"آدم" فى مأزق ... فى بنتين وولد ... مع شقاوه ووايت D:

[عبود عبده عبود]

لذلك لم تستحي من انوثتها او تحاول اخفائها و وضع قيود عليها ,
استحائهم من انوثتهم و عملها علي طمس كل معالمها .

سيدى ياسيدى ...
غيرت وجهة نظرى فيك تماماً ...إنت ذواقة
ليك مستقبل مع ( نون النسوة ) ياشيبرد

 

[the shepherd]

سيدى ياسيدى ...
غيرت وجهة نظرى فيك تماماً ...إنت ذواقة
ليك مستقبل مع ( نون النسوة ) ياشيبرد

ميرسي يا عبود
انا برضة كنت عشمان في نفسي بس صدقني انا فقدت فيا الامل اصلاً مع اللغة العربية و خصوصاً نون النسوة دي

 

[white.angel]

بدايه موفقه يا شيبرد ..
اتمنالك التوفيق فى حياتك دائماً
وانتظرنى غداً

فى مواقف ... وتحليل ...
"لـــــو"
​

 

[the shepherd]

بدايه موفقه يا شيبرد ..​

اتمنالك التوفيق فى حياتك دائماً
وانتظرنى غداً ​

فى مواقف ... وتحليل ... ​

"لـــــو

"
​

​

​

ميرسي يا وايت
انا غالباً هقدم طلب اني اشتغل يوم سبت و ابطل اخده اجازة
" مش غداً السبت برضة "



​

 

[+بنت الكنيسة+]

وقال شقاوه تقولي ادعيله
وصليله:yaka:
ادعي واصلي ايه بس ...
ماجاوب اهو وتمام كمان :a82:

دا شكلي كدا هدعيليك انتي ووايت ههههههه
لما نشوف باقي الاسئله :smil12:
​

 

[white.angel]

ميرسي يا وايت
انا غالباً هقدم طلب اني اشتغل يوم سبت و ابطل اخده اجازة
" مش غداً السبت برضة "

[/RIGHT]

وماله ... يعنى هتبات فى الشغل مثلاً :smile01
لما ترجع تجاوب
وبعدين صدقنى اسئلتى سهله :t23:
ومن جوا المقرر زى شقاوه كدة بالظبط
دة انت ضيفنا يا شيبرد ولازم نريحك :boxing:
​

وقال شقاوه تقولي ادعيله
وصليله:yaka:
ادعي واصلي ايه بس ...
ماجاوب اهو وتمام كمان :a82:

دا شكلي كدا هدعيليك انتي ووايت ههههههه
لما نشوف باقي الاسئله :smil12:
​

يعنى يرضيك مثلاً من اول سؤال فى اول مقابله
لموضوع لسه بيقول يا هااااااادى
نجيب اسئله من برا المقرر ... :t39:
دى استراتيجيه .. :act23:
وبعدين متسخنيش شقاوووه ... دول صحاب
​

 

[white.angel]

** لــــــــو **
​

فى متابعه لمرحلة الاسئله العامه والبسيطه عشان نقدر نقرا افكارك
بوضوح :lightbulb: هعطيك (11) موقف وقولى رد فعلك فيهم هيكون ايه leasantr:


1) لو ... بنت بتعتبرها اختك .. جت اعترفتلك انها بتحبك .. ومتقدرش تعيش من غيرك ؟؟؟

2) لو.... حبيت بنت .. واكتشفت مؤخراً انها معجبه بشخص من طرف واحد ... ؟؟؟

3) لو ... اصبحت مديرتك امرآه ؟؟؟

4) لو ... اصبحت رئيسة الجمهوريه امرآه ؟؟؟

5) لو ... شديت مع فتاه ... فى العمل او الكليه او الشارع ... وضربتك بالقلم .... ؟؟؟

6) لو ... اصدقائك عملوا بارتى ... وعزموك ... ولما رحت اكتشفت انهم هناك
لشرب المخدرات ؟؟؟

7) لو ... والدك ... جه يوم وقالك انا جبتلك عروسه ... واعمل حسابك اننا هنروح نقابلها ... ودى تبقى بنت صديق عمره - ركز الرفض معناه الحرمان من الميراث:smile02 - ؟؟؟

8) لو دخلت علاقه عاطفيه ... واكتشفت بالصدفه انها "بتخونك" ؟؟؟

9) لو حبيت بنت واقتنعت بيها واعترفتلك انها تعرضت لحادث اغتصاب فى الصغر ؟؟؟

10) لو دخلت شاطئ واكتشفت انه "للعراه" ؟؟؟

11) لو شفت بنت فى الشارع بيتم التحرش بيها بشكل مهين ؟؟؟

اتركك مع شقاوه :hlp:
حلوه المراجيح دى
:99:
​

 

[girgis2]

أنتوا بتجيبوا أفكار الأسئلة دي كلها من فين ؟!
​

 

[MIKEL MIK]

فكره جميله وجديده
ومتاااابع بأستمرار
تحياتي لكم​

 

[the shepherd]

فى متابعه لمرحلة الاسئله العامه والبسيطه عشان نقدر نقرا افكارك
بوضوح :lightbulb: هعطيك (11) موقف وقولى رد فعلك فيهم هيكون ايه leasantr:

بجد مفيش مشكلة لو خدعتوني و مقولتوش المقدمة المخيفة دي
و حسستوني ان مفيش" اصعب " ممكن يجي
بس انت طيبة يا وايت مقلتيش " لو " و " لماذا "

1) لو ... بنت بتعتبرها اختك .. جت اعترفتلك انها بتحبك .. ومتقدرش تعيش من غيرك ؟؟؟

هو موقف حساس قوي بصراحة . بصي اكيد هعترفلها بالحقيقية و اني بعتبرها اختي
بس في نفس الوقت هحاول اخفف عمق الجرح علي قد ما اقدر .
يعني محسسهاش انها اقل من اني اعجب بيها او اني بطمح لما هو افضل
و لكن للاسف علي الرغم من كونها انسانة رائعة الا ان مشاعري تجاهها محصورة في حدود الاخوة .
لانها في كل الاحوال هتتجرح فاقل ما يمكن عمله ان يكون جرح نظيف من السهل مداواته .

2) لو.... حبيت بنت .. واكتشفت مؤخراً انها معجبه بشخص من طرف واحد ... ؟؟؟

الماضي يمكن التغاضي عنه بسهولة لان للجميع ماضيهم الذين يأملون ان ينالوا عنه الغفران .
لكن لو ان الاعجاب مازال قائم فلا مكان لها في حياتي . فهي لا تمتلك نفسها لتشاركني اياها . فهي ملك لاخر .
و انا عارف ان نقطة اعجاب من طرف واحد دة فخ
علشان تقولوا و ليه ميساعدهاش تتخطي الاخر مدام هو مش معجب بيها
و المفروض لو بيحبها يقف جنبها و يعمل كل الي يقدر عليه علشان يوصلها .
بس دة الواقع و موقفي الشخصي , لا اجد مشكلة في الارتباط بمن كان لها حبيب و لكن كيف ارتبط بمن تحب غيري ؟؟

3) لو ... اصبحت مديرتك امرآه ؟؟؟

دة يتوقف علي نقطتين
اولاً : حلوة و لا لا
ثانياً : مدي نضجها الاجتماعي المتعلق بالحدود في مجال العمل
بس بيني و بينك لو حلوة و مش بتاعة مشاكل كدة و غلاسة
هحب الشغل

4) لو ... اصبحت رئيسة الجمهوريه امرآه ؟؟؟

اكيد مش هحتك بيها فمش لازم تبقي حلوة يعني
معتقدش ان في اي مشكلة اياً كان شخصه ما يهم هو كفاءتة للمنصب
علشان كدة انا دايما بقول مش فارقة مين هيمسك البلد مسلم مسيحي بوذي رجل امرأة فما يهم حقاً هو كفاءتة كما سبق و قلت

5) لو ... شديت مع فتاه ... فى العمل او الكليه او الشارع ... وضربتك بالقلم .... ؟؟؟

هو انا في العادي مش بشد مع الشباب يبقي هشد مع الشبات . يعني المرات الي حصلت تتعد علي صوابع الايد الواحدة
و معتقدش اني ممكن اوصل بنت للحالة الي ممكن فيها تعمل كدة , لكن لو حصل معتقدش ان رد فعلي هيبقي جسماني .
اعتقد هديها كلمتين كويسين عن مدي الفارق الاخلاقي بين
رجولتي الي انا متمسك بيها و تمنعني من اني اردلها القلم و انوثتها الي تخلت عنها لما رفعت اديها عليا .

6) لو ... اصدقائك عملوا بارتى ... وعزموك ... ولما رحت اكتشفت انهم هناك

لشرب المخدرات ؟؟؟

اولاً انا بختار صحابي و معتقدش اني بسئ الاختيار للدرجة الي يطلعوا فيها بتوع مخدرات و الكلام دة
بس بصي هو بصراحة بصراحة المخدرات بقيت في كل حتة دلوقت .
يعني في حياة الطبقة العريضة من الشعب دي حاجة عادية جداً و خصوصا في المناسبات .
فانا لما كنت اصغر شوية كان عادي ممكن اتواجد في مكان " فرح مثلاً "و الحاجات دي متواجدة و انا اكيد قاعد مشاهد لا مشترك
بس لما كبرت و نضجت شوية اكتشفت ان حتي التواجد السلبي لا يليق
فالمزومور بيقول " و في مجلس المستهزئين لم يجلس " فبقيت بعتذر عن اي حاجة مشكوك فيها

7) لو ... والدك ... جه يوم وقالك انا جبتلك عروسه ... واعمل حسابك اننا هنروح نقابلها ... ودى تبقى بنت صديق عمره - ركز الرفض معناه الحرمان من الميراث:smile02 - ؟؟؟

ههههههههههههههههه الواضح انك عارفة والدي
هو عملها مرة معايا بس هزار . قالي " سين " من البنات كويسة قووووووووي و فضل يشكر فيها للصبح و قالي اية رأيك .
فانا قلتله قلي بصراحة يا حج و متخبيش عليا : هي عجباك ؟ قال اة . قلتله علي بركة الله نخطبهالك يا حج لو الحجة مش ممانعة
بس و وضحتله ان كل واحد بيرتبط بالي هو يعجب بيها مش بالي ابوه و امه بيعجبوا بيه لاني ببساطة انا الي هتجوز مش هما .
و انا و ابويا مش واحد و لو كنت من صلبه بعض فتكفيرنا و احتياجاتنا تظل مختلفة

بس هو فضل يشتم فيا بقي و يقولي ملكش في الخير و الكلام دة " هزار برضة " و قلتله سبنالك الخير احنا ملناش نصيب فيه
فنشكر ربنا اهلي متفهمين جداً هما اة نفسهم يفرحوا بيا بس مش بيتخطوا حدودهم
و بصراحة انا مش بسمح لحد يتخطي حدودة حتي لو اهلي و دة علشان انا بحبهم بجد و عايز علاقتي بيهم تفضل صحية

8) لو دخلت علاقه عاطفيه ... واكتشفت بالصدفه انها "بتخونك" ؟؟؟

ان جيتي علي الوتر الحساس الي هيكشف حقيقتي المرة . هو اولاً لازم اروضح ان مستحييييييييييييل اتخان " شوفتي التواضع "
ان جيتي للجد بقي الي بيخون دة احياناً بيبقي عنده احتياجات غير مشبعه من الطرف الاخر فبيلجأ لاخرين لاشباعها .
و دة طبعاً مش مبرر و مش الحالة العامة في ناس بتخون لانها " سوري " مريضة نفسياً " و بتعشق هذا النوع من العلاقات
لكن لو فعلاً حصل معايا كدة " و دة صعب زي ما انا قلت " العادي يعني و الطبيعي هتبقي نهاية العلاقة .
بدون اي مبررات او اعتزارات او محاولات ستكون نقطة النهاية لاخر فصول قصتنا معاً .

9) لو حبيت بنت واقتنعت بيها واعترفتلك انها تعرضت لحادث اغتصاب فى الصغر ؟؟؟

الواضح انكم فعلاً مصرين تشوهوا صورتي
هو لو انا عارف من الاول اعتقد ان صعب اعجب بيها اعجاب الارتباط . و انا هكون صريح و بعتزر لكل الي هجرح مشاعرة البريئة لما يقري كلامي
مشكلة الاسائة الجنسية دي صعبة جداً و بتسبب جرح اعمق من ان يشفي و ان شفي يحتاج الي الكثير جداً من الوقت و الجهد .
و هي حساسة جداً للطرفين الرجل او المرأة . و بصراحة الرجالة عموماً بيخافوا من فكرة الارتباط بأمرأة ليها خبرة جنسية سابقة
و خصوصاً لو كانت خبرة سلبية " اغتصاب " لان صورة الجنس تشوهت لديها و دة بيأدي في معظم الاوقات لرفض المرأة فكرة الجنس بصورة تامة و مطلقة
و الجنس هو احد اركان الزواج الصحي المشبع لذلك من الطبيعي ان يهرب معظم الرجال من تلك المجازفات الغير مضمونة العواقب .
فلماذا يرتبط بأنسانة لديها مشكلة كبيرة جداً في احد اهم مظاهر الزواج لديه " دة واقع و منقدرش ننكره الرجال بيهتموا بالجنس و بصورة اكبر بكتير من النساء "
طبعاً دي الحالة العامة و ميمنعش ان في رجالة عندهم استعداد يرتبطوا و يشاركوا في الجهد المطلوب لشفاء جرح الاخر
و عن نفسي فانا مش عارف بصراحة هل هبقي واحد منهم و عندي تلك الجرأة و الشجاعة من اجل الحب ام سأنضم للطائفة الاغلبية

10) لو دخلت شاطئ واكتشفت انه "للعراه" ؟؟؟

هههههههههههههههه نو كومنت بجد
هو انا نشكر ربنا عموماً مش بحب البحر قوي , بس لو دة حصل فعلاً هتكسفلهم و هتكسف لنفسي و الطبيعي يعني هغادر الشاطئ

11) لو شفت بنت فى الشارع بيتم التحرش بيها بشكل مهين ؟؟؟

اعتقد ان السؤال دة ملهوش غير اجابة واحدة
انا فعلاً بتضايق جداً من تلك المظاهر الي فعلاً غير ادمية . بحسهم فقدوا انسانياتهم لما سمحوا لنفسهم يعملوا كدة
و بجد نفسي الي يتمسك بيتحرش يطبقوا عليه عقوبة القتل لانه فعلاً بيقتلها نفسياً و معنوياً بافعالة المشينة دي

اتركك مع شقاوه :hlp:
حلوه المراجيح دى
:99:

انا عايز بس افكرك بالقول الكتابي بأنه
" لا رحمة لمن لم يستعمل الرحمة "

 

[white.angel]

أنتوا بتجيبوا أفكار الأسئلة دي كلها من فين ؟!
​

هههههههههههه
هو دة ما يسموه بأبداع حواء ..
واكيد لك نصيب فيه
​

فكره جميله وجديده
ومتاااابع بأستمرار
تحياتي لكم​

تشرفنا متابعتك ... ولك يوم
منور :t23:
​

 

[white.angel]

بجد مفيش مشكلة لو خدعتوني و مقولتوش المقدمة المخيفة دي
و حسستوني ان مفيش" اصعب " ممكن يجي
بس انت طيبة يا وايت مقلتيش " لو " و " لماذا "

لالا ... فعلاً اول لقائين بيبقى مجرد قراية افكار ....
هنقول لماذا وليه وواى وايه فين وامتى وكيف ....
لسه فى اربع مرات كمان
ماتستعجلش :bud:
​

انا عايز بس افكرك بالقول الكتابي بأنه
" لا رحمة لمن لم يستعمل الرحمة "

معلش .... هانت
فات 22 وباقى 44 :mus13:
ههههههههههههههههه​

 

[Samir poet]

متابعين وربنا يسترها على اولاد ادم الغلابة

 

[the shepherd]

لالا ... فعلاً اول لقائين بيبقى مجرد قراية افكار ....
هنقول لماذا وليه وواى وايه فين وامتى وكيف ....
لسه فى اربع مرات كمان
ماتستعجلش :bud:​

​

معلش .... هانت
فات 22 وباقى 44 :mus13:
ههههههههههههههههه​

قراية افكار اية بس حرام عليكم
انا مش متخيل اكتر من كدة ممكن تعملوا فيا اية

انا حاسس ان انا الي هخلص قبل ما مدة العقوبة تنتهي

 

[+Nevena+]

بجد اسئله تحفه ومميزه وجديده
بحيكم علي الفكره يابنات والاسئله


شيبرد وقعت في يد من لا يرحم


بجد بدعيلك ربنا يقويك علي اللي جاي


ومتابعه اكيد

 

[the shepherd]

شيبرد وقعت في يد من لا يرحم


بجد بدعيلك ربنا يقويك علي اللي جاي

ادعي من قلبك يا نيفين و لو ممكن اتعبك معايا و توصيهم عليا شوية احسن البداية مكنتش مبشرة خالص

 

[+Nevena+]

ادعي من قلبك يا نيفين و لو ممكن اتعبك معايا و توصيهم عليا شوية احسن البداية مكنتش مبشرة خالص

صدقني بدعي من قلبي :smile01

اوصي مين يابني
دي ناس ما بتصدق الضحيه تقع تحت ايديها ومش ترحمها :act23:

ربنا يعينك

 

[bob]

ارحموا من في الارض يرحمكم من في السماء

 

[white.angel]

متابعين وربنا يسترها على اولاد ادم الغلابة

تابع .. تابع .. تابع
عشان هييجى يوم وتتابع انت كمان :smile01
منور يا سمير
​

قراية افكار اية بس حرام عليكم
انا مش متخيل اكتر من كدة ممكن تعملوا فيا اية

انا حاسس ان انا الي هخلص قبل ما مدة العقوبة تنتهي

لالا ... شد حيلك ... معروف ان ادم عنده طاقات
واحنا عايزين نطلعها كلها ... عشان منسبش فى نفسك حاجة :smile01
​

بجد اسئله تحفه ومميزه وجديده
بحيكم علي الفكره يابنات والاسئله
شيبرد وقعت في يد من لا يرحم
بجد بدعيلك ربنا يقويك علي اللي جاي
ومتابعه اكيد

على فكره يا نيفو حبيبتى
لو فى سؤال عبر كدة بس فى دماغك :act19:
قولى ماتتكسفيش
شيبرد شيك اوى ... ومش هيكسف حد :smile01
​

منوره يا عثل

ارحموا من في الارض يرحمكم من في السماء

افضلوا انتوا ادعوا وحسبنوا واعملوا ... لحد ما يحصل زلزال والموضوع يقع ....

اهى شقاوه اختفت .... تفتكروا دى عمليه جهاديه من اخوتنا بنى ادم اللى فى المنتدى ؟؟؟ :bud:
​

منور يا بوب باشا :t23:
​

 

[Samir poet]

ربنا ينصرنا وتبقو كمان ضحية تحت ايدينا يا اعداء الرجالة
تحياتى عدو المراة
سمير الشاعر
الى النفس الاخير
ههههههههههههههههه
​