انتهي عام وجاء عام وفي قلبي سؤال
يا تري يا زمن فيك اية تاني متشال
يا تري هرسي ع مينا ولا هعيش رحال
تعبت انا من غربتي وكتر الترحال
دنيا صعبة ولا فيها عم ولا خال
اجي يمين يا زماني تجيلي شمال
قليل الحب فيك يا زمن والاكتر القتال
الحب غالي وعمرة ما يتاقل بالمال
يا بخت اللي يلاقي حبيبة وضمة منة ينال
حبيب حقيقي مش اللي علي قلبك يحتال
ويقولو جميلة الدنيا وعلي الخد خال
وهي ظالمة الي من خريطة الفرح متشال
ما ينفع فيكي البريء الصادق اللي ينفعك دجال
لو حكيت ظلم زماني هتلاقي الدمع سال
ولو بكيت علي اللي مريت بية هنحتاج لتجفيف دمعي شال
وان مطلبتش شيء كبير ولكن علي قد الحال
يا تري هفضل فيكي انا عاطل ومش شغال
وظيفة صغيرة مش ضروري سيدة اعمال
انا شفت زميل بكالريوس وشغال زبال
يا تري يا زماني فيك اية تاني لي متشال
انت ربي تجبر الكسير وترجع الضال
يا رب ليس لنا سواك اصلح انت الحال
واخاف لية واقلق لية دنا خروف ع كتفة متشال
نقشتكم علي كفي فلا تخافو من الاهوال
من يمسكم يمس حدقة عيني وهو اللي قال
وقال مش هتدخلو ملكوتي ان لم تصيرو كالاطفال
انت اللي قلت يا اولادي القوا عليا كل الاحمال
رجعا ليسوع
