عزيزتى الفتاه العربيه: لهذه الاسباب لا تتزوجى الا من الاجنبي

[lo siento_mucho]

يارب تحصل خناقه في الموضوع ده واتفرج شويه
بقالي كتير مش حضرت خناقات

 

[marcelino]

يارب تحصل خناقه في الموضوع ده واتفرج شويه
بقالي كتير مش حضرت خناقات

أأنسي :yaka:
​

 

[marcelino]

اسمحلى ميلو ارد فى النقطة دى مع انى عاوزة ارد على اكتر من نقطة
انت بتقول اخرجى برحتك وارجعى برحتك مش هيكون عليكى رقيب
مش ده المقصود الست مش عاوزة تخرج وتروح وتيجى على مزاجها لكن عاوزة يبقى ليها كيان يبقى ليها الحق فى الخروج
مننكرش ان فى رجالة كتير جدا مش بيحبوه مراتهم تخرج ولا تروح اى مكان علشان بيخاف عليها زى ما بيقول سورى ده مش مبرر
ومش معنى كدا انها عاوزة تتجوز اجنبى علشان النقطة دى
واسفة انى طولت
​

محدش قال حاجه .. ومش عيب انها تخرج وتيجى براحتها لانها مش طفله ومسؤله عن نفسها وتصرفاتها


​

كمان فى حاجة تانى كل اللى انت ذكرته فوق ده مش مقتصر على الاجانب بس فى رجالة كتير مصريين متفهمين جدا جدا
وبيدوا حرية لزوجاتهم يعملوا اللى هما عاوزينه من خروج ودخول وكلام مع ناس تانى وبيسبوها تلبس برحتها فى حدود الادب طبعا
اكيد الحاجات دى مش مقتصرة على الاجنبى بس
ده كمان فى نقطة غايبة عننا ان ممكن تصرفات الاجنبى وعاداته وتقاليده
متتناسبش معانا ونرفضها شكلا وموضوعا
لاننا نختلف عنهم فى العادات والتقاليد
ميرسى لموضوعك
​

حلو اوى
​

 

[marcelino]

هو احقاقا للحق يعنى .. مش شرط خالص

انا اعرف رجالة مصريين و متجوزين معندهمش مأساة فى اللبس ولا فى الخروجات بالحدود اللى زوجاتهم بتحددها و تقولهم قبلها و مادام ضامنين انهم نازلين فى اماكن مفيهاش ذئاب بشرية و متحرشين بيسيبو زوجاتهم يلبسو براحتهم .. ولا بيمدو ايديهم ولا بيضربو و حتى الخناقات بتبقى جوا البيت و حتى الجيران مش بيسمعو صوتهم ..

الموضوع مش قاعدة عامة .. و ليا ناس اعرفهم كويس اتجوزو من اجانب و تعبو جدًا بسبب اختلاف الثقافة .. مينفعش نعمم ان كل العرب رجالتهم بيحدو الحرية و بيضربو زوجاتهم و بيعلو صوتهم و و و و .. ولا كل الاجانب ملايكة و عارفين حدودهم اوى و واقعيين و فاهمين الحرية فيه هنا و فيه هنا .. بتعتمد على طريقة تربية الراجل و بيت اسرته كان شكله ايه و الثقافة اللى هو طلع منها و مشاكله النفسية

كويس اوى ..

بس الفكره انى كنت بوضح مميزات الاغلبيه
​

 

[R.O.R.O]

محدش قال حاجه .. ومش عيب انها تخرج وتيجى براحتها لانها مش طفله ومسؤله عن نفسها وتصرفاتها

تمام بس اللى يسمع ويعمل بقا
​

 

[marcelino]

موضوعك مميز يامارسلينو بس الناس ممكن تفهم عكس اللى انت عايز توصله
زى مثلا مسألة انها تخرج وترجع براحتها ديه
انت عارف ان الجملة ديه بتتفسر تلقائيا الى انها رغبة من الست فى الانحلال وانها تكون ماشية بمزاجها وتعمل الغلط من غير ضابط ولارابط ومش لاقيه حد يحكمها زى مابيقولوا leasantr
احنا كده مش عندنا وسط :t31:

بالنسبة للجواز انا شايفة كل واحد يختار اللى يريحه ويتناسب مع شخصيته وطريقة تفكيره
مش كل الرجالة المصريين نظرتهم ضيقة للامور وان كان نسبة كبيرة منهم كده بس بردو مش كلهم
ومش كل الاجانب مريحين فى كل شئ بردو
ديه بترجع لشخصية الراجل ومدى تفتح عقلة وشخصية الست بردو وهى عايزة ايه فى شخصية الراجل اللى هترتبط بيه

لا المفروض لا يتفهم عكس لانى اقصد كل حرف فيه

وكنت بختم كل نقطه بكلمه مش عيييب ولا حرام علشان عارف اللى فيها

كويس اخر سطور من ردك .. الراجل الشرقى الجديد ابتدى يظهر
​

 

[marcelino]

معنديش اضافات اكتر من اللى قالها كريتيك فى موضوع سابق وقالتها شقاوه هنا ..

بس افتكر انى شفت قبل كدة فيلم اسمه بارديس ... بيحكى عن شاب امريكى من اصول هنديه والده نزل يخطبله بنت من الهند وتسافر معاه امريكا ...

ووضح فى تسلسل احداث فروق الحضاره الرهيبه ... طبعاً مع المبالغه دى دراما هنديه ولكن صحيحه ..

هو بيسكر .. بيدخن .. له علاقات سابقه .. مش فيرجن يعنى .. طلب منها معرفتها قبل الزواج بفتره ... وطبعا رفضت وحصلت الخناقه وهربت ورجعت بلدها ....

المضمون ... الاجنبى مش وحش .... بس سورى يعنى مش ملاك
والمصرى مش تيت يا ناس ... انتوا مطلعينه همجى مدرسش ومنضجش ومقراش ومترباش ... ايه دة :11azy: !!

دة بنى ادم ... ودة بنى ادم ...
ثقافتى الشرقيه ان انتقلت للثقافه الغربيه هيحصلى صدمه مش هقدر اتأقلم ... مش لانى بقى مجبره ومقهوره ... بيتى مفيهوش المسلسلات التركيه دى ... بس مبدأ ثقافه وحضاره انا اتربيت عليها ... مقدرش فى يوم وليله اغيرها فى بلد اجنبى

ومعظم على فكره الجيل بتاعنا من الشباب متفتح وفاهم ... وراقى ... معرفش دة حال الكل ولا الوسط اللى بتعامل فيه هو بس اللى كدة ... لكن الموضوع مش بالشكل دة ...

انا بحترم الرجل الشرقى ... بحترم مشاعره .. وانه لما بيحب .. بيفوق اى رجل اخر !!
​

كويس بردو ..

الراجل الشرقى مش همجى ومش شرير

بس مش سلعه علشان اعرضه
​

 

[marcelino]

بلا غربي بلا هم فاكرين تحت القبه شيخ خلو الطابق مستور
كيف متساويين في الحقوق ؟مافيش تساوي فيه تمرد على واجباتها ومحاولة مجاراة الرجل في كل شئ الى ان تنتهي على القيام بواجباتها وواجباته مع بعض ده اللي اسمه مساواه وتساوي ويبقى هو حاله على ماعليه مايقوم باكثر من واجبه.

ليه بس

من فين الفكره السيئه دى ؟
​

 

[Strident]

دول ممتازين انا نفسى اتجوز واحد اسيوى بجد شعوب محترمة جدا وفى حالها وبتاعت شغل وعايزة تعيش وبس

بس فيه منه قطع غيار ؟ leasantr

فيه كتير دول فوق المليار ونص!


بس انا ﻻ....مش هاتجوز اسيوية خالص

Caucasian او Middle Eastern بسسسس

غير كده مش عايز شكراً

ده في الجواز يعني

 

[Desert Rose]

فيه كتير دول فوق المليار ونص!


بس انا ﻻ....مش هاتجوز اسيوية خالص

Caucasian او Middle Eastern بسسسس

غير كده مش عايز شكراً

ده في الجواز يعني

ليه بس دول حلوين ومقطقطين :smile01:smile01

 

[+GOSPEL OF TRUTH+]

بحيي الاخت شقاوة قلم علي ردها المميز بس احب اقولها ان المتربي في الغرب او مع غربيين مش بيبقي عنده فرق ثقافي هايل بلعكس بيبقي ممزق اوي و تعبان بين هنا و هناك و دا عن تجربه والله مش اي كلام و هيحب الطرف الي اتربي عنده اكتر مش الي اصلا اهله منتمين ليه لان مال اهله الا بالواقع و بس!

بيبقي عارف يتفاهم مع كل من الشرقيين و الغربيين في نفس الوقت و اسئلي اي عربي متربي في اوروبا هيقولك كدا

انما الي طووووووول عمره مولود و متربي في الشرق و ما اختلطش بغربيين طبيعي اوي هيلاقي فارق ثقافي و حضاري و نفس الشء للغربي المتربي في الشرق زي اليونانيين و الايطاليين زمان بيطلع فاهم الشرق كويس اوي و مش مصدوم منه و في نفس الوقت عنده ثقافه غربيه كويسه ففيه ناس خاصه المخلطين فاهمين الثقافتين كويس اوي و دي تجربه شخصيه كما قولت

نيجي بقي للراجل الشرقي

للاسف الشديد جدا الراجل الشرقي من الثلاتينات للثمانينات كان ممتاز اوي و زي الفل و متفتح و كان تقدمي متقبل لحريه المرأه بس بحدود برضه

جينا بقي للمد الديني في التسعينات و الالفينات بقت حاجه تقرف اوي

مافيش شاب(ناصح) بيرضي يتجوز واحده موش محجبه و لو مش محجبه تتحجب(بتكلم عن الوسط الاسلامي الي انا متعايشه معاه لانه الاغلبيه الي بتشكل البلد) و الانكي بقي انه الشاب مبقاش عاوز يسيب مراته تتابع طموحها خاصه في الطبقات القليله الرقي الثقافي و المادي و بقي عايز مراته تخرج لابسه يا هلاهيل يا اكياس زباله سودا ....و كمان التسيب الاخلاقي البشع انه يروح يضرب حشيش و ترامادول و يشتم بالاب و شرف الام و يسب دينه ذات نفسه و يرجع يقول حرام و حلال و اتحشمي يا مرا لووووووووووووووووووول و ستين لول و حتي بالنسبه لنا نحن المسيحيين برضه بلاقي ناس بتعمل قضيه علي البنطلون و النص كم و الكات (ايه التخلف دا) شوفوا من اربعين سنه اهالينا الكرام كان لبسهم ايه ولا نسينا ...خلاص المصريين زي التعبان كدا كل شويه يغيروا جلدهم!!!!!!!!!!

و مين بقي ربي التزمت و التخلف جوا الراجل الشرقي بالاسلوب دا

اموووووووووووووو اموووووووو الي اتولدت في الخمسينات او الستينات و كانت بتلبس الميني و الميكرو و اذ بها فجاه تعرف ربنا و تقول لكل حاجه حرااااااااااااام و كأن الله قد تمت معرفته الساعه واحده الصبح او دينه الساعه واحده الصبح و قبل كدا مافيش

عشان نلخص في السريع:

عوامل سادت علي تخلف الرجل الشرقي:

السعوده و ثقافه الخليج(رغم حبي الحقيقي للسعوديين بجد)

العوده من الجهاد و افغانستان

ثقافه الانفتاح و الاستهلاك الزائد اوي الي تخنت الناس و خلتهم جواميس

التلون الاجتماعي فتجد الجميع تأسلم و التحي و تجلبب و تنقب

التزمت الثقافي حتي بين المسيحيين برضه

الاستهانه بحريه المرأه اوي و اعتبار المراه وعاء للجنس و الحمل و الولاده

تربيه الام الغلط

و كل العوامل دي سبب ظهور التحرش برضه بس مش هخش فيه عشان عاوز له موضوع منفصل في حد ذاته...

و ارجع و اقول مش هعمم لانه اكيد فيه قله قليله اوي اوي نضيفه و لسه حاضره من الرجال الشرقيين

بسسسسسسسسسسس قولت الي عندي يا زمن و مش هقول تاني ما هو انت شايف يا زمن دمعي و احزاني

و السلام ختام
​

 

[Strident]

المشكلة الاكبر بقى في اللي ﻻ هنا وﻻ هناك

اللي عايز حرية المرأة والمساواة التامة (وبالتالي مش من مصر) وف نفس الوقت عايز واحدة زيه مؤمنة بابدية الزواج

وفوق كل ده، عايزها بصفات معينة

 

[عبود عبده عبود]

الراجل الشرقى متربى غلط ؟؟؟
يعنى والدى ووالدِك متربين غلط ؟؟
طيب ربونا ازاى ؟؟
دة احنا متربيناش أصلا بقى ...
دة احنا كدة كُناسة البشرية !!!!
وأحنا مش كدة ...​

التعميم اللى حصل فى إحدى المشاركات هو تعميم مُسئ جداً....
أحنا نقول رأينا ماشى ...ع العين والراس ​

لكن نعمم الرأى دة ع الرجالة ونقول
على الراجل الشرقى أنه أتربى غلط وستين غلط = مش متربى أصلاً!!!!​

ودة معناه الوحيد أنى راجل شرقى مش متربى !!!!!!
ودة مايبقاش رأى ...
يبقى حاجة تانية ....... تفتقد أصلاً للرأى ...​

وقبل ما نوصم المجتمع الشرقى بالتخلف مش عايزين ننسى إن المجتمع دة مكون مننا كلنا...


بلاش نعيش كأننا نازلين ع المجتمع بالبارشورت
وأننا من طينة تانية غير الطينة


بلاش نتنكر لأهالينا اللى ربونا


بلاش نحتقر ذواتنا ...​

 

[Strident]

الراجل الشرقى متربى غلط ؟؟؟
يعنى والدى ووالدِك متربين غلط ؟؟
طيب ربونا ازاى ؟؟
دة احنا متربيناش أصلا بقى ...
دة احنا كدة كُناسة البشرية !!!!
وأحنا مش كدة ...​

التعميم اللى حصل فى إحدى المشاركات هو تعميم مُسئ جداً....
أحنا نقول رأينا ماشى ...ع العين والراس ​

لكن نعمم الرأى دة ع الرجالة ونقول
على الراجل الشرقى أنه أتربى غلط وستين غلط = مش متربى أصلاً!!!!​

ودة معناه الوحيد أنى راجل شرقى مش متربى !!!!!!
ودة مايبقاش رأى ...
يبقى حاجة تانية ....... تفتقد أصلاً للرأى ...​

وقبل ما نوصم المجتمع الشرقى بالتخلف مش عايزين ننسى إن المجتمع دة مكون مننا كلنا...


بلاش نعيش كأننا نازلين ع المجتمع بالبارشورت
وأننا من طينة تانية غير الطينة


بلاش نتنكر لأهالينا اللى ربونا


بلاش نحتقر ذواتنا ...​

على عكسك يا عزيزي عبود....انا ﻻ اخشى من الاقرار بخطأ حتى لو كان في اهلي...(مع العلم اهلي ربوني على احترام المرأة) لكن يظل مفهومهم اقل مني...والفضل كله يعود لوسائل الاتصال والتعامل مع الغرب...الذي بدونه لظلت الانثى مﻻزمة لبيتها!

انا من يمكن ان تقول عنه....شهد شاهد من اهلها

انا مع المساواة دون اي تحفظات تفرغها من معناها (مثل: "نؤمن بالمساواة لكن لكل منهم دوره")

انا ﻻ اشيطن من قبلنا....لكن امامهم الكثيييييير ليتعلموه!

ورفضك للتعميم، سيمنع اي انتقاد لثقافة ما....مهما كان فيها من عوار...

لان باختصار....انتقاد ثقافة ما....يمكن ان يفهم منه الاساءة لكل اتباعها....وسياسة تكميم الافواه هذه انا لن اتقيد بها!

على كل واحد ان يكون شجاعاً بما يكفي للاعتراف باخطاءه، واخطاء المرتبطين به!

 

[عبود عبده عبود]

انا مع المساواة دون اي تحفظات تفرغها من معناها (مثل: "نؤمن بالمساواة لكن لكل منهم دوره")
!

كلامى ليس على المساواة بين الرجل والمرأة
كلامى منصب على وصف الرجل الشرقى بأنه أتربى غلط وستين غلط
أرفض التعميم ...لأنه مُسئ جداً لنا
ينفع آجى أقولك البنات كلها ماتربتش ؟؟؟؟
طبعا لأ ...دة بيخرج عن نطاق حرية الرأى والتعبير

 

[Strident]

كلامى ليس على المساواة بين الرجل والمرأة
كلامى منصب على وصف الرجل الشرقى بأنه أتربى غلط وستين غلط
أرفض التعميم ...لأنه مُسئ جداً لنا
ينفع آجى أقولك البنات كلها ماتربتش ؟؟؟؟
طبعا لأ ...دة بيخرج عن نطاق حرية الرأى والتعبير

هو حاجة على جنب...انا شخصياً مع حرية التعبير مهما كان الثمن ومهما كانت الالفاظ صعبة...لاني اؤمن ان بعد وقت قصير...من عنده حجة سيبقى كﻻمه قوياً...ومن ليس لديه سوى الاساءة لن يلتفت له احد...

بس لو قلت البنات في مصر مش متربية....هاستنى الاول اشوف الContext
اصل فيه فرق بين واحد بيحاول يشوف قصد اللي قدامه، وواحد بيحاول يدور على اساءة متوجهة له ويتلكك (ﻻ اقصدك انت انا باقارن بس)


لو مضايقاك كلمة "تربية"....فبم تسمي مثل هذا الفعل:

الاهل الذين يميزون بين الولد والبنت...في جميع الاشياء اللي هم قالوها وحافظينها احسن مني (الخروج - شغل البيت - الجواز - ... إلخ)

من وهم صغيرين؟

دي اسمها ايه غير "تربية" ؟


خﻻص نسميها تنشئة!


على فكرة...انا باكره في الشرقيين اهتمامهم بالالفاظ وانشغالهم عن الموضوع الاساسي

 

[عبود عبده عبود]

هو حاجة على جنب...انا شخصياً مع حرية التعبير مهما كان الثمن ومهما كانت الالفاظ صعبة...

لأ طبعا
ماينفعش آجى أشتمك واقول دى حرية تعبير
ماينفعش آجى أعمم وأقول دى حرية تعبير
يبقى الأفضل أن الأنسان ينتقى ألفاظه قبل مخاطبات البشر

اصل فيه فرق بين واحد بيحاول يشوف قصد اللي قدامه، وواحد بيحاول يدور على اساءة متوجهة له ويتلكك (ﻻ اقصدك انت انا باقارن بس)

لأ هو مافيش تلاكيك ولا حاجة ..أنا متابع الموضوع من أوله ...ولم اضع فيه مشاركة من الأول
غاية ما فى الأمر أنى أرفض فكرة ( أحتقار الذات )

لو مضايقاك كلمة "تربية"....فبم تسمي مثل هذا الفعل:
الاهل الذين يميزون بين الولد والبنت...
دي اسمها ايه غير "تربية" ؟

لأن الولد ولد والبنت بنت
مش أنا اللى خلقتهم كدة ...
ولما تتجوز وتخلف هتفهم أنا قصدى أية وهتقدر تتعرف على الفرق من قرب

على فكرة...انا باكره في الشرقيين اهتمامهم بالالفاظ وانشغالهم عن الموضوع الاساسي

أنتقاء الألفاظ شئ هام وحيوى
على الأقل مراعاةً لشعور القراء
ليس من باب بتحب أية وبتكره أية
الموضوع الأساسى هو دردشة أجتماعية وتبادل الاراء بين الأعضاء...فلو وجهت اليك أهانة ...مش هتيجى تقولى
معلش خلينا فى موضوعنا وسيبك من اللفظ

 

[Strident]

لأ طبعا
ماينفعش آجى أشتمك واقول دى حرية تعبير
ماينفعش آجى أعمم وأقول دى حرية تعبير
يبقى الأفضل أن الأنسان ينتقى ألفاظه قبل مخاطبات البشر

مانا شرحت فوق...اشتمني وساسكت...لن ارد اﻻ بالحجج....بعد وقت....سيكتشف الناس ان عندي الحجة وعند الشاتم فراغ...

الوقت ده بس لحد ما المتفرجين كمان يتقبلوا الحرية، ويتعرفوا على الاساليب المختلفة كلها...وقتها سينتصر الكﻻم القوي...

والخطوة اللي بعدها...ستختفي الشضتائم تلقائياً ودون قمع...بل بسبب وعي السامعين

Sticks and stones may break my bones...but words will never hurt me

لأن الولد ولد والبنت بنت
مش أنا اللى خلقتهم كدة ...
ولما تتجوز وتخلف هتفهم أنا قصدى أية وهتقدر تتعرف على الفرق من قرب

هنا بالضبط بالضبط موضع الخﻻف!

انا ضدك تماماً هنا...وهاسيب عليك بنات المنتدى بقى

اتمنى ما اخلفش في المجتمع الشرقي ال(....) ... وانا واخد عهد على نفسي اربيهم بره...تربية صحية...وعلى فكرة...انا نفسي بنت وحلمي اجيب بنت مش ولد! ومجهز اسمين تﻻتة ليها حتى...الولد تبقى امه تاخده

أنتقاء الألفاظ شئ هام وحيوى
على الأقل مراعاةً لشعور القراء
ليس من باب بتحب أية وبتكره أية
الموضوع الأساسى هو دردشة أجتماعية وتبادل الاراء بين الأعضاء...فلو وجهت اليك أهانة ...مش هتيجى تقولى
معلش خلينا فى موضوعنا وسيبك من اللفظ

ان شاء الله....ييجي يوم...هو بعيد...بس هييجي يوم الشرقيين يقروا من غيير حساسية...ويسيبوا حرية اكتر للكﻻم والنقد

 

[white.angel]

انا ضدك تماماً هنا...وهاسيب عليك بنات المنتدى بقى

هو ينفع فى مصر .. بنت تروح بعد اتنين الصبح
​

 

[Strident]

هو ينفع فى مصر .. بنت تروح بعد اتنين الصبح
​

المشكلة في مصر مش في البنت..

مش في ان دي اتخلقت بنت وهو اتخلق ولد...

المشكلة في المجتمع