ذكرياتى مع العرسان

[هيفاء الهاشمي]

مش قلتلك اديني مس كول أما تجي تكملي الموضوع
فاتحه سوالف هني بدوني انا دي آخرة الصداقه والعشره:beee:

 

[عبود عبده عبود]

مش قلتلك اديني مس كول أما تجي تكملي الموضوع
فاتحه سوالف هني بدوني انا دي آخرة الصداقه والعشره:beee:

[FONT=&quot]إحياااة النبى يا شيخة تسكتى ​

​

[FONT=&quot]أنتى ضيعتى فوناتنا عشر مرات[/FONT]​

[FONT=&quot]أخر مرة باعت لك تهنئة بعيد الأضحى مع صورة خروف نونو[/FONT]​

[FONT=&quot]تبعتى لى ... وأنت طيب يا أستاذ ... (!!!!)[/FONT]​

[FONT=&quot]من أمتى أستذتينى ؟[/FONT]​

[FONT=&quot]
[/FONT]​

[FONT=&quot]قلت دى أتخطبت وأنضمت الى ( شلة خطيبى بيغير عليا مووووت )
[/FONT]​

[FONT=&quot]:smile01:smile01:smile01[/FONT]​

[FONT=&quot] [/FONT]​

[/FONT]

 

[+إيرينى+]

عريس رقم 16

العريس دا جابتهولى ذات نفس الدكتورة صاحبة ماما الل جابت لى العريس رقم 7 (أول خطوبة)

العريس بيشتغل فى ليبيا (غنى يعنى)

طبيب أنف و أذن و حنجرة

أكبر منى ب 12 سنة

طويل _ مليان حبة _ أصلع من أودام _ بنضارة

كانت المقابلة فى حوش إحدى الكنائس

و كانت الصبح _ تقريبا كان يوم جمعة

المقابلة كانت (أنا و بابا و ماما و صاحبتها و العريس)

ماما أصرت برضوا إنى ألبس زى ما لبست مع العريس الل فات (بلوفرين و بنطلونين و السوتيان محشى قطن :new6: )

و كانت حجتها ان هى و صاحبتها طخان فكدة ح أظهر رفيعة و مسفأة

سمعت الكلام

كانت المقابلة برضوا كلام عام

العريس لم يبدِ أى إعجاب

و رد على صاحبة ماما و قالها : أنا مش عايز واحدة تيجى مع أبوها و أمها

و قال أنا شايف إنها ضعيفة الشخصية و ح تدخلهم فى كل حياتنا

فرفضنى

و إنتهى أمر هذا العريس

​

 

[حبو اعدائكم]

مش قادرا اصدق يعنى مكنتيش بتموتى من الحر بالبلوفرين و البنطلونين --
هههههههههههههههههههه كدا المفروض ماما تكون اقطنعت ان الحشو مبيجبش نتيجه و تبطل تحشيكى بئا
ها الى بعده اتحشيتى و لا نووو؟؟

 

[Maran+atha]

ماما أصرت برضوا إنى ألبس زى ما لبست مع العريس الل فات (بلوفرين و بنطلونين و السوتيان محشى قطن :new6: )

​

شكرا كثير للموضوع المميز
اختى الغالية + إيرينى +
الله يسامح ولدت ووالد حضرتك وحضرتك
لأن الطبيعى أن الإنسان الذى يريد الارتباط بيهتم بمعرفة روح وفكر الانسانة التى ستشاركه الحياة
اما والدتك للأسف الشديد تفكر بأسلوب صطحى فتهتم بالظاهر أكثر من الأساس
وأيضا ولدك لم يعارض هذا الفكر الخاطىء

بصراحة كان عليكى أن تعترض فكر والدتك
بقولك:انا أثق فى كلام ربنا يسوع المسيح الذى قال
"ما جمعه الله لا يفارقه انسان"

بالتالى ترفضى طريقة ارتداء كل هذة الملابس

ربنا يباركك ويعوض تعب محبتك ويكون معكىدائما
فيحافظ عليكي ويفرح قلبك ويحقق كل أمنياتك للأبد آمين.

 

[عبود عبده عبود]

ماما أصرت برضوا إنى ألبس زى ما لبست مع العريس الل فات
​

[FONT=&quot]أنتى كدة "باربى" رسمى ...:t23:​

​

[FONT=&quot]
[/FONT]​

[FONT=&quot]كملى يا بنت " صطحية "...:smile01
[/FONT]​

[FONT=&quot]مكتوب أية تانى فى كتاب العرسان ؟[/FONT]​

:thnk0001::thnk0001::thnk0001:
​

مش قادرا اصدق يعنى مكنتيش بتموتى من الحر بالبلوفرين و البنطلونين --

[FONT=&quot]"باربى" لا تتمدد بالحرارة ولا تنكمش بالبرودة
[/FONT]​

[FONT=&quot]
[/FONT]​

:new6::new6::new6:​

[/FONT]

 

[+إيرينى+]

عريس رقم 17

العريس دا جابتهولى صديقتى الوحيدة الل طلعت بيها من كلية الهندسة (مسلمة)

و ما زلنا الى الآن أصدقاء

الحقيقة أنا ناسية هى كانت تعرفه منين

تقريبا زميلها فى شغلها (مش فاكرة)

هى وريتنى صورته

وجهه أسمر اللون _ عامل شنب و دقن (بنسميه سكسوكة)

كلية فنون جميلة عمارة

أبوه و أمه متوفيين و ليس له أخوة

أكبر منى فى حدود 8 سنين

و قالت لى : هو كان خاطب و اتفكت الخطوبة من شهر _ هى الل سابته

ليه ؟

ما اعرفش _ هو قال لى ان الل عملهم الخطوبة و الل فك الخطوبة أبونا فلان بتاع كنيسة كذا

أبونا فلااااااااااان !

إنتى تعرفيه ؟

إلا أعرفه _ دا كان رئيس بابا فى عمله قبل ما يبقى أبونا و افتكرت الموقف بتاع : لااااااااااااا حل و لااااااااااااا بركة (العريس رقم 4)

قولت فى سرى : أنا ح أقابل أبونا دا تانى ؟؟ يا دهوتى يا دهوتى

قولت لها بصى بأقولك إيه : إنسى الموضوع دا

ليه يا بنتى

هى قفلت معايا كدة

________

و كان السبب انى خفت

مش من أبونا ____________ لا

كنت خايفة انه اتسربع على انه يقابل عروسة جديدة بعد ما اتفكت خطوبته على طول

خفت انه يعملنى ميس أو كرودية

خفت فعلا

دا غير انى ما كنتش عايزة اقابل ابونا دا تانى _ لاحسن يهز اركان الكنيسة بجملة لاااااااااااااحل و لاااااااااااااااا بركة

فقفلت معايا كدة

و رفضت أشوفه حتى و ما قولتش عل الموضوع دا لبابا أو لماما ​

 

[حبو اعدائكم]

كدا يا ايرو تسربئ العرسان فئ السكرته ... هههههههههههههه

 

[عبود عبده عبود]

[FONT=&quot]مش تهديد هو .. ​

​

[FONT=&quot]ان مكنتش أبعت لك أسماء العرسان مش هتكملى الموضوع ؟!!!!!​

​

[FONT=&quot]لعنتو الله على أدمان المواضيع [/FONT]​

[FONT=&quot]أنا ممكن أكمل حياتى عاتييى يعنى من غير أقرا مواضيعك الصوبحية

:blush2::blush2::blush2:
[/FONT]​

[FONT=&quot]الأسماء اللى عندى أهى

[/FONT]​

[FONT=&quot]عريس (15) – الخروج من بورسعيد [/FONT]​

[FONT=&quot]عريس(16) – عريس ذات نفس الدكتورة[/FONT]​

[FONT=&quot]عريس (17) - عريس أبونا

:fun_lol:
[/FONT]​

[FONT=&quot]أرتحتى ؟[/FONT]​

[FONT=&quot]كملى بقى
:new6:
[/FONT]​

[/FONT][/FONT]

 

[+إيرينى+]

عريس رقم 18

العريس دا جالى عن طريق واحد زميل بابا (فى قسم الحسابات)

العريس يبقى ابن اخوه

جم عندنا البيت بحسب الاتفاق بين بابا و عم العريس

الل جم أول زيارة كان : العريس و أبوه و عمه

الحمد لله : أمى ما حشتنيش قطن

العريس رفيع و طويل خمرى اللون شعره ناعم (شكله حلو)

بيشتغل محاسب (مرتب معقول)

معاه شقة صغننة (أوضتين و صالة)

أكبر منى فى حدود 5 سنين

ما لفت نظرى فى القاعدة : ان العريس لم ينظر لى نظرة واحدة

أبوه و عمه فقط هم من ظهر على وجوههم الابتسامة

اتفق بابا مع أبو و عم العريس على زيارة تانية

و كنا متوقعين أن تأتى أمه فى الزيارة التانية للتعرف عليها

لكنها لم تأتى

بالصدفة هذا العريس كان أب إعترافى يعرفه معرفة جيدة : الذى بدوره شَكَّر فيه جدا

فى الزيارة التانية

جه برضو : العريس و أبوه و عمه

بدأ العريس فى الزيارة التانية بالنظر إلىَّ (للات الحمد)

و بدأ أبوه الحديث بالاتفاق مع بابا على تحديد مسئولية كل طرف من شراء مستلزمات الجواز (العفش و الاجهزة)

و لما كانت لا توجد أى مشكلة بين الطرفين على الأمور المادية فطلب أبوه تحديد معاد الخطوبة و قد كان

و بدأنا فى عزومة الأهل و الاصدقاء و حجزت فستان خطوبة (تأجير) و حجزت الكوافير

كل هذا و لم تأتى أمه

ثم اتصلت امه بنا و حددت معاد لزيارتنا للتعرف علىَّ (قبل الخطوبة)

و جاءت هى و ابنها

ضاربة بوز شبرين من و هى على باب الشقة و تكشيرة رهيبة بدون سبب _ أى حوار معها كانت تنهيه بردود مقتضبة

بعد أسبوع واحد

ذهب عم العريس (زميل بابا) الى بابا فى مكتبه و قال له : آسف يا باشمهندس ما فيش نصيب _ أصل الولة مرتبط ببنت خالته لكنهم كانوا مختلفين على مين يجيب الغسالة بس اتفقوا خلاص

طبعا اضطرينا نبلغ الأهل و الأصدقاء بإلغاء الخطوبة

و طبعا بلغت أب إعترافى : الذى أبدى إستياؤه مما فعله العريس و أهله

و انتهى أمر هذا العريس ​

 

[عبود عبده عبود]

كانوا مختلفين على مين يجيب الغسالة بس اتفقوا خلاص

​

[FONT=&quot]لعنتو الله على مسحوق الغسيل
:smile02
​

​

[FONT=&quot]نفهموا من كدة أن أنتى " إيديال زانوسى "​

​

[FONT=&quot]وبنت خالته "كريازى" ... حوبى وأعتزازى ...؟!![/FONT]​

[FONT=&quot]:new6::new6::new6: [/FONT]​

[FONT=&quot]
[/FONT]
[FONT=&quot]أعتقد أن أم العريس ماكانتش راضية تيجى لما عرفت أنك 16 بروجرام بث [FONT=&quot]!![/FONT]
[/FONT]​

[FONT=&quot]كنتى قلتى لها أنك ممكن تشيلى ( بلوفرين وبنطلونيين وجاكتتين وبلوزتين وشرابين وفانلتين )
[/FONT]​

[FONT=&quot]
[/FONT]
[FONT=&quot]فى بروجرام واحد

[/FONT]​

:fun_lol::fun_lol::fun_lol:​

[/FONT][/FONT]

 

[+إيرينى+]

عريس رقم 19

العريس يبقى ابن رئيس القطاع (مهندس) فى المكان الل انا باشتغل فيه

و هو اصلا مش من اسكندرية

هو من مدينة مجاورة للاسكندرية

و الحقيقة انه معرفة بابا زماااااااااااااااااااااان و هم شباب (بسبب الشغل و بسبب انه جار عمى فى ذات نفس المدينة)

رئيس القطاع دا : متزوج من طبيبة نسا مشهورة فى هذه المدينة و عنده بنتين و ولد

البنتين كانوا متزوجين _ الولد لسة

فى يوم جت عندنا الشغل : المدام بتاعته _ و أنا عاكستها عشان رشاقتها و قولت لها : سيدة مصر الأولى عندنا

و يبدو ان الكلمتين دولى عجبوها

فى المعتاد كان رئيس القطاع يطلبنى آجى مكتبه

عمل معايا حوارات بين الأرثوذكسية و طائفة الاخوة (لأنه هو قس فى كنيسة الأخوة)

كنت باخد الحوارات بضحك و سخرية من الارثوذكس و الاخوة

و فى الاخر أعطيتهم لقب : الأخوة الأعدقاء

و كله كان هزار فى هزار

فى يوم رئيس القطاع كلمنى و قال لى عايز اجوز ابنى (مهندس و اكبر منى ب 3 سنين) ليكى _ ايه رأيك ؟

هو من غير كلام كدة ينفع ابن سعتك يترفض ؟ (و وضحت فرحتى جدا)

و قولت له ح ابلغ بابا و ماما

طبعا كنت فرحانة بالنَّسَب

عائلة العريس متطابقة مع عائلتى

مهندس و طبيبة و عندهم بنتين و ولد (زيينا بالظبط)

دا كوبى و بيست

ناس طيبين محترمين ولاد أصول

ح أطمن و أنا عايشة مع إبنهم : إستحالة يؤذينى

العريس له كبير و كبيره ابن اصل

بالنسبة لى : العريس لؤطة

روحت قولت لبابا

أنا موافق لو الجواز فى الكنيسة الارثوذكسية

روحت قولت لرئيس القطاع

قال لى : استحالة _ أبوكى بيعقدها

ليه بس استحالة

أنا ليا رأى : نعمل إكليل عندنا فى الارثوذكس و بعدين نروح على كنيسة الاخوة

لا يا بنتى ما ينفعش كدة


روحت تانى لبابا اتحايل عليه : يا بابا دا عريس ما يتعوضش _ دا عائلة و نسب و ابن اصول ما جاليش زيه و لا ح ييجى

الكنيسة ح تحرمك من التناول و عيالك مش ح يتعمدوا ارثوذكس

مش مهم

مش مهم ازاى ؟؟

يا سيدى انا مستعدة اتجوزه على سنة الله و رسوله _ اصله ما يترفضش _ دا خسارة خسارة

ايه العبط دا

يا بابا انت عاجبك الارثوذكس الل اتقدمولى ؟ من العبيط للبيستعبط ؟ دخل بيتنا ناس غلط يدخلوا عندنا _ راجع نفسك اتوسل اليك

الكلام نهائى : الجواز فى الكنيسة الارثوذكسية

عارف يا بابا لو كنت اقدر الم حاجتى و اهرب اتجوزه كنت عملتها بس عارف ليه مش ح اعمل كدة ؟

ليه ان شاء الله ؟

عشان هم ولاد أصول : مش حيردوا أبدا ياخدوا بنت غصب عن أبوها

و بدأت فى عياط زى العيال الصغيرة : لاعنة فى الطائفتين _ و بابرطم فى الكلام (ال اتحاد كنائس ال _ ها او او _ مش فاكرة باقى البرطمة )

طبعا بلغت رئيس القطاع بان بابا مُصَمم على الزواج فى الكنيسة الارثوذكسية

لا ما ينفعش طبعا

مشيت من عنده و انا أجر أذيال الخيبة

بعديها بحوالى سنة : ابنه تزوج

يومها عملت مناحة فى البيت : انتوا السبب _ الله يسامحكوا _ ياريتنى ما اتولدت _ خلقتنى ليه يارب _ يارب أموت النهاردة

و هكذا

و انتهى موضوع هذا العريس

​

 

[عبود عبده عبود]

دا كوبى و بيست
ناس طيبين محترمين ولاد أصول

​

[FONT=&quot]بلا شك ... إن البحث عن نسب جيد مهم جداً ​

​

[FONT=&quot]لكن الولة اللى هتعيشي معاه كان شكله أية ؟​

​

[FONT=&quot]ما اقصدش حلو وألا مسمسم أأقصد كان هيبقى فيه توافق بينكم ؟[/FONT]​

[FONT=&quot]ينفعك ؟ تنفعيه ؟ طباعكم راكبة على بعض ؟ أفكاركم متقاربة ؟[/FONT]​

[FONT=&quot]
[/FONT]
[FONT=&quot]بس أنا مستوعب المناحة اللى أنتى عملتيها[/FONT]

[FONT=&quot][FONT=&quot]لأنك لأول مرة تتحولى [/FONT]الى عروسة مطلوبة بذاتها ولشخصيتها
[/FONT]
[FONT=&quot]
[/FONT]​

[FONT=&quot]بعد ما كنتى "بارابى" و "زانوسي"
[/FONT]
[FONT=&quot]
[/FONT]​

:smile02:smile02:smile02​

[FONT=&quot]
[/FONT]
[FONT=&quot]
[/FONT]​

[/FONT][/FONT]

 

[عبود عبده عبود]

[FONT=&quot]كان فيه 4 زوار وعضو متأنفز​

​

[FONT=&quot]ومافيش مشاركات !!!​

​

[FONT=&quot]
وفيه أعضاء موجودين تحت وما دخلوش... [/FONT]​

[FONT=&quot]يعنى نستنتج أن فيه خناقة فى المباركين

:fun_lol::fun_lol::fun_lol:
[/FONT]​

[/FONT][/FONT]

 

[حبو اعدائكم]

يعنى انتى عملتى المناحه دى كللللها و انتى مشفتيش العريس حتى!!
افرضى كان حسب و نسب و كل شىء بس الولد مش مظبوط--- يااامه ناس عائلات محطرمه جدا و اولادهم محطرمين بس تلاقى واحد فى العيله طالع شمال و يبقى مغلب اهله و العيله كلها مش فاهمه ازاى هو كدا و كل اخواته حاجه تانيه مع انهم كلهم متربيين فى نفس البيت...
يعنى مفكرتيش فى كدا؟؟

 

[حبو اعدائكم]

مستنيا عريس 20


دا كان عريس كنيسه الاخوه
او العريس الخساره الى ميترفضش
نقى بئا هههههههه سبقتك يا عبود

 

[حبو اعدائكم]

تصدقى انا مستغربه حتى العريس يعنى هو فيه راجل ابوه و امه ينقوله العروسه و يبدائوا يتكلموا معاها و يتكلموا فى الجواز يبقى فى انهى كنيسه منغير ما العريس نفسه يشوف عروسته!! غريبه بردوا

 

[!! Coptic Lion !!]

العريس اللقطه

 

[+إيرينى+]

معلش يا جماعة

ح أغيب حوالى شهر عن المشاركات معلش

ظروف معلش

​

 

[+ماريا+]

ربنا يكون معاكى ايرو
وفى انتظارك