مش عايزة أتجوز مصرى ..!!

[عبود عبده عبود]

ميرسى على كلامك الرقيق
تسجيل خروج :ab4:

الكلام دة مشاركة عامة ومش انتى المقصودة بيها خالص !!!!!!!!!!!!
مش لوحدك اللى قلتى دة كلام أفلام ...راجعى كدة تانى المشاركات وأنتى تعرفى
ما جوسب قالت لى افلام كارتون ...
وناس تانية قالت دة كلام أفلام :kap:

 

[عبود عبده عبود]

تحبوا نستأنف باقى المقارنات
بين الرجل المصرى والغربى
والا أكتفيتم ؟؟

 

[+بنت الكنيسة+]

في الاول احب اشكرك علي الموضوع دا
لان مش بطلت ضحك هههه

المهم
مين قال الرجل المصري مش كويس
في صفات كتيير حلوه فيه
الصفات قليله جداا مش كويسه
بس هو اه في شباب ذي السوريين واللبنانيين طبعا
بس دول مش تفكر الارتباط بيهم تعجب بيهم بس
لكن الرجل المصري هو في ذيه في الدنيا ههه
قال البنات مش عاجبها الرجل المصري قال !!!!!

​

 

[عبود عبده عبود]

شكرا
حتى الآن أكتسبنا اصوات بنات حواء فى صفنا
حوالى أربعة أصوات جميلة ومغردة
ووعد منى ...أنى هفتح لكم موضوع بيناقش
عيوب الراجل المصرى ...مش بس مميزاته
علشان مايبقاش فيه تحيز منى لبنى جلدتى
اشكر كل من ساهم بمشاركة معنا ....
ربنا يخليكوا لينا يارب ومانتحرمش ( منكن )

 

[عبود عبده عبود]

(3) فى البُخل – أيهما الرابح ؟​

الرجل الشرقى على وجه العموم ( بأستثناء قلة مندسة ) كريم بطبعه
صرييف مايهموش ..
ولعل المثل الدارج العام ( أصرف ما فى الجيب يأتيك ما فى الغيب ) هو خير ترجمة لهذا السلوك ...!!!
لو قارناه بالرجل الغربى سترجح كفة الشرقى رُجحاناً منقطع النظير

تعالين نشوف أمثلة فى السريع :

(*) الغربى ما بيشليش محفظة – يعنى مش هتقدرى تقلبيه كل يوم

(*) الغربى مابيشليش فكة ( change ) فى جيبه
يعنى حجة أصل بتاع اللبن عدى وما لقتش فكة معايا مش هتخيل عليه

(*) الغربى مش هينسى الـ 2 سنت بقية الدولار اللى أخدتيه من درج العربية علشان تيجيبى كيس شيبسى !!

(*) الرجل الشرقى لو طلبتى منه يجيب فاكهة هيرجع لك بأتنين جوافة على تلاتة موز على اتنين عنب على كيلو بلح

(*) الغربى بقى هيرجع لك بعدد (2) ثمرة مانجو – من النوع المِزز اللى مالوش طعم وتصلح فقط للتخليل !!

شوفى المصرى لما بيطلع مأمورية شغل مثلاً وهو راجع :

لو كان فى السويس هتلاقيه جايب لك جمبرى سويسى مُعتبر من اللى بيلعب

لو راجع من " بورساعيد " يبقى الشامبوهات وصابون اللوكس المستورد و ( أشياء أخرى )

لو رايح الأسماعيلية راجع لك وفى أيده كرتونتين مانجة ( مش واحدتين ) !!
هو صحيح هينضحك عليه ويبيعوا له السُكرى على انها عويس والزبدية على انها سديقة ...لكن مش مهم ...
الرك ع النية ..:kap:

لو طالع على أسكندريه راجع لك بالسمك والكابوريا ..وهريسة من عند الحلبى
وهلُما جرا بقى – طنطا – أسيوط – أسوان ..ألخ ألخ

أما نفس هذا الزوج لو طالع بلاد برة ...يوووووه
حدثى ولا حرج من رتل الهدايا من أوروبا ...أو المصاغ من بلاد العرب

بعكس الغربى اللى طالع مأمورية شغل ...دة شغل ياماما وماتفكريش فى انه ممكن يجيب لك حاجة فى أيده
وطبعا هما ما عندهمش
( ربنا يخليك ليا ) ....
( تعيش وتجيب يا أبو حمادة ) ..
( ياخويا مايحرمنيش من دخلتك عليا )
ولا هو هيقولها ( ماتقومى تورينى الطقم الأحمر شكله عليكى أية ياولية ) ؟

صديقنا الغربى طلع مأمورية عمل الى " باريس " ...ولعل حواء الشرقية بلغ بها مبلغ الطمع فأعتقدت أنه سيعود محملاً بالهدايا
باريس بقى ...!!!

وبالفعل عاد الغربى وفى يده هدية ملفوفة بورق سوليفان مزركش وقدمها لزوجته ( الشرقية بالطبع ) على ضوء الشموع قائلاً :
= لقد جلبت لك يا "عزيزتى" هدية من باريس
- أواه يا "عزيزى" ...يالها من سيربرايز

وتفتح المخدوعة الهدية فإذا بها أنموذج لبرج أيفل مصنوع من البلاستيك الرخيص أرتفاعه تلاتة سنتى ونص

ومكتوب على قعره Made in China ...!!!!!:a63:

 

[sha2awet 2alam]

خلاص شلفطتهم و ارتحت ؟؟ كدة الشباب الغربيين هيبورو و تبقى انت السبب فى وقف حالهم .. منك للى خلقك يا أخى .. سوقهم هيتضرب بسبب أوشاعاتك المغرضة :t32: ... دة كفاية عنيهم ولا شعرهم الناعم ياوهوى ياوهوى :wub: جاتنا نيلة فى حظنا الهباب :a82:

قول انك بتحقد عليهم عشان شعرهم و ..... يلا ربنا أمر بالستر :smil12:

كلام جد بقا .. مفيش راجل كامل و مفيش جنسية معينة كل رجالها يتسمو بنفس الصفات بالظبط .. يعنى لا كل المصريين كرماء و غيورين ولا كل الاجانب رومانسيين و عمليين و بخلاء ... فيه رينج كبير فى كل صفة .. من الاخر مفيش راجل شبه التانى فى الدنيا دى .. لا نفس حاملى جنسيته ولا غيره .. كل راجل و له شخصيته المنفردة بتجميعة صفات مميزة به لوحده :flowers:

انا شخصيًا بفضل الراجل الشرقى .. بكيانه و وجوده الطاغى .. بس هو فين ؟؟ هو فييييييين ... لو حد اتكعبل فيه يبعتهولى و يكسب فيا ثواب :t13:

 

[white.angel]

لو حد اتكعبل فيه يبعتهولى و يكسب فيا ثواب :t13:

وانا ... ابوووووووووووووووور :kap:
اللى يبعتلك يبعتلى ... يرضيك تتجوزى وتسيبينى :a82:
​

 

[sha2awet 2alam]

وانا ... ابوووووووووووووووور :kap:
اللى يبعتلك يبعتلى ... يرضيك تتجوزى وتسيبينى :a82:
​

اهدى انتى .. انا الكبيرة .. و سلو بلدنا الكبيرة الاول :yahoo:
انا عارفة اخرة قرك لا هشوف عريس ولا ببيون حتى :t13:

 

[white.angel]

اهدى انتى .. انا الكبيرة .. و سلو بلدنا الكبيرة الاول :yahoo:
انا عارفة اخرة قرك لا هشوف عريس ولا ببيون حتى :t13:

هو السلو دة اللى جايبنا ورا :a82:
مش قولنا نثور على العادات :yahoo:
هههههههههههههههههه
​

 

[marcelino]

والله اللى متتجوزش مصرى تبقى وفرت وريحت

وتشوف مين هايقدر يفهمها زيه

الراجل كدة كدة مهما كانت جنسيته ماتعبهوش حاجه مش هتفرق يعنى ممكن نروح الهند نتجوز من هناك
​

 

[هيفاء الهاشمي]

وبالفعل عاد الغربى وفى يده هدية ملفوفة بورق سوليفان مزركش وقدمها لزوجته ( الشرقية بالطبع ) على ضوء الشموع قائلاً :
= لقد جلبت لك يا "عزيزتى" هدية من باريس
- أواه يا "عزيزى" ...يالها من سيربرايز
وتفتح المخدوعة الهدية فإذا بها أنموذج لبرج أيفل مصنوع من البلاستيك الرخيص أرتفاعه تلاتة سنتى ونص

صادق والله الحركه دي ماكانتش ختش علي هو انا اصغر عيالو عشان يجبلي مجسم المجسم ده يهديه لعيالو مو لي
البنت الغربيه تخش عليها الحركه دي ومش بعيد يغمى عليها من الفرحه
صحيح الهديه قيمتها في الشخص اللي يهديك لها وكذا من ذا الكلام الانشائي
لكن لو هو قادر يجيب شئ افضل يكون ابرك لو ماعنده وغصب عنه دي حاجه تانيه معذور فيها


في شئ اخر يعجبني في الرجال الشرقيين الاسوياء مش الانذال
الصفه اللي حتى ممكن النذل يشترك فيها مع غير النذل
هي الاحتواء وحس المسؤليه.. على طول عنده هم شايل مسؤلية
اهله واهل زوجته واعمامه وعماته وخالاته وخيلانوه مثلا لايمكن
يتاخر عن مساعدة اخته الغلبانه وعيالها ماعنده مشكله
يربي عيال اخوه الميت يدفع ديون نسيبه الفقير .. باختصار شمعه تحترق

 

[عبود عبده عبود]

قول انك بتحقد عليهم عشان شعرهم و ..... يلا ربنا أمر بالستر :smil12:

لاحظى انك بدأتى تخبطى ...
حافظى على " شعور " الآخرين ..:t31:

انا شخصيًا بفضل الراجل الشرقى .. بكيانه و وجوده الطاغى ..

الله الله عليكوا بنات تشرح القلب ...
وآدى خامس صوت معانا أهوه ...لأ ومش أى صوت
صوت مُعقم ...

بس هو فين ؟؟ هو فييييييين ... لو حد اتكعبل فيه يبعتهولى و يكسب فيا ثواب :t13:

لالالالا ...كدة هناخدوكى من أيديكى وننزل نشحتوا بيكى على باب المرسى أبو العباس ..
هو فييين دة أية ؟؟
بحلقى كويس فى التوبيك كدة ...:t31:

 

[عبود عبده عبود]

في شئ اخر يعجبني في الرجال الشرقيين الاسوياء مش الانذال
الصفه اللي حتى ممكن النذل يشترك فيها مع غير النذل
هي الاحتواء وحس المسؤليه.. على طول عنده هم شايل مسؤلية
اهله واهل زوجته واعمامه وعماته وخالاته وخيلانوه مثلا لايمكن
يتاخر عن مساعدة اخته الغلبانه وعيالها ماعنده مشكله
يربي عيال اخوه الميت يدفع ديون نسيبه الفقير .. باختصار شمعه تحترق

تسجيل تأييد على طول الخط
عندك حق ( الأسوياء ) من الرجال هم من يتحملون المسئولية ...ولا يمنع طبعا من وجود أنذال
ممن يُطلق عليهم ( قلة مندسة ) فى الوسط الشرقى
بس عجبتنى فكرة الشمعة التى تحترق دى :t13:

 

[girgis2]

الغريب في الموضوع ان الواحدة تدي نفسها الحق وتستميت على هذا الحق في انها انسانة متفردة متميزة بعيوبها قبل مميزاتها ولها اراده حرة كاملة في انها تقتنع بالنقد أو لا على حسب ما تراه هي منطقي لكي تقتنع بيه وكل واحدة وتفكيرها وقناعاتها الشخصية بقى

لكن لو الراجل جيه قال نفس الكلام كدة يبقى سنته طين

​

 

[عبود عبده عبود]

الغريب في الموضوع ان الواحدة تدي نفسها الحق وتستميت على هذا الحق في انها انسانة متفردة متميزة بعيوبها قبل مميزاتها ولها اراده حرة كاملة في انها تقتنع بالنقد أو لا على حسب ما تراه هي منطقي لكي تقتنع بيه وكل واحدة وتفكيرها وقناعاتها الشخصية بقى​

لكن لو الراجل جيه قال نفس الكلام كدة يبقى سنته طين​

:t11::t11::t11::t11::t11:​

 

[sha2awet 2alam]

هو السلو دة اللى جايبنا ورا :a82:
مش قولنا نثور على العادات :yahoo:
هههههههههههههههههه
​

لا يا ماما لا كله الا دى ... فى الحالة دى اتشرف بكونى رجعية قتييييمة :dance: بس هو يجى الاول بس :smil12:

لالالالا ...كدة هناخدوكى من أيديكى وننزل نشحتوا بيكى على باب المرسى أبو العباس ..
هو فييين دة أية ؟؟
بحلقى كويس فى التوبيك كدة ...:t31:

بحلقت اهو ... فين بقا :smil15:

الغريب في الموضوع ان الواحدة تدي نفسها الحق وتستميت على هذا الحق في انها انسانة متفردة متميزة بعيوبها قبل مميزاتها ولها اراده حرة كاملة في انها تقتنع بالنقد أو لا على حسب ما تراه هي منطقي لكي تقتنع بيه وكل واحدة وتفكيرها وقناعاتها الشخصية بقى

لكن لو الراجل جيه قال نفس الكلام كدة يبقى سنته طين

​

كنت بأذن فى مالطة انا مش كدة ؟؟؟ امال يا مؤمن لو مكنتش شايف الكلام بالنص و ملوناه كمان بالازرق .. اعمل ايه تانى .. كشفت راسى و داعيت عليك يا ظالم :t32:

 

[girgis2]

كنت بأذن فى مالطة انا مش كدة ؟؟؟ امال يا مؤمن لو مكنتش شايف الكلام بالنص و ملوناه كمان بالازرق .. اعمل ايه تانى .. كشفت راسى و داعيت عليك يا ظالم :t32:

ههههههههه مين مؤمن ده ؟؟ بتاع السندوشتات ؟؟ :t33: :t33:

برغم اني كاره أقول كدة وعايز أضربك يا شقاوة دلوقتي لكن تعالي نتكلم عن الأغلبية :

بس منغير زعل

يعني أغلبية البنات اللي بتقول انها بتفضل الراجل الشرقي هل بيقلن كدة عن اقتنااااع حقيقي منهن وهذا اختيارهن عن معرفة ؟؟

مهو لازم البنت اللي تختار الشرقي أو الغربي يكون اختيارها ورأيها ده عن قناعة حقيقية ومعرفة كاملة بالشرق ومميزاته وعيوبه والغرب بمميزاته وعيوبه ونتائج حريته

وأفتكر اني قولتلك قبل كدة ان كل وجهة نظر أو رأي ولها نتائجها الخاصة (السلبية والايجابية) مفيش حد هياخد كل حاجة في الدنيا وعشان احنا بشر محدودين في رؤيتنا فمن الطبيعي اننا لما نشرح وجهات نظرنا فبنشرحها بايجابياتها فقط أو بسلبيات الرأي المخالف فقط لأن دي قناعاتنا الشخصية

أومال هنقنع غيرنا بأفكارنا ازااااي ؟؟؟

​

 

[sha2awet 2alam]

ههههههههه مين مؤمن ده ؟؟ بتاع السندوشتات ؟؟ :t33: :t33:

برغم اني كاره أقول كدة وعايز أضربك يا شقاوة دلوقتي لكن تعالي نتكلم عن الأغلبية :

بس منغير زعل

يعني أغلبية البنات اللي بتقول انها بتفضل الراجل الشرقي هل بيقلن كدة عن اقتنااااع حقيقي منهن وهذا اختيارهن عن معرفة ؟؟

مهو لازم البنت اللي تختار الشرقي أو الغربي يكون اختيارها ورأيها ده عن قناعة حقيقية ومعرفة كاملة بالشرق ومميزاته وعيوبه والغرب بمميزاته وعيوبه ونتائج حريته

وأفتكر اني قولتلك قبل كدة ان كل وجهة نظر أو رأي ولها نتائجها الخاصة (السلبية والايجابية) مفيش حد هياخد كل حاجة في الدنيا وعشان احنا بشر محدودين في رؤيتنا فمن الطبيعي اننا لما نشرح وجهات نظرنا فبنشرحها بايجابياتها فقط أو بسلبيات الرأي المخالف فقط لأن دي قناعاتنا الشخصية

أومال هنقنع غيرنا بأفكارنا ازااااي ؟؟؟

​

هى شقاوة اكمنها غلبانة الشعب كله نازل ضرب فيها :t32:
اة اغلب اللى بيختارو بيختارو عن قناعة تامة .. تفتكر واحدة هتختار واحد تقضى معاه عمرها و هى مش مقتنعة ؟؟ فى الحالة دى اسمها مجبرة مش بتختار ... و هل معنى ان واحدة عارفة عيوب اللى قدامها انها مش بتحبه ؟ مين قال .. دة قمة الحب انى اعرف عيوبك و مع ذلك احبك رغم العيوب دى ...
فكرة شرح الافكار بمميزاتها .. دى طبيعة بشرية حضرتك .. و نظرًا لانه من الصعب جدًا ان انسان يكون محايد فى وجهة نظره فدايما هقولك مميزات فكره و عيوب فكر الاخر بغض النظر عن عيوبه و مميزات الاخر .. ترغيب و تنفير .. دة اسلوب متبع فى الدنيا كلها .. و على رأى المثل ( اللى بيتكلم مجنون و اللى بيسمع عاقل ) انت بقا تعقل الكلام و تختار

سعدنا بلقائكم :smil12:

 

[عبود عبده عبود]

بحلقت اهو ... فين بقا :smil15:

فكرتينى بمسلسل ( طه حسين ) وهو صغير وعملوا له عملية فى عينيه...
لما فكوا الرباط أبوه بيسأله
= هاه ياض يا طه
قاله - مش شايف حاجة يا با !!
= مش شايف دة يا ولاه ...فتح عينك يا ض ياطه كويس
- ما أنا مفتحها أهوه يا با ..ومش شايف
= إتعميت يا ض يا طه ؟
- أتعميت يابا ...:new6:

بعد الشر عن القارئين والقارئات والمتابعين والمتابعات
ويكفيكوا شر الأستعباط :new6:

 

[sha2awet 2alam]

فكرتينى بمسلسل ( طه حسين ) وهو صغير وعملوا له عملية فى عينيه...
لما فكوا الرباط أبوه بيسأله
= هاه ياض يا طه
قاله - مش شايف حاجة يا با !!
= مش شايف دة يا ولاه ...فتح عينك يا ض ياطه كويس
- ما أنا مفتحها أهوه يا با ..ومش شايف
= إتعميت يا ض يا طه ؟
- أتعميت يابا ...:new6:

بعد الشر عن القارئين والقارئات والمتابعين والمتابعات
ويكفيكوا شر الأستعباط :new6:

كويس انى مفكرتكش بمسرحية سك على بناتك .......و اعتذر :t33:

ربنا يكفينا شره دنيا و اخرة يا عوبد :yahoo: