"الأنامالية" خاص بـ "جمعيه المخنوقين المحدودة"

[marcelino]

اهلاً وسهلاً بكم جميعاً

في ثالث اجتماعات جمعيه المخنوقين المحدودة

نرحب بالزوار ولهم حرية المشاركة



هنتكلم عن موضوع


"الأنامالية"
((وانا مالى))

ليه بطلنا ناخد بالنا من بعض ؟!
ليه بطلنا نخاف على مشاعر بعض ؟!
ليه شقة جارى تتسرق ادام عينى وانا ساكت ؟!!
ليه بقينا نشوف البنت بتصرخ وتطلب النجده واحنا بنقول وانا مالى
ليه بقينا بنقول وانا مالى
وهى كانت بلد ابويا
ويعنى هى جت عليا
امتى هنبطل نقول كده ؟!
امتى هنبطل نبقى جنب بعض ومش حاسين ببعض ؟!
امتى هنبطل نبقى جنب بعض ومنعزلين عن بعض ؟!

الأنامالية خانقاك ..؟!
عايز تولع فى كل الى بيقولو كلمة انا مالى ..؟!
مضايق من الموضوع نفسه ..؟!
مضايق منى أنا شخصيا ..؟!

اتكلم براحتك وقول اللى فى نفسك

كل الكلام متاح مادام هتنفس بيه عن الى تاعبك

لو عندك حل ياريت نسمعه

ولو ماعندكش يبقى كفاية اننا بنسمع بعض وبنخفف على بعض
ودة هو نص الحل ..

اوعى تطلع من الموضوع وانت لسة ماخلصتش كلامك

ماتخليش فى نفسك حاجة 30:
​

 

[روزي86]

ليه بطلنا ناخد بالنا من بعض ؟!
ليه بطلنا نخاف على مشاعر بعض ؟!
​

دول كفايه اوي اوي

ياريت ناخد بالنا منهم لان دول فيهم الخلاصه لو اتعاملنا بعكس اللي موجود ده الدنيا اكيد هتبقي اجمل​

 

[tasoni queena]

ليه بطلنا ناخد بالنا من بعض ؟!

يمكن عشان مش عارفين حتى ناخد بالنا من نفسنا​

​

ليه شقة جارى تتسرق ادام عينى وانا ساكت ؟!! ​

يمكن بيخافوا على عمرهم مع انه ملوش لازمة يتخاف عليه​

​

​

ليه بقينا بنقول وانا مالى
وهى كانت بلد ابويا

اغتراااااااااااااب

عايز تولع فى كل الى بيقولو كلمة انا مالى ..؟!

لاء ساعات بعذرهم من اللى بشوفه حواليا

شكرا مارووو للموضوع الجميل

​

 

[الروح النارى]

ايه الجمااال ده

مارسيلينوا

الكل يفضفض
ويطلع اللى جواة

بس اوعى يفطس
من الضحك
هههههههه
​

 

[الروح النارى]

ده واقع الحياة المعاصرة

الجار متغرب عن جارة

مافيش مشاركات و لا سلام عابر

بينهم

دول اليوم من الصبح حتى أخر النهار

مخنوقين من الشغل و من مشاكله

مشتفرغين يزيدوا مشاكل الجيران عليها
أصبح المفهوم هم حرين
أنا مالى بيهم
ابقى حشرى و ادخل فى حياتهم
اقفل الباب على نفسى
انا و التليفزيون سوا
لحد ميعاد النوم
و الصحيان الصبح
روتين الحياة
جامد
مافيش و قت لزيارة الأهل
و الأصدقاء و القعاد معاهم
كفايه كلمتين فى التليفون
ونقولهم كل حاجة تمام
و احنا مخنوقين و مهمومين

مش كدة و ايه
؟؟؟!!!!
​

 

[سور]

عندك حق مارو
كل واحد بيقول انا ومابعدى الطوفان
مش مهم اى حد تانى غير نفسى وبس
ولو حد عايز مساعده يشوف المساعده ديه هتفيده هو شخصيا ولا لأ
وإلا الرد هيكون على طول
وانا مالى
بجد انا قبلت الناس ديه كتير فى شغلى
وبتخنق منهم جدا ومش بحب اتعامل ماهم​

 

[Critic]

السبب :
ان كل واحد فيه اللى كفيه و محدش بيسال عليه فده يسببله احباط و ياس و غضب و يقول مش هسأل على حد و لا هراعى حد زى ما انا مش فارق مع حد !!!

 

[$CinDrellA $]

الاغلبية بقا ماشى على مبدأ
انا ثم انا ثم انا ثم انا برضو
وغيرى فى دهاية ولا يهمنى اصلا
المهم نفسى وراحتها
ومش مهم غيرى يولع بقا يموت يزعل يتخنق يضايق
كله مش يخصنى وانا مالى المهم راحتك يابنفسى​

 

[youhnna]

متهيالى ياجماعة
اننا فعلا بنفقد روح المشاركة الجماعية وبتغلب علينا الانا
دة عصر الانا والايمان الشكلى
وطالما اى وجع بعيد عنى مش بيهمنى يصيب مين
الغيرة_الحسد_حب الذات_حب المظهرية والمجد الشخصى
عناصر الحياة اليومية فى اى مجتمع
الوصية التاكيدية اللى تركها ربنا لينا قبل الصعود (حبوا بعضكم بعضا كما احببتكم)
هل ليها اى محل اعراب فى حياتنا الواقعية
مجرد تساؤل

 

[HappyButterfly]

اهلاً وسهلاً بكم جميعاً

في ثالث اجتماعات جمعيه المخنوقين المحدودة

نرحب بالزوار ولهم حرية المشاركة



هنتكلم عن موضوع


"الأنامالية"
((وانا مالى))

ليه بطلنا ناخد بالنا من بعض ؟!
ليه بطلنا نخاف على مشاعر بعض ؟!

لان كل انسان بقى بيدور على مصلحته مابقاش فى حد يخاف على غيره
ليه شقة جارى تتسرق ادام عينى وانا ساكت ؟!!
ليه بقينا نشوف البنت بتصرخ وتطلب النجده واحنا بنقول وانا مالى

دى بقى حاجة لازم نتكسف منها ان البنت بتتعاكس وكلنا ساكتين خايفين من اللى بيعاكس
ليه بقينا بنقول وانا مالى
وهى كانت بلد ابويا
ويعنى هى جت عليا
امتى هنبطل نقول كده ؟!

مش حنبطل طول ما احنا حاسين اننا مش فى بلدنا ووطنا حاسين اننا غرب فيه واننا مش بناخد حقنا فيه يبقى ليه ندافعه عنه
امتى هنبطل نبقى جنب بعض ومش حاسين ببعض ؟!
امتى هنبطل نبقى جنب بعض ومنعزلين عن بعض ؟!
لما نحب بعض بجد مش نبقى نقول الحب بالكلام ومش بالفعل

الأنامالية خانقاك ..؟!
عايز تولع فى كل الى بيقولو كلمة انا مالى ..؟!
مضايق من الموضوع نفسه ..؟!
مضايق منى أنا شخصيا ..؟!

اتكلم براحتك وقول اللى فى نفسك

كل الكلام متاح مادام هتنفس بيه عن الى تاعبك

لو عندك حل ياريت نسمعه

ولو ماعندكش يبقى كفاية اننا بنسمع بعض وبنخفف على بعض
ودة هو نص الحل ..

اوعى تطلع من الموضوع وانت لسة ماخلصتش كلامك

ماتخليش فى نفسك حاجة 30:
​

موضوع جميل ومهما قولت فيه حغرق الموضوع كلام بقى

لان فعلا مبقاش حد بيخاف على حد
كله بقى يالا نفسى

 

[abokaf2020]

ارد ليه وانا مالي

 

[grges monir]

موضوع مهم مارسلينو
اول كلامى ان كلمة انا مالى دى هااتبقى فى ازدياد مستمر خلينا واقعيين
الظروف كلها والحال العام ماشى ضد كلمة الاهتمام بالاخرين وبينمى شعور الللامبالاة
بصراحة الموضوع خارج عن ارادة الناس شوية
زيى مقال كريتك كدة طحن الحياة اليومية والجرى ورا لقمة العيش والقلق المستمر من كيفية ازاى يوفرها يوميا خلقت شعور من التعب النفسى لكتير مننا هو انا قادر اظبط حال نفسى وبيتى لما ابص على حد تانى عامل اية؟؟؟
دة الشعور الاهم بقى ان الناس كرهت البلد اسااسا من الى شايفنية
نسمع عن كلمة ان شاللة تولع وانا اعملها اية كلمة ظهرت كرد فعل على الحال العام
الخلاصة ان الجرى ورا الحجات الاساسية خلى الناس تقول يالا نفسى
عارف انا سمعت فى مؤتمر ان التفكير قى الموضوع دة وصل لحد اتهام الخكومة قية
بيقول المحاضر ان المواطن لو استريح قى بلدنا دى هايبص على حاجات تانية الحكومةمش عاوزة يبص عليها
زيى الديمقراطية وحقوق الانسان فخلية مطحون احسن كدة لينا
متابع للموضوع ولاراء الاعضاء

 

[dodo jojo]

بجد بجد انت رائع انت جميل انت فظيع...الموضوع يستحق تقييم...والحته دى

ليه بطلنا ناخد بالنا من بعض ؟!
ليه بطلنا نخاف على مشاعر بعض ؟!
ليه شقة جارى تتسرق ادام عينى وانا ساكت ؟!!
ليه بقينا نشوف البنت بتصرخ وتطلب النجده واحنا بنقول وانا مالى

عجبتنى اووووووووووووى...شكرا كتييييييييير يا مينا البطل

 

[Alexander.t]

بجد بجد انت رائع انت جميل انت فظيع...الموضوع يستحق تقييم...والحته دى

ليه بطلنا ناخد بالنا من بعض ؟!
ليه بطلنا نخاف على مشاعر بعض ؟!
ليه شقة جارى تتسرق ادام عينى وانا ساكت ؟!!
ليه بقينا نشوف البنت بتصرخ وتطلب النجده واحنا بنقول وانا مالى

عجبتنى اووووووووووووى...شكرا كتييييييييير يا مينا البطل

مارسيلينو اللى منزل الموضوع يا دودو

 

[dodo jojo]

سورى بس التقييم ادتهولك انت متخافش والشكر ليك برده يا مارش

 

[+Roka_Jesus+]

هو الاغلبية بقيت كده مش مهتمة بحد الاهم مصلحتي اولا لكن في ناس بتسال ويهمها الجار وكل حاجة بس النسبة دي قليلة جدا
​

 

[ponponayah]

متابعة
وليا عودة​

 

[mero_engel]

لانه دي بقت طبيبعه الحياه والناس كده
هيخدموا ليه البلد او الناس اللي فيها
وهو مش حاسين بانتماء داخل بلدهم بالعكس كارهينها
وبعدين كل واحد بيفكر انه حتي لو ساعد اي حد عمره ما هيلاقي اللي قف جنبه ويساعده
ويردله وقوفه جنبه
فعلا مبقاش فيه وفاء من اي حد ولا حد
يبقي الناس هتحب بعض ليه
موضوع جامد يا مارسلينو
ميرسي

 

[johna&jesus]

حلو اوى وليا عودة
​

 

[marcelino]

ليه بطلنا ناخد بالنا من بعض ؟!
ليه بطلنا نخاف على مشاعر بعض ؟!
​

دول كفايه اوي اوي

ياريت ناخد بالنا منهم لان دول فيهم الخلاصه لو اتعاملنا بعكس اللي موجود ده الدنيا اكيد هتبقي اجمل​

ثانكس مرورك ومشاركتك يا روزى
​