احنا ايه

[حبو اعدائكم]

متيئسش-- اصبر بس-- ربنا شايل لك حاجه حلوه اوى---
هو قال كدا-- قال هيعوض كل الى يسيب اهله و ناسه و حبايبه علشان ربه---
هيعوضك فى الارض و فى السماء-- كلام ربنا حقيقه مش وهم--
كلام ربنا مش اوهام--
و بداء فى تحقيق وعده و اصبحت جاهز تنتظر بس العروسه--
يبقى دى تصليله بئا من قلبك و هو هيجبهالك ثق فى كدا-- و اصبر شويه-
زى ما قولت لك فى بيبقى فى ايده عروسته و مش جاهز انه يتجوز-- و بيبقى مقهور و اوقات بيشوفها بتضيع من يده علشان اهلها بيجبروها تتجوز شخص جاهز---
يبقى استنى و اتطمن و كون متئكد ان عروستك ربنا هيبعتهالك--
اصبر و صلى
و هنصلى معاك-- بس خلى عندك ايمااااام ايمان جامد ان الرب هيعمل لك الصالح

 

[aymonded]

أخي الحبيب من وُهِبَ لهُ المواعيد العظمى والثمينة للدخول في سر الشركة مع الله والكنيسة اي أعضاء جسده المقدسين في الحق، لتسير في نور الحياة الجديدة في المسيح يسوع الذي يحتضنك مع كل من يحب اسمه في عدم فساد

• وبكوني أرى من كلماتك أن في داخلك ملامح الله الحلوة التي تولد في قلبك شوق دائم لله القدوس الحي بمحبة هادئة ورجاء ثابت، بإيمان صادق بسيط قادر أن يدخلك لعرش الرحمة كل حين وكل وقت، فتقرع باب الله الرفيع فيُفتح لك لأنها مسرة الله أن يفتح ويعطي كل أحباؤه الأخصاء، الذين هم مقبولين عنده لأن رأسنا يسوع يشفع فينا بدمه الذي به دخل إلى الأقداس مرة واحدة فوجد لنا فداءً أبدياً، فصرنا مقبولين فيه، وضعفنا لا شيء أمام حبه العظيم وعمله الفائق، لأنه يرفعنا لفوقه بالنعمة ويتراءف علينا ويغسلنا ويطهرنا وينقينا من خطايانا الذي نعترف بها دائماً كل حين أمامه ...

وإذ أرى واجب موضوع على كلينا في أن نصلي بعضنا من أجل بعض وأن نشدد بعضنا البعض في طريق الحياة أخذت أكتب إليك مرة أخرى بشوق أن يعطينا الله معاً تلك القوة السماوية التي تحفظنا له أنقياء محتملين كل ضيق بصبر عظيم موهوب لنا من الله في سرّ عمل روحه في باطننا لنصير شركاء المجد الإلهي حسب عطية الآب في المحبوب يسوع، لأنه صيرنا أبناء له في الابن الوحيد وجعلنا واحد في سر الكنيسة واختم كلماتي بكلمات القديس العظيم مصباح البرية القديس مقاريوس الكبير الذي قال :

• [ إن لم تُخلّصنا معونة القوة العليا ( الروح القدس ) من سهام الشرير الملتهبة، وأن لم نُحسب أهلاً لأن نكون أبناء بالتبني، فإن حياتنا على هذه الأرض تكون حينئذٍ باطلة وبلا هدف، إذ نوجد بعيدين عن قوة الله.
  لذلك فمن يريد ويشتهي أن يصير شريكاً في المجد الإلهي، وأن يرى كما في مرآة صورة المسيح في داخل عقله، فينبغي أن يطلب معونة الله التي تتدفق منه بقوة، يطلبها بحب مشتعل لا ينطفئ وبرغبة حارة من كل قلبه وكل قدرته، ليلاً ونهاراً ] ​

وحينما تمتلئ بقوة الله وتملكك بالتمام، فستجد كل أمورك مُيسرة سهلة مهما ما كان فيها مشقات، لأن قوة قيامة يسوع تستحوذ عليك كلياً فترفعك فوق الضيق فتحتمل بصبر كل مشقة وتفوز بفرح الحياة في المجد العلوي الذي يسكن داخلك، ويشهد في قلبك أنك لم تعد وحيداً منفرداً بذاتك، بل الله يسكن قلبك ويملك على كل ملكاتك الخاصة، فيجمع كل مشاعرك وأحاسيسك ويركزها في شخصه، لتنحصر في محبته الفائقة، فتنطلق بسهولة تنطق بمجده وتشهد بثمرة النفيس الذي يخرج منك بصورة أعمال حسنة حتى أن كل من يراها يمجده ويشكره ويرجع إليه، وعليك أن تعلم أنك صرت غُرس الرب للتمجيد، اي أنه غرسك عضواً جميلاً في شخصه وسط كنيسته اي أعضاؤه المؤمنين الذي به يحيون، حتى صرت أمير الله، لذلك يا أمير الله تأكد أنه سيقودك حسب مشيئته لأجل صالحك وسوف تتأكد من هذا كله بتعمقك وتأصلك في روح الشركة معه في سرّ التقوى ...

​

بكل محبة أخوية صادقة كأعضاء في كنيسة الله
أهديك تحية سلام نلناها من رب المجد يسوع المسيح
سائلاً أن يحفظك في ملئ محبته واهباً شخصك الحلو
أن تتمتع مع جميع القديسين بشركة محبته في النور
أقبل مني كل تقدير يا محبوب الله والقديسين
كن معافي باسم الثالوث القدوس
الإله الواحد الذي يليق به
كل تمجيد آمين​

 

[kawasaki]

طيب
هاحكيلكم عن مواقف عاصرتها بنفسي عن التجاهل اللي بيعيشه العابر
مره من سنتين قابلت عائله (راجل ومراته و ولدين وبنت لسه صغار)
عايزين يغطسوا
وبنعمه ربنا تم لهم الموضوع علي خير
الراجل ده كان بسيط وعيشته بسيطه ومكافح
وكان عنده (توك توك )بتاعه بيشتغل بيه
وبيروح الكنيسه هو وزوجته واطفاله بعيد عن مكان سكنهم
ومع مرور الايام
ابنه الصغير حكي امام جده لابوه ان (بابا يسوع بيضرب الشيطان وماما العدرا بتحبني )
الجد سأل الطفل مين قالك الكلام ده ؟
الطفل ببرائه الاطفال فهمه ان احنا بنروح الكنيسه وبناخد لعب وحاجات حلوه كتير
الدنيا اتقلبت علي الراجل وبيته
الراجل حس ان في حاجه هاتحصل من اهله . ايه هي الله اعلم
الراجل اتصل بزمايلي وانا
حاولنا نقعده في الكنيسه
الحارس اللي بيقعد باليل قالنا ياجماعه مش هاينفع
اتصلنا بأبونا قال نفس الكلام
واحد معانا قال طيب انا ممكن اشوفله مكان في حته تانيه
الولد يروح يحاول يتصرف
يتصل بينا محدش راضي
المشكله ان الراجل ده معاه زوجته واطفاله
لوكان بمفرده كنا بيتناه في اي مكان من اماكن سكننا
واحد بس "اصلي" طلب انه يقعده في شقه فاضيه عنده في عمارته
بس لازم ابونا يضمنه
يعم طب يضمنه في ايه
يقولي انه لما ااجي امشيه يمشي
ميتعبنيش.
اتصلنا بواحد اخ لينا برده "صيني" مجوز
خدنا الراجل وعياله ودناهم هناك
وبعديها باسبوع
ربنا كرمنا بفكره كانت بالنسبه لنا جباره
حطينا التوك توك علي عربيه نقل
وركبنا الراجل وزوجته واطفاله
وعلي قريه في الصعيد ....عدل
القريه دي نسبه المسلمين فيها تكاد تكون 3%
والراجل بنكلمه نعرف اخباره
نكتشف ان هو فرحان ان اهله اكتشفوا امره وهرب منهم
وسعيد جدا
هو الان اطفاله بيروحوا الكنيسه عادي خالــــــــــــــص
وعايش حياته بنعمه ربنا زي الفل
بس اهي تجربه والواحد علي قد ما فرح ان الاسره دي ربنا جعلنا سبب في راحتها
علي اد ما اضايقت من التجاهل ​

 

[+إيرينى+]

طيب يعنى إتحلت أهيه

 

[sha2awet 2alam]

مبدئيًا خلينا نتفق ان لسانى مسحوب منى و واقعية بطريقة مبتذلة عشان متستغربش ردى

مشكلتك تتلخص فى انك عايز تتجوز و مش عارف و حاسس بتجاهل أو انك مواطن درجة تانية عشان عابر ..

الاعضاء فى 5 صفحات بيقنعوك ان العابر مش مواطن درجة تانية ولا هو مسيحي صينى فى وجهة نظرهم .. و انا معاهم انت بالنسبة لى احسن منى .. بس انا بنت مسيحية بالمولد لو اتقدملى عابر اهلى هيرفضوه حتى لو قبلته و حتى لو كان ملاك نازل من السما مش انسان ! .. دة الواقع بدون تذويق ولا تزييف .. مش عشان انت قليل الايمان ولا عشان انت درجة تانية ولا صينى .. بس عشان احنا فى مجتمع غلط فى غلط .. انت لو اتجوزت بنت مسيحية دلوقتى و بطاقتك مسلم يبقى لازم هتتجوزها بعقد أو حتى يبقى كتب كتاب - صحيح هتعمل اكليل بس هيبقى فى السر - هتبقى البنت فى نظر المجتمع كله مسيحية متجوزة مسلم ! أصحابها و زملائها و جيرانها و بنت خالة عم امها .. و بالتالى البنت هتسقط من نظرهم و اسهل تعليق هيتقال عليها " شوفوا غلطت معاه بقا ولا حامل منه عشان كدة اجبر اهلها انها تتجوزه " ولا " شوفوا كانت بنت ربنا و سابت دينها عشان ال *** صحيح بنت ناقصة رباية " أو يقولو " شوفوا اهلها رموها و جوزوها مسلم .. صحيح ابوها دة راجل **** " و غيرها من اتهامات و شتايم و الفاظ نابية و ودودة من ورا البنت و اهلها و يمكن يبقى فيهم حد بجح و يقولهالهم فى وشهم !!

و لو اتقال انك عابر .. مش هتتساب .. الحيطان فى مصر ليها ودان و لو اتعرفت انك عابر الخبر هينتشر و هيتعرف و احنا شعب رغاى و محدش هيسيبك فى حالك ..

العيب ولا فيك ولا فى البنات ولا فى الاهالى .. العيب فى المناخ العام و للاسف دة مش فى ايدينا نغيره .. الحل فيها يا اما السفر يا اما الزواج باجنبية يا اما عابرة ... مع انى اظن لو كنت لاقى عابرة تتجوزها مكنتش جيت ولا حكيت .. و بعدين ريح روحك حتى لو كنت مسيحى بالمولد مكنتش هتتجوز عشان اسباب مختلفة .. زى ما بيقولوا تعددت الاسباب و الموت واحد .

اسمحلى اعقب على جزئية التجاهل و مضايقتك منه .. حضرتك مصرى و عارف المشاكل اللى بتحصل بسبب مجرد شك ان فيه واحدة مسيحية ماشية مع واحد مسلم أو العكس .. فايه الحال بقا لو اتعرف ان فيه كنيسة معينة مستخبى فيها واحد مسلم و عبر ؟؟؟؟؟؟ ساعتها مش هيولعوا فى الكنيسة باللى فيها بس .. دة و اللى يتشددلها و حتى تعاطف المسلمين العقلاء مش هتلاقيه .. مش معنى ان كاهن أو خادم ساعدوك فى العبور و العماد انهم مش خايفيين .. و لو مش خايفيين على روحهم هيخافوا على اهاليهم و ولادهم لو اتعرف ان ليهم علاقة بحاجة زى كدة يتأذوا .. احنا بشر .. طبيعى يخافوا و خصوصًا قدام ناس معدومة الضمير ..

حصل من كام سنة ان خادم شماس محترم جدًا و بيخدم كتير جدًا و اتعرف عنه انه بيساعد فى التبشير .. الخادم دة كان عايش لوحده فى شقة .. يوم اتأخر عن خدمته راحوا يشوفوه لاقوه مقتول و متكتف بسلك كهربا و علامات حرق و عذابات على جسمه .. و للتغطية على الموضوع اتقال انه بيشتغل فى صيدلية و رفض يدى ترامادول لكام ولد من المدمنين فاستحلفوله و عملوا فيه كدة .. و هيهات طبعًا و غيرها من القصص المؤلمة و اللى اتغطى عليها بقصص مختلفة تمامًا للبعد عن شبهة التعذيب

مش بقولك الكلام دة عشان اكسب تعاطفك ولا عشان ابرر خوفهم او تجاهلهم على حد تعبيرك .. انا بقولك اللى بيحصل على أرض الواقع .. لو المسلم العابر بيخاف من اهله يقتلوه لو غيّر دينه ايش حال اللى ساعده اصلا على التغيير ؟؟ لو مش هيرحموا ابنهم هيرحموا المسيحى الكافر المضلل ؟؟؟ .. كل الاعضاء مشكورين قالولك آيات التعزية و الكلام الجميل اللى على راسى .. بس فى كل مرة تتضايق من تصرف حد معاك حط نفسك مكانه بالظبط و شوف رد فعلك هيبقى ايه

ربنا هيعوضك دة وعده المسنودين عليه .. و أسفة على صراحتى و على الاطالة

 

[صوت صارخ]

مبدئيًا خلينا نتفق ان لسانى مسحوب منى و واقعية بطريقة مبتذلة عشان متستغربش ردى

مشكلتك تتلخص فى انك عايز تتجوز و مش عارف و حاسس بتجاهل أو انك مواطن درجة تانية عشان عابر ..

الاعضاء فى 5 صفحات بيقنعوك ان العابر مش مواطن درجة تانية ولا هو مسيحي صينى فى وجهة نظرهم .. و انا معاهم انت بالنسبة لى احسن منى .. بس انا بنت مسيحية بالمولد لو اتقدملى عابر اهلى هيرفضوه حتى لو قبلته و حتى لو كان ملاك نازل من السما مش انسان ! .. دة الواقع بدون تذويق ولا تزييف .. مش عشان انت قليل الايمان ولا عشان انت درجة تانية ولا صينى .. بس عشان احنا فى مجتمع غلط فى غلط .. انت لو اتجوزت بنت مسيحية دلوقتى و بطاقتك مسلم يبقى لازم هتتجوزها بعقد أو حتى يبقى كتب كتاب - صحيح هتعمل اكليل بس هيبقى فى السر - هتبقى البنت فى نظر المجتمع كله مسيحية متجوزة مسلم ! أصحابها و زملائها و جيرانها و بنت خالة عم امها .. و بالتالى البنت هتسقط من نظرهم و اسهل تعليق هيتقال عليها " شوفوا غلطت معاه بقا ولا حامل منه عشان كدة اجبر اهلها انها تتجوزه " ولا " شوفوا كانت بنت ربنا و سابت دينها عشان ال *** صحيح بنت ناقصة رباية " أو يقولو " شوفوا اهلها رموها و جوزوها مسلم .. صحيح ابوها دة راجل **** " و غيرها من اتهامات و شتايم و الفاظ نابية و ودودة من ورا البنت و اهلها و يمكن يبقى فيهم حد بجح و يقولهالهم فى وشهم !!

و لو اتقال انك عابر .. مش هتتساب .. الحيطان فى مصر ليها ودان و لو اتعرفت انك عابر الخبر هينتشر و هيتعرف و احنا شعب رغاى و محدش هيسيبك فى حالك ..

العيب ولا فيك ولا فى البنات ولا فى الاهالى .. العيب فى المناخ العام و للاسف دة مش فى ايدينا نغيره .. الحل فيها يا اما السفر يا اما الزواج باجنبية يا اما عابرة ... مع انى اظن لو كنت لاقى عابرة تتجوزها مكنتش جيت ولا حكيت .. و بعدين ريح روحك حتى لو كنت مسيحى بالمولد مكنتش هتتجوز عشان اسباب مختلفة .. زى ما بيقولوا تعددت الاسباب و الموت واحد .

اسمحلى اعقب على جزئية التجاهل و مضايقتك منه .. حضرتك مصرى و عارف المشاكل اللى بتحصل بسبب مجرد شك ان فيه واحدة مسيحية ماشية مع واحد مسلم أو العكس .. فايه الحال بقا لو اتعرف ان فيه كنيسة معينة مستخبى فيها واحد مسلم و عبر ؟؟؟؟؟؟ ساعتها مش هيولعوا فى الكنيسة باللى فيها بس .. دة و اللى يتشددلها و حتى تعاطف المسلمين العقلاء مش هتلاقيه .. مش معنى ان كاهن أو خادم ساعدوك فى العبور و العماد انهم مش خايفيين .. و لو مش خايفيين على روحهم هيخافوا على اهاليهم و ولادهم لو اتعرف ان ليهم علاقة بحاجة زى كدة يتأذوا .. احنا بشر .. طبيعى يخافوا و خصوصًا قدام ناس معدومة الضمير ..

حصل من كام سنة ان خادم شماس محترم جدًا و بيخدم كتير جدًا و اتعرف عنه انه بيساعد فى التبشير .. الخادم دة كان عايش لوحده فى شقة .. يوم اتأخر عن خدمته راحوا يشوفوه لاقوه مقتول و متكتف بسلك كهربا و علامات حرق و عذابات على جسمه .. و للتغطية على الموضوع اتقال انه بيشتغل فى صيدلية و رفض يدى ترامادول لكام ولد من المدمنين فاستحلفوله و عملوا فيه كدة .. و هيهات طبعًا و غيرها من القصص المؤلمة و اللى اتغطى عليها بقصص مختلفة تمامًا للبعد عن شبهة التعذيب

مش بقولك الكلام دة عشان اكسب تعاطفك ولا عشان ابرر خوفهم او تجاهلهم على حد تعبيرك .. انا بقولك اللى بيحصل على أرض الواقع .. لو المسلم العابر بيخاف من اهله يقتلوه لو غيّر دينه ايش حال اللى ساعده اصلا على التغيير ؟؟ لو مش هيرحموا ابنهم هيرحموا المسيحى الكافر المضلل ؟؟؟ .. كل الاعضاء مشكورين قالولك آيات التعزية و الكلام الجميل اللى على راسى .. بس فى كل مرة تتضايق من تصرف حد معاك حط نفسك مكانه بالظبط و شوف رد فعلك هيبقى ايه

ربنا هيعوضك دة وعده المسنودين عليه .. و أسفة على صراحتى و على الاطالة

يا دكتورة العابر معه بطاقة رقم قومى بتقول انه مسلم ..... ازاى الكنيسة تزوجه ...؟؟؟ مينفعش قانوناً ......
العابرين ليس أمامهم سوى الزواج من بعضهم البعض إسلاميا .... بعدها الكنيسة تكلل لهم .... لكن لازم يظهروا فى المجتمع كمسلمين .....
بالنسبة للأطفال سيتم عمادهم .... لكن اوراقهم ستكون إسلامية ....
هذا هو الوضع الحالى وسيظل حتى نجد مصر ذات يوم كل مسلميها مسيحيين الديانة مسلمين الورق

 

[sha2awet 2alam]

يا دكتورة العابر معه بطاقة رقم قومى بتقول انه مسلم ..... ازاى الكنيسة تزوجه ...؟؟؟ مينفعش قانوناً ......
العابرين ليس أمامهم سوى الزواج من بعضهم البعض إسلاميا .... بعدها الكنيسة تكلل لهم .... لكن لازم يظهروا فى المجتمع كمسلمين .....
بالنسبة للأطفال سيتم عمادهم .... لكن اوراقهم ستكون إسلامية ....
هذا هو الوضع الحالى وسيظل حتى نجد مصر ذات يوم كل مسلميها مسيحيين الديانة مسلمين الورق

ماهو دة اللى بقوله يا استاذى :

انت لو اتجوزت بنت مسيحية دلوقتى و بطاقتك مسلم يبقى لازم هتتجوزها بعقد أو حتى يبقى كتب كتاب - صحيح هتعمل اكليل بس هيبقى فى السر - هتبقى البنت فى نظر المجتمع كله مسيحية متجوزة مسلم !

و برضه فكرة طفل مسيحى بورق اسلامية حياة مأسوية فى ظل مجتمع بيتصيد الاخطاء .. دة كل اللى انا بتكلم فيه و مجيبتش سيرة الاطفال و وضعهم ايه

 

[ElectericCurrent]

مجرد إضافة صغيرة :
الصعوبة فى التوفّق فى شريكة الحياة .:. ليست أمراً حكراً فقط على العابرين دون غيرهم.
ما أكثر شباب أو شابات : يجدون صعوبة بالغة فى التوفـــّـق لاسباب عديدة خصوصاً فى الصعيد أو أرياف بحرى ..والبلدات ذات المجتمعات المغلقة... ما أكثر ما صادفت فى خدمتى شباب أو شابات المجتمع عمل لهم بلوك أو بلاك ليست BLack List>> لاسباب غاية فى التعسف .
فالقاعدة الذهبية التى أضعها أمامك ليس الشباب [من الجنسين ] [ من مسيحيى المولد ] يجدون الابواب مفتوحة على مصاريعها واسعة & والطرق مفتوحة مفروشة بالورود والرياحين..:.. إزاء أى محاولة إقتران او إرتباط.. بطريقة مطلقة.
هذه معلومة خيالية وصدقنى ليس للتخفيف عنك أقول هذا
نصيحتى وأكررها : 1- لا تحاول أن ترتبط قسراً وإفتعالاً... [لمجرد أنها شغلانة وتستفض منها ]..> حذار.... إياك ... إياك وهذه الغلطة الشنيعة.
2- أفضل محاولتك للهجرة خارج مصر - ولو بعد حين ...وأفُّضل محاولتك للاقتران بأجنبية سيكون أفضل .إنجليزية أو إيطالية أو يونانية أو ألمانية ..مثلا. الرب يدبر امور حياتك كإرادته الصالحة كتدبير أبوته الحانية.+

 

[R.O.R.O]

ماتزعلش لما أي باب يتقفل في حياتك .. حتى لو كنت شايفه حلو ..
صدقني مش هيقفلك الحلو غير لما يكون هيفتحلك الأحلى .. استناه !​

 

[salamboshra]

بصراحة ردود اخواتى حلوة قوووى + صلى لربنا بأخلاص ومن قلبك وتأكد ان الله لا يتركك لانه قال لا اهملك ولا اتركك + وبلاش الافكار دى صينى وغيره انت افضل من 10 افراد مسيحيين بالمولد اولهم انا + ربنا يكون معاك يسندك ويعضدك ويحوط عليك ويسيج بدم الحمل يسوع المسيح وبعطيك سؤل قلبك وكما يوافق مشيئة المسيح أمين

 

[kawasaki]

بصراحة ردود اخواتى حلوة قوووى + صلى لربنا بأخلاص ومن قلبك وتأكد ان الله لا يتركك لانه قال لا اهملك ولا اتركك + وبلاش الافكار دى صينى وغيره انت افضل من 10 افراد مسيحيين بالمولد اولهم انا + ربنا يكون معاك يسندك ويعضدك ويحوط عليك ويسيج بدم الحمل يسوع المسيح وبعطيك سؤل قلبك وكما يوافق مشيئة المسيح أمين

نورت الموضوع
مفيش حد احسن من حد
ربنا يبارك شعبه ​

 

[bb_5]

ربنا معاك ..

كنت فين من زماااااااااااااااااااان؟
مشكلتك كانت نفس مشكلتى و بسبب نفس المعاناة من عدم ا لاهتمام بالعابرين وقعت فى مشكلة اكبر كتباها فى المنتدى هنا ربنا معاك بجد حاسة بيك اوووووووووووووى

 

[Marina coptic]

تصدق كان عندك حق
احنا طلعنا اقل حتى من التقليد و فيه اللى بيعتبرونا بضاعه مضروبه اصلا و بنتحمل اهانات شديده كمان
بس انا برضه عند موقفى ان الواحد يرمى ورا ضهره و يكمل طريقه
معلش اتخنقت فدخلت بس اخرج الكلمتين دول
كل سنه و انتم طيبين

 

[صوت صارخ]

تصدق كان عندك حق
احنا طلعنا اقل حتى من التقليد و فيه اللى بيعتبرونا بضاعه مضروبه اصلا و بنتحمل اهانات شديده كمان
بس انا برضه عند موقفى ان الواحد يرمى ورا ضهره و يكمل طريقه
معلش اتخنقت فدخلت بس اخرج الكلمتين دول
كل سنه و انتم طيبين

كلام غلط ....... المشكلة إن الإنسان, إيا كان, يريد حل مشكلته بطريقته, وحسب فكره, وكثيرا ما يكون ما يريده غير متوافق عن ما يريده الله .....

 

[Marina coptic]

كلام غلط ....... المشكلة إن الإنسان, إيا كان, يريد حل مشكلته بطريقته, وحسب فكره, وكثيرا ما يكون ما يريده غير متوافق عن ما يريده الله .....

ازيك يا ابويا
يظهر انى معرفتش اوضح كلامى .. اعذرنى انا طول عمرى فاشله فى التعبير
كلامى مكنش على مشكله و لا بحث عن حلول و لا حاجه لكن كلامى كان عن الناس اللى بتترعب مننا حتى لو سالتها سؤال بسيط جدا ... كمثال من يومين فى عيد العدرا سالت اخ عن ميعاد الصلاه فى الكنيسه الساعه كام و خاف يقول لى الميعاد زى ما اكون مثلا مخبر و لا تكون الصلاه جريمه هبلغ عن ميعادها
انا مزعلتش منه لانه اخويا الصغير و شخص محترم و قدرت موقفه بس صعبت عليا نفسى و ملقيتش غير المنتدى اتفك بكلمتين بس
ربنا يبارك حياتك يا ابى العزيز

 

[noor4424]

الجميع عذى وامتدح فينا تحمل الألام واوصانا بالهجرة او الزواج بعابرة وكاننا نسل مختلف يجب ان يستمر من نفسه فقط..لا ومش هجرة وبس وزواج من اجنبيه كمان..كان الاجنبيه واقفه مستنيه على الباب حد مش من لغتها ولا ثقافتها..طيب ليه بقى يا اخواتى ماحدش قال يتجوز مسيحيه المول ويسافروا سوى..كله قال العادات والتقاليد..وانتوا مش عارفين ة بيعمل فينا ايه..والسبب دايما بيبقى التشكيك اكتر من العادات والتقاليد كمان..انا اسف بس مخنوق قووووووووووى ..عندى مشكله مشابهه شويه..فى الواقع يا اخوتى نحن بمفردنا تماما بل اقرب الى المرفوضين..لكن الرب معنا ..اثق فى ذلك تماما

 

[صوت صارخ]

الجميع عذى وامتدح فينا تحمل الألام واوصانا بالهجرة او الزواج بعابرة وكاننا نسل مختلف يجب ان يستمر من نفسه فقط..لا ومش هجرة وبس وزواج من اجنبيه كمان..كان الاجنبيه واقفه مستنيه على الباب حد مش من لغتها ولا ثقافتها..طيب ليه بقى يا اخواتى ماحدش قال يتجوز مسيحيه المول ويسافروا سوى..كله قال العادات والتقاليد..وانتوا مش عارفين ة بيعمل فينا ايه..والسبب دايما بيبقى التشكيك اكتر من العادات والتقاليد كمان..انا اسف بس مخنوق قووووووووووى ..عندى مشكله مشابهه شويه..فى الواقع يا اخوتى نحن بمفردنا تماما بل اقرب الى المرفوضين..لكن الرب معنا ..اثق فى ذلك تماما

حبيبى مش هاتعرف تاخد وثيقة زواج قانونية ...... احنا بنتكلم عن قانونية الزواج ... فى الكنيسة الارثذوكسية لا زواج بغير المسيحيين .... فى الكنيسة الكاثوليكية الشرقية الأمر له شروط صعبه ....
وفيه الحاجة الأهم ..... وهو حمل الصليب ..... مفيش مسيحية بدون صليب ....وتلك المشاكل هى الصليب اللى لازم تشيله .... واحنا اجدادنا شالوا الصليب عشان نكون مسيحيين ..... فاحمل انت ايضا صليبك ليكون ابناءك وحفادك مسيحيين ..... ربنا يباركك ويحافظ عليك ومستنين شهادتك فى قسم الشهادات

 

[noor4424]

ولماذا لا تجد الكنيسه طريقه لرعايه قسم من ابنائها ولماذا لا تزوج على كلامك ابن من ابنائها لمجرد عدم حمله لورق هى تعرف انه لا قيمه له ولا يحمل الحقيقه..لماذا لا يكون هناك شهادة هذة الكنيسه الخاصه بك بانك مسيحى وتكفى لان تزوجك الكنيسه..الطبيعى يا صدبقى ان نحمل الصليب ولكن هل من الممكن ان يكون الصليب الذى تحمله هو عدم اعتراف كنيسه الرب بك..اسالكم امام الله ان تجيبوا وبصراحه؟؟؟؟؟؟؟

 

[كلي أمل]

كل الشكر على موضوعك
الرائع
اخي احنا العابرين مثل الصندوق بستنو يشوفو مشكله فينا
انت دخلت الكنيسه اكيد في سبب غير الصلاة والتعلم
انا شخصيآ تعرضت لموقف بلكنيسه كاد انه يدمر مستقبلي
اخي نصيحه مني من تجربه
لا تستنى حد يعلمك او يدعمك نفسيآ او يساعدك
احنا ما النا غير اسم يسوع
ان كنت تبحث عن الخلاص
الرب معك ومع جميع العابرين
واكيد ناس كتير راح تزعل من كلامي
لاكن هاد الواقع
ربك يفرجها

 

[صوت صارخ]

ولماذا لا تجد الكنيسه طريقه لرعايه قسم من ابنائها ولماذا لا تزوج على كلامك ابن من ابنائها لمجرد عدم حمله لورق هى تعرف انه لا قيمه له ولا يحمل الحقيقه..لماذا لا يكون هناك شهادة هذة الكنيسه الخاصه بك بانك مسيحى وتكفى لان تزوجك الكنيسه..الطبيعى يا صدبقى ان نحمل الصليب ولكن هل من الممكن ان يكون الصليب الذى تحمله هو عدم اعتراف كنيسه الرب بك..اسالكم امام الله ان تجيبوا وبصراحه؟؟؟؟؟؟؟

الكنيسة ممكن تزوج العابر كسر مقدس .... لكن ماذا عن الوثائق القانونية ..... هنا تكمن المشكلة .... والسبب فيها الدولة وليست الكنيسة