خواطر مسيحية (متجددة) بقلم/ناجح ناصح جيد

[أَمَة]

 

[كلدانية]

بأحلم بكنيسة مشفية على كلمة الله متربية و بمحبة المسيح متغذية
فى الاداريات زى الروحيات من غير مؤامرات و لا تحزبات
عارفة القيمة و نفوس مش لئيمة و لا أفواه نميمة
تقول الكلمة وراك زى ما تقولها قدامك
تعوز سلامك و ماتسعاش لخصمك ، تحارب ابليس مش تحارب بعضيها ، تركع تصلي تسند النفوس و على إبليس تدوس
بأحلم باخوة و اخوات تعيش الجسديات زى الروحيات من غير انفصام فى الشخصية
بأحلم بخدام ضد مملكة إبليس الهدام إينما حلو يحل السلام
بأحلم بموهوبين حقيقيين مش مدعين و لا مزيفين ، بمواهبهم يخدموا اخوتهم المؤمنين
بأحلم برعاة تابعين للراعي الصالح يعرفوك من غير اغراض و لا مصالح ، يجمعوا القلوب حوالين الرب المحبوب من غير مبدأ فرق تسود
لأنهم اسوياء الشخصية و حلوين القلوب
بأحلم بالنور اللى يطرد الضلمة و نتلم حوالين بعض من غير ظلمة
بأحلم بقلوب صافية مش جافية تكون دوا للتعبان
بأحلم.. و مصير الحلم يبقي حقيقة !!!
#NagehNaseh

امين يارب
ربنا يبارك حياتك وخدمتك المباركة

 

[أَمَة]

 

[أَمَة]

كان يا ما كان فيه انسان
جسد الانسانية ورجعها لأصلها
عاشها بكل مافيها جرب بلاويها
خال من الخطية والعيوب
جاى يقدم نفسه ذبيحة
كامة تامة يحرر القلوب
علشان كده بقى مصلوب
كان بيتحرك بالروح وهو الله
وده مش تناقض دا كمال الكمال
خطية وخطايا واوجاع البشرية شال
ولا كل ولا مل من الاحمال
ومازال منتظر الخطاة هو منبع الامال
مسيحى ربي وإلهى علاج الخطية والشك والنكران
بأحاول اعبر عن شخصه وأوصف لكن محال
محال انى اوضح اكثر لقصور الأقوال
طيب تعرفه ازاى زى ما هو زى الكتاب ماقال
افتح قلبك يدخل يسكن فيه ويكسر الاقفال
تعرف شخصه تتمتع بحبه وتتخلص من الاحمال
يبقى رفيقك فى السكنى والترحال
يحررك من عيوبك وينور دروبك زى ما قال
خدها من مجرب ومتجرب داق حبه وجرب
مفيش احلى منه ، والدنيا من غيره عذاب
بصدق هو احب الاحباب واخلص الصحاب
هتلاقى صعاب لكن ياغالى مش لوحدك
معاه هتعدى وتخطى اصعب الجبال
٢١ ديسمبر ٢٠١٩
الكلمات قاصرة عن تبيان روعة
( الكائن من الازل و إلى الأبد و الذى شرف فى بشريتنا بتجسده فى الزمن)
#NagehNaseh

 

[أَمَة]

غيمة قدر كف فى سمانا بتلف و بتلف
هتبقى مطرة تملئ ارضنا و هتفيض ألف و ألف
صدق فى الرب و علىّ إيمانك فوق كل سقف
يزرع أرضك بالخيرات بألف صنف
يسعد حياتك و ترنم له بقيثارة و دف
تقول اناشيدك و تغني ترانيمك و تصفق بالكف
تعيش الحق و تعلنه من غير دوران و لف
غيمة قدر كف فى سمانا بتلف و بتلف.

#NagehNaseh

 

[أَمَة]

●يا عم انت فاضي
○طيب اسمعها منى يا عم راضي
زمان كان المشغول فاضي
دلوقتي بقي الفاضي مشغول
●اشرح و قول يا حكيم زمانك !!
○قبل ما تتريق افهم
●حاااضر
○ زمان كانت الدنيا طاحونة لكن القلوب حنونة
دلوقتي بقيت الدنيا مجنونة لا ليها عقل و لا فهم
●وضح الكلام
○حاضر
فى عز الطاحونة كانت القلوب الحنونة
تجري على الحبايب من غير حسابات و لا تأويلات
تسافر ساعات علشان تقعد مع الحبايب دقايق
دلوقتي
فى لحظات تك تك ممكن تشوف الحبايب
عبر الاتصالات لكن لا اتصالات و لا سؤالات ليه
اصل الدنيا المجنونة
قست القلوب و مبقتش حنونة
و كل واحد منا ساكن فى مغارة و اللى يتنسي نقول لنفوسنا فى ٦٠ غااارة
ريح و ارتحنا منه من غير خسااارة !!

#NagehNaseh

 

[كلدانية]

اه يادنيا كم بقيت قاسية والقلوب من غير حنية ومحبة
تسلم استاذ ناجح كلام راائع ومعبر جداااا
ربنا يبارك ويزيد في مواضيعك القيمة

 

[أَمَة]

خاطرة
يعنى ايه مسيحى؟؟!!
يعنى المسيح سيدى والمحبة دينى
يعنى القوة مش فى السلاح
قوتى فى العفة والصلاح
وطول صبرى والكفاح
يعنى ايه مسيحى؟؟؟!!!
يعنى تعليم سيدى منهجى وحياتى
وان جه فى السكة ضيق تبقى عينى على الرب الهى الصديق والرفيق
يعنى ايه مسيحى؟؟!!
يعنى الله صار أبويا وشخصه صار حبيبى
أبويا مش واقفلى على الغلطة ومش هأعيش حياتى فى ورطة
حياتى اتكال مش تواكل
حياتى تسليم مش استسلام
وأكيد هاتقابلنى متاعب لكن فى كل دى
يعظم انتصارى بالرب مسيحى حبيبى
عرفت يعنى ايه مسيحى تابع مخلص أمين لسيدى
وان قصرت فى يوم وتعبت اجرى علطول لعرش النعمة معونتى وفيه اشكى همومى واجدد قوتى
يعنى ايه مسيحى؟؟!!
يعنى مش دين وبس لا... يعنى المسيح صار دينى!!!!
صار حياتى لحد مماتى وهناك ابديتى ضمانها مع حبيبى.
عرفت يعنى ايه مسيحى؟؟!!
2018
#Nageh_Naseh

 

[أَمَة]

المال فحسب لا يصنع الاكتفاء
القوة فحسب لا تصنع الانتصار
المنصب فحسب لا يصنع القيمة
المكانة فحسب لا تصنع الكيان
رغم أهمية كل ما سبق فى مكانه
فلا تعطيه الأهمية و اختبر اهميتك
بعيداً عن كل هذا
فكن ذاتك و لا تكن للذاتك
لا تبك على مكانة وهمية
فأنت فى ذاتك ذو أهمية
ان لم تزيح تراب كل هذا عن ذاتك
فلا بد ان تتعرى ذاتك يوماً ما و حينئذ تعيش الخزي كل الخزي
فأكشف ذاتك امام الرب لئلا تنكشف !!!

#NagehNaseh

 

[أَمَة]

احصد زرعك
و لما يجي قلعك
اوع تبكي على اللي يجرلك
ياما تم تحذيرك
و استهنت بنفيرك
و قلت عجائز على كبارك
و لما صار اللى صار لك
قلت فينكم يا كبار ي
ياللى غادرتم دياري !!!
....

المعجم الجامع
نَفَخَ فِي النَّفِيرِ : فِي الْبُوقِ الَّذِي يُنْفَخُ فِيهِ
أنصار الرَّجل وعشيرتُه.

#NagehNaseh

 

[كلدانية]

رااائع جدااا ماتكتبه استاذ ناجح ربنا يبارك مجهودك وتعبك

 

[أَمَة]

قلبك فى عقلك و عقلك فى قلبك
لا تجعلهما يتصارعان
بل
اجعلهما يتصادقان
#NagehNaseh

 

[أَمَة]

أول حاجة
فى
وقت الحاجة
أوع
تقول لحد على حاجة
ارفع
عينك للرب فى كل حاجة
و قوله
يا إلهي أنا فى حاجة
..
فَيَمْلأُ إِلهِي كُلَّ احْتِيَاجِكُمْ بِحَسَبِ غِنَاهُ فِي الْمَجْدِ فِي الْمَسِيحِ يَسُوعَ. (فيلبي ٤: ١٩)
...
ترنيمة
حاجتي دوما اليك، راحتي في راحتيك،

كل أمري في يديك حبيبي يا يسوع

#NagehNaseh

 

[كلدانية]

امين يايسوع امين
اضع كل شئ بين ياديك
ربنا يبارك خدمتك ومجهودك استاذ ناجح

 

[أَمَة]

و بينما يبدو ان الطريق طويل
صوتك يهمس فى الاعماق لا يوجد مستحيل.. واصل المسير فأنا معك فى كل أمر عسير !!!!
#NagehNaseh

 

[أَمَة]

الاتزان ميزان للزمان
اوع
تنحرف عنه يا إنسان
أوع
تنجرف بالوجدان
أو بلحظةحلوة
من لحظات الزمان
اوزن قراراتك
و اضبطها بكل الكيان
قرار خاطى
فى لحظة حلوة
يخلي حياتك مُرة .
...
معجم المعاني الجامع
الوجدان:
حالة نفسية تجعل الإنسان متأثرا بعواطفه أكثر من تأثر بفكره

#NagehNaseh

 

[أَمَة]

يتعانق صدق الكلام
و كذا صمته الحقيقي مع الآلام
فيُعطي للمتألم سلام
فلا تكن مدعيّ عندما تلتقي بمتألم !!!

#NagehNaseh

 

[أَمَة]

عاوز أقولك حقيقة
خليك فى المشيئة
لما يضيع منك امر
بلاش تخليها حريقة
للرب فى أمورك الدقيقة
ألف طريقة و طريقة
عاوز تعرفها عيشها
و عاوز تعيشها أعرفها
و كن للرب كل ثانية و كل دقيقة
بكده هتعيش المشيئة
بكلمته و عرش نعمته
هيقودك فى طريقه
كلامي ليك حقيقة
سلم للمشيئة
#NagehNaseh

 

[كلدانية]

امين
كتباتك كلها حلووة ومعبرة استاذ ناجح
اشكرك جداااا لمجهودك الرااائع

 

[أَمَة]

بلاش تبقي مزقطط
و فى حياتك بتتنطط
و على صفحات الفيس بتعيط
من الغلاء و البلاء و الولا بتهبط
يا خال يا خالة بلا ش تتشعوط
الناس مش ناقصة كلام يخبط
قول كلمة حلوة من غير ما تتشرط
لا عاوزينها وردية و لا سلبية وبلاش تتحوط
قول ربنا موجود و ثقوا فيه من غير ما تغوط
..
تتشعوط = الشعوطة= إشعال النيران
تتحوط = بلاش تبقي حويط
تغوط بالبلدي من الغويط اى الدواخل

#NagehNaseh