"الأنامالية" خاص بـ "جمعيه المخنوقين المحدودة"

[marcelino]

اى خدمة يا باشا
عشان تعرف ان الواحد مش مشترك اونطة وخلاص ههههه
بس هودة الحال ( التجميل ودفن الرأس فى الرمال زيىالنعامة لن يجدى مارسلينو ولا اية)
متابع ارائك صديقى

طيب هنعمل ايه

يا اما نولع فى نفسنا يا اما نولع فيهم 30:
​

 

[marcelino]

ليه بطلنا ناخد بالنا من بعض ؟!
تقريبا بقت حاله عامه
ليه بطلنا نخاف على مشاعر بعض ؟!
حقيقى بقت فى مشكله كبيره فى الذوق العام
ليه شقة جارى تتسرق ادام عينى وانا ساكت ؟!!
خوف اصبح متملكنا من حتى النطق بكلمة حق
ليه بقينا نشوف البنت بتصرخ وتطلب النجده واحنا بنقول وانا مالى
سلبيه ولا مبالاه اصبحوا اهم ما يميز المجتمع والامثله حوالينا كتير
ليه بقينا بنقول وانا مالى
الانانيه احيانا واحيانا تانيه عقاب وانتقام من مجتمع ظالم
وهى كانت بلد ابويا
عدم الانتماء شىء بشع بيخلى الانسان يبيع كل القضايا للى يدفع اكتر
ويعنى هى جت عليا
مفيش تطبيق لمبدأ ابدأ بنفسك بس لسه بنادى بيه كشعار متجمد لوقت الاحتياج ليه وده لما بنطالب بيه غيرنا بس
امتى هنبطل نقول كده ؟!
لما المجتمع كله يتغير ومش هيتغير الا بهزه او زلزال يهده من الاساس والحكايه تبدأ من الاول يعنى من الاخر الامل فى بكره لان النهارده خلاص قرب يحصل امبارح ويندفن جنبه
امتى هنبطل نبقى جنب بعض ومش حاسين ببعض ؟!
لما الاحساس يرجعلنا من تانى ..تفتكر سهل ده يحصل ؟؟
امتى هنبطل نبقى جنب بعض ومنعزلين عن بعض ؟!
الدنيا بقت مطحنه اللى بيحاول يقف ولو للحظه يبص فيها وراه او على اللى جنبه ويشوف بيحصله ايه بيروح فى الرجلين ... مش بدافع عن غلط بس بحكى واقع عايشينه وحاسينه
الأنامالية خانقاك ..؟!
اكيييييييد زى ما خانقه الكل حتى اللى بينادوا بيها
عايز تولع فى كل الى بيقولو كلمة انا مالى ..؟!
لا مش للدرجه دى هههههه
مش جايز اكون واحده منهم
مضايق من الموضوع نفسه ..؟!
لا ابدااااااااا
مضايق منى أنا شخصيا ..؟!
اكيد هههههههه
الموضوع ببساطه مش مشكلة فرد أو مجموعه مشكلة مجتمع أصبح بتحكمه الماده ولا شىء سواها
الماده هى اللى بتتكلم وبتحكم حتى على عواطفنا ومشاعرنا اللى مبقيناش نشوفها الا وقت المصلحه
الاحلام والطموحات كلها بقت ماديه
تعرف انت حد لما بتسأله عن حلمه بيتكلم عن اى حاجه مش بمقابل مادى؟؟
حتى التعليم هدفه مادى
الحب اصبح ذليل للماده
حتى الدين اصبح فى مجتمعنا تجاره والتجاره شطاره ويا سلام بقى لما التاجر يبقى بدقن وذبيبه ومراته خمارها مجرجر وراها يبقى ثقه وامان وفى الاخر الهدف من المظاهر الدينيه مادى بحت
المال اصل لكل الشرور ولسه يا عالم هياخدنا لفين اكتر من كده
الفقر المطارد دائماً بتهديد بعبارة لو كان رجلاً لقتله الكثيرين بيفرض على الناس انهم يعيشوا بقانونه هو وبحكمه هو لانهم مجبرين على التعايش باقل القليل والستر من الفضايح وقلة الدخل بيوطى الصوت وبيحنى الضهر وبيعمى العين
يعنى من الاخر الانسانيه بتختفى وبتظهر كل المظاهر البشعه اللى بتتكلم عنها
ميرررررررسى وووووواسفه جدااا على الاطاله

يا لهوى على التحليل المخيف ههههههه

اخر جزء يخوف بجد من اللى جاى

ده الموضوع طلع اكبر ما كنا متصورين

ليه ابعاد بعيده خالص عن الكلمه نفسها ( وانا مالى)

ثااااااانكس يا اداره ( الجمعيه ) على الرد التحليلى الرائع ده
​

 

[oesi no]

طيب ما انا مالى فعلا
انا مالى ان كانت المرتبات فى النازل
والحب بقى مصالح
والحياة بقت كلها ماديات
والواحد مش ناقص هم على همه ومش هيشيل همه وهم غيره
لانه لما جرب يشيل بقى حكر وفرض عليه انه يشيل
مهما تعب ومهما اتهان لازم يشيل
ووقت ما ينخ عن الشيل يبقى اكنه مشالش
يبقى الشيله من الاول مالهاش لازمة
لان الناس فقدت الاحساس والتقدير
يبقى انا مالللللى
ما ياكش تولع وتخرب
وعلى رأى المثل
السلام عليكم ورحمة الله وبركاته واللى فى جيبك هاته
we are egypt
​

 

[+Bent El3dra+]

ليه بطلنا ناخد بالنا من بعض ؟!
عشان المصالح بقت بتكسب للاسف
ليه بطلنا نخاف على مشاعر بعض ؟!
عشان بنفكر فى نفسنا وبنرد جرح مشاعرنا فى الناس حتى لو ملهاش ذنب
ليه شقة جارى تتسرق ادام عينى وانا ساكت ؟!!
جايز خوف من الحرامية
ليه بقينا نشوف البنت بتصرخ وتطلب النجده واحنا بنقول وانا مالى
ليه بقينا بنقول وانا مالى
وهى كانت بلد ابويا
ويعنى هى جت عليا
امتى هنبطل نقول كده ؟!
لما حال البلد يتعدل وترجع ايام الرجولة
امتى هنبطل نبقى جنب بعض ومش حاسين ببعض ؟!
امتى هنبطل نبقى جنب بعض ومنعزلين عن بعض ؟!

ميرسى ع الموضوع الجميل ده
​

 

[johna&jesus]

فى انتظار العودة يا جون​

بصى يا مارو
ملهاش غير كلمتين محدش بقى ينفع حد ولا اصحاب ولا حتى الاخوات
اخوك بيفكر ازاى ياخد اللى معاك وممكن يموتك لو هتقف فى سكته
مبقاش فى حب:smi411:​