترم وأعز المسيحى الذى إعتنق المسيحية {مكتسباً إياها بعد بلوغ الرشد }-وليس مسيحياً بالمولد بالوراثة -. أعزه وأحترمه وابجله وأقدسه .. وله فى وجدانى وعقلي وقلبي وروحى وضميرى : الاولوية والامتياز فى الاحترام والثقة والتقدير أكثر من نفسي بمراحل .
[*] طبعاً طالما إعتنق الصحيح السليم من العقيدة الصحيحة ..وطالما صدقت نيته وأخلص قلبه وضميره ووجدانه كلياً لعقيدتى المسيحية ...فأنا أعتبره فى التقدير والامتياز أعظم وأجدر من امثالى .
[+]وما قلته أنا الان فى هذه المداخلة - هذا يعلمه الله ويُّقدر إخلاصى في قولى هذا.....

 

[Coptic4Ever2]

بصراحة انا مش عارف افرحلك لمعرفتك طريق الخلاص ورب المجد ... ولا ازعل علشان مش لاقى حد يسعدك ...
بس فى الاخر هقولك اللى انت عوزة هيكون لو ربنا شايف ان فيه الصالح ليك ولحياتك ... حياتك مهمة جدا عن رب المجد اكيد هيكون جمبك ...

اولا : مفيش حاجة اسمها مسيحى اصلى ومسيحى تقليد او صينى زى ما حضرتك بتقول
يمكن يكون إيمان الصينى وعلاقته بالله احسن من إيمان المسيحى ...
لان الاصلى اتولد مسيحى فاخد الإيمان من الوالدين بدون بحث عن الله طريق الخلاص.. لكن انت واخد الإيمان عن معرفة وثقة واختبار حقيقى مع الله ...


ثانيا : هوضح حاجة بسيطة بتحصل لما العابرين يروحوا الكنائس للمساعدة او علشان يستنجدوا بيهم وبالاخص فى مصر ....
الاباء الكهنة بتقلق ان يكون ده مش عابر اصلا ويكون محولة لدخول الكنيسة فى مشاكل وتتحول الى مسلمين ومسحيين وينتج عنها قتل كتير من المسحيين وحرق منازل وكنائس ... فا الكنيسة مش بتقبل حد بسهولة كده لازم يكون عندك إيمان حقيقى تفضل متمسك بيه وتروح مرة واثنين وثلاثة لحد ما ...

وكويس انك بتقول ان ليك اب اعتراف يعنى انت وصلت لمستوى كويس داخل الكنيسة

نطلب منك انك تتواصل مع الكنيسة عن طريق الاجتماعات الشبابية او حضور الصلاوات باستمرار ... التواجد فى الكنيسة هو اللى هيديك الفرصة للتعرف على الشباب بشكل اكبر سواء اولاد او بنات وفى الاثنين هتتعرف على عدد كبير ومن هنا هتقدر تدرس الشخصيات اللى حوليك وتقدر تعرف مين اللى ممكن تكمل معاك حياتك ...

وياسلام لو يكون ليك دور فى خدمة داخل الكنيسة انت اللى تحدده او اب اعترافك يرشد ليه ويسعدك كمان ...

وسيبك من موضوع اتجوز مسلمة وهى لو بتحبك هتتغير علشانك ... لانها لو اتغيرت علشانك بكرة تتغير تانى علشان واحد تانى او تتغير تانى علشان خاطر اهلها .. لانه من تغير داخلى او روحى ده تغير عاطفى فقط يتغير باستمرار

واحب اعرفك ان فى زيك كتيرررررررررررررررررررررررررررررر يعنى انت مش لوحدك بس كلهم زيك برضة مختفيين عن الانظار للحد من المشاكل او عوزين يعيشوا مع الله عيشة حقيقية

المنتدى هنا فى كتير فى نفس حالك وكتير قدر يوصل حاول تتواصل معاهم ومع الاعضاء اكيد هيكون فى ارشاد روحى ومعرفى حقيقية للخلاص

ولو وصلت لحاجة وتحب تقولها احنا هنكون موجدين لسماعك وهنكون سعداء جدا

ربنا معاك ويبارك حياتك ويرشدك للصالح

 

[حبو اعدائكم]

اخى الغالى
kawasaki

اول حاجه يا غالى تروح تعملها -- تغير الصوره الرمزيه دى هههههههههههه


يعنى داخل على العروسه و انت حاتت الصوره دى -- بزمتك بزمتك بئا مش البنيه هتتفش هههههههههههههههههههههههههههههههههههههههههههههه
ده هزار كدا اخى الغالى

اخى احب اقول لك مفيش حاجه اسمها صينى و اصلى--- و عايزا اقول لك لو هنتكلم على الاصلى هيبقى انت الإنسان العابر الى عرف الرب فعلا و إتهان و تعب و شاف المر علشان يتمسك برب المجد-- علشان كدا هو الى إمانه اصلى --
و المسيحى الميلاد كثير منهم -- كثير منهم اوى بيبقى إمانهم صينى----

اوعا تشك إن الرب هيسيبك--
زى ما بدئت من الصفر من جديد و ربنا فتحها عليك و وقفت على رجلك تانى و جبت الشقه اكيد اكيد هيبعت لك العروسه
عايزا اوضح لك شىء كمان-- مشكله الزواج دى اصلا موجوده عند الشباب المسيحى العادى او اى شاب من اى ديانه-- تسمع إن مفيش حد لاقى الى يناسبه--

فكره إنك تتزوج عابره دى انا شايفاها اجمل فكره-- لإنك بتنتشل فتاه مثلك عبرت لنور الرب و نفسها تروح كنيس و تولع ترانيم و تصلى و تظور اماكن مقدسه مثلك-- و هتبقى فرحت عمرها طبعا---

هى مشكله فعليه-- لى اختى الغاليا العابره السعوديه هى و اختها-- نفس المعاناه-- و دول بئا مقفولين فى البيت--
بنات فى ريعان شبابهم جماال و نقاء و إيمان و يرفدون يرفدون اى زيجه علشان عايزين يكونوا مع شخص مؤمن-- بس المشكله إن فرصتهم تكاد تكون مستحيله
لا كنيسه لديهم و اب إعتراف و لا اى حد لهم----
منهم لربنا بس--
ربنا يكون مع الكل-
و انت يا استاذى بردوا زى ما شوفت فتاه عابره و لم يحدث قبول شوف فتاه تانيا--
الرب هيبعت لك اكيد كله فى وقته-- فى كتير عندهم الفتاه و معهمش الفلوس و لا عندهم البيت علشان يتزوجوا-- اعرف إن محدش احسن من حد و كل واحد عنده مشكله بتاعته--
و اعرف إنك اصلى و غالى ههههههههههههه و انا الى فشنتك هههههههه و صينى و مغشوش ههههههه

و نصيحا منى--- شوف زوجه تكون مؤمنه-- شوف زوجه تحس إنها مملوئه من محبه الرب--- شوف الزوجه الى تكون طيبه--- ساعتها هيتحقق كل الباقى هتحبها و هى هتحبك
و كمان العابره هتبقى عانت الى انت عانتيته و مرت بالضغوت النفسيه الى انت مريت بيها -- يعنى لما هتتكلم هى هتبقى فهماك و حساك و تقدر تحتويك و انت تحتويها--
--
ربنا معاك و طمنى عليك--

 

[عبود عبده عبود]

ندور بقي علي العروسه​

[FONT=&quot]بص ياباشا ...مبدئيا كدة أكبر خطأ بيقع فيه أى شاب​

​

[FONT=&quot]انه يروح لأى حد ويقوله ( دور لى على عروسة )​

​

[FONT=&quot]معندكش عروسة [/FONT][FONT=&quot]ليا والنبى ؟ - بلاش والنبى دى [/FONT]​

[FONT=&quot]وكأنك بتدور على عربية نص عُمر أستعمال خفيف أو أستعمال طبيب [/FONT]​

[FONT=&quot]هتقابل اللى عليها " العين " فى يوم من الأيام ومن غير ماتتعب[/FONT]​

[FONT=&quot]ومن غير أى ترتيب [/FONT]​

[FONT=&quot]أنا رأيى أن " الولّية " دى كانت فرصة ضيعتها من أيديك[/FONT]​

وفي مره يعلم ربنا قاعد بعمل ليها شغلها .لقيتها بتقولي :بقولك يافلان ...تتجوزني ؟
انا تنحت تتنيحه وفي لحظه حسيت ان الجو سخن وعرقت ولساني اتحشر جوا و اول مره في حياتي احس ان عقرب ثواني الساعه مش بيمشي
واتحرجت احراج شديد
وقعدت ابتسم كده ومش عارف ارد بأيه

[FONT=&quot]خيبكَ الله [/FONT][FONT=&quot]...[/FONT]​

[FONT=&quot]قولى لى لية ؟ - قلتى لى لييييية ...اقولك[/FONT]​

[FONT=&quot]لو كانت مبدئياً مقبولة من ناحية الشكل والهندام والثقافة والذى منه[/FONT]​

[FONT=&quot]( الذى منه على الخاص بقى ) [/FONT]​

[FONT=&quot]كنت تقعد معاها وتتعرف عليها - مش عيب ولا هو حرام – [/FONT]​

[FONT=&quot]لأن أنتم الأتنين متجهين لهدف واحد شرعى مائة بالمائة [/FONT]​

[FONT=&quot]وهو التعرف بغرض الزواج [/FONT]​

[FONT=&quot]هذه المرأة كانت واضحة وصريحة والنوع دة من النساء مُريييييح[/FONT]​

[FONT=&quot]طبعا انت مارتحتش لأسلوبها وقلت فى عقل بالك دى مُنفلتة وقليلة الأدب[/FONT]​

[FONT=&quot]و دة اللى خلاك تعرق وتتحر وتبعد وترفض [/FONT]​

[FONT=&quot]بالعكس بعد ما تتعرف عليها كويس أوى وتتأكد انها تصلح لك وأنت كمان تصلح لها [/FONT]​

[FONT=&quot]تديها المعلومة على دفعات...أنا ماليش فى الدين وبافكر فى المسيحية [/FONT]​

[FONT=&quot]لو ماهمهاش الأمر ...كمل ودوس واعترف لها[/FONT]​

[FONT=&quot]بس بالراحة من غير غشومية [/FONT]​

[FONT=&quot]وطبعا انت ماغيرتش بطاقتك ...يبقى هتتجوز أسلامى يعنى هتتجوز أسلامى لا مفر[/FONT]​

[FONT=&quot]
الحل التانى [/FONT][FONT=&quot]زى ما الأخوة قالوا لو عندك فرصة سفر أتوكل [/FONT]​

[/FONT][/FONT]

 

[عبود عبده عبود]

اخى الغالى
kawasaki
اول حاجه يا غالى تروح تعملها -- تغير الصوره الرمزيه دى هههههههههههه

يعنى داخل على العروسه و انت حاتت الصوره دى -- بزمتك بزمتك بئا مش البنيه هتتفش هههههههههههههههههههههههههههههههههههههههههههههه

[FONT=&quot]هههههههههههههه​

​

[FONT=&quot]لا ياحوبو دى صورة " عبد الحليم حافظ " وهو عنده صداع[/FONT]​

[FONT=&quot]
[/FONT]​

[FONT=&quot]يخرب بيت الستات بتلمح حاجات مش على بال حد[/FONT]​

[FONT=&quot]
[/FONT]​

[FONT=&quot]صحيح يا كواساكى ...غير صورة " مبيض المحارة " اللى أنت حاططها دى[/FONT]​

:new6::new6::new6:
طبعا احنا قصدنا نفرفشك شوية ونضّحّك معاك ​

[/FONT]

 

[soul & life]

سلام ونعمة

بصراحة انت حسستنى ان مشاكل الحياة وكل اللى بنعانية من مصاعب وضيقات ولا حاجه .. ربنا يعيينك ويديلك ايمان قوى يشددك ويقويك ..
لكن انا عاوزة اقول لحضرتك حاجه انت منتظر مين يساعدك ؟؟؟ وخصوصا اذا كنا كلنا كمسحيين مضطهدين فى بلادنا
حضرتك مسيحى ولعلمك انت غلاوتك ومكانتك فى السما هتفوق مكانتنا احنا المولودين مسحيين لانك انت سعيت وعنيت علشان تكون مسيحى يعنى حضرتك كده المفروض يكون على راسك تاج واحنا من العامة
لاننا مجتهدناش فى اننا نكون مسحيين بنجتهد يمكن فى اننا نبقى بنفس النقاء وكما يليق بولاد المسيح فى ظل هذا المجتمع وكل تلك الشرور التى تحيط بنا لكن انت تقريبا هدمت كل حياتك السابقة علشان تبنى حياة جديدة مع يسوع المسيح ربى ومخلصى ..

انا حبيت فقط الفت نظر حضرتك ان المسحيين اللى هما عامة الشعب صدقنى لو كان بايديهم شىء يستطيعوا
ان يفعلوه من اجلك كانوا بالفعل ساعدوك لكن احنا كمسحيين فى وطن مبيمنحش ولاده كل الحقوق اللى المفروض ينالونها فى وطنهم فيمكن اللى بيدخل يقرا ومبيتكلمش دا لانه مش فى ايده حاجه يقدمها وصدقنى احنا كلنا بنصليلك انت وغيرك ان ربنا يعيينكم .. وانا عن نفسى مكنتش متوقعة ان فى مصر فى عابرين كتير
ولو حصلت حاله ولا اثنين بعتقد انهم بيفضلوا يسافروا بره مصر يعيشوا حياتهم ..

ودى النصيحة اللى عاوزه اقولها لحضرتك .. بلادنا مخنوقة و روتينيات من ناحية تسجيل الاولاد والديانة يعنى قوانين عقيمة وعقليات متحجرة ومتشددة هتلاقى اضطهاد وهتلاقى نظرات صعوبات فى ارتباطك وفى وجودك فى المجتمع عموما سواء كنت زوج او اب او حتى عازب وانت اكيد عانيت وبتعانى من ده .. ليه حضرتك مفكرتش بمساعدة ناس مختصة بالعابرين من الكنيسة سواء كان اب اعترافك او اى اب كاهن مسئول وله معارف يسفروك خارج مصر اى بلد اوربية يكون فيها انفتاح اكثر واكيد اى بلد من البلاد الاروبية عدد العابرين فيها بيكون اكتر بكتير من مصر هتتعرف على الناس اللى بتعيش نفس ظروفك وحتى لو معرفتش بنت عابرة مثلك هتلاقى شخصيات منفتحة وعقليات متفتحة بعتقد مش هيكون فى اى صعوبة انك تلاقى الزوجة المناسبة ليك وفيما بعد ولادك هيكونوا مسحيين ويتعلموا ويعيشوا بشكل طبيعى .
ربنا معاك ويدبر امورك ويعيينك ويحميك من كل شر .. شفاعة ماما العدرا وكل القديسين تكون معك

 

[tamav maria]

 

[صوت صارخ]

أهلا حبيبى ......
كويس انك طلعت كل اللى جواك ..... ولى بضع ملاحظات
1- لا تظن ابدا أنه يوجد مسيحى واحد يظن أن العابر مسيحى درجة تانية .... بالعكس ... العابر مسيحى درجة أولى والمسيحى المولد يبدأ من الدرجة الثانية.... وينتهى بالدرجة صفر .... أى مسيحى بالبطاقة فقط .... وللأسف دول أغلبية ليس فى مصر فقط بل فى العالم أجمع .....
2- لا توجد مسيحية بدون صليب ..... ومن يبحث عن مسيحية بدون صليب فعليه أن يراجع مسيحيته
3- الصلاة المسيحية التى اعطاها لنا الرب يسوع تلزمنا أن نسلم حياتنا بالكامل للرب ..... فنقول له فى صلاتنا: لتكن مشيئتك ..... فإن كنا لا نعنى صلاتنا تلك .... فعلينا أن نراجع انفسنا ....
4- من المؤكد أن هناك نقاط ضعف فى حياتنا ..... ومن المؤكد ايضا أن الرب يعلم ذلك .... لذا علينا أن نطلب المعونة بكل لجاجة ..... وتأكد أن الأستجابة ستكون مبهرة ....
5- التحول من كونك مخدوم إلى خادم أمر مطلوب منك .... فهناك كثيرين بحاجة لك لتنقذهم من الهلاك الابدى ...... فلا تنسى ذلك

 

[+إيرينى+]

خلى عندك ثقة فى ربنا

اللى إنتشلك من الشارع و غير حياتك و خلاك تعتمد على نفسك

و قدرت تكون نفسك و تجيب شقة و كدة

خليك واثق إنه هيكمل معاك للآخر

أصبر __ كل شىء تحت السماء ليه وقت

 

[حبيب يسوع]

اابنى العزيز/
العابرون لهم مشاكل كثيرة ومنها عدم الثقة
فى العابر
عايز تتزوج تزوج عابرة هذا افض لحل لكما
امام الناس انتم مسلمين وامام الرب انتم مسيحيون
وياريت تعيش فى مدينة غير مدينتك لا يعرفك فيها احد
ربنا معاك

 

[Marina coptic]

سلام و نعمه للجميع

اولا احب اشكر اختنا الغاليه candy shop على ارسالها لينك الموضوع و دعوتى للمشاركه
اكتر حاجه عاوزة اعلق عليها موضوع الاصلى و الصينى ده
بص باه يا اخى ,,, انا عرفت مسيحيين(بالوراثه) كتير بحكم وجودى فى منتدى مسيحى اخر لاكتر من عامين
منهم اللى بالفعل مقدر قيمه الثروه اللى ورثها و مع ذلك كلامه و تعليقاته عاديه و مرحه و مش بيحاول يظهر بمظهر مقدس زائف ... الناس دى قلبها و عقلها كبير اوى و بتقدر تحس و تفهم اللى قدامها و بتساعده روحيا جدا عشان كده دول فعلا مسيحيين
و فيه ناس باه تقرا كلامهم تحس انك مش قادر تقول اسمهم حاف كده من غير كلمه قديس او قديسه فلانه ... الناس دى منهم بالفعل ناس كويسه لكن منهم ناس لما تقرب منهم تبقى عاوز تقول منكم لله دانتوا فعلا عار ,,, تلاقيهم دايما يشككوا فى ايمانك و يتكلموا من ورا ضهرك ... انا نفسى كان بيوصلنى عن شخص انه بيشكك فى ايمانى من ورايا و انا بطنش و لا بعطى اهميه لكلامه... اللى عاوزة اقوله ان ضعاف النفوس موجودين فى كل مله و دين بس فى المجمل ايه اهميه البشر؟؟؟
هو انت امنت بالمسيح ؟؟ و لا بالمسيحيين ؟؟؟
الكلام و التشكيك بيوجع انا معاك بس اللى انت امنت بيه و روحت له مش نايم ده حى شايف كل حاجه و بيمسح دموعك فالمفروض انت تقدره و تحبه اكتر من كده و تقول له يا رب اللى يشكك يشكك و اللى يقول عليا صينى براحته طالما انت عارف اللى فى قلبى و انا جايلك انت و مش شو باخد بيه تقدير البشر
اما عن المعاناه فربنا موجود و بيتدخل فى الوقت المناسب حسب مشيئته
يعلم الله انا بعمل شغل اراجوزات عشان اقدر اسافر ادخل كنيسه مثلا و بسمع كلام فى جنابى فى البيت كتير اووى ما هم برضه شاكين فيا و بخاطر مخاطره كبيره ممكن اخسر فيها اولادى بس برجع و اقول لنفسى اللى بدأ معايا الطريق مش هيسيبنى
اشكر ربنا انك اتعمدت و بتحضر صلاه و قداسات و بتتناول و تعترف ... غيرك اللى هو انا حب يروح كنيسه بس يصلى حتى لوحده فى يوم العيد و لقيت بوليس كتير على الباب فخفت يوقفونى و يفضلوا يسالونى داخله ليه و كده و ده طبعا يلفت النظر و ممكن حد يشوفنى فاضطريت امر من امام الكنيسه و انا بعيط و مش قادره حتى ابص ناحيتها و لا لما ربنا يقدرنى و احضر قداس باعجوبه و ييجى وقت التناول و انا واقفه مش قادره اتناول زى الناس و لا لما تتفق على المعموديه و تعمل المستحيل عشان ترتب امورك فى البيت و فى اخر لحظه يتصل بيك الاب الكاهن يعتذر كأنك قنبله موقوته هتنفجر فى الكنيسه,,,, بقولك الكلام ده لسبب واحد هو انك تحس انك فى نعمه اكتر من غيرك و تشكر ربنا عليها
اقولك ,,, اعمل زيى كل لما الدنيا تضيق حواليا اسمع الترنيمه دى

[YOUTUBE]4lSC3uiUdfc[/YOUTUBE]​

تصدق انت قلبك ابيض
شوف على حظك لقيت اخ ليا باعتلى الصوره دى

انا اسفه انى طولت اووووى كده بس انا حاسه بالم اخونا
ربنا معاك

 

[+إيرينى+]

 

[kawasaki]

مبدئيا انا مش هعرف اساعد فى حاجة بس يمكن ليا دور صغير ....

بص مبدئيا كدة انا كل الى اعرفهم او الى سمعت رايهم يعنى ... مش ان انت الى صينى واحنا الاصل .. لالالا العكس تماما ....

انا الى صينى علشان انا وجدت الله كدة موجود ووجدت المسيحية شىء طبيعى .. ولكن انت داخل و حابب الله حابب الحقيقة ... لازم تفهم ان مفهومك دة غلط ... وتعامل ان مفهومك دة هو الى غلط ...

حتى لو كان فيه ناس بتعمل الى انت بتقول عليه تاكد انهم ناس قليلة بجد ...

لو غيرت مفهومك تأكد ان المشكلة هتتحل وانت الى هتحلها بنفسك ....

ربنا معاك ويباركك وتجد المساعـــــــــدة

اسعدني مرورك الطيب
للاسف المفهوم ده يعتبر شئ اساسي في حياتنا
ربنا يدبر الصالح​

 

[aymonded]

سلام لشخصك العزيز يا محبوب الله الحلو
أولاً لكي تفهم مشكلة المسيحيين اليوم لازم تدخل على هذا الموضوع وتقرأه بتدقيق لماذا تخلى الله عنا - وقفة صريحة مع النفس...
وطبعاً لن يشعر أحد بك إلا من دخل في حمل الصليب أي الضيق بصبر القديسين في النور بروح قيامة يسوع، لأنه لن يوجد واحد يتبع الله من قلبه ولا يدخل في المحن والمشقات، لأن ما أكرب الطريق وأضيقه الذي يؤدي للحياة، والرب نفسه قال: في العالم سيكون لكم ضيق، ولكن ثقوا أنا قد غلبت العالم...
والضيق لا يفرح فيه الإنسان بل يحزن، لذلك قال الرب أيضاً: أنتم تبكون وتنوحون والعالم يفرح، لكن حزنكم سيتحول إلى فرح... فكل من يريد أن يحيا بالتقوى سيُضطهد حتى ولو كان مسيحي بالولادة لكنه يحيا مع الله بأمانة وصدق مُسلماً أموره بين يديه، لذلك المسيحيين باالاسم كثيرون ويضطهدون بشدة كل من يحيا بالفعل والحق لله، وبالطبع كل تعليقات إخوتي رائعة ولا أستطيع ان أكتب ما هو أفضل، ففضلت أن أكتب كلمات قصيرة للغاية طالباً من الله ان يهبك سيل جارف من النعمة ليقويك ويسندك وسط ضيق الأيام، كن معافي باسم الرب إلهنا آمين.
​