شخابيط .. بلا صدى !!!!

[+Nevena+]

ساعات بنحس اننا وصلنا للحاجه اللي عايزنها
واننا قربنا ليها جدا وفي لحظه كل شئ يضيع منا
وبسهوله كل مجهودنا يضيع وكأنه ما كان
ونفضل وقتها نلوم القدر
ياتري دا عيب القدر فعلا ولا الخطأ منا احنا؟
ياتري احنا فعلا فاهمين نفسنا ؟
ياتري احنا فعلا عارفين احنا عايزين ايه ؟

​

 

[Dona Nabil]

بالامس جلست استمع للاخبار المتعلقه بانتشار مرض انفلونزا الخنازير
وصدمنى توقع وزير الصحه ان من الشهر القادم سيصبح من المحتمل ازدياد عدد المصابين ل 250000 اسبوعيا
وطبعا مع عدم توفر المصل للجميع و نقص كمية الدواء المعالج لهذا المرض لا احد يعلم كيف ستجرى الامور .
ولكن ابشروا على الاقل سيكون المنتدى هو المكان الوحيد الامن من هذا المرض نلجأ اليه ونحتمى به
بتمنالكم صباح متفائل

 

[Dona Nabil]

اجمل احساس فى الكون ان الانسان يكون حاسس بالرضا وراحة البال
والحاجتين دول مش بيبعدنا عنهم الا لما بنبعد عن ربنا
بنتوه
وبنخاف
وبنقلق
لكن لما بنرجع نسلم أمرنا لربنا
ونعيش حياة الشركه معاه صح بيرجعلنا اماننا المفقود والدنيا شكلها بيتغير للاحسن
ربنا معاكوا كلكوا ​

 

[HappyButterfly]

تعبت اوى بجد كل يوم كلية وتعب وامتحانات مبتخلصش
غير بعدى عنك يارب خلى قلبى ملىء حزن
كتير ناس بتجرحنا وكتير احنا بنجرح
ارحمنى يارب واشيل الحمل من على لانى تعبت
وقوينى يالله

 

[Dona Nabil]

جميل انك تشعر ان الناس كلها متجمعه على هدف واحد
اصلنا قليل لما بنتفق على حاجه
ومباراة مصر والجزائر جمعت الناس على هدف الفوز
اعلام فى كل مكان على العربيات وفى البيوت وحتى مع الاطفال
الكل بيتكلم عن المباراه بحماس وحب
كل التمنيات بالفوز لمصر ويكفينا شرف الاداء الراقى

 

[oesi no]

اداء راقى وبأهداف +3
واوبا ايه اوبا اه ان شاء الله هنكسب
​

 

[johna&jesus]

اجلس فى بعض الاوقات
واحزن انكى كانتى لى حبيبة
اعدكى بان اترك دروب العش للعشاق
والسعادة لمن يستحق وانتى اتركى قلبى ممزق بلا حياة
واهجريه ليكون مسكن للاحزان
والبسمة لا تنسى ان تاخذيها معاكى لانها بدونك لا تسوى شى
مش عارف كله بيسبنى ويمشى ليه هو انا وحش ولا ايه ؟​

 

[Dona Nabil]

حقيقى الفرحه الجماعيه ليها طعم تانى
الف مبرووووووووووووك لكل اللى فرحوا بالفوز النهارده

 

[oesi no]

واللى مفرحوش مش هنقولهم هارد لك
بس تصلولى اخد التاجيل يوم الاربع
وهتلاقونا صاعدين كاس عالم
​

 

[marmora jesus]

من اكتر الحاجات اللي بكرهها في حياتي الانتظار
فعلا صعب جدا وفي كل احواله صعب بس بيكون درجات
بكره اوي الخوف بحس انه بيقدني وعمري ما حبيت احس اني مقيدة بحب احس اني حره
الخوف بقي حاجة اساسية في حياتي بداعي او من غير داعي
مش عارفة يمكن اتعودت عليه
لما بفرح بقيت بخاف لاني عارفة ان الحزن هيجي اكيد
ولما بحزن بخاف اكتر اني مش اعيش الفرح من تاني
مش عارفة اقول ايه بس انا حاليا خايفه اوي وكمان في حالة انتظار لحاجات كتير
ياربي الاتنين اصعب من بعض​

 

[vetaa]

بجد مبسوطه باللى حصل امبارح
بالشوارع كلها
رغم ان محدش اخد حاجه من الفوز دة
بس كله امبارح كان فرحاااااااااان
ومسيحى ومسلم ومكنش فى اى فرق
يارب بقى كلنا نبقى بنحب بعض فى كل حاجه
مش بس فى الكورة والفوز​

 

[johna&jesus]

الفرحة كانت مليا قلوب الكل
والاعلام كانت فى كل جتى
فى الشوارع والبيوت
وربنا خلنا نفوز علشان يفرح قلوب
الناس الكتير دى
ملايين كتير كانت بتدعى
وربنا استجاب لينا​

 

[بنت كلوج]

بجد أنا مليان كلام كتيررررررررررررررر ونفسى حد يسمعنى بس مش أى حد حد اثق فيه ومش يستخف بكلامى طبعا ده مش نفسك لوحدك لكن نفسى انا كمان وبالطبع جربت اعلاقة بالمسيح ..علاقة الحب وليس المنفعة هاتحس انه ابوك اللى بتجرى عليه لابل ابوك اللى بيدلعك وانت قاعد فى حضنه...ومش هاتثق الافيييييييييه ...الوحيييييييد الذى لايستخف بكلامك يسامح اولاده دائما ويقدر انفعلاتهم سواء كانوا مظلومين او ظالمين...مااحلى هذة العلاقة

 

[بنت كلوج]

مد ايدك لينا يا رب لاننا بيك ومعاك أقوى من أى خوف جوانا اكيد اللى حاسس بالكلام ده لاززززززم يبقى مطمن..ربنايبارككم

 

[بنت كلوج]

لية الواحد لما بيحب حد قوى
يتاخد منه فى غمضة عين
لية الحلو تملى مش بيستمر؟
لية الدنيا والقدر قاسين علينا؟
لية اعز ماليك بيتخطف منك؟
ولية ولية ولية ولية !!!!!!! حبيبتى سندريلا...ماابعد طرقه عن الفحص واحكامه عن الاستقصاء لان من عرف فكر الرب او من صار له مشيرا او من سبق فاعطاه فيكافا .....باختصار ملء الزمان هو الوقت المناسب فى نظر الله..ربنا يباركك

 

[بنت كلوج]

ارحمنى يا رب من خوفى و قلة ايمانى
لما ببعد واتوه عنك بتعثر و اقع واعانى
وحياتى بدونك يا الهى بتبقى وجعانى
قربنى منك لان معاك مش هعوز شىء تانى طبعا صلوة جميلة ومعبرة ومختصرة يارب كلنا نصليها...معك لا اريد شيئا على الارض

 

[Alexander.t]

تعبت من قلة النوم

شغل من الصبح ل بالليل :t32:​

 

[$CinDrellA $]

الدنيا دى غريبة قوى
ولا ياترى الظروف هى اللى قاسية علينا
مرة واحدة تحسسك بالامان ومرة واحدة تخطفه منك
عجيبة يا دنيا وعجيبة احوالك​

 

[oesi no]

احيانا الواحد بيتخيل انه ماسك حاجة فى ايده ومتبت فيها اوى
ويقعد يحلم ويحلم ويحلم هيعمل ايه بالحاجة دى
وفى ظل ما هو بيحلم
فجاءة يكتشف انه مش ماسك حاجة
وانه اللى كان ماسكه شويه هوا او حتة شويه ميه اتسربو من ايديه وهو بيحلم هيعمل بيهم ايه

​

 

[Alexander.t]

منذ ما يقرب من 6 سنوات قولت لازم يبقى عندى محل

وفعلا اخدت محل وبقيت صاحب محل

لكن ايه اللى اتغير كل اللى اتغير انى بعدت عن ربنا

مبقتش اروح ولا خدمه ولا قداس ولا بقيت حتى بطلع معاهم مؤتمرات ولا حتى رحلات ولا ولا ولا ولا ولا ولا ..........

سامحنى يا مخلصى ​