(*_*) لقاء مع bishoragheb (*_*)

[BishoRagheb]

هااااااااااااااااى بيشو
انا جيت اسلم عليك واقولك ربنا يعينك على مابلاك هههههههههههههههههه

ربنا معاك
ولو لقيت اسئلة هاقولك بس لو لقيت فيك نفس اصلا ههههههههههههه

وياجماعة بالراحة على بيشو ​

هههههههههه
ماشي يابوبا
شكرا لمشاعرك الرقيقة
متديني قرشين لله​

 

[BishoRagheb]

بصى يا بيشو انا داخل بس انعيك
لان انا شايف مرمر قيمة بالواجب
بس اسمع
لو ربنا دبر ولقتلك اسألة تخليك تنتحر اكيد طبعا هكون موجود علطول
صلى من اجل عدم رجوعى
ايامك ....... يا زمباوى​

ماااااااااااشي ياتوني
هاااااااااااااااات ياباشا انا خلصت
ومرمر انا برضه قايم معاها بالواجب
بس في حته تانية​

 

[TULiP TO JESUS]

هااي بيشوووو

دا انا فرحانة فيك مووووت

يا رب الكرسي يكون متوصل بالكهربا يا صديقي
هههههههههههههه

انا شايفة ان الجماعة قايمين بالواجب بس هقول اسئلة وهحاول متكنش متكررة

_ اية الاكلة والمشروب اللي بتحبهم

_ اوصف نفسك هادي او نرفز او وسط

_ بيشو انت في الموقف دة دلوقتي قولي هتعمل اية

ماشي في الشارع الساعة 2 بالليل ولقيت بنت مسيحية بتصرخ وبتستنجد بيك

اربع شباب من بتوع كمال الاجسام عاوزين يازوها وهي بتصرخ ارجوك متسبنيش هتعمل اية

_ اية اكتر حاجة سلبية ومش عجباك في الخدمة ونفسك تغيرها

_ اتكلم في اربع سطور عن التثليث والتوحيد


_انت في ندوة للخدام وقالولك تلقي محاضرة بعنوان
ان كثرة ضيقاتنا الوقتية تنشا لنا ثقل مجد ابدي
قول هتقول اية

_قول نكتة

_ اية رايك في الموضوع دة
فية حكاية الكرامة بين الحبيبن ولا لاء


كفاية دول دلوقتي وهرجع ارخم عليك تاني /center]​

​

​

​

​

 

[Coptic MarMar]

مرمر مارو
عسولة وهتلاقيها بتلم نمل علي طول
ودبان وحاجات حلوة كدا

​

هههههههههههه

وأنا أقول انت ليييييييه دايما بتكلمنى أتاريك طلعت... 30:​

ههههههههههههه
قمر
ما انا واخد بالي
مين اصلا اللي هينطس في نظره​

وبعدين العمى كتيييييييير يا بيشو وبردوا أخلع منها انت :t30: ههههه

شووووووووووووووف بقى..

أنا كنت داخلة أوجب معاك حاجة ساقعة بيبس الكلام ده

لاقيت جايب سيرتى بالخييييييير :nunu0000:

وعقابااااااااااا أستلم بقى باقى الأسئلة ياسووووووواد أيامك ياااااد :act31: هههه​

 

[Coptic MarMar]

:smil16::smil16::smil16:

أنا جيـــــــــــــت 30: ههههههه

يلا بقى ننزل الجزء التانى من الاسئلة....

استعنا علي الشقا بالله :nunu0000:

السؤال الأول وينقسم إلى أسئلة كتيييييير

1- امنية حياتك اللي نفسك تحققها ؟ وياتري فيه امنية حققتها ؟

2- هواية نفسك تمارسيها ؟ وايه هوايتك الحالية ؟

3- اكتر 5 اعضاء اتصاحبت عليهم في المنتدي ؟

4- احلي شخصية عجبتك وارخم شخصية ؟ ( مش عايزة هروووووووب من السؤال ده:t32: )

5- احكيلنا موقف مضحك حصل معاك ؟ وموقف محرج ؟ وموقف اتضايقت فيه ؟ وموقف اتغاظت فيه ؟ موقف طلع عنيك الجوز فيه ؟

6- ايه اكتر ترنيمة بتحبها ؟

7- بتروح الكنيسه وبتعترف وتتناول ولا لا؟ و أخر مره كانت امتى..؟؟ ومين شفيعك..؟؟

8- امتى حسيت ان ربنا قريب منك أوي.. وامتى حسيت انه بعيد؟؟

السؤال الثانى : ينقسم الى ستة اجزاء:- :a63:

1-أكتر حاجه بتضايقك..؟؟

2-أكتر حاجه بتنرفزك..؟؟

3-أكتر حاجه بتبسطك..؟؟

4-دموعك قريبه ولا لا؟؟ وامتى تنزل منك غصب عنك..؟؟

5-لو اعجبت ببنت وهى مش عارفة.. تقولها ولا تستني لما هى تحس وتكلم معاك..؟؟

6-راضي عن حياتك الروحيه..؟؟ وحياتك الاجتماعيه..؟؟

السؤال التالت ( كام سؤال عالماشى كده ):59:

1- أكتر سفر بتحبه فى الكتاب المقدس ؟

2- أكتر أيه ؟

3- أكتر مزمور ؟

4 - أكتر شخصية متأثر بها فى الكتاب المقدس ؟

السؤال الرابع ( أخر سؤال وهمشى خلاص هههه) :mus13:

1- تقدر تتخلي عن مبدأ من مبادئك..؟؟ ولمين..؟؟

2- بتحل مشاكلك ازاي..؟؟ لوحدك ولا تتشارك مع حد لحلها..؟؟

3- امتى دموعك تنزل منك غصب عنك ؟؟

4- ايهما اكثر في حياة بيشوى لحظات الفرح أم لحظات الحزن..؟ ولماذا.. ؟

5- ماهي جوانب الضعف والقوه في شخصيتك..؟؟

6- رأيك في الصداقه بين الولد والبنت..؟؟

7 - أكتر حاجه بتحب تعملها في وقت الفراغ.. غير النت..؟؟

8- أيه رأيك فى الأقوال دى !!!!

- قوة المرأه في ضعفها.

-الحب الأول وهم بعد مرور السنين.

-الرغبه التي لا تتحقق تظل تؤرق الانسان ولا ينساها.

-الحب الأفلاطوني.

-ثلاثة أصناف من البشر لا يستطيعون فهم المرأة : الأطفال ، والشبان ، والشيوخ .

-تضحك المرأة عندما تستطيع .. وتبكي عندما تريد .

كفااااااااية كده بقى أيدى وجعتنى :heat: هههههههه

فاصل ونرجع لبعض تانى:yahoo:​

 

[KOKOMAN]

لا ياكوكو الا انت
انت
صديق العمر

مينفعش انك تسلخني كده وتقطع فروتي​

خلاص ياباشا

احنا مش اتفقنا امبارح على الصفقه

ياتنفزها يا ادخل اكتب شويه اسئله

يعنى بالكتير اوى 100سؤال

وبالقليل 99

هههههههههههههههههه​

 

[BishoRagheb]

هااي بيشوووو
مين راجعا
كنا لسه جايبين في سيرتك:59:

دا انا فرحانة فيك مووووت
ليه بس كده ماحنا كنا كويسين:act19::nunu0000::act31:

يا رب الكرسي يكون متوصل بالكهربا يا صديقي
شكلك مجربا ابو كهربا:budo:

انا شايفة ان الجماعة قايمين بالواجب بس هقول اسئلة وهحاول متكنش متكررة
_ اية الاكلة والمشروب اللي بتحبهم

ليس بالخبز وحد يحيا الانسان
الانسان لو بيدور علي الاكل وبهتم بيه قوووي
يبقي:hlp:
بس مفيش مانع ان الواحد يحب الحاجات زي المكرونة بالبشاميل
الاسماك باغلبية انواعها
المشروبات بجميع الصحية طبعا

_ اوصف نفسك هادي او نرفز او وسط
في الغالب هادي

_ بيشو انت في الموقف دة دلوقتي قولي هتعمل اية
هقول حسبي الله ونعم الوكيل

ماشي في الشارع الساعة 2 بالليل ولقيت بنت مسيحية بتصرخ وبتستنجد بيك
بصي الموضوع ده انا اتعرضت ليه قبل كده
والقصة دي انا حكيتها لشخصية قريبة مني
هنا في المنتدي
وكان 3 ولاد متلمين علي بنت
وكنت انا و ولد صاحبي ماشيين وسمعنا اصوات كده
صاحبي ده ربنا يديله الصحة طول بعرض
وانا الحمدلله زي ماقلتلك قبل كده
بدرب كونغ فو والحاجات دي ياعني
المهم عشان ماطولش رحنا ناحية الصوت لقينا
الموقف ده من غير ما نعرف ادخلنا
ان البنت مسيحية ولا غير مسيحية
كلمنا الولاد بالراحة طبعا الكولة كانت عاملة عمايلها
وشتايم وقلة ادب ومطاوي بس
ربنا سهل ووضبناهم وخدنا البت
الكلام ده تخيلي الساعة كام الساعة 6 الضهر
وربنا عداها علي خير شوية كدمات وكده
بس هما شوية تكسير حلوين:\:boxing:

اربع شباب من بتوع كمال الاجسام عاوزين يازوها وهي بتصرخ ارجوك متسبنيش هتعمل اية
بصي الموضوع مش موضوع كمال اجسام وبتنجان:a82:
موضوع العقل والقوة الداخلية وايمانك
انت لو بتعملي حاجة خير وربنا هيساعدك اكيد
وانا الحمدلله بتبع مبدأ حلو قوي
فرق تسد دايما
بس تبقي زكية وتعرفي ازاي تبقي حكيمة
في المواقف دي

_ اية اكتر حاجة سلبية ومش عجباك في الخدمة ونفسك تغيرها
اشباه وانصاف الخدام

_ اتكلم في اربع سطور عن التثليث والتوحيد
بدأنا نغوط ونندخل في العميق
طيب ياستي
عقيدة التثليث والتوحيد هي من اهم العقائد في المسيحية
ونحن نؤمن بالاله الحقيقي الواحد في الجوهر والمثلث في الاقانيم
يقول الانبا بيشوي سكرتر المجمع المقدس
اولا كلمة اقنوم بكل بساطة صفة ذاتية بالله فقط
بعدين ازاي بنقول تلاته ونقول بعد كده اله واحد
الموضوع بكل بساطة عامل زي قرص الشمس
ليها جسم صلب
وليها حرارة جامدة
ونور بيوصل لكل مكان
مع الفارق طبعا في ان الشمس بتشرق وتغرب
لكن الله طبعا دائم الوجود
ومثال تاني
نهر النيل
موجود اصله ونبعه في الحبشة تقريبا
لكن موجود في كذا دولة عربية
وفي نفس الوقت بيجي لكل واحد في بيته في الحنفية
طبعا فيه حاجات كتير مقولتهاش عشان الوقت والمكان
ادي التلاته سطور

_انت في ندوة للخدام وقالولك تلقي محاضرة بعنوان
ان كثرة ضيقاتنا الوقتية تنشا لنا ثقل مجد ابدي
قول هتقول اية

عايزاني ادي محاضرة
انا ادي محاضرة والناس التقيلة موجودة مينفعش:t30:
:t30:

_قول نكتة
نكته
واحد غبي عنده ارق ومش عارف ينام....قال له صاحبه عندي لك طريقة للنوم مؤكدة...
عد من واحد الى خمسميه... أخونا مكدبش خبر... وأول ما الدنيا ليلت
راح للسرير وبدا يعد .. واحد .. اثنين .. ولما وصـل الى ميه وتسعة وتسعين ...
كبس عليه النوم … قـام جري غـسـل وشه ورجــع للـسـريـر يـكـمـل الـعـد:big4:

_ اية رايك في الموضوع دة
فية حكاية الكرامة بين الحبيبن ولا لاء
اكيد طبعا
لو راح الاحترام المتبادل هيروح كل حاجة
الحب وكل حاجة
لازم يبقي فيه احترام امال ايه؟؟:36_22_26::748pf:

كفاية دول دلوقتي وهرجع ارخم عليك تاني /center]​

​

​

​

​

منك لله يالي في بالي
يارب تحصلي مرمر واخو عريسها:big64::309xe:​

​

​

 

[BishoRagheb]

وأنا أقول انت ليييييييه دايما بتكلمنى أتاريك طلعت... 30:​

ايوه متتكسفيش
طلعت البيروسول بتاعك

وبعدين العمى كتيييييييير يا بيشو وبردوا أخلع منها انت :t30: ههههه
اعتراف من الاخت مرمر انها بتحب واحد اعمي واحول ورجله الاتنين...
عارفة شمين طبعا

شووووووووووووووف بقى..
أنا كنت داخلة أوجب معاك حاجة ساقعة بيبس الكلام ده
لاقيت جايب سيرتى بالخييييييير :nunu0000:
:t30:

وعقابااااااااااا أستلم بقى باقى الأسئلة ياسووووووواد أيامك ياااااد :act31: هههه​

ولو ماجاوبتش ياحجة
تقدري تعملي حاجة
لا
لا
لا
​

 

[BishoRagheb]

:smil16::smil16::smil16:
أنا جيـــــــــــــت 30: ههههههه
يلا بقى ننزل الجزء التانى من الاسئلة....
استعنا علي الشقا بالله :nunu0000:
السؤال الأول وينقسم إلى أسئلة كتيييييير

1- امنية حياتك اللي نفسك تحققها ؟ وياتري فيه امنية حققتها ؟
مكرر
ينقل للمحذوفات

2- هواية نفسك تمارسها ؟ وايه هوايتك الحالية ؟
نفسي
لعبة اسمها الفن الاسود او النينجا
وللاسف في الصين مش هنا
وكمان بيعملو حاجات غريبة سحر وكده
ماعلينا
هوايتي الحالية
جرافيك وكونغ فو

3- اكتر 5 اعضاء اتصاحبت عليهم في المنتدي ؟
كتير قووووي
كوكومان - انجي - راجعا - مايكل كوكو
مرمرمارو - مرمرمارون - توني- جيلان
كيريا - بنت العدرا - نيفين رمزي - دونا - ميرنا- كليمو
ميروانجل - فيتا - وناس تانية كتير عشان محدش يزعل

4- احلي شخصية عجبتك وارخم شخصية ؟ ( مش عايزة هروووووووب من السؤال ده:t32: )
مش هجاوب:t30:

5- احكيلنا موقف مضحك حصل معاك ؟
قعدت اكلم واحد كتير قووي وفي الاخر طلع
مبيسمعش...

كنا لسه طالعين رحلة
وبنت شنطتها ضاعت وطبعا انا في وش المدفع
الام تتصل ازاي البت شنطتها تضيع
هو الكنيسة مصتقصدانا ليه
مالكم بينا..... كلمت الامينة عشان هما ستات
زي بعض والواحد مش عايز يتكلم مع الناس الشرانية دي
والست متغاظه من البرود بتاعي
وقالت ان احنا خدنا منها الشنطة في الاتوبيس وشيلناها
ونسيناها...ده علي اساس ان البت سأليتها
جت البت قدامنا...بتسألها قاليتلها لا محدش خد مني حاجة
انا نسيتها في الكنيسة في الاول
الام وشها احمر وجاب الوان
انا مقدرتش امسك نفسي ومشيت من كتر الضحك

ولما سألت البت اكتشفت ان الب
ومرة تانية اتنين ستات بيتخانقوه ومسكين في شعر بعض
ولمو الشارع كله وناس اتضربت وكانت هيصة
علي مين شبشبه اكتر وساخة من التاني



وموقف محرج؟
مفيش الحمدلله

وموقف اتضايقت فيه ؟ وموقف اتغاظت فيه ؟ موقف طلع عنيك الجوز فيه ؟
اهمال الخدام في الخدمة والرحلات

6- ايه اكتر ترنيمة بتحبها ؟
احبك يارب قصيدة قداسة البابا
ربنا يرجعهولنا بالسلامة

7- بتروح الكنيسه وبتعترف وتتناول ولا لا؟ و أخر مره كانت امتى..؟؟ ومين شفيعك..؟؟
الحاجات الاولانية لا طبعا
انت هتاخدي اعترافي
اما شفيعي المجمع كله

8- امتى حسيت ان ربنا قريب منك أوي.. وامتى حسيت انه بعيد؟؟
الله دائما بجوار اولاده لايتركهم ابدا مهما حدث
ومهما فعلنا من اخطاء وخطايا
فنحن اولاده المجبوبين الي ربنا جه عشانا
واتحمل كل العذابات
احنا اللي مش بنفهم

السؤال الثانى : ينقسم الى ستة اجزاء:- :a63:
1-أكتر حاجه بتضايقك..؟؟
الخيانة والغدر

2-أكتر حاجه بتنرفزك..؟؟
الغباء والكلام عليا طبعا
بحاجات مبتحصلش

3-أكتر حاجه بتبسطك..؟؟
اني اعيش في سلام وفرح

4-دموعك قريبه ولا لا؟؟ وامتى تنزل منك غصب عنك..؟؟
قريبة بس مبتنزلش
غصب عني في حالات الوفاة اكيد للناس المقربين
ومش قدام حد برضه

5-لو اعجبت ببنت وهى مش عارفة.. تقولها ولا تستني لما هى تحس وتكلم معاك..؟؟
لما اكون صادق في مشاعري
وهي مش مرتبطة وكويسة هقولها
انا مش بتكسف علي فكرة

6-راضي عن حياتك الروحيه..؟؟ وحياتك الاجتماعيه..؟؟
حياتي الزوجية اه طبعا
اكيد
والدليل اني الحمدلله عندي 3 ولاد
وبنتين
وحياتي الاجتماعية الحمدلله
بشتغل بقالي 4 سنين
ودلوقتي مشاعد مدير

السؤال التالت ( كام سؤال عالماشى كده ):59:

1- أكتر سفر بتحبه فى الكتاب المقدس ؟
العهد الجديد والانجيل كله طبعا

2- أكتر أيه ؟
ان كان الله معنا فمن علينا

3- أكتر مزمور ؟
الرب راعي

4 - أكتر شخصية متأثر بها فى الكتاب المقدس ؟
كتير
اولهم رب المجد يسوع المسيح
وبولس الرسول رسول الامم المبشر العظيم

السؤال الرابع ( أخر سؤال وهمشى خلاص هههه) :mus13:

1- تقدر تتخلي عن مبدأ من مبادئك..؟؟ ولمين..؟؟
لأ
اللي يتخلي عن مبدأ
يتخلي عن كل المبادئ

2- بتحل مشاكلك ازاي..؟؟ لوحدك ولا تتشارك مع حد لحلها..؟؟
مش لوحدي
معايا ربنا طبعا
والقديسين
وملاكي الحارس:t30:

3- امتى دموعك تنزل منك غصب عنك ؟؟
مكرر وينقل للمحذوفات
ولو كررتي سؤال تاني
هطلعك بره خالص

4- ايهما اكثر في حياة بيشو لحظات الفرح أم لحظات الحزن..؟ ولماذا.. ؟
طبعا الحزن بيبقي اكتر
بس ربنا يحول حزننا اللي فرح

5- ماهي جوانب الضعف والقوه في شخصيتك..؟؟
الضعف
المواقف الحساسة الصعبة اللي الواحد بيتعرض ليها
القوة
اهم مصدر وجوانب ربنا اكيد ومساندته ليا مهما عملت

6- رأيك في الصداقه بين الولد والبنت..؟؟
من اني ناحية؟؟ واني موضوع وضحي اكتر:t30:

7 - أكتر حاجه بتحب تعملها في وقت الفراغ.. غير النت..؟؟
مش النت صدقيني
بس بحب اعمل كليبات ترانيم
واتفرج علي افلام اجنبية جديدة

8- أيه رأيك فى الأقوال دى !!!!

- قوة المرأه في ضعفها.
قوة المرأه في ضعفها
تختلف علي حسب الشخصية

-الحب الأول وهم بعد مرور السنين.
اكيد لو انتهي بفشكلة للموضوع

-الرغبه التي لا تتحقق تظل تؤرق الانسان ولا ينساها.
لا
لو كان بيفهم يعرف ان
كل الاشياء تعمل معا للخير

-الحب الأفلاطوني.
و مثال الحب الصداقة التى قد تقوم بين الولد والبنت
بس لو بين زوجين....
لا اعتقد


-ثلاثة أصناف من البشر لا يستطيعون فهم المرأة : الأطفال ، والشبان ، والشيوخ .
ياسلام
وباقي مين دولقتي

-تضحك المرأة عندما تستطيع .. وتبكي عندما تريد .
لأ مش بأيدها

كفااااااااية كده بقى أيدى وجعتنى :heat: هههههههه
فاصل ونرجع لبعض تانى:yahoo:​

كل اللي اقدر اقوله ليكي
ولا بلاش.....................

 

[BishoRagheb]

خلاص ياباشا

احنا مش اتفقنا امبارح على الصفقه

ياتنفزها يا ادخل اكتب شويه اسئله

يعنى بالكتير اوى 100سؤال

وبالقليل 99

هههههههههههههههههه​

ياباشا انت تأمر
من شلن لبريزة​

 

[Coptic MarMar]

اعتراف من الاخت مرمر انها بتحب واحد اعمي واحول ورجله الاتنين...
عارفة شمين طبعا
​

مييييييين وفيييييييين وأمتى ده :dntknw:

ههههههههه

يا ساااااااااااتر..

انت كل ده مش حوق فييييييييك وبردوا شغال

طيب عليا الطلاج بالتلاتة لأنا جايبة لك الدفعة الرابعة :gy0000: هههه​

 

[zezza]

كدة برضوا يا بيشوا ابقى اخر واحدة اعرف فى المنتدى انك على الكرسى اخص عليك هان عليك العيش و البتنجان
على الاقل كنت اعمل الواجب و احضر لك كام سؤال حلوين كدة من اللى قلبك يحبهم

بس الحمد لله مرمر قايمة بالواجب و زيادة
بس ايه يا عم الدبلوماسية دى كلها مافيش كدة ولا اجابة مباشرة

على العموم ربنا يعينك على اللى انت فيه خد دى كاس لمون بالنعناع يروق دمك

هو شبه عصير القصب صحيح بس هو لمون اشرب واحدة و خلى واحدة بعد العشاء
يلا بالهنا و الشفا على الله يطمر و ما يكونش زى البتنجان هههههههههههه
سلام يا بيشو

ااااااااااااااااااااااااه ه ه ه صحيح اللون البرتقانى دة لونى انا ..انا اللى بكتب بيه من ساعة ما تدخلت المنتدى ممكن بقى لو سمحت ما تقلدنيش و استعمل لون تانى بلاش طمع

 

[GogoRagheb]

ههههههههههه
ربنا معاك يابيشو
و مرمر قايمة بالواجب حبتين​

 

[BishoRagheb]

مييييييين وفيييييييين وأمتى ده :dntknw:

ههههههههه

يا ساااااااااااتر..

انت كل ده مش حوق فييييييييك وبردوا شغال

طيب عليا الطلاج بالتلاتة لأنا جايبة لك الدفعة الرابعة :gy0000: هههه​

ههههههههههه
مكسوفة البنات يحسدوكي
علي ايه
علي حوله؟؟
ونا مش بيحوق فيا​

 

[BishoRagheb]

كدة برضوا يا بيشوا ابقى اخر واحدة اعرف فى المنتدى انك على الكرسى اخص عليك هان عليك العيش و البتنجان
على الاقل كنت اعمل الواجب و احضر لك كام سؤال حلوين كدة من اللى قلبك يحبهم

البتنجاااااااااااااااااااااان
لا حلفتيني بالغالي
انا تحت امرك ياباشا

بس الحمد لله مرمر قايمة بالواجب و زيادة
بس ايه يا عم الدبلوماسية دى كلها مافيش كدة ولا اجابة مباشرة
على العموم ربنا يعينك على اللى انت فيه خد دى كاس لمون بالنعناع يروق دمك

ده ايه
زيت خروع

هو شبه عصير القصب صحيح بس هو لمون اشرب واحدة و خلى واحدة بعد العشاء
يلا بالهنا و الشفا على الله يطمر و ما يكونش زى البتنجان هههههههههههه
سلام يا بيشو

الله يهنيكي
الله يسلمك
ومتقطعيش الجوابات
ومستني الاسئلة

ااااااااااااااااااااااااه ه ه ه صحيح اللون البرتقانى دة لونى انا ..انا اللى بكتب بيه من ساعة ما تدخلت المنتدى ممكن بقى لو سمحت ما تقلدنيش و استعمل لون تانى بلاش طمع

انت تأمر ياباشا
بس من المشاركة الجاية
هيبقي برتقالي بس:t30:​

 

[BishoRagheb]

ههههههههههه
ربنا معاك يابيشو
و مرمر قايمة بالواجب حبتين​

كده ياجوجو
مااااااااااااااشي:smil8:
بعدين انت عارف ان مرمر مش بتأثر فيا:t30:​

 

[Aksios]

هاى يا بيشوووو
انا شوفت الموضوع بالصدفة
هسألك كام سؤال صغيرين عشان مرخمش عليك

1 - قول عمرك كام عشان انت هربت منه فى المشاركة بتاعت مرمر :11azy:
2 - ايه الاية اللى بتحبها اووووووى
3 - اي اصحاح فى الكتاب المقدس تحب تقراه كتير
4 - اذكر مقولة بتحبها واحدة بالعربى و واحدة بالانجليزى و ادام انت مرشد سياحى صينى يبقه قول واحدة كمان بالصينى :hlp: (من غير ترجمة عشان احاول انا اترجمها هههههههه)
5 - ايه هدفك فى الحياة؟؟؟ ناوى تسافر بره و لا لع؟
6 - لو معاك عربية مش بتشيل الا شخصين (السائق و واحد تانى) و قابلت فى الطريق صديق لك عمل فيك معروف قبل كده ... و ست عجوز على وشك الموت محتاجة انك تنقلها المستشفى ... و أمراه كنت تحلم بها (فتاة احلامك)
فأي واحد من هؤلاء الثلاثه هتخدوه معاك فى العربية يا ترى يا هل ترى؟؟ :t9:
كفاية الحبة دول عشان متقلش عليك

بقولك ايه فااااااكر ولا لع هاااااااا ......... اممممممم صليلى هههههه
يالا باى

 

[zezza]

hiiiiiiiiiiiiiiiiiiiiiiiiiiiiiiiii bisho

يلا استعد
طبعا كل بيوت ربنا حلوة بس ايه اكتر دير بتحس فيه بروحانية عالية تدخل المزار و تقول كل اللى جواك

احلى مؤتمر روحتوا تبع الكنيسة كان فين و كان ايه موضوعه

مثلك الاعلى و اللى نفسك تكون نسخة منه

حبة سياسة بقى ايه اكتر حاجة بتحبها فى شعب مصر و اكتر حاجة مش بتحبها فيه
و هو احنا فعلا كمسيحين عندنا ديمقراطية فى بلدنا اى من الاوقات اللى فاتت

لو جت لك فرصة تهاجر هتوافق ولا لا

ايه اكتر بلد نفسك تزورها و ليه

ايه اخر كتاب قريته و مين اللى كاتبه

نوع الكتب اللى تحب تقراها ادب ولا شعر و تاريخ و لا سياسة ومين اكتر واحد تحب تقراله و مين اللى مش تحب اسلوب كتابته

بتحب ايه اكتر الصيف ولا الشتاء
الشروق ولا الغروب
اكترمنظر ترتاحله عينك منظر بحر ولا صحراء ولا زراعة ولا جبال و تلج

اخيرا بقى بتحب تسمع فيروز و بتحب الشوكولا ولا لا

كفاية الكام سؤال الصغننين علشان ما فيش حاجة فى مخى دلوقتى
يا رب تكون اسئلتى خفيفة على قلبك و مش تضايق وقولى لو فى حد ضايقك هعمل فيه زى اللى هتعمله معايا بالظبط فاكر................................... هههههههههههههههههههههه

ااااااااااااااا ه ه ه ه ه
صحيح ايه ايه رايك فى عصير القصب يوه ه ه ه ه قصدى اللمون​

سلام يا بيشو ربنا يفرح قلبك

 

[BishoRagheb]

هاى يا بيشوووو
هاي ياجميل نورت الموضوع

انا شوفت الموضوع بالصدفة
صدفة جميلة نورتني

هسألك كام سؤال صغيرين عشان مرخمش عليك

1 - قول عمرك كام عشان انت هربت منه فى المشاركة بتاعت مرمر :11azy:

انا مهربتش انا قاعد علي الكرسي
والصراحة انا سبت المجال الرياضي
عشان مش بحب الرياضة
ف الحساب عندي عايز ويندوز:hlp:

2 - ايه الاية اللى بتحبها اووووووى
ان كان الله معنا فمن علينا
مكرر
ينقل للمحذوفات

3 - اي اصحاح فى الكتاب المقدس تحب تقراه كتير
كل الانجيل لانه كلمة الله المعاشة
التي اذا اتبعها الانسان
يحيا حياة سليمة سالمة فرحا طوال وقته
فقط
عيشوا كما يحق لانجيل المسيح

4 - اذكر مقولة بتحبها واحدة بالعربى و واحدة بالانجليزى و ادام انت مرشد سياحى صينى يبقه قول واحدة كمان بالصينى :hlp: (من غير ترجمة عشان احاول انا اترجمها هههههههه)
عربي
اعمل الخير وارميه البحر
مفيش فايدة
انجليزي
easy come easy go
صيني
اذا كان الشيطان أستاذ الرجل فانه تلميذ المرأة
如果撒旦是一个教授的男子
女学生,它
انا الصراحة الكومب عندي مش بيكتب صيني بسهولة
فجبتلك الكلام من النت


5 - ايه هدفك فى الحياة؟؟؟ ناوى تسافر بره و لا لع؟
ياريت جت فرصة ومحصلش نصيب
وكل اللي يجيبه ربنا كويس

6 - لو معاك عربية مش بتشيل الا شخصين (السائق و واحد تانى) و قابلت فى الطريق صديق لك عمل فيك معروف قبل كده ... و ست عجوز على وشك الموت محتاجة انك تنقلها المستشفى ... و أمراه كنت تحلم بها (فتاة احلامك)
فأي واحد من هؤلاء الثلاثه هتخدوه معاك فى العربية يا ترى يا هل ترى؟؟ :t9:

اكيد الست العجوزة
لان انا بنقذ حياة انسان..ومتتعوضش
لمن اي حد تاني من التانين سهل اني افهمه الموقف
واني اعوضه حتي لو خسرته


كفاية الحبة دول عشان متقلش عليك
ياباشا انت تأمر وأسأل براحتك
انا تحت امرك


بقولك ايه فااااااكر ولا لع هاااااااا ......... اممممممم صليلى هههههه
يالا باى

اكيد فاكر
وصلي من اجلي ومن اجل الخدمة
ربنا يبارك حياتك
نورتني​

 

[mero_engel]

امممممممممممممم
منور الكرسي يا حج بيشو صدقني
انا مش هسالك
هتفرج من بعيد
وبصراحه اكتر
هتفرج عشان اشمت فيك
وانت مزنوق في الاسئله
بس خلو بالكوا يا اعضاء
شكله بيتهرب من اسئله كتير ومش بيجاوب
انا لو منكم متسكتوش
وهسالك سؤالوواحد يا بيشو ولازم تجاوب عليه يا انا يا انت
(كم عمرك)؟؟؟؟؟؟



ليا عوووده​