لستات بروفيلى
حقيقى روعة يا ريت تجربوها
صدور فراخ مقرمشة احلى من كنتاكى
المقادير
نصف كيلو صدور فراخ مخلية مقطعة اتخن من البفتيك
عصير بصلة
ربع ملعقة ثوم مطحون
ملح- فلفل -نصف ثمرة مبشورة من جوزة الطيب
ملعقة خل صغيرة
كوب زبادى
علبة كورن فليكس
خلطة اسبايسى كامينا للفراخ بفضل الى علبتها زرقاء لان العلبة الحمراء مشططة بزيادة
2 بيضة مربوبة
زيت للقلى
الطريقة
- تضعى البصلة مع الملح والفلفل ونصف ثمرة مبشورة من جوزة الطيب و ملعقة خل صغيرة فى الكبة او التربو براون يطلع ليكى عصير تخين قليلا
-تغمسى قطع الفراخ فى الخلطة السابقة
- تضعيها بالثلاحة نصف ساعة -الى ساعة
- تربى البيضتين
- تطحنى علبة الكورن فلكس وتضيفى لها خلطة الاسبايسى
- تغمسى القطع فى البيض ثم خلطة الاسبايسى بالكورن فلكس
- ترصى القطع المعده للقلى فى سرفيس وتضعيها نصف ساعة فى الثلاجة او ربع ساعة بالفريزر لو مستعجلة اهم جزء دة ليثبت عليها الخلطة ولا تنفصل
-تقلى فى الزيت يغطيها يصير لونها ذهبيا جميلا
- تقدم مع شيبسى او بطاطس محمرة مع سلطة كولسلو او سلطة خضراء
حقيقى جربوها بيكون شكلها زى الصورة بالضبط واحلى وانظف
asmicheal
الطريقة
- صينية البطاطس والباذنجان بقطعهم مربعات مش شرئح بيقى اظرف واحلى
- تجهزى الفلفل الحامى و الباذنجان بعد تقشيره بالكامل الى مربعات نرش علية ملح ونسيبة فمصفاة يصفى المية شوية حوالى من ساعتين لتلاتة علشان مايشربش زيت فى التحمير
- يقلى بالزيت وينشل
- يحمر الثوم المفري في الزيت حتى يصفر لونه. ثم نضيف اليه الخل ثم كوب الطماطم والشطة الحمراء والفلفل الاسود والملح.
-غطي الإناء وهدئي النار وأتركي الخليط حتى يغلظ قوامه ويطفو الزيت على سطح الصلصة.
-أضيفى الباذنجان والفلفل. واتركيهما على النار حتى يختلط المقدار ببعضه ثم أرفعي الاناء من على النار واتركيه حتى يبرد ويقدم مع البطاطس المحمرة
اضافات
Ingy El Banna
أقولكوا على طريقة سوسة بس عبقرية تقلل الزيت علشان التخن ؟؟
بعد القلى - ما تخليهاش تستوى قوى فى القلى علشان ما تتهريش - تجيبى مية مغلية و تصبى على البتنجان و هو فى الصفاية بعد القلى بالراحة رايح جى هاينزل معظم الزيت اللى فيه و بتبقى خفيفة قوى و تستمتعى بطعمه
Nagat Ali
رئيستي في الشغل فلسطينيه.. قالتلي علي شطف البادنجان بعد قليه .. بس هم بيشطفوه بمرقه..
كل المكونات تقطع شرائح طوليه رفيعه
يوضغ الزيت في مقلايه علي النار
ثم يضاف البصل مع التقليب لتشويح
ثم يضاق المشروم ثم الثوم ويقلب قليلا
ثم يضاف الفلفل ع التقليب ونلاحظ ان كل المكونات تشوحت
نضيف الطماطم والتوابل واخر شئ يضاف الليمون والكزبره
مع عدم التقليب كثير للحفاظ علي الرائحه
نحضر رقائق الخبر ونضع المسترده عليها ثم نضيف الخليط ويلف السندوتش
ويوضع في التوستر او نقليه في رشه زيت ويقلب علي الوجهان او يدهن وجهه زيت ويدخل الفرن 5 دقائق
والف هنا وشفاء
نييجى بقى للمهم
شاورما المشروم طلعت روعة يا ريت كلكم تجربوها
الان
حواوشى المشروم نباتى 100% (تستبدلى ممكن السمنة بالزيت لو فاطرين )
حواوشى عيش الغراب :
المقادير:
500 جم مشروم – فلفل أخضر – بصله كبيرة – ملح – فلفل أسود – جوز الطيب – ثوم مهروس – بقدونس – ( 2-3) ملعقة زبده أو زيت .
طريقة التحضير :
تقطع ثمار عيش الغراب إلي قطع صغيرة
ثم يضاف إليها شرائح الفلفل الأخضر والبصل والثوم ثم تحمر في إناء علي نار هادئة حتي الإحمرار
ثم تضاف التوابل المذكورة ثم يتم فتح الخبز ويوضع به المخلوط السابق
ويغلف في ورق ألمونيوم ويدهن بالزيت من الجانبين
وتوضع في الفرن لمدة نصف ساعة ويقدم ساخنا .
قبل ما اقفل احب اشارككم معايا فى مخلل قوى لمن يحبة
باذنجان مخلل
المقادير
1 كيلو باذنجان عروس
ربع كيلو فلفل حامى
ملعقة ونصف كبيرة ثوم مدقوق
ملح - شطة - ملعقتين شوربة خل - عصير 2 ليمون - ملعقة كبيرة كسبرة ناشفة مطحونة
نصف حزمة كسبرة خضرة مقطعة رفيع
الطريقة
-الخلطة كلها ( ملعقة ونصف كبيرة ثوم مدقوق
ملح - شطة - ملعقتين شوربة خل - عصير 2 ليمون - ملعقة كبيرة كسبرة ناشفة مطحونة -نصف حزمة الكسبرة الخضراء ) بضربها بالخلاط او الكبة لتكون ناعمة وممتازة
-يزال العنق الاخضر للباذنجان
- اقلى الباذنجان كلة بعد ازاله راسة الخضراء يا دوب يبدا يفتح ثم نقلى الفلفل خفيف
- اتركية يبرد ابعديه عن اى ماء
-اخلطى خلطة الحشو ملعقة ونصف ثوم مدقوق
ملح - شطة - ملعقتين شوربة خل - عصير 2 ليمون
افتحى كل باذنجانة واحشيها (حوالى ربع ملعقة شاى من خلطة الثوم السابقة ) بالمثل فى الفلفل الحامى
- رصية فى وعاء صينى
-اسقية ببواقى الخل والخلطة
الصنف دة فطارى بس تحفة
خصيصا لصديقة عزيزة
علشان تجربة قبل رمضان
جلاش اصايع باللحمة المفرومة
( ويمكن عمله صنف حلو بالكسترد وتسقية نصف كوب شربات ساخن بعد السواء )
المقادير
لفة جلاش (نصف كيلو )
نصف كيلو لحم عصاج ( سمنه تحمرى بها بصلة حتى تصفر ثم تضعى فيها اللحم المفروم الى ان يشرب ماءة ويفلفل )
انا اسقية نصف كيلو شوربة - يمكن سقية ايضا بنصف كوب لبن علية ملعقة سمنه
الطريقة
- تدهنى الصينية سمنه
-تقطعى الجلاش 4 اجزاء
- ورقتين جلاش مربعة تدهينها سمنه وتضعى بها ملعقة صغيرة عصاج وتقفليها كمحشى ورق العنب
- حين الانتهاء من رص الكمية تدهنيها من فوق بسمنه
- لو هتضعى نصف كوب لبن وملعقة سمنه تدخلية الفرن يسخن ثم تضيفى النصف كوب لبن بسمنه
- انا بضعه بالفرن حتى يحمر للون ذهبى جميل
- اسقية بنصف كوب شوربة بيغلى بعد ما يستوى لو حابة يكون مقرمش لا تضعى شوربة هوه بيبقى تحفة
لو هتستخدمى نصف كوب اللبن بملعقة السمنه لا تضعلى شوربة
(لا يوجد بيض نهائى بهذا الصنف
جربية قبل رمضان وان شاء الله يعجبكم
بالهنا والشفا
بيطلع زى الصورة دى من النت
asmicheal
اضافة مميزة
Nahed Salem
تسلم ايديكي وأنا بعمله كده وبيطلع جميل قوي وممكن يتحشي مكسرات
وممكن يتحشي خضار مقطع صغير جدا
أو خضار
مبشور زي بطاطس وجزر ومشروم بس في حالة إضافة المشروم بنحمر بصله ولما تصفر تحمر معها المشروم مقطع صغير ونضيفه
الي الخضار وبالهنا والشفاء
نييجى بقى للكلام المهم
وعدتكم بوجبات رمضانية يومية بعد الفطار لتساهم فى افكار للافطار
انا بشترى القطايف جاهزة
وخلطتها مجروشة كبير شوية ( جوز ولوز وعين جمل وبندق وملعقة جوز هندوزبيب مع ملعقة سكر وفانيليا لو بحالة ارتفاع الياميش فول سودانى للحلو مع جوز هند وزبيب وملعقة سكر وفانيليا )
كوب واحد شربات بارد يتخن حتى نقطة مكورة (كوب ماء +كوب سكر + عصير ليمونة يغلى على النار حتى يصل لنقطة مكورة فى سمكة +فانيليا لما يبرد )
الان
طريقة عمل القطايف لمن يحب
مقادير قطايف رمضان
1 كوب دقيق أبيض
3 كوب ماء
1 بيضة
1 ملعقة كبيرة الخميرة
1⁄4 ملعقة صغيره سكر
طريقة تحضير قطايف رمضان
1. تذاب الخميرة مع السكر فى نصف كوب ماء دافئ وتترك حتى تخمر.
2. يوضع الدقيق فى اناء ونعمل حفرة فى المنتصف لوضع البيضة، ثم نضيف عليها الخميرة والماء وتخفق جيدا حتى تصبح عجينة شبه سائلة وتترك حتى تختمر لمدة ساعة على الاقل.
3. تسخن المقلاة وتدهن بكمية قليلة من الزيت.
4. تؤخذ ملعقة كبيرة من العجينة وتصب فى المقلاة وتفرد قليلا, وتترك على نار هادئة جدا حتى تظهر الثقوب على سطحها.
5. ثم ترفع ونتابع العملية حتى ينتهى مقدار العجين, وتحشى باللوز او القشطة وتقلى فى الزيت
الكنافة بالكريمة
المقادير:
- نصف كيلو كنافة
- كوب لبن
- نصف ملعقة كبيرة نشا
- كوب سمن
- قليل من القشدة
- مقدار من الشربات
طريقة عمل المهلبية للحشو:
يفكك النشا فى قليل من اللبن البارد.
يضاف اللبن المغلى للنشا ويقلب ثم يرفع على النار مع التقليب الجيد ويترك يغلى حتى يغلظ القوام.
يترك يبرد ويضاف إليه القشدة حسب الرغبة.
طريقة عمل الكنافة:
تدهن الصينية بالسمن السائح.
تقطع الكنافة باليد قطع صغيرة وترش بقليل من السمن المقدوح.
توضع كمية من الكنافة فى الصينية ويضغط عليها جيدا.
توضع المهلبية فوق الكنافة النصف الأول ثم يوضع النصف الباقى ويضغط عليها أيضا ثم ترش بباقى السمن على السطح.
تخبز فى فرن حار حتى يحمر الوجه ثم تقلب على الوجه الاخر وتدخل الفرن مرة أخرى حتى يحمر الوجه الآخر.
تسقى بالشربات البارد بمجرد خروجها من الفرن ثم تقطع وتقدم
دى تحفة حقيقية يا ريت تجربوها مع فرخة مسلوقة ومحمرة بالفرن وكفاية مصاريف
شوربة الكريمة بالفراخ (انا بستخدم الطريقة الاولى )
المقادير:
- 2 صدر دجاج مسلوق ومقطع مكعبات
- 3 كوب مرق دجاج
- ملعقة كبيرة زبد
- 2ملعقة كبيرة دقيق
- نصف كوب حليب
- نصف كوب كريمة
- ملح ، فلفل
- كرفس
طريقة التحضير :
يوضع الزبد في الحلة وتوضع على النار وتترك حتى تسيح.
يضاف الدقيق ويقلب دقيقة أو دقيقتين دون أن يتغير لونه.
يضاف المرق والحليب ساخناً مع التقليب المستمر حتى تغلظ قوام الشوربة.
تتبل الشوربة و يضاف إليها مكعبات الدجاج.
عند التقديم تسخن الشوربة ويضاف إليها الكريمة وتقلب.
======================
طريقة اخرى
لشيف أمنية طه طريقة عمل شوربة الدجاج بالكريمة..
الطريقة:
يغلى شوربة الدجاج ثم نقوم بتذويب الدقيق فى قليل من الشوربة أو المياه قبل أن نضيفه إلى الشوربة الرئيسية ثم نضيف إليها الدقيق ويقلب جيدا حتى يصبح القوام سميك ثم نضيف الكريمة اللبانى وتترك حتى تغلى الشوربة مرة أخرى ونضع الملح والفلفل ، ثم نقوم بصب المحتوى فى أطباق التقديم المخصصة للشوربة مع تزينها بقطع الدجاج المقطعة.
الطريقة
- يسلق الفول المجروش بماء يدوب يغطية على نار هادئة
- مع بصلة مقطعة حلقات
- قرب السواء يوضع الكزبرة والشبت
- تصفية بمصفاة طماطم درجة 2
او تضربية بالخلاط بعد ان يبرد
حقيقى روعة يا ريت تجربوها
صدور فراخ مقرمشة احلى من كنتاكى
المقادير
نصف كيلو صدور فراخ مخلية مقطعة اتخن من البفتيك
عصير بصلة
ربع ملعقة ثوم مطحون
ملح- فلفل -نصف ثمرة مبشورة من جوزة الطيب
ملعقة خل صغيرة
كوب زبادى
علبة كورن فليكس
خلطة اسبايسى كامينا للفراخ بفضل الى علبتها زرقاء لان العلبة الحمراء مشططة بزيادة
2 بيضة مربوبة
زيت للقلى
الطريقة
- تضعى البصلة مع الملح والفلفل ونصف ثمرة مبشورة من جوزة الطيب و ملعقة خل صغيرة فى الكبة او التربو براون يطلع ليكى عصير تخين قليلا
-تغمسى قطع الفراخ فى الخلطة السابقة
- تضعيها بالثلاحة نصف ساعة -الى ساعة
- تربى البيضتين
- تطحنى علبة الكورن فلكس وتضيفى لها خلطة الاسبايسى
- تغمسى القطع فى البيض ثم خلطة الاسبايسى بالكورن فلكس
- ترصى القطع المعده للقلى فى سرفيس وتضعيها نصف ساعة فى الثلاجة او ربع ساعة بالفريزر لو مستعجلة اهم جزء دة ليثبت عليها الخلطة ولا تنفصل
-تقلى فى الزيت يغطيها يصير لونها ذهبيا جميلا
- تقدم مع شيبسى او بطاطس محمرة مع سلطة كولسلو او سلطة خضراء
حقيقى جربوها بيكون شكلها زى الصورة بالضبط واحلى وانظف
asmicheal
الطريقة السهلة
- تقطع الفرخة 8 اجزاء تخرزيها بالسكين حتى العظم
-تنظف بالفلفل الاسود والدقيق
- يسلق 10 دقائق فقط (يادوب بتشيلى الريمة وترفعيها )
- يترك فى مصفاة حتى يبرد
- يغطى البيض المربوب
ثم خلطة اسبايسى كامينا فراخ مع علبة الكورن فلكس المفرية
يترك بالثلاجة نصف ساعة لتمسك علية الخلطة
- يقلى فى زيت كثيف الى اللون الذهبى
=
=============
الطريقة الالذ
احب اطلعلكوا كل أسراري
النهاردة بجد وجبات كنتاكي ف بيتك
مع فارق النظافة والاطمئنان لان انا اكثر حاجه بتخوفني هو الاكل المقلي برة
يعني مش عارفة الزيت دا اتقلي بيه كم مرة وكمان الدجاج اتغسل كم مرة واذاي
عندي فوبيا م الغسيل بقعد أغسل ف الدجاج يجي عشر مرات بالدقيق والملح والليمون وانقعها شويه
وأهم حاجه ف اي وصفة دجاج يكون فيه تتبيلة
لازم ولابد انك تحطيه ف مصفاة يصفي ماؤه كويس جداً
السر ف ايه من خلال تجاربي المطبخيه انك لو غسلتي الدجاج وحطتيه ف التتبيلة ع طول هايكون ملوش طعم
لان لسه فيه مايه وهاتختلط بالتتبيلة فتقلل من ملحها وتركيزها
دي نقطة بسيطه ولكن بالنسبة لي مهمة
يلا ع المقادير
( التتبيلة)
لكل دجاجة
ليمونه صغيرة
م ك خل
م ك كاتشب يعطي مزازة
2 م ك زبادي
بياله زيت ( بتطري الدجاج)
4 فص ثوم مهروس
ملح + فلفل اسود+ هيل مطحون+ شطة مجروشه+ بابريكا
الطريقة:
نقطع الدجاج علي ثماني قطع وغسلها كويس مثل ماوضحت سابقاً
وانا بعمل شقوق ف كل قطعة بالسكينه لضمان الاستواء
نخلط مكونات التتبيلة مع بعض كويس جداً ثم نضع فيها الدجاج
وندخله الثلاجه قبل بيوم
خلاص كدة تبلناهم ودخلناهم الثلاجه
نيجي بقي لسر المطاعم اللي بيخلية كرانشي ولذيذ
وده طبعاً من خلال الطرق الكتيير اللي جربتها
اكتشفت ان الدجاج او الفيليه مش بيحطوا فيه
بقسماااااط ابداً
وانا لاحظت دا من نفسي يعني اختراااعي
الخلطة السرية هي :
دقيق مخلوط معه معلقة نشا ونفتت علية كورن فليكس خلي اوعي تطحنيه انا بكسرة بين راحة اليدين
بحيث يكون في شوي ناعم وشوي خشن
وكمان بحط شوية شطه مجروشة وفلفل اسود وسنة ثوم بودر
ويقلب مع بعض كويس
والبهارات اللي مع خلطة التغليف كمان من ضمن الأسرار
ونقلبهم مع بعض
ونكسر ع الدجاج بيضة مخفوقة وكذلك علي الفيليه
ونقلبهم مع بعض ونغمسهم ف الخلطة
والسر الثالث هو
لازم تحطي الدجاج بعد ماغلفناه ف الثلاجة لمدة ساعة ولو مستعجله حطيه ف الفريزر نصف ساعه
عشان يلتصق التغليف ومايفكش منك ف الزيت
ثم يحمر ف زيت غزير
انا صراحة قليته ف القلاية بحس انه بيستوي احسن وتحميره بيكون كويس
دي قطع الدجاج مقرمشة وطريه ومستويه ولذيذة
ودي قطع الفيليه ممكن تقدميها مع بطاطس او ساندويتش
ودا الساندويتش قدمته بنفس مكوناتهم
حطيت مايونيز مع شطة مجروشة وخس وقطع الفيلية وشريحة جبن وأكيد البطاطس المقليه
انا عن نفسي بمووووت فيه
انا متأكدة ان لو جربتوه هايعجبكوا ومش هاتشتروه تاني
وان الكل هايسألك عنه
وكمان دي من الوجبات اللي الأولاد بتحب تاكلها
ف السريع : طريقة عمل سلطة الكول سلو
تعتبر هذه السلطه من اكثر السلطات مبيعا في محلات الوجبات السريعه. وكذالك
تعتبر السلطه الشعبيه الأولى التي تصاحب أطباق المشويات الغربيه
وتسمى با الـ
.COLESLAW.
المقادير
1 كرنب ملفوف صغير
2 جزر متوسط
2 ملعقة كبيرة عصير ليمون
1 ملعقة صغيرة سكر
¼ كوب من صلصةالمايونيز (بضع البرطمان كله )
ملح وفلفل
الطريقة
- يقطع الكرنب إلى النصف ويتخلص من الجزء الأعلى الملازم للساق.
- تقطع أوراق الكرنب قطعاً رفيعة كعيدان الكبريت.
- يقشر الجزر ويبشر.
- يخلط الكرنب المقطع مع الجزر المبشور.
- يمزج عصير الليمون مع السكر والمايونيز ويخلط جيداً.
- يضاف مزيج عصير الليمون والمايونيز إلى خليط الكرنب والجزر.
- تقلب السلطة جيدا ويعدل المذاق بإضافة قليل من الملح أو الخل إذا استدعت الحاجة