زهقت خلاص وطال المشوار
زهقت خلاص قربت انهار
زهقت يارب مش قادر اختار
عايش فى ليل مش لاقى نهار
كل يوم باخد قرار
اقول راجع لالهى البار
راجع بتوبة ودموعى انهار
باخد اول خطوة بعزم جبار
وكلى حماس وعزم واصرار
لكن للاسف مكملتش المشوار
وطلعت يارب عيل وجبان زى الفار
بس انا يارب زعلان
لانك عارف انى تعبان
عارف انى محتاج للامان
يارب انت فين اظهر وبان
يارب انا من خطايايا خجلان
يارب رجعنى ليك زى زمان
وحشنى حضنك اللى مليان حنان
يارب انا محتاج سلامك
محتاج يارب امانك
محتاج يارب افتكر الامك
وافتكر دمك وافتكر كلامك
وافتكر كل وعودك وافعالك
يارب انا جاي تانى
خلينى اقوى من احزانى
اقوى من مشاكلى و اثامى
اقف جنبى وقوينى
يارب انا بصرخلك ساعدنى
ومن وسط مشاكلى ارفعنى
وعن كل الدنيا موتنى
خلينى جنبك احمينى
بصرخلك يارب ارحمنى
بصرخلك وعايزك جنبى
يارب انا زهقت خلاص
من حياتى ومن الناس
نجينى يارب وسامحنى
منقول
