ذكرياتى مع العرسان

[+إيرينى+]

فين الألقاب يا سيد عبود :thnk0001:

مش كل شوية ح أطلب أنا :t23:

إنت طنشت عريسين لغاية دلوقتى

​

 

[+إيرينى+]

عريس رقم 12

هو الحقيقة أحد الجيران

و بالتحديد ابن صاحب العمارة

مهندس مدنى يعمل كمقاول و مهندس فى آن واحد (غنى يعنى)

أكبر منى ب 4 سنوات

إحدى الجيران هى الل تدخلت و سألت ماما : هو فلان (العريس) ما اتقدمش لإيرينى ؟

قالت : لا

ح أكلمه و أشوف مايته

كلمته _ العريس إنبسط و قال لها فى ساعتها : أنا ح أجى أتقدم لها رسمى اليوم الفلانى و ح أجيب بابا (صاحب العمارة) معايا

قالت لنا الكلام دا

يومها بالليل

سمعت صاحب العمارة بيزعق لإبنه (العريس) و قال له بالحرف الواحد : يغور اللبن الل ييجى من وش القرد

طبعا اللبن دا أنا _ لكن القرد يبقى بابا

:new6:

و دا كان بسبب ان بابا زمان عمل فى صاحب العمارة محضر فى قسم الشرطة بسبب عدم التزامه بتوصيل ماسورة مياه بقطر صحيح للعمارة و اضطر ساعتها لتغيير الماسورة

و طبعا الراجل ما نساش

و انتهى الموضوع هكذا

​

 

[عبود عبده عبود]

فين الألقاب يا سيد عبود :thnk0001:

مش كل شوية ح أطلب أنا :t23:

إنت طنشت عريسين لغاية دلوقتى

​

[FONT=&quot]مش لما أبقى أخلص ضحك الأول​

​

[FONT=&quot]أفكر لك فى ألقاب ...[/FONT]​

[FONT=&quot] [/FONT]​

:new6::new6::new6::new6::new6::new6::new6::new6:
​

[/FONT]

 

[عبود عبده عبود]

مش قادره أصدق أن مأما وافقت يجئ ينقى .. و جرائت الأم بتاعت العريس مش تقول قبل ماتيجئ تدخل بيوت الناس ....

[FONT=&quot]( أم ) عندها بنتين على وش جواز ومن الطبيعى أن يتقدم عرسان ووسطاء​

​

[FONT=&quot]خاصة لو كانت العيلة ذات مكانة أجتماعية مميزة​

​

[FONT=&quot]وبناتهم مالهمش فى الصرمحة ( ولآمؤاخذة فى اللفظ )[/FONT]​

[FONT=&quot]يبقى أهلاً وسهلاً ... طالما داخلين البيوت من أبوابها [/FONT]​

[FONT=&quot]
و (أم) تانية عندها أبن يحتاج الى رعاية خاصة ومستريحة مادياً [/FONT]​

[FONT=&quot]يبقى طبيعى أنها تدور على من يرعاه حتى ولو بمقابل مالى أو تعويض [/FONT]​

[FONT=&quot]إلى هنا – أنا شخصياً – لا أرى فى الموضوع أية غرابة أو " فريسكا الأندهاش "[/FONT]​

[FONT=&quot]ولا عتاب على ( الأم ) دى أو ( الأم ) دوكها ..[/FONT]​

[FONT=&quot]
[/FONT]
[FONT=&quot]وكان من الممكن جداً ( أستغلال الموقف ) وجنى الملايين من وراءه[/FONT]​

[FONT=&quot]وبعد كدة من أسهل ما يكون ( خلع ) العريس وهما بيشربوا فنجان قهوة[/FONT]​

[FONT=&quot]يبقى الحدوتة مش حدوتة جواز بنات ( والسلام ) ولا هى حدوتة غنى وفقير من أصله[/FONT]​

[FONT=&quot]
أنا كويس أوى أوى أنى عرفت أدخل الموضوع دة تانى[/FONT]​

[FONT=&quot]فـ ....... بعد أذنكم [/FONT]​

[FONT=&quot]أروح أكمل ضحك وأرجع

[/FONT]​

:new6::new6::new6::new6:​

[/FONT][/FONT]

 

[+إيرينى+]

عريس رقم 13

العريس دا الصراحة أنا مش فاكرة مين جابهولى

كانت أول مقابلة فى إحدى الكنائس و كانت معه و مع أمه و أنا و أمى فقط

العريس قصير القامة (شعر راسه خفيف - قرب يتطلع)

لابس نضارة قعر كوباية

واخد كلية تجارة _ بيشتغل فى احدى الأماكن الحكومية _ أكبر منى فى حدود 6 سنين

مرتب عادى

كانت المقابلة فى حدود الساعة 8 بالليل و كان حوش الكنيسة ليس بالاضاءة الكافية للامعان فى تفاصيل شكله

فضلت ابص لعينيه بسبب انى حسيت ان عينيه مش طبيعية: مش شايفة كويس من قعر الكوباية الل اودام عينيه

أمه قالت ان شاء الله العريس و العروسة ح يسكنوا معانا (أمه و أبوه) فى الشقة - الشقة برحة و تساع من الحبايب ألف

فاقترحت ماما اننا نشوف شقتهم قبل ما ييجوا عندنا البيت

و فعلا

روحت أنا و بابا و ماما (فى يوم تانى طبعا)

الشقة لا هى برحة و لا نيلة

ديه تلات أوض و صالة ضيقة

أوضة للأب و الأم

و أوضة للعريس و العروسة

و أوضة لأخته (أصغر منى لسة ما اتجوزتش)

فين الل برحة ؟؟

كنت متفقة مع ماما و بابا انى ح اقعد جنب العريس شماله

لأنى مش عارفة حسيت إن عينه الشمال فيها حاجة مش طبيعية

قعدت جنبه من شماله و بحلقت فى عينيه

هو كل شوية يدير وشه و كتفه 90 درجة عشان يشوفنى

بحلقت أكتر و أكتر

لا لا لا : العين ديه إزاز ديه مش عين طبيعية

أصر أبو العريس إننا ننزل كلنا نتفرج على محلات الصيغة الل حوالين بيتهم لاختيار الشبكة

فمشيت جنبه الناحية الشمال تانى _ عايزة أشوف ح يعمل إيه ؟؟

كان بيحاول يمشى بحيث أنا أكون يمينه

روحنا عند فاترينة محل جواهرجى

وقفت شماله و شاورت على كوليه فى أقصى الشمال (تعمد)

فسألنى : دا ؟ ( و هو بيشاور على كوليه تانى خالص و بعيد عنه)

فسألته : إنت عينك الشمال فيها حاجة ؟؟

ارتبك و قال : لا ليه ؟؟

أبدا أبدا ما فيش حاجة و فضلت ابحلق لعينيه

إنت عندك السكر ؟؟

ارتبك تانى و قال : لا ليه ؟

لا أبدا ما فيش حاجة

رجعت البيت و وضحت لماما (لأنها طبيبة) الل أنا شاكة فيه

متأكدة ؟

100% العين ما بتتحركش

بابا طلب منهم ان العريس ييجى لوحده عندنا البيت للتعرف عليه أكثر

و فعلا جه

الكلام كان عادى لكن تحس لما بدأ يتكلم لوحده فى عدم وجود أهله : دمه تقيل

بابا و ماما ركزوا بأة على عينيه

تأكدت أمى إن عينيه الشمال إزاز

أوم سألته دايركت : إنت مركب عين إزاز ؟؟

ارتبك جدا و قال : لا بارتباك

و كانت ديه نهاية هذا العريس ببساطة الأمر

​

 

[حبو اعدائكم]

يعنى أعدلهم أبوه طفشه علشان موقف باباكى ههههه إيه الحظ دا.
و عريس العين الإزاز بيخبئ إيه !!! بيكذب ليه ؟ يعنى هيتجوز واحده عاميه مش هتشوف عينه يعنى !!! ما يقول الحقيقه !
خشى بئا على إلى بعده. هههه

 

[عبود عبده عبود]

روحنا عند فاترينة محل جواهرجى

وقفت شماله و شاورت على كوليه فى أقصى الشمال (تعمد)

فسألنى : دا ؟ ( و هو بيشاور على كوليه تانى خالص و بعيد عنه)

​

:new6::new6::new6::new6:

[FONT=&quot]مانتيش عبيطة فى الآخر يعنى​

​

[FONT=&quot]واللى يقرا يقول دى كيوتاية مُستسلمة بلا حول ولا قوة[/FONT]​

[FONT=&quot]
[/FONT]​

[FONT=&quot]تعالى شوفى العريس دى يا إيرينى ... حاتر[/FONT]​

[FONT=&quot]
[/FONT]​

[FONT=&quot]أنزلى نقى الشبكة يا إيرينى ...حاتر[/FONT]​

[FONT=&quot]
[/FONT]​

[FONT=&quot]العريس جاى ينقى يا إيرينى ...حاتر[/FONT]​

[FONT=&quot]
[/FONT]​

[FONT=&quot]العريس بلكونته واقعة يا إيرينى ...حاتر[/FONT]​

[FONT=&quot]
[/FONT]​

[FONT=&quot]العريس عبيط يا إيرينى ...حاتر[/FONT]​

[FONT=&quot]
[/FONT]​

[FONT=&quot]بنات موتشيطعة
[/FONT]​

:174xe:

[FONT=&quot]حاتر ...[/FONT]​

​

​

[/FONT]

 

[grges monir]

[QUOTE يعنى أعدلهم أبوه طفشه علشان موقف باباكى ههههه إيه الحظ دا. ][/QUOTE]
يعنى يا حبوا قصدك
ان من ال13 عريس دول
اترفض 12 واللى كان علية العين اهلة هما اللى ةرفضوا leasantrleasantr

 

[+إيرينى+]

يا حلولى

و انتوا التلاتة بتقسموا عليا :w00t:

:new6::new6::new6:

​

 

[+إيرينى+]

عريس رقم 14

العريس دا جالى عن طريق واحدة صاحبة أختى

طب هى ما جابتوش لأختى ليه ؟؟

أصل الباشمهندز عايز باشمهندزة

و أختى مُدَرسة

المهم

كانت المقابلة فى نادى المهندسين

العريس شبه محمد هنيدى بالظبط + كرش

كان جسمه عبارة عن كورة كبيرة (منطقة البطن) طالع منها اربع عصيان (رجليه و ايديه) و كورة صغيرة (راسه)

كان قصير القامة _ مهندس خريج فنون جميلة (ديكور)

مش فاكرة كان بيشتغل فين

جت معاه أخته : الل شبه محمد هنيدى بس واحدة ست

هى كمان خريجة فنون جميلة ديكور

كانت طخينة جدا فى منطقة الارداف و الوراك

المهم انها حطت الرجل اليمين على الرجل الشمال

و عشان تعمل كدة مَيِّلت بجسمها على الجنب الشمال

فالصراحة منظرها كان يضحك

و يبدو ان ظهرت ابتسامة على وجهى و يبدو انها لاحظت

فبصت لى بالشكل دا

بعدها بأسبوع ردوا على صاحبة أختى و قالوا :العروسة رفيعة أوى هى لو كانت مليانة حبة ؟

وخلص الموضوع ​

 

[حبو اعدائكم]

كمان رايحه تتحكى على اخت العريس -- و ماله يعنى التخان مليين البلد و الى بيميلوا على جنب علشان يحطو رجل على رجل ماليين البلد هههههههههههههههه
و اديكى طلعتى معصعصه و متنفعيش اهو هههههههههههههههههههههههههههههه التخن عز يا بنتى ههههه و هو الراجل يساوى حاجه منغير كرش ---
ياااله مستنيه عريس 15

 

[+ماريا+]

اللى عجبنى فيكى انك مش بتعترضى على الشكل
وبتنهى الجوازه بسبب تانى خالص
متابعه معاكى العريس التالى واللاحق

 

[عبود عبده عبود]

بعدها بأسبوع ردوا على صاحبة أختى و قالوا :العروسة رفيعة أوى هى لو كانت مليانة حبة ؟

وخلص الموضوع ​

[FONT=&quot]كدهون تشمتى فيكى "جرجس" تانى ؟​

​

[FONT=&quot]اللى مش بالعه حدوتة أختك اللى بتزحلق عليكى العرسان
[/FONT]​

[FONT=&quot]:t33::t33::t33:[/FONT]​

[FONT=&quot]وكل مرة بحجة شكل ...
[/FONT]​

[FONT=&quot]مهندس أية اللى عايز مهندسة دهون ؟[/FONT]​

[FONT=&quot]هو عايز يتجوز وألا يبنى عمارة ؟!![/FONT]​

[FONT=&quot]
[/FONT]​

[FONT=&quot]بس اللى عاجبنى انك مش بتتكسفى تقولى ان أنتى اللى أترفضتى[/FONT]​

[FONT=&quot]يعنى كان ممكن تزورى الأحداث وتقولى ان العريس ماعجبكيش عشان تخين[/FONT]​

[FONT=&quot]
يعجبنى التوثيق المحايد
:fun_lol::fun_lol::fun_lol:
[/FONT]​

[/FONT]

 

[grges monir]

[FONT=&quot]كدهون تشمتى فيكى "جرجس" تانى ؟​

​

امممم اية يا متر
انت عاوز تعمل مشاكل وقضية وتسترزق من ورانا ولا اية
بس بجد يا عوبد الجواز دة ارزاق
عليا النعمة لو ايرينى كانت شغالة عروسة باربى فى محل مكنش هيجليها زباين كدة بالجملة يوووووووة قصدى عرسان:new6::new6::new6:[/FONT]

 

[عبود عبده عبود]

عليا النعمة لو ايرينى كانت شغالة عروسة باربى فى محل مكنش هيجليها زباين كدة بالجملة يوووووووة قصدى عرسان:new6::new6::new6:

:t11::t11::t11::t11:

[FONT=&quot]عرسان بالزووووفة يا با ... دة من كترهم أختها بتعزم عليها بالعرسان​

​

[FONT=&quot]- خدى دة يا إيرينى .. [/FONT]​

[FONT=&quot]= لا والله مايصحش محدش واخده غيرك[/FONT]​

[FONT=&quot]
[/FONT]​

[FONT=&quot]- طاب شالله أطفحه ولا أوعى أتجوز لو ما أخدتيهوش من أيدى [/FONT]​

[FONT=&quot]= لو مكنتيش تحلفى بث ..هاتى أمرى لله [/FONT]​

:big62:
​

[/FONT]

 

[+إيرينى+]

عريس رقم 15

العريس دا جابهولى جوز أختى

(اختى _ أصغر منى ب سنة تقريبا _ اتجوزت قبلى ب سنتين )

العريس كلية تجارة : كان بيشتغل الصبح فى مصلحة حكومية _ و بعد الضهر بيعمل هو و اخواته فى مقلة أبوهم

المقلة : مكان لبيع الحمص و السودانى و اللب

العريس أكبر منى فى حدود 8 سنوات

شكله حلو _ طوله فى حدود 1.70 _ بشرة خمرية

___________________

لما حصل الموقف الل فات و العريس رفض عشان أنا رفيعة

أمى طلع فى دماغها إنى ما بيتقدمليش عرسان حلوين عشان أنا رفيعة

و منطقيا لازم أطخن

قررت ماما تطخنى

اوم لما جوز اختى جاب لى العريس دا

أمى قررت إنها تلبسنى ضعف لبسى

كان فى فصل الشتا

إيه المشكلة إنك تلبسى بلوفرين ؟

بلوفرين !!! ما تيجى نلبسو جاكتتين ؟! و بنطلونين و سوتيانين ؟؟

لا ما فيش داعى لستيانين _ خليه ستيان واحد بس إحشيه قطن

ماما ؟ فيه إيه ؟؟ أنا كدة حلوة

لا هو كدة و ح أقف لك و انتى بتلبسى

و فعلا وقفت لى و حشت الستيان قطن و لبست بلوفرين فعلا :cry2:

نزلت من البيت متكدرة _ أنا شايفة نفسى حلوة كدة _ و لو العريس عايز واحدة مليانة : خلاص بلاش أنا _ ليه نخدع الناس ؟

كانت المقابلة الصبح فى حوش احدى الكنائس و كان يوم أجازة (أعتقد كان عيد زى راس السنة الهجرية أو مولد النبوى حاجة كدة)

الكنيسة كانت فاضية جدا ما فيهاش غير الغفير

جه العريس لوحده

و أنا جيت مع أختى و جوزها

برغم ان شكل العريس كان عاجبنى

لكن عشان كنت نازلة من البيت متكدرة : ماعرفتش حتى ابتسم فى وشه

كان كلام عام جدا

بعد كدة العريس رد على جوز أختى و قال له : العروسة ما ابتسمتش ابتسامة واحدة _ ممكن يكون فيه حد فى حياتها و مش قايلة لكم

و دا الل قاله برضوا جوز اختى لما سأل أختى: هى إيرينى مالها ؟ كأنها رافضاه

و انتهى أمر هذا العريس ​

 

[حبو اعدائكم]

:t11::t11::t11::t11:

[FONT=&quot]:t11::t11::t11::t11::t11::t11::t11:​

هموت​

[FONT=&quot]
​

​

[FONT=&quot]
[/FONT]
[FONT=&quot]
[/FONT]​

[FONT=&quot]
[/FONT]​

​

[/FONT][/FONT]

 

[عبود عبده عبود]

[FONT=&quot]لبستى بلوزتين وبنطلونين وبلوفرين وجاكتتين و..... نين ​

​

[FONT=&quot]فوق بعض ؟​

​

[FONT=&quot][FONT=&quot]ه[/FONT]ى أمك كانت بتهربك من " بورسعيد " ؟!

:thnk0001::thnk0001::thnk0001:
[/FONT]​

[/FONT][/FONT]

 

[+ماريا+]

كويس مقالتش معمولك عمل
اى ام مصريه صميمه على طول هتقول
بنتى معمولها عمل علشان كده مفيش جوازه بتم
وتاخدك بقى لابونا وتجيب مية لقان منه
وتشربك وتخليكى تستحمى بيها قبل ما تقابلى العريس
التعليم بيفرق برضوه

 

[R.O.R.O]

كله كووووم واخر عريس كووووم

:t11::t11::t11::t11::t11:
​