وجبـــــــة روحيـــــ†ـــــة يوميـــــــــة...

[ABOTARBO]

الوعد اليومي .........
إِنْ تَوَانَتْ فَانْتَظِرْهَا لأَنَّهَا سَتَأْتِي إِتْيَانًا وَلاَ تَتَأَخَّرُ ( حبقوق 2 : 3 )

لكل رؤية علي حياتك ووعد ميعاد ، مش هيتولدوا قبل أكتمال أيامهم .
أطمن لكل بداية نهاية .وهتتكلم رؤيتك ووعدك في النهاية علشان يعلنوا أن الله صادق جدا في مواعيده .
أقف علي مرصدك وأنتصب وقول بأعلي صوت لاللأنحنااااااااااااااااااااااااااء
راقب وشوف الرب بيقولك ايه !!!! نزل عينيك من علي ظروفك وعيانك وكلام
الناس . كفاية مراقبة للواقع لانك مش هتطلع منه غير بخيبة أمل ,هتخليك تفقد سلامك وهترضي بأي شئ بديل عن مجدك اللي وعدك الرب بيه .

المطلوب منك مش سهل , درس الأنتظار محتاج نفس عميق وأقدام ثابتة علي أرض وعدك الصلبة .محتاج تكون دايما عينك علي الرب . محتاج تصدق انه الرب صالح جداا . وانه غيمتك مهما كبرت إيد الرب وراها شغاله

أحذر من الكلل والسقوط في نص الطريق
وصدق واتشدد بانها ستاتي اتيانا ولا تتاخر . اطمن ساعة الرب مظبوطة جدا حتي لو عقارب ساعتك ملت من كتر الدوران .

صباح الأنتصاب ورفض الأنحناء صباح اللهج بمواعيد الرب علي حياتك
صباح الراحة في توقيتات الرب الصالحة لحياتك .أعظم من منتصرون.

صباح الخير لجميع احبائنا في المسيح اصدقاء الصفحة محبتنا وصلاتنا للجميع​

 

[ABOTARBO]

الوعد اليومي .........................
إِنَّ الرَّبَّ قَادِرٌ أَنْ يُعْطِيَكَ أَكْثَرَ مِنْ هذِهِ ( اخبار الأيام التانية 25 :9 )

من فضلك علشان تفهم وعد اليوم صح اقرأ التعليق اللي علي الوعد

حسب سفر أخبار الأيام التانية استأجر الملك أمصيا ملك يهوذا من أسرائيل مئة الف جبار بأس بمئة وزنة من الفضة ، ليجاربوا معه ، فجاء رجل الله وقال له
" ايها الملك لا ياتي معك جيش أسرائيل لان الرب ليس مع أسرائيل ، مع كل بني افرايم "
واكمل رجل الله كلامه للملك أمصيا موضحا له ان أصر علي موقفه لأصطحاب أسرائيل معه فليعمل بمفرده ويتشدد بقوته لانه لم يطع صوت الرب فان الرب سوف يسقطه امام أعدائه لانه كما للرب قوة للمساعدة أيضا لدية قوة للأسقاط .

فقال الملك أمصيا لرجل الله " فماذا يعمل لأجل المئة وزنة التي أعطيتها لغزاة أسرائيل " بمعني من سيعوضني هذة الخسارة المادية لو أطعت صوت الرب
فأجابه رجل الله أن الرب قادر أن يعطيك أكثر من هذه

( هذه )
======
المقصود (بهذه) هو كل ما تتركة من معطلات ومعوقات في طريقك نحو المجد لان الله عندما يري تركك لاجله سوف يعطيك اكثر من هذة
فلقد ترك أبراهيم أرضة وعشيرته وبيت ابيه فأعطاه الله ونسله أرضا تفيض لبنا وعسلا
نعم كما قال الرب ليس احد يترك ابا او اما او بيوتا او حقولا الا وياخذ مئة ضعف في هذا الزمان وفي الدهر الأتي الحياة الأبدية.

افتح إيدك علشان يسقط منها كل ما انت متمسك به بدون الرب ومعيق لك في تقدمك نحو المجد واستقبل منه اكثر جدااا من هذه التي ضحيت بها
لاجل الرب. قوله يا رب هترك كل شئ وأتبعك . وساعتها هو بنفسه هيقولك سأعطيك أكثر من هذه ​

 

[ABOTARBO]

الوعد اليومي ......
مُتَحَيِّرِينَ، لكِنْ غَيْرَ يَائِسِينَ ( كورنثوس التانية 4 : 8 )

عايز أفهم ؟؟؟؟ ممكن تفهمني ؟؟؟
بيدور جواك كتير تساؤلات يمكن بتقاومها لكن هيهات !!!

- ليه علي الأرض موجود . في أرض الشقاء والحجود؟؟؟
- ليه مش فاهم اللي معاي بيجرى ؟؟ ليه خط إيدك مش قادر اقرأ؟؟
- ليه بشوفك محتجب ؟؟ ليه كل اللي حواليا بشوف فيه العجب ؟؟
- مش عارف أحسبها صح . امتي وليه يا رب الجنود؟؟؟
جواك تساؤلات زي كدا ؟؟ او غيرها كتير
بس ساعات بيخونك التعبير ؟؟

تعال بثقة في ابوك الحنون قوله
لو هحتار لكن مش هشك في قدرتك ولا حكمتك
لانه عهدك لشعبك بالرجاء
مش هسأل قدامك امتي وازاي وليه ؟؟
مش هستسلم لكن هثابر وانا بصرخ بأعلي صوتي
لخيرررررري الكل بيصير لاني محفوظ في إيدين اله قدير .
هينبض قلب أرض تشققاتي مش هانظر للواقع بل بعين الرجاء ساوجه للسماء تطلعاتي فأنت أبي والهي وقارب نجاتي . نعم لا لليأس مهما زادت الآماتي .
ساعتها الرب هيملاك بالرجاء وهتعرف انه الله طريقة كامل بس سلم ليه وأتكل عليه وهو سيجري في حياتك عجبااااااااااااااااااااااااااااااا

صباح الرجاء صباح الحياة لا لليأس كل حيرة جواك الرب يملاك تجاها بالرجاء في اسم المسيح تعال بكل تساؤلاتك امامه وارتاح حتي لو مش فاهم الان لكنك ستفهم فيما بعد.​

 

[mary naeem]

رووووووووووووووووووعة

 

[ABOTARBO]

رووووووووووووووووووعة

الأروع مروركم يا تاسونى

 

[ABOTARBO]

[SIZE="5"[COLOR="Magenta"]]الوعد اليومي ....................
لأَنَّكِ تَمْتَدِّينَ إِلَى الْيَمِينِ وَإِلَى الْيَسَارِ ( أشعياء 54 : 3 )


أيتها العاقر ((( عديمة الإثمار ))))

مر عليكي وقتا طويلا
ولم يوجد في أغصانك سوي الأوراق ...متي 21 :19

لكنها الأن ساعه
لتقومي وتنهضي ...أستيقظي ..أستيقظي ...أش 55:1
قومي أستنيري ....أش 60 :1

كفي أشطبي من قاموسك هذة الكلمات
" لا يوجد بعد وعاء " 2مل 4 :6

قومي أنهضي أفرغي أنائك من كل ما يعيقك عن التقدم
" أنتفضي من التراب " ..." أنحلي من ربطك " أش 52 :2

" أوسعي مكان خيمتك ولتبسط شقق مساكنك .لا تمسكي أطيلي أطنابك وشددي أوتادك " اش 54 :2 و3
" لا تقللي " 2مل 4:3
اطلبي المزيد والمزيد
" أشبعي رضي وأمتلئ بركة من الرب وأملكي الغرب والجنوب "
تث 33 :23
بإيمانك الذي يصدق كل شئ لكي في المسيح
وبجهادك الذي يرنو الي ما هو في السماويات
اعلمي يقينا أنكي
" تمتدين إلي اليمين واليسار ويرث نسلك أمما ويعمر مدنا خربة "
أش 54 : 3
" ومنك تبني الخرب القديمة ....فيسمونك مرمم الثغرة .مرجع المسالك للسكني " اش 58 : 12

صلي هذة الكلمات
اصدق الهي بأنني قادر علي الأمتلاك
وأعلن ان قلبي يخفق باتساع فتتحول
كل ثروة البحر لحياتي الزمنبة والروحية
وبقوة روحك القدوس ..سانتفض لاجلك الهي
مكرسا حياتي لمجدك معلنا انك قادر
علي معونتي وأرشادي وتعضيدي بقوة روحك
في اسم يسوع أميييييييييييييييييييييييييييين
صباح الامتداد والأتساع الداخلي والخارجي في اسم يسوووووووووع[/SIZE][/COLOR]

 

[ABOTARBO]

الوعد اليومي ...............
وَبِمَهَارَةِ يَدَيْهِ هَدَاهُمْ ( مزمور 78 : 72 )

لما اطلق فرعون شعب اسرائيل" لم يهديهم الله في طريق الفلسطينين مع أنها قريبة ، لكنه أدار الشعب في طريق برية بحر سوف " .
عارف مكنش الامر مصادفة ولا عشوائي حاشا لهذا الاله صاحب الايدي القديرة الماهرة جدااااااااااااااااااااااااااااااااااااااااااااااااااااااااااااااااااااااااااااااااا
هو كان عارف لو عداهم في أرض الفلسطينين هيندم الشعب لو شاف حرب وهيرجع تاني لأرض عبوديته .

وفي الطريق اللي أختاره ليهم حسب حكمتة ومهارة ايدية كان بيسير قدامهم في عمود سحاب ليهديهم نهارا ، وفي عمود نار ليضئ ليهم ليلاا وروعة الاعلان لما بيذكر هذة الكلمات " لكي يمشوا نهارا وليلا "

الرب بمهارة إيديه عايزك تتقدم في أوقاتك السهلة وكمان يستمر تقدمك ونموك وسيرك معاه في ظلام ليلك( أوقاتك الصعيبة ) اياك تخور ثق فيه لانه هو عارف هو بيعمل ايه وانت بين أيديه !!!!!!!!!!!

ارتاح بين مهارة إيديه مش مهم تفهم هو بيعمل أيه؟؟ أعرف انه الإيدين اللي أتثقبت علشانك تعرف تشفيك تداويك تضمد جراحاتك ، تعرف تتدخل في الوقت المناسب ، تعرف تطبطب عليك طبطبة أب حنون تعرف امتي تجرح وأمتي تعصب وكله في وقته ولخيرك .
قوله
+ حطني جوه دايرة مشيئتك
+ أخضع واسلم بقناعـــــــة
+ أفهم قصدك وأفهم غايتك
+ وأكون أبنك أنا بالطاعــة ​

 

[ABOTARBO]

الوعد اليومي...........
لأَنَّنَا سَنَحْصُدُ فِي وَقْتِهِ إِنْ كُنَّا لاَ نَكِلُّ ( غلاطية 6 : 9 )

لا للكلل لا لملل لا للفشل .. تأنوا . ثبات حتي النهاية .اعرف انه ثمر الأرض ثمين يستحق الأنتظار وثق انه أنتظارك داخل المشيئة ليه معونة
ماتفشلش في عمل الخير حتي لو الأخرين مش بيقدروا دا . الله لاينسي اتعاب محبتنا . كل اللي زرعته لأجل الرب هتحصده أصعاف حتي لو الأرض والظروف اللي بتزرع فيها صعبة .

متفشلش .لما تصلي وتصدق في الهك القدير وتلاقي كل المؤشرات اللي حواليك بتشير لعبارة واحده ( مفيش تغير ) . ويمكن مش كدا وبس يمكن الامور بتزيد . اصبر لالهك لانه القضية قدامه انت محتاج للصبر وجيد انك تنتظر الرب وتتوقع ( تتوقع ) بسكوت خالصه .

مش هيكون اللي بيحصل معاك اصعب من اللي حصل لأيوب لكن بصبره قال الكتاب ان الرب بارك أخرة ايوب أكثر من اولاه .

محتاجين ان صبرنا يكون ليه عمل تام علشان منخورش في نص الطريق
اللي بيصبر للمنتهي بيخلص وبيجمع حزم حصاده اللي سقاها بدموع عيونه وقلبه بفرح وابتهاج

صباح القدرة علي اكمال المسيرة في انتظار الرب بتوقع وثقة . صباح تشوف فيه حصادك بعيون ايمانك قبل عيانك
قوووم... زرعك اللي زرعته محتاج تسهر عليه ليسرقه منك عدو الخير

 

[ABOTARBO]

الوعد اليومي.....
سَرِيعًا يُطْلَقُ الْمُنْحَنِي ( أشعياء 51 : 14 )

الْمُنْحَنِي = أي الأسير الذي يضعون رجليه في المقطرة ورأسه مربوط عند العنق
جواك أنحناء شاعر بكسرة كبيرة جواك . دموعك سبقاك . قلبك موجوع ؟؟
يا تري ايه سبب انحناءك اليوم ؟ ظروفك صعبة ؟يمكن مرض ؟ يمكن أهانة من بشر ؟ مكسور ؟يمكن تكون لأفكارك مأسور ؟ هل عن حضور الرب وعشرته أنت بعيد ؟؟؟؟
مهما كان حالك الرب يقدر . مهما كان علي أرض حياتك ضلمة وتعب مهما كان قفرك وأنحناءك ارفع راسك من علي ظروفك . أرفع قلبك لفوق
السماء مليانه نور . وسريعا يطلق ( يفك أسر ) المنحني ويرد الرب سبيه

صرخ ‘يليا في أنحناءه وقال للرب كفي الأن يا رب ( حط حد لمأساتي )
وحدد الحل للرب وطلب أنه الرب يأخد نفسه ( يريحه من دنيته )

لكن الرب بقلب الأب الحنون كان ليه رأي تاني أقامه الله من أنحنائة وقدم ليه أكل ( قوة للروح والنفس والجسد ) وسار إيليا بقوة هذة الأكلة أربعين نهارا وليلا
يمكن تكون المسافة كثيرة عليك كإيليا. لكن عنده ليك قوة علشان تطلقك من قيود انحناءك ويمشيك علي مرتفعاتك . فتتغير أتجاهات قلبك وتتفك من أسرك. وبدل ما بتختار الهروب تتعلم تواجه كل أنحناء في حياتك بقوة رب الجنود . وساعتها هتختبر قوته اللي بتدوب قدامها جبالك كالشمع
​

 

[ABOTARBO]

الوعد اليومي ............
فَتَرَوْنَ وَتَفْرَحُ قُلُوبُكُمْ، وَتَزْهُو عِظَامُكُمْ كَالْعُشْبِ ( أشعياء 66 : 14 )

كان فيه مجاعة في السامرة وجه اليشع النبي بكلام نبوة من الله وقال
" في مثل هذا الوقت غدا تكون كيلة الدقيق بشاقل وكيلتا الشعير بشاقل في باب السامرة "
لكن الجندي اللي كان أخاب الملك بيستند علي يده أجاب بسخرية من عدم تصديق وعدم إيمان من قلب ملاه الشك وخيبة الآمال وقال
" هل الرب يصنع كوي في السماء ! هل يكون هذا الامر ؟ "
وكانت أجابة اليشع علي موقفه واستنكاره لقدرة وقوة الرب بنفس صعوبة موقفه فقال ليه " انك تري بعينيك ولكن لا تأكل منه "

وبالفعل تحقق كلام الله علي لسان اليشع وبقيت كيلة الدقيق بشاقل وكيلتا الشعير بشاقل وفعلا هذا الجندي شاف بعيونه لكن ماكلش منه لان الشعب داس عليه ومات

لما الرب يقول ترون وتفرح قلوبكم وتزهو عظامك يبقي هترون وهتفرح قلوبكم وهتزهو عظامكم

خد بالك لحسن عدم ايمانك وتركيزك علي عيانك ومخاوفك وظنونك تكون بدوس علي وعدك فيموت وتموت انت معاه قبل ما ترضع وتشبع من ثدي التعزياااات . حملك في الرب مش كاذبااا فتشدد علشان توصل لتوقيت الولادة في بسلام في أسم يسوع
ياااااااااااااااااا رب
متانة في الأيمان وفوة مش بس للمخاض لكن قدرة غير عادية للولادة .
​

 

[ABOTARBO]

الوعد اليومي ............

وَوَاحِدٌ مِنْهَا لَيْسَ مَنْسِيًّا أَمَامَ اللهِ؟ ( لوقا 12 : 6 )​

خمس عصافير بفلسين . كل عصفورين بفلس يعني اربع عصافير بفلسين وعصفور علي البيعه . لكن هللوياااا حتي اللي علي البيعه مش منسي أمام الله .
فكم وكم اللي أدفع فيك تمن غالي وثمين دمه الكريم

انت مش واحد وسط كتير انت متميز بحب القدير
متخافش من ليل وظلامه انت معروف لدي الرب بكل ظروفك وأمورك حتي لو محدش حاسس بيك . لو محدش عارف اللي بتمر فيه هو عارف وشايف وبيقولك انه مش ناسيك , يا ( ........ ) لا تنسي مني انت افضل من عصافير كتير مدفوع فيك دم كريم
قوله أشكرك يا رب لاني معروف عندك بأسمي وظروفي حتي شعر رأسي معدود ومعلوم لديك ومفيش شعره صغيرة ولا كبيرة تقع من غير أذنك .
مفيش انسان ولا شيطان ولا قوة ولا رياسة ولا سلطان يقدر يقول في حياتي وانت مأمرتش نفسي في حماك , مش عايز غير رضاك . عيني عليك انا بستناك . حتي لو عدو الخير بيهمس في وداني اني منسي لكن انا معروف لديك جدااا منقوش علي كفيك محفوظ في عينيك هللوياااااااااا

 

[ABOTARBO]

الوعد اليومي ...............
حَتَّى هؤُلاَءِ يَنْسَيْنَ، وَأَنَا لاَ أَنْسَاكِ ( أشعياء 49 :15 )

هؤلاء ( اقرب الناس ليك ) ودي بتوجع جدااا بس مش قصد الرب وجعك
لو اقرب الناس ليك سكتوا سكوتا من جهة أتعابك ساعتها بيكون الرب بيسحب منك كل عكاكيزك اللي بتستند عليها دون الرب . علشان تعرف تختبر وتشوف في المشهد الرابع الشبيه بأبن الألهه.
انت مش منسي من الرب . حتي لو غيمتك حجبت رؤيتك فهو موجود خلف الغيمة موجود في قلب الأحداث
حتي لو تركوك كل الناس ولو مش شايف فيها خير . هو بنفسه خيرك ساندك وسط الأزمات هو مش ناسيك ومش ناسي الوعود هيدي موسم للحصااد وهيعوض عن سنين ضيعها وأكلها الجراد
وهيجي اليوم اللي يفتقدك فيه كما قال ويفعل ليك كما تكلم بس عينك عليه حتي لو مش شايفه استخبي في الوعد وفي حنان الرب أرتااااااااح
​

 

[ABOTARBO]

أشعياء ٢:٤٣
إِذَا اجْتَزْتَ فِي الْمِيَاهِ فَأَنَا مَعَكَ

صباح الخير لأحباء الرب ,
وعد اليوم ... كلنا كأبناء نجتاز بالمياه في حياتنا اليومية , كلمة المياه تشير الى أزمتك , ضغوطاتك , تحديات الحياة , ظلم وقع عليك بسبب إتباعك للمسيح , شبكة قد أعدها إبليس وإنت لا تعلم ....
فما هي المياه بالنسبة لك ؟؟

كنت بفكر كثير , ان ما دام انت الرب ليه مش بتشيل الميه , وأصلي كثير في هذا الإتجاه وأسئلة تدور في نفسي ... ما انت الرب تستطيع كل شيئ ولا يستحيل عليك أمر ؟ أمر الميه وهتزول !!

ولكن .... صوت همس وعلمني الحق , أنا مش راح أشيل الميه ولكنني أعبر بكي أعطيكي القوة والقدرة لإجتيازها وكل ما تحتاجينه , يااااااااااااااه فجأة جاءت الإستنارة!!
فَأَنَا مَعَكَ, لا تعني في وسط الراحة ... بل في وسط البرية !في وسط أتون النار! في وسط جب دانيال! علشان لما تخرج من أماكن الصعاب تشهد كم الرب وقف معك وقواك لكي تتم الكرازة بك فهو يشتغل عليك ( ينقي داخل الكأس أولاَ ) لكي يعمل من خلالك للملكوت ...... والرب بيتمجد في وسط صعابك , وطوبي لمن يصبر إلى ألمنتهى فينال إكليل الحياة .
​

 

[ABOTARBO]

الوعد اليومي ...........
وَمَجْدُهُ عَلَيْكِ يُرَى ( أشعياء 60 : 2 )

يمكن في وقت من الأوقات بيخبيك الرب بلا أي كرامة أو مجد خلف نهر أو في بيت أرملة زي إيليا . هناك بيكون بيفرغ منك كل ذات وبينزع منك كل أتجاهات بتمنع راحة روحه جواك حتي لو أنت بترعي غنيمات قليله هناك الرب بيعلم أيدك القتال وأصابعك الحرب .
لكن بعد ما يكمل تشكيلك ويمتلئ داخلك من مجد حضوره هيجي وقت مجد جبل الكرمل ومجد القدير يري عليك أمام الجميع

هيشمر الرب عن ذراع قدسة أمام عيون كل الأمم لأجلك ويكرمك القدير بمجده قوم أستنير .
​

 

[ABOTARBO]

قولوا للصديق خير! لأنهم يأكلون ثمر أفعالهم " ( أشعياء 3 : 10 )

* لا يمكن أن تكون كل الأشياء خير فى عالم ملئ بالشر. لكنها جميعا فى النهاية تعمل للخير, لأن السلطان فى يد أبينا السماوى.
* قد نظن فى أمر ما أنه ليس خير, ولا نتوقع من وراءه خير, وفى النهايه نكتشف أن الأمر كان خير وعمل للخير فحصلنا على خير مضاعف. فتوبخنا على ضعف إيماننا.
* نحن لا نعلم كيف تعمل الأمور معا ( حلوها ومرها ) للخير, ولكن الإيمان يحتم علينا الإقرار بذلك : أنها تعمل معا ودائما للخير.
* ليس بالضرورة أن أفهم الأمر بتفاصيله ولكن على أن أستشعر النور الإلهى فى جو الشركة لأسير خطوة خطوة بقيادته الحكيمة, وفى النهاية البركة من نصيبى .
* ليس من اختصاصنا أن نفرض أسلوب معين ليتعامل به الرب معنا, وإلا سنخسر الجولة وتضيع أعظم فرصة كنا سنشهد فيها عن صلاح قلب أبينا المحب.
** إن فكرت فى الأمور أكثر مما يجب, وفى إلهك أقل مما يجب, تألمت. أما إن فكرت فى الأمور أقل, وفى إلهك أكثر, ترنمت.​

 

[ABOTARBO]

الوعد اليومي..................
كَظِلِّ صَخْرَةٍ عَظِيمَةٍ فِي أَرْضٍ مُعْيِيَةٍ ( أشعياء 32 : 2 )

في رحلة حياتك بتمر بأراضي كتير منها المريح بس مش دايما بتفضل فيها . لازم تمر في ارض تاني اسمها ارض الأعياء ارض بتكون شمسها محرقة جداااا ورمالها ساخنة سبعة أضعاف .
ليه بتمر فيها ؟؟
لأسباب كتير لكن موضوع حديثي هنا انه الرب اللي الزمك تمر فيها
( مش انت اللي جبتها لنفسك ) الزمك علشان هي الطريق الوحيد
اللي هتوصلك للمجد .
بس وانت ماشي فيها ولسه الطريق طويلة عليك
ومش نافع ترجع . انت صاحب رؤية ورسالة وهدف لازم توصلهم
وكمان مش قادر تكمل أصلك في حالة اعياء .
أحلي خبر تسمعه النهارده يشدد روحك ويسندك أنه في أرض اعياءك يسوع ليك ظل صخرة عظيمة .. قوووووم أستظل في حماه واحتمي من اهوال الطريق بيه . لا للاعياااااااااااااء
هتشعر بفرق كبير وهتاخد قدرة جديدة وانت في ظله
اسكن تحت ظل جناحيه اعرف معني السلام والراحه في راحتيه .
​

 

[ABOTARBO]

الوعد اليومي ............
وَلاَ يَعْسُرُ عَلَيْكَ أَمْرٌ ( أيوب 42 :2 )
لا يعسر عليه أمر يعني يعرف يقوم اللي أنتن ..يعني بيدعو الغير موجود وكانه موجود .. يعني مستودع ساره اللي مات بيخرج منه حياه . يعني قاموسه مفهوش كلمة مستحيل . لانه اله قادر قدير
يعني قدامه ينحني كل عيان . ويخضع لسلطانه الكل مهما أن كان

ايا كان أمرك ايا كان حيرة قلبك مهما تقلت احمالك او كبرت علامة استفهامك . قول الهي اللي بعبده لا يعسر عليه أمر

حلو جدا أنك تعلنها لما تعبر بسلام كل أمورك الصعبة .
لكن الأجمل لما تصدقها وتعيشها وانت لسه في وادي ظل الموت ..
او انت في جب أسود متروك .او مهما هاجت بحور. مهما كبر السور
قوم قوله مصدق أنك تقدر علي كل شئ ولا يعسر عليك امر يا الهي الحي
​

 

[ABOTARBO]

الشجرة الباسقة
************
إنها حبة الخردل الفقيرة الصغيرة التي أصبحت بعد الزرع أكبر الأشجار ،حتى أن طيور السماء كلها تجيء و تعشش في ظلها . حبة الخردل هي صورة لملكوت السماوات ، إنها صورة عن العذراء مريم .
يسوع
****
حبة الخردل هذه ،هي أنت يا أمي العذراء بفقرك في كل شيء ،بضعفك ، بصغرك ،و بشوقك إلى الله ..
لقد كنت متواضعة و صغيرة في عين نفسك فصرت عظيمة و كبيرة في نظري ...
لقد اخترت الفقر في كل شيء ،فاخترتُ حشاك لأجعلك سماءً أسكن فيها .
لقد اخترت البتولية فقراً ،و حولت حاجاتك كلها إلي فقط ..فصرت غنيةً بي ..
لقد كنت فقيرةً باللباس ،بالطعام و بالشراب ،فصرت غنيةً بكل شيء ..

اتضعتِ فرفعتُك ..
طلبتني من كل قلبك دون أي شيءٍ ،فسكنتُ في حشاكِ .
عندها كبرتِ و عظُمتِ حتى غدوت شجرةً باسقةً كبيرةً ليس لها مثيلٌ على وجه الأرض .
لقد جئتُ أنا الإله ،عصفوراً صغيراً ضعيفاً ، ألوذ بك في التجسد من برد الشتاء ​

 

[ABOTARBO]

الوعد اليومي .......
فَأَكَلَتْ وَشَبِعَتْ وَفَضَلَ عَنْهَا ( راعوث 2 : 4 1)

هذة الأية بحسب سفر راعوث تحكي عن راعوث الموابية بعد التصاقها بحماتها ورجوعها معها لتكون ضمن شعب الرب وخاصته .

معلنه لحماتها ( حيثما ذهبتي أذهب وحيثما بت أبيت . شعبك شعبي والهك الهي حيثما مت أموت وهناك أدفن هكذا يفعل الرب بي وهكذا يزيد إنما الموت يفصل بيني وبينك)

فلقد تغربت نعمي التي من شعب الرب وهي ممتلئة في بلاد غريبة بلاد مواب ورجعت فارغه
بينما تغربت راعوث الموابية ( غربة حسب المنظور البشري ) في أحضان القدير وهي فارغة ومعوزه وارمله .. فاكرمها الرب وطيب خاطرها فاكلت وشبعت وفضل عنها


تغرب في أحضانه وأشبع من فيض نعمه وسلامه . فيفيض فيك ومن خلالك في أسم يسوع
​

 

[ABOTARBO]

الوعد اليومي .......
فَأَكَلَتْ وَشَبِعَتْ وَفَضَلَ عَنْهَا ( راعوث 2 : 4 1)

هذة الأية بحسب سفر راعوث تحكي عن راعوث الموابية بعد التصاقها بحماتها ورجوعها معها لتكون ضمن شعب الرب وخاصته .

معلنه لحماتها ( حيثما ذهبتي أذهب وحيثما بت أبيت . شعبك شعبي والهك الهي حيثما مت أموت وهناك أدفن هكذا يفعل الرب بي وهكذا يزيد إنما الموت يفصل بيني وبينك)

فلقد تغربت نعمي التي من شعب الرب وهي ممتلئة في بلاد غريبة بلاد مواب ورجعت فارغه
بينما تغربت راعوث الموابية ( غربة حسب المنظور البشري ) في أحضان القدير وهي فارغة ومعوزه وارمله .. فاكرمها الرب وطيب خاطرها فاكلت وشبعت وفضل عنها


تغرب في أحضانه وأشبع من فيض نعمه وسلامه . فيفيض فيك ومن خلالك في أسم يسوع
​