هو .. !!!

[Critic]

حرام عليكوا خربتوا الموضوع
كملى يا شقاوة الله يفتح عليكى

 

[!! Coptic Lion !!]

اي خدمه يا كبير
كلمه قولتها ولعت الدنيا

ربنا يقدرني علي عمل الخير هههههههه
​

 

[+Nevena+]

:36_22_25:
​

 

[!! Coptic Lion !!]

:36_22_25:
​

شوف يا خويا البت
علشان معاكي حصانه ضد الهش مش راضيه تتكلمي
انتي زي القط بيموت في خناقه
​

 

[+Nevena+]

شوف يا خويا البت
علشان معاكي حصانه ضد الهش مش راضيه تتكلمي
انتي زي القط بيموت في خناقه
​

شرير الحصانه انتهت من بدري
بس انا طبعتي ملاك ياناس











حد عنده اعتراض هنا :ranting::spor22:

 

[bob]

كلام جميل و لذيذ بجد الله يفتح عليكي
يا مهون علي الباقي و يا ريت في الاخر تنزلي بأسم اللي بتتكلمي عليه :smil12::smil12:

 

[حبو اعدائكم]

مانشوف هتنزلى بالجزء التانى إمتا يا شئاوه...عامله تشويق و جبتى 26 تعليق و جزء واحد بس نزل هههههههههه شئاوه بردو ههههههههه

 

[white.angel]

اسلوبك فى السرد مميز ..
بأنتظار التتمه
​

 

[ميرنا]

يا موسهل

 

[حبيب يسوع]

انت تنفعى ان تكون مخرجة رائعة عندك عنصر التشويق بطريقة مستفزة

 

[sha2awet 2alam]

انك إيه إيه ها ها هاااااااااااااااااااااااااااااا كملى هههههههههههههه شئيه يا شئاوه-- مستانيا الكماله--- بدل ما اندهلك السياف هههههه

هههههههه سياف مين حرام عليكى انا هنزل بالجزء التانى اهو .. الجبن سيد الاخلاق :smil12:

تعرفي انك كاتبه محصلتيش

الله ينور يا باشا
متابع للباقي
​

ربنا يخليك يا عياد .. شهادة اعتز بيها بجد

انا مش فاكر اخر مرة ابتديت في قراءة قصة و تطلعت بشدة لاستكمالها
( يعني في العادي انا و الفضول مش بنتحط في جملة واحدة )
بس اديني اهو مستني الفرج
بداية مبشرة يا بنت بس تيك كير لو المستوي هبط في الجاي مش هقولك هعمل فيك اية
​

يالهوى لا خلاص يا شيبرد ايه لازمة الرعب اللى بتعملهولى دة طيب .. افرض اتوترت و كتبت وحش يبقى ذنبى فى رقبتك :new2:

عارفة انتى لو قدامى ممكن اضربك بامانة مش هزار دا اسمة استفزاز القارىء :t26:
طاب قولى عارفة انك ايه ومش هتكلم اعرف اعرف :smi420:

هههههههه لا الطيب احسن .. هو انا منزلة الموضوع دة يا ناس عشان اتضرب و تتوعدولى و تجيبولى سياف براحة عليا هنزل بالباقى اهو

 

[sha2awet 2alam]

رغم تجريحك فى كلمة "رجل" فى بداية قصتك الأ أنك فى حال يرثي لها يا دكتوره (شكاوه)
فبعد ان وجدتي هذا الرجل الذي بدل الحال لحال
نطلب منكي تقديم أعتذار فوري لهذا الرجل
نيابة عن جميع الرجال الذين أتهمتهم بالمصالح الشخصيه
التي يسعي لها الرجال من خلال مسامع النساء
وعلي فكره
أنا عارف الشخص دا وديقي جدا ..بس أحنا متخاصمين وعلي فكره..عراف بقية القصه لأنو حكالي عليها قبل ما نتخاصم..
وعد لو أننا أتصالحنا قبل ما تكملي ...هقول هوا مين وايه اللي حصل بعد كدا..
ومش عروستي..
تسجيل متابعة ندوه..قصدي أمسيه سياسيه..قصدي قصه مشوقه​

ههههههه خيالك اوسع من خيالى كدة يا بداية :smil15: ... خلاص صالحه و تعالى كمل القصة انا فى انتظارك :smil12:

يارب تكون القصه هادفه او ليها معنى فى الاخر
​

باذن ربنا يا مارسو خلى املك فى ربنا كبير

حرام عليكوا خربتوا الموضوع
كملى يا شقاوة الله يفتح عليكى

ههههه لا مش خربو حاجة انا مستمتعة بالحوار اصلا .. زى العسل و هما بيتخانقو بس كان نفسى اشوف دم و مشوفتش يا خسارة :t33: هكمل حاضر المهم مش قولتلى رايك فى اول جزء يا كوكو انا مش بنسى

:36_22_25:
​

:36_22_26: يا حلو انت يا هادى ... متابعة فى صمت حضرتك :new6:

 

[sha2awet 2alam]

كلام جميل و لذيذ بجد الله يفتح عليكي
يا مهون علي الباقي و يا ريت في الاخر تنزلي بأسم اللي بتتكلمي عليه :smil12::smil12:

هههههه عيب عليك يا بوب انا هنزل برقم بطاقته و موقفه من التجنيد مش اسمه بس :smil12:

اسلوبك فى السرد مميز ..
بأنتظار التتمه
​

ميرسيه يا جميلة ... نورتى الموضوع

انت تنفعى ان تكون مخرجة رائعة عندك عنصر التشويق بطريقة مستفزة

هههههه لا انا ضامنة موضوع الاستفزاز دة يا حبيب كانو هيقتلونى امبارح عشان يعرفو باقى الجملة على فكرة انا كنت بشتغل مساعد مخرج فى مسرح الكنيسة

 

[sha2awet 2alam]

" تعرفى انك فيكى حاجة غريبة " هكذا بدأ حواره غير المنطقى بالمرة ... فكلنا معتادون على فتح الحوارات بتلك الجمل التقليدية مثل ( صباح الخير .. ازيك .. ايه الاخبار .. الجو انهاردة حر ) و غيرها من الجمل المحفوظة أو كما نسميها الأسطوانات المشروخة .. نحفظها و نعلَم إجاباتها مسبقًا و لكننا نكررها كما يقولون لكسر الجليد و لكن هيهات فهى تصنع سدًا من الملل و الرتابة اكثر قسوة من ذاك الجليد المنشود كسره .. لكنه تعدى كل ماهو تقليدى و معتاد .. قفز بحواره عدة مسافات لا يقوى على اجتيازها غيره .. تنبهت انى لم اجيبه بكلمة و اكتفيت بنظرة تحمل ما فى قلبى من شغف و اعجاب بهذا الاسلوب الفريد من نوعه فأجبت بكلمة تصحبها ابتسامة لم يظفر بها احد من قبله " ازاى ؟؟ "
ابتسم ابتسامة ثقة قد اكتسبها من توقعه لـردى و تلبيتى له بسلاسة .. فاكمل حواره المرسوم مُسبقًا بدقة " يعنى اوقات تكونى شرسة محتاجة ترويض و اوقات تانية بتبقى هادية هدوء عجيب .. هو انتى هادية ولا شرسة ؟؟ " سارعت باجابته " ميغركش دة الهدوء الذى يسبق العاصفة " ضحكَ ضحكة مدوٌية اهتزت لها القاعة و طَرب قلبى لسماعها .. لعله لم يتوقع منى هذا الرد و خالفت توقعاته .. لأكن صادقة قصدتها .. أن احطم كل خططه السابقة و ردوده الجاهزة لاراه يُفكر و يبتَكر رد صُنع لى وحدى .. لم يستخدمه مع أحد قبلى ..
"فعلاً انتى مشكلة " قالها بنبرة مختلفة عميقة جعلتنى اسمعها بقلبى قبل أُذنى .. اكتفيت هذه المرة بضحكة صامتة لافسح له المجال لاكمال ما بدأه ... " و العجيبة ملامحك مفيهاش اى نوع من الشراسة .. يعنى اللى يشوفك و انتى قاعدة زى الملايكة كدة تقرئى ميقولش ابدا ان انتى اللى قاوحتى الدكتور الاسبوع اللى فات اما احرجتيه و طلعتيه غلطان ... دة ياعينى كان ضحيتك مظنش الراجل دة هيعرف يقول اى نظرية له تانى من غير ما يكون عامل كل حساباته و حاسب كل تعليق ممكن تقوليه " لن اكذب قد صُدمت .. كيف يتذكر هذا الحديث بتفاصيله و لم يُعلق عليه مِن قَبل ؟؟ و لِمَ الآن يذكُر هذا الحديث ؟؟ لعله يريد اخبارى انه يتابعنى منذ فترة ! أو يثبت صحة كلامه بانى شرسة على حد تعبيره ؟؟!! لا اعلم نيٌته ... كلامه زادنى حيرة و فرحًا .. نعم فرحًا !! فمَن كُنت احسبه لا يشعُر بوجودى .. كان يشعر و يتابعنى بدقة !!
ساد الصمت لحظات ينتظر ردى ولا يتوقع شيئًا فقد سَبق و تحطمت كل توقعاته و شخص ذكىٌ مثله لا يكرر خطئه مرتين ولا يحب الشعور بالهزيمة حتى و إن كانت غير مُعلنة ..
" على فكرة انا مكنتش بقرا " ابتسم ابتسامة مكسورة بها شئ من التعجب " امال ماسكة الكتاب ليه بتحبى تتفرجى على الصور يا بيبى " ضحكت ضحكة انثوية كانت قد غابت عنى منذ فترة طويلة .. جعلته يندهش و يستطرد كلامه دون وعى " الله لو كلمة بيبى هى اللى ضحكتك كدة من هنا و رايح مش هقولك غيرها " نزلت كلماته على مسامِعى كالصاعقة فأحمر وجهى خجلاً و تلَعثم لسانى و لكنى سريعًا ما لملمت شتات عقلى التائه و قلت له " ....
يُتبع

 

[!! Coptic Lion !!]

علي فكره مش هتابع تاني


مره هول يقول ويخرس
ومره انتي اللي تفقدي النطق

احنا فاضيلكم ولا ايه هههههههههه

جامده للمره التانيه علي التوازي
استمري .... الي الامام الي الامام
​

 

[!! Coptic Lion !!]

بس اكيد قولتيله بيبي في عينه
وروحتي لاطشاه بالقلم صح ؟
​

 

[bob]

و قلت " ... اخرس يا قليل الادب كما في فيلم 1000 مبرووك :ranting:
مستني الباقي :dntknw:

 

[ميرنا]

يادى النيلة عليا ابوس ايدك خلى جزىء الصبح وبليل بلاش كل يوم جزىء عشان الشلل

 

[sparrow]

بصي يا شقاوة عشان انا صاحبه مرض
والضغط عندي بيتلكك
هقول لميرنا اول ما تخلصي القصه كلها تبلغني وادخل اقراها مرة واحدة ههههههههه تابعي بقي انتي يا مرنون يا حبيبتي ولما شقاوة تخلصها بلغيني

 

[حبو اعدائكم]

بس اكيد قولتيله بيبي في عينه ​

وروحتي لاطشاه بالقلم صح ؟​

تماااام كدا قال بيبى قال ههههههههههههههه
بس الموضوع فى احمرار وجه و خجل يبقا مش هيهون عليها --
كملى يا ستى بئئئئااااااااا ده إيه الشلل ده:ranting: