حوار مع عضو في غربة(متجدد)

[Twin]

افكارك جميلة يا روزى كالعادة



اجب اسأل توين
​

فى ايه دولة انت الان ؟

south africa

وفى اى دولة انت ولدت ؟

egypt​

هل فعلا شعرت بمعنى الغربة بسبب بعدك عن اهلك وناسك ؟

أكيد ... وتعبان أخر حاجة

والا بتقوم بتقسيم وقتك بحيث لا تشعر باعراض الملل او الغربة ؟

الغربة لا تعني الملل
وليست لها علاقة به
فالغربة بها كل ما هو ممتع ... وجديد

ولكن الغربة غربة بكل معانيها
أقل ما يقال عليها ... موحشة

فى انتظار اجابتك اخ توين..وليا عودة

تنور​

 

[روزي86]

افكارك جميلة يا روزى كالعادة


اجب اسأل توين

فى ايه دولة انت الان ؟
وفى اى دولة انت ولدت ؟

هل فعلا شعرت بمعنى الغربة بسبب بعدك عن اهلك وناسك ؟
والا بتقوم بتقسيم وقتك بحيث لا تشعر باعراض الملل او الغربة ؟

فى انتظار اجابتك اخ توين..وليا عودة



​

ميرسي لزوقك يا هيرووووووو

 

[Twin]

وانا متابعه ........



















وبدون اساله
مفيش بعد كدا فتري اهو
شو رايك فيا بقي ههههههه

لا تعليق :ranting:​

 

[Twin]

عدنااااااااااا​

عايزه اعرف امتي هتستقر في مصر وهتقول مش هسافر تاني خلاص؟​

لما ربنا يريد
كله بأمره​

 

[روزي86]

طيب نفسك تسافر بلد تاني قريب والا انت مرتاح في البلد دي؟
​

 

[Twin]

طيب نفسك تسافر بلد تاني قريب والا انت مرتاح في البلد دي؟​

لا هو أنا مرتاح ... أه مش بنسبة كبيرة ... بس في الوقت الحالي مرضي أنا
وعلي فكرة جنوب أفريقيا تعتبر من أعظم الدول في العالم تقدماً ورقي ومن كل النواحي
وبيكفي أنه بيعيش فيها تقريباً كل جنسيات العالم ...

بس لو تمنيت أسافر حتة تانيه ... نفسي أروح أي دولة من دول أوروبا الشمالية​

 

[روزي86]

طيب ايه الشئ اللي لفت نظرك اول لما سافرت وتمنيت انه يكون في بلدك ولكن لحد الان لم يتحقق؟
​

 

[Twin]

طيب ايه الشئ اللي لفت نظرك اول لما سافرت وتمنيت انه يكون في بلدك ولكن لحد الان لم يتحقق؟​

لا ... صعب السؤال ده

مصر مميزة بحاجات كتيرة مش موجودة هنا
وجنوب أفريقيا فيها حاجات مش موجودة هناك
صعب أتمني أو أفكر
لكل بلد رونقها وسحرها الخاص
فالطبيعة الجغرافيا مختلفة والتواصل الثقافي مختلف ... الأتنين مينفعش يتحطوا في ليفل واحد فجنوب أفريقيا في ليفل تاني خالص ... ومصر قدمها عشرات السنين علشان توصل لنص جنوب أفريقيا
وبعد الثورة ... والأسلاموا فوبيا بتاع الأسلمجية ... نقول ممكن تبقي بعد مئات السنين
​

 

[نغم]

بما انى اقيم فى احدى الدول الاسكندنافية لذلك هتكون اسئلتى من مغتربة لمغترب

ايمتى تحس انك فعلا منتمى للمكان اللى انت مقيم فيه وانه غالى عليك كبلدك اى موقف خلاك تحس انك منتمى لها ؟؟
ايمتى تحس انك بأرض غريبة لو مهما عشت سنين فيها ؟؟
وسؤال من شدة الفضول
:34ef:
هل معك الجنسية ؟؟

 

[Twin]

بما انى اقيم فى احدى الدول الاسكندنافية لذلك هتكون اسئلتى من مغتربة لمغترب

ايمتى تحس انك فعلا منتمى للمكان اللى انت مقيم فيه وانه غالى عليك كبلدك اى موقف خلاك تحس انك منتمى لها ؟؟
ايمتى تحس انك بأرض غريبة لو مهما عشت سنين فيها ؟؟
وسؤال من شدة الفضول
:34ef:
هل معك الجنسية ؟؟

اولاً ... ربنا يعينك علي غربتك ويرجعك بالسلامة لوطنك

وثانياً ... أنا مش معايا الجنسية ... أنا معايا أقامة عمل

وثالثاً ... أعتقد أني مش هحس أحساس الأنتماء ده لأي دولة غير مصر أمي
بس ممكن أحسها ... في المستقبل
أستمد الأحساس ده من أحساس ولادي ... لو أتولدوا هنا ... وبقوا مجنسين
فممكن أعيش الأنتماء ال هما هيعشوه معاهم

أما فكرة أحساس بالأرض الغربية ... فأنا بعيش فيه علطول
فالغربة أقوي من أي إحساس بعيشه هنا
فالأحاسيس هنا لحظية​

 

[نغم]

وثالثاً ... أعتقد أني مش هحس أحساس الأنتماء ده لأي دولة غير مصر أمي
بس ممكن أحسها ... في المستقبل
أستمد الأحساس ده من أحساس ولادي ... لو أتولدوا هنا ... وبقوا مجنسين
فممكن أعيش الأنتماء ال هما هيعشوه معاهم​

معك حق انشاء الاسرة هيقدم لك استقرار يشعرك بانها غاليه عليك كبلدك
لكن انا كذلك قصدت بما يتعلق مثلا لما تسمع اخبار الاقتصادية او سياسية للبلد ايه بتكون ردة فعلك لما تعرف انه البلد اللى انت مقيم فيها بتدهور او بتقدم ؟او مثلا قضية اجتماعية او ظاهرة حصلت موخرا وكل المواطنين يتحاورا حولها ؟؟ مابتحس انه بعض الاحيان يزعجك تدهور امور كانت جميلة؟ ام بتقول لنفسك وانا دخلى ايه انا مغترب ولى بلد تانية

 

[Twin]

معك حق انشاء الاسرة هيقدم لك استقرار يشعرك بانها غاليه عليك كبلدك
لكن انا كذلك قصدت بما يتعلق مثلا لما تسمع اخبار الاقتصادية او سياسية للبلد ايه بتكون ردة فعلك لما تعرف انه البلد اللى انت مقيم فيها بتدهور او بتقدم ؟او مثلا قضية اجتماعية او ظاهرة حصلت موخرا وكل المواطنين يتحاورا حولها ؟؟ مابتحس انه بعض الاحيان يزعجك تدهور امور كانت جميلة؟ ام بتقول لنفسك وانا دخلى ايه انا مغترب ولى بلد تانية

هو في كل الحالات بعتبر نفسي في غربة :dance:
بس أنا إنسان ... عايش هنا ... بتأثر بال بيدور حوليا من أمور
سواء سياسية أو أقتصادية أو رياضية ... يعني ممكن تقولي عليا متابع ... مش أكتر

بس ممكن ... أتشد أوي لسعر الدولار :t33:​

 

[ميرنا]

هو اى حد بيسئل ولا ايه مكسلة ابص فى اول صفحة

 

[روزي86]

هو اى حد بيسئل ولا ايه مكسلة ابص فى اول صفحة

اه يا ميرنا اي حد يسال الضيف اللي هو توين

 

[ميرنا]

نهارك زحلقى

السؤال الاول جاوب بقى

توتا احكيلنا يومك ازاى فى بلد الافيال واحكيلنا مواقف غريبة مضحكة حصلت معاك هناك؟
قولنا نفسك يكون مين معاك دلوقتى
اشمعنى لبنانية عاوز ترتبط بيها وهنسمع خبرك امتى جوازك متفهمش غلط
قبلت اسد عندك ولا لسه ركبت فيل ولا ايه احكيلنا كام موقف كدا

 

[ميرنا]

اه يا ميرنا اي حد يسال الضيف اللي هو توين

تمام يا كبيرة هنخلصلك عليه فى غضون 45 يوم :smil12:

 

[روزي86]

تمام يا كبيرة هنخلصلك عليه فى غضون 45 يوم :smil12:

هههههههههههه يلا علي البركه

ربنا يقويكم ههههههههه

 

[oesi no]

قولى يا كبير
اخبار البنات هناك ايه
هاه

 

[Twin]

هو اى حد بيسئل ولا ايه مكسلة ابص فى اول صفحة

لا أي حد يا مرنون ... بس يكون معين
مش مفتري :ranting:​

 

[Twin]

نهارك زحلقى

ربنا ع المفتري ​

السؤال الاول جاوب بقى

توتا احكيلنا يومك ازاى فى بلد الافيال

يومي بيبدأ الساعة 5 ونص الصبح -صحيان-
6 وربع بعد الدش والشاي ... بدور العربية وأطلع علي الله
بركب الطريق السريع لشغلي الساعة 7 الا ربع
بوصل الشغل الساعة 8 الا ربع
بعد حوالي 90 كيلو سواقة من بيتي للشغل
وبفضل في الشغل لحد الساعة 6
و 6 ونص بنبدأ في طريق العودة ... وبوصل بيتي الساعة 8 الا ربع
وبخش النت من 8 الي 9 ونص ... وباكل بسرعة وأشرب حاجة
وع الساعة 10 بنام ... بس لو في فيلم حلو أو ماتش بسهر شوية وأخري لـ 11
وبنام عافية
وعلي فكرة أنا الأيام دية بنشف من البرد ... مع أننا لسة يدوب دخلين ع الشتا
درجة الحرارة بتوصل بالليل لتحت الصفر بدرجة أو أتنين​

واحكيلنا مواقف غريبة مضحكة حصلت معاك هناك؟

ده عايز موضوع لوحده ... عن قريب هكتبه :smil12:
بس أفتكر الأسبوع ال فات ... وأنا سايق الصبح وعلي 120 ... وفي ملف بين جبلين ... شوفت قرد بسم الله ... طول بعرض ... بيعدي الشارع ... ولو فرملت أكيد هعمل حادثة ... رحت داخل ع جنب الطريق ومهدي

ومرة بالليل ... بس مكنتش أنا ال سايق كان صاحب الشغل
عدة قدمنا حيوان كبير زي اللاما في مصر اصغر من الجمل شوية ... أسمه الكودو تقريباً هنا
بس كان عسولة أوي ​

أه علي فكرة ... الطريق ده من أخطر الطرق في south africa بيسموه طريق الموت
بسبب كمية الحوادث ال فيه​

قولنا نفسك يكون مين معاك دلوقتى

بصراحة وبدون مجالات ... أخويا وأختي ... ومراتي المفقودة :beee:​

اشمعنى لبنانية عاوز ترتبط بيها وهنسمع خبرك امتى جوازك متفهمش غلط

أنا مفهمتكيش أصلاً متقلقيش :t33:
لبنانية لسببين مش أكتر .... جمال أوي :smil12:
وبتكلموا عربي ... وثقافتهم شبه ثقافتنا شوية ... يعني مش هيبقي هناك دم بعد الجواز​

قبلت اسد عندك ولا لسه ركبت فيل ولا ايه احكيلنا كام موقف كدا

لا مقبلتش أسد لسه ... ولا ركبت فيل
أنا بشوف حيوانات كتيرة أوي .... بس في التلفزيون :t33:​