"آدم" فى مأزق ... فى بنتين وولد ... مع شقاوه ووايت D:

[+بنت الكنيسة+]

​

يعنى يرضيك مثلاً من اول سؤال فى اول مقابله
لموضوع لسه بيقول يا هااااااادى
نجيب اسئله من برا المقرر ... :t39:
دى استراتيجيه .. :act23:
وبعدين متسخنيش شقاوووه ... دول صحاب
​

هههههههههههههه
لالا مش يرضيني
انا واثقه فيكوا خلاص :new8:
يالهوووي صحاب
خلاص خلاص احنا مش هنسخنها
هنولعها بس هههههههه
​

 

[sha2awet 2alam]

نأسف على التأخير و ربنا يسامحه اللى دعى عليا و طلعت دعوته مستجابة .. امانة عليكو انا واحدة غلبانة و صحتها على أدها بلاش الدعاوى اللى بتوصل السما على طول دى :vava:

احنا اسفين يا شيبرد خلاص خلاص مش هعملك حاجة تانى :94:

10 دقايق و الأسئلة الجديدة تنزل :smile02

 

[sha2awet 2alam]

استمتعت بأجاباتك زى ما توقعت رائع يا شيبرد بجد و أسئلة وايت كانت صريحة و واضحة و شابوه على ردودك عارفاك فى الحق لا تخشى لومة لائم :smile02 و لنستكمل ما قد بدأناه بكام سؤال شخصى على خفيف خالص اهو لسة مدخلتش اوى :t25:

1. عدد بنات حوا فى حياتك كام ( بمعنى انك تجمع والدتك و لو فيه اخوات بنات و لو فيه صديقات مقربات و لو فيه جيرل فريند و لو فيه زمايل او مديرة او اى امرأة بتتعامل معاها بصورة مستمرة ) عايزة رقم صحيح ها ( مفيناش من نص ولا ربع )

نبدأ بتفصيلهم بقا :gy0000::

2. علاقتك بوالدتك شكلها ايه ؟ الابن الطيب المطيع ولا الولد الشقى المشاغب اللى مطلع عينها ؟
3. عندك اخوات بنات ؟ و لو عندك بتعاملها ازاى ؟ الاخ اللى مالهوش علاقة بحاجة ولا صديقها ؟
4. هل فيه بنوتة محظوظة بتحبها دلوقتى ؟؟ و لو فيه هى عارفة ولالا ؟؟
5. هل تؤمن بصداقة البنات ؟ و شايفها افضل ولا اسوء من صداقة الشباب ؟ و مين اقرب صديقة ليك حاليًا لو فيه ؟
6. اوصف اجمل بنوتة فى نظرك و لو مش عارف توصف ممكن تستعين بالصور
7. ايه اكتر حاجة بتلفت نظرك فى البنت قبل ما تكلمها ؟ و بعد ما تكلمها ؟
8. هل فيه خطوط حمرا لاى بنت فى حياتك ؟ و ايه الخطوط دى اللى لا يمكن بنت تتعداها معاك ؟
9. هل بتتحرج من البنات ( بتتكسف يعنى ) ولا جرئ معاهم ؟ و حدود جرائتك ايه ؟
10. لو كنت انت فى يوم بنوتة :t23:.. كانت هيبقى اسلوبك و شخصيتك شكلهم ايه ؟ يعنى كنت هتتدلع ولا لا .. كنت هتهتم بشكلك و شعرك و وزنك و غيره و لالا ؟؟ طبعا ساعتها هتكون فاهم الشباب بيحبو ايه و على الاساس دة هتتعامل عشان كدة بسألك يمكن ناخد منك نصيحة
11. تفتكر رأى البنات فيك ايه ؟؟ ( اعتمادًا على حاجة قالتهلك بنت بلاش خيالك يوسع و فضيلة - الاتضاع اللى انا عارفاها - تاخدك )

منتظرة ردودك و امانة عليك من غير دعاوى كفاية اللى حصلى :vava: و باقى الاسئلة مع وايت و فاضلك معايا مرحلة واحدة بس

 

[Samir poet]

اللهى يكون فى عونك يا اخويايا من اختك شقاوة
اهو على الال اعختك وايت ارحم
روح يا اخوايا الهى يبعد عنك شقاوة
ووايت وبى الخاص شقاوة
ههههههههههههههه
​

 

[the shepherd]

استمتعت بأجاباتك زى ما توقعت رائع يا شيبرد بجد و أسئلة وايت كانت صريحة و واضحة و شابوه على ردودك عارفاك فى الحق لا تخشى لومة لائم :smile02 و لنستكمل ما قد بدأناه بكام سؤال شخصى على خفيف خالص اهو لسة مدخلتش اوى :t25:

كشفت راسي و دعيت عليكم انتم الاتنين , دة مكنش اتفاقنا يا ظلمة

1. عدد بنات حوا فى حياتك كام ( بمعنى انك تجمع والدتك و لو فيه اخوات بنات و لو فيه صديقات مقربات و لو فيه جيرل فريند و لو فيه زمايل او مديرة او اى امرأة بتتعامل معاها بصورة مستمرة ) عايزة رقم صحيح ها ( مفيناش من نص ولا ربع )

هو لحد فترة قريبة كدة كانت الاغلبية العظمي لعلاقاتي من الجنس الاخر و لكن
نشكر ربنا - علي كل حال و من اجل كل حال و في كل حال - انا سافرت قريب و حالياً كل الاناث الي كنت اعرفهم تم اختزالهم الي عدد 2 سكرتيرة
واحدة قد الحجة والدتي و التانية اكبر مني بشوية كويسين " و علي فكرة انا شغلي معظم الوقت برة المكتب "
و بقية العلاقات الحالية الكترونية بعيد عنك و قليلة قوي

2. علاقتك بوالدتك شكلها ايه ؟ الابن الطيب المطيع ولا الولد الشقى المشاغب اللى مطلع عينها ؟

قبل الجيش كنت التاني , لما دخلت الجيش - و اتربيت و عرفت ان الله حق - بقيت الاول نشكر ربنا

3. عندك اخوات بنات ؟ و لو عندك بتعاملها ازاى ؟ الاخ اللى مالهوش علاقة بحاجة ولا صديقها ؟

اة عندي اخت واحدة اصغر مني . هو الجيش بصراحة غير فيا كتير
حالياً انا مدلعها دلع الدنيا و الاخري لدرجة انهم في البيت بيقولولي هتبوظها بدلعك دة
و نشكر ربنا علاقتنا حلوة قوي و بتحكيلي علي معظم مشاكلها و دة اكيد ميمنعش ان لكل فتاة اسرارها
فانا مش هقول عارف كل حاجة بس علي الاقل الي المفروض اعرفه و الي هي حابه تشاركني بيه

4. هل فيه بنوتة محظوظة بتحبها دلوقتى ؟؟ و لو فيه هى عارفة ولالا ؟؟

بذمتك لو عندي كانت سمحت اني اشارك في حوار اتنين بنات هما الي بيستضفوني فيه
لو عندك عروسة متتردديش و قوليلي علشان احتمال افكر في الموضوع بس قدام شويتين مش دلوقت
و المفروض حضرتك تبقي محددة في سؤالك و تحددي نوعية الحب .
ما انا بحب ماما و اختي و زميلاتي و صديقاتي و تقريباً كل البنات الي اعرفهم .
بس انت بتسألي عن حب مختلف و انا كان ممكن اديك اجابة عايمة لسؤال عايم

اوصف اجمل بنوتة فى نظرك و لو مش عارف توصف ممكن تستعين بالصور

بصي هو انا كان نفسي استعين بالصور بس للاسف الجهاز الي انا بتكلم من عليه حالياً معلهوش عدة الشغل " الفوتوشوب "
فانا بعد اذنك هكتفي بأسماء و انت بقي دورلهم علي صور

Liv Tyler
milla jovovich
emma watson
Lucy Liu
Keira Knightley
angelina jolie​

و متنسيش تقوليلي رأيك في ذوقي ​

ايه اكتر حاجة بتلفت نظرك فى البنت قبل ما تكلمها ؟ و بعد ما تكلمها ؟

ممممممممممممم دة فخ انا عارف . بس انا بايع القضية و هجاوب .
اكيد الي متكلمتش لسه معاها الي هيلفت انتباهي هو مظهرها .
ازاي بتتحرك و ازاي بتتكلم و بتبتسم و بتكشر ازاي بتتعامل مع الناس .
بعد ما اتكلم معاها بقي يبتدي الجد اركز بقي ابتسامتها حلوة و لا لا , صوت ضحكتها ,
لما بتكشر بتقطع القلب و لا بتسد النفس لما بتدلع بتكرهني في نفسي و لا بتخليني هتكفي علي وشي . التفاصيل دي بقي
بجد انا مش عارف اية الفضايح الي انا بكتبها دي بس يلا اول و اخر مرة فمش هحرمكم من حاجة

بصي بجد يعني المظهر هو الي بيشد في البداية و دة الي بيدفع الواحد انه يحاول يتعرف علي الي قدامه .
هل هو مبني جميل من الخارج و الداخل ؟ ام مجرد واجهه بلا اي عمق ؟

8. هل فيه خطوط حمرا لاى بنت فى حياتك ؟ و ايه الخطوط دى اللى لا يمكن بنت تتعداها معاك ؟

عرفي الخطوط الحمراء
الحدود جزء من اي شخص و بتختلف حدودي مع الاشخاص باختلاف نوعية و عمق العلاقة
اكيد حدودي مع اختي غير مع زميلتي غير ما صديقتي غير مع حبيبتي " الخيالية "
لكن يبقي الخط الاحمر الوحيد ان يتم قبولي كما انا .

هل بتتحرج من البنات ( بتتكسف يعنى ) ولا جرئ معاهم ؟ و حدود جرائتك ايه

فضايح فضايح .
انا في العادي بتعامل في الحدود الي بيحطها الي قدامي .
يعني اي بنت بتدي للاخر مساحة يتعامل معاها فيها و لن تسمح له ان يتخطاها .
انا بقي بحاول ابقي في منطقة الامان و مقربش خالص للحدود الي حاسسها او حتي اجاذف بالتقدم للامام لاكتشافها .
و دة برضة مش معناه اني بتعامل في كامل النطاق المسموح ليا بيه .
يعني كمثال للتوضيح في بنات ممكن يهزروا معايا بأديهم و غالباً الي بتهزر بأديها بتقبل هزار الايد هي كمان .
بس مش معني كدة اني حتي لو سمحتلها تهزر معايا باديها ههزر زيها انا كمان .
اتمني تكون فكرتي وضحت و اتمني ميكنش حد خد باله اني ممكن اسمح لحد اصلا يهزر معايا بايده

اما عن كوني جرئ و لا بتمسف فانا من الاخرببقي جرئ معظم الوقت علشان اداري الكسوف

. لو كنت انت فى يوم بنوتة :t23:.. كانت هيبقى اسلوبك و شخصيتك شكلهم ايه ؟ يعنى كنت هتتدلع ولا لا .. كنت هتهتم بشكلك و شعرك و وزنك و غيره و لالا ؟؟ طبعا ساعتها هتكون فاهم الشباب بيحبو ايه و على الاساس دة هتتعامل عشان كدة بسألك يمكن ناخد منك نصيحة

بصي دي بتعتبر في شرع الشباب جريمة . انك تفكر لو كنت بنت دي حاجة غير مشروعة بالنسبة للولاد .
دة اغلبية البنات بتحسد الولاد علي كل الامتيازات الي بينالها الولد في مجتمعنا العظيم .
بس انا هقولك حاجة كويسة قوي ,
انا ولد و مع ذلك بهتم بأكلي و بوزني و شعري و لبسي و مظهري عموماً و مدلع نفسي اخر دلع .
فدي ملهاش دعوة بأنت ولد و لا بنت ,
دي ليها دعوة انت شايف ان نفسك غالية و مهمة و تستاهل انك تعملها كل دة علشانها قبل ما يكون علشان اي حد و لا لا .

تفتكر رأى البنات فيك ايه ؟؟ ( اعتمادًا على حاجة قالتهلك بنت بلاش خيالك يوسع و فضيلة - الاتضاع اللى انا عارفاها - تاخدك )

انا مش بفتكر . عندك البنات اسأليهم
الاراء الي بتتقالي - سوري - بتتقال علشان انا اعرفها مش علشان الناس تعرفها
و انت عارفة ان الحاجات دي بتبقي اكيد حساسة شوية حتي بين الصحاب سواء ان بنت تنتقد صديق او تمدح فيه .
لكن الي ممكن اقوله ان اياً كان رايي الاخرين ما يهم حقاً هو رأيك الشخصي .
يعني لو الناس كلها شافته حلو و انت شيفاه وحش هل هيفرق معاك راي الناس و لا هتتمسكي برأيك و مؤمنة بيه ؟
و انا مبنكرش هنا اهمية رأي الاخر لنفس الشخص الي بتكلم عنه و لكن انا بتكلم علي اولويات .
اتمني تكون الصورة وضحت

منتظرة ردودك و امانة عليك من غير دعاوى كفاية اللى حصلى :vava: و باقى الاسئلة مع وايت و فاضلك معايا مرحلة واحدة بس

لا لا مينفعش كله يبقي دعاوي و شتيمه لازم يبقي في اكشن شوية
يا خوفي يا شقاوة انتم شكلك مراهنين بعض مين هيفتري عليا اكتر

 

[white.angel]

ههههههههههههههه
مش عارفه ليه قلبى حاسس
اننا هنتشطب بنفس الخط بعد اللقاء دة
يلا ربنا يستر
استنانى بليل فى :
"صارحنى"
​

 

[the shepherd]

اللهى يكون فى عونك يا اخويايا من اختك شقاوة​

اهو على الال اعختك وايت ارحم
روح يا اخوايا الهى يبعد عنك شقاوة
ووايت وبى الخاص شقاوة
ههههههههههههههه​

صليلي يا سمير بجد احسن انا خايف علي مستقبلي بعد الي بيخلوني دة

ههههههههههههههه​

مش عارفه ليه قلبى حاسس
اننا هنتشطب بنفس الخط بعد اللقاء دة
يلا ربنا يستر​

استنانى بليل فى

:

"صارحنى"​

​

​

بجد دي كانت اول تجربة استضافة ليا و بسببكم هتكون الاخيرة
و سوري انا اخدت بالي ان في سؤال وقع مني بس الي حصل بقي نصيبكم

هو في صراحة اكتر من الي انا بعملها دي ؟؟؟

​

 

[white.angel]

بجد دي كانت اول تجربة استضافة ليا و بسببكم هتكون الاخيرة
و سوري انا اخدت بالي ان في سؤال وقع مني بس الي حصل بقي نصيبكم
هو في صراحة اكتر من الي انا بعملها دي ؟؟؟
[/RIGHT]

بس تنكر انك مبسوط .... اعترف :gun:

اها انشالله فيه ... عايزين ندخل فى الجد بقى ...
والتصريحات والاعترافات والاكشن :vava:
​

 

[Samir poet]

على راى الاغنية اللى بتقول
يا وويلك يا ظالم من دعوة المظلوم
صدقنى يا حبيبى دا لكل ظالم يوم
وهيجى يوم نقف انا وانت فية ونسيضف شقواة والاختواييت وننزل عليهم امطاااااااار
اسئلة نخلص القديم والجديد
انا موافق انت موافق ولا اية يا مان انا اهو من الصبح بدعى وواقف جنبك
ههههههههههههههههه
​

 

[Twin]

موضوع حلوا وفكرته حلوة
بس ياريت يطلع في الأخر بأي مصلحة ​

 

[إيمليــآ]

,.

كل دهـ كآن هزآر ولسهـ فيهـ جد كمآن ..؟! ههههههـ
مع إنهـ إضطهآد بس أنآ متآبعة بإستمتآع :t23:

إستمروآ إستمروآ
^_^


.،
​

 

[the shepherd]

الي بجد نفسي اعرفه هو ليه الناس شمتانة فيا قوي كدة
​

 

[Samir poet]

الي بجد نفسي اعرفه هو ليه الناس شمتانة فيا قوي كدة
​

لا شتمانة ولا زحلانة
ولا يحزنون
كلنا بندعيلك تقف وتعدى الازمة دى يا كبيررر
​

 

[إيمليــآ]

الي بجد نفسي اعرفه هو ليه الناس شمتانة فيا قوي كدة
​

ههههههـ
دى مش شمآتة
دآ إستمتآع بأفكآر وأسلوب مميز

يعنى إنت آلسبب فى إللى بيحصلكـ :d



.،
​

 

[the shepherd]

لا شتمانة ولا زحلانة
ولا يحزنون
كلنا بندعيلك تقف وتعدى الازمة دى يا كبيررر​

مش عارف يا سمير من الي بيعملوه فيا انا حاسس انكم بتدعوا عليا مش بتدعولي

ههههههـ

دى مش شمآتة
دآ إستمتآع بأفكآر وأسلوب مميز ​

يعنى إنت آلسبب فى إللى بيحصلكـ :d​

.،​

بتحرجيني بالذوق يا سيكرت
ميرسي لذوقك
و شكلي هغير الاسلوب لو هو السبب في الي انا فيه ده

 

[sha2awet 2alam]

الي بجد نفسي اعرفه هو ليه الناس شمتانة فيا قوي كدة
​

هههههههههههههههههههههه مش عارفة بصراحة :smile02
واضح الناس كلها هنا بتعزك يا شيبرد :t25:

 

[Samir poet]

مش عارف يا سمير من الي بيعملوه فيا انا حاسس انكم بتدعوا عليا مش بتدعولي

لا صدقنى بدعيلك طيب بالمرة اقولك كمان على خطة حلوة بينى وبينك
ههههههههههههه
اية رايك نعمل موضوع ونستضف الاخت شقاوة والاخت وايت انجل
اهو على الاقل تخلص حقك منهم
ههههههههههههههه
هههههههههههههههههههه
​

 

[white.angel]

شيبرد ... مبدأياً انا معجبه جداً بتلقائيتك وصراحتك ووضوحك :flowers:... ودة بيدل على انك شخصيه طيبه جداً ... ومع ذلك اجاباتك ذكيه جداً ... ولماح ... بتدرك ما بين السطور ... يعنى مفيش ولا فخ نفع معاك ... :a82:

اسمحلى نبدأ بأخر جوله من اللقاء التانى تحت عنوان :

صارحنــى :nunu0000:

1) سبق وكررت كلمة "حلوه" مرتين فى اجاباتك ... بنسبة كام فى الميه من اقتناعك
بالبنت اللى قدامك ... بيشكل "جمالها" .. يعنى الجمال بالنسبالك مهم بنسبة كام فى الميه ..؟؟

2) سبق وقولت ان الانثى ليست مخلوق درجة تانيه .. وفى اجابه اخرى وضحت
انه غلط فى حق الشاب انه يفكر يبقى "آنثى " .. الا ترى هنا تناقد ... ؟؟

3) سبق واوضحت انك من الرجال التى "لا تُخان" ... غير قابل للخيانه ... ليه ...
وهل الخيانه عندك ممكن ان تكون مبرره ... ام انه لا عُذر للخائن ؟؟

4) بماذا تفسر موقف ان البنت قبل الزواج مسئوله من ابيها ... وبعد الزواج مسئوله من زوجها ... هل الآنثى غير قادره على ان تُسئل من نفسها ؟؟

5) كيف تبدى أعجابك بفتاه .. يعنى كدة لو شفت :t25: بنت "حلوه "
وحبيت تقولها انت جميله .. شيبرد هيقولها ازاى ؟؟

6) ايه موقفك من ان يصبح التجنيد الزام على الفتاه كالفتى ؟؟

7) هل انت رجل سهل التعايش معاه .. ام انك شخص متعب .. ؟؟

8) ما موقفك من لقب "جوز الست " وهل تقبله ؟؟

9) "اتق شر الحليم اذا غضب " اعتقد ان هذه الحكمه تناسبك ..
ماهو الشر الذى يجب ان تتقيه حواء اذا غضب شيبرد ؟؟

10) قال العظيم نزار قبانى :
"لم تستطيعِ بعد ان تتفهمى ان الرجال جميعهم اطفال "
هل حقاً الرجل طفل كبير ..؟؟

اخر سؤال

​

11) تفتكر الرجل الشرقى فعلاً "عينه زايغه :w00t: " , وليه ؟؟

اتركك مع شقاوه ... ولى عوده
all the best
​

 

[the shepherd]

اولاً بعتزر عن التأخير بسبب ظروف الشغل
لنبدء علي برة الله

شيبرد ... مبدأياً انا معجبه جداً بتلقائيتك وصراحتك ووضوحك :flowers:... ودة بيدل على انك شخصيه طيبه جداً ... ومع ذلك اجاباتك ذكيه جداً ... ولماح ... بتدرك ما بين السطور ... يعنى مفيش ولا فخ نفع معاك ... :a82:

]

ميرسي ميرسي السر صدقيني في قوة الاسئلة و عمقها
كل دة و مفيش افخاخ وقعت فيها ؟؟ دة تقريباً مفيش واحد عديت منه سليم

سبق وكررت كلمة "حلوه" مرتين فى اجاباتك ... بنسبة كام فى الميه من اقتناعك بالبنت اللى قدامك ... بيشكل "جمالها" .. يعنى الجمال بالنسبالك مهم بنسبة كام فى الميه ..؟؟

ممممممممم و انا في العادي بستخدم كلمات التأكيدو التكرار كتير و دي كلمة " حلوة " مش حالة خاصة
علي حسب نوع العلاقة الي بتجمعني مع البنت . يعني يكاد ميفرقش خالص الجمال لو علاقة زمالة او صداقة او اي علاقة غير عاطفية .
لكن لوقصدك بنت هكون معاها علي علاقة عاطفية يبقي مش اقل من 50 % بس مش جمال بمعني لازم تكون blonde و شعر متر و نصف و الكلا دة لا طبعاً .
الجمال نسبي و يختلف من شخص لاخر " لولا تعدد الاذواق لبارت السلع " فانا لما اقول جمال بقصد بيه physical attraction
و هتقولوا اية الفرق ليه مع الصحاب مش فارق قوي و مع الحبيبة فارق
هقولك ببساطة لان الارتباط بشريك الحياة بيتم علي جميع المستويات بعكس الصداقة بيتم علي المستوي الفكري بس .

سبق وقولت ان الانثى ليست مخلوق درجة تانيه .. وفى اجابه اخرى وضحت انه غلط فى حق الشاب انه يفكر يبقى "آنثى " .. الا ترى هنا تناقد ... ؟؟

بجد مبسوطك انك سألتي علشان انا برضة حسيت النقطة دي محتاجة توضيح
بصي بقي كون لرجل يفكر او يتمني انه يبقي انثي ما هو الا احتقار للرجولة و التقليل منها .
و العكس صحيح كون المرأة تتمني لو كانت رجل دة احتقار لانوثتها .
فمفيش نوع احسن من نوع لكن المشكلة بتكمن في موقفك من نوعك هل تريه علي نفس المستوي مع الاخر ام اقل منه .
و دة الي بيدفع كتير من البنات في مجتمعنا الي احلام اليقظة " لو كنت ولد " لانهم حاسين ان انوثتهم قيمتها قليلة
و سالبة منهم حقوق كتير لكن في المجتمعات المتحضرة مبتلقيش التفكير دة خالص .

فانا لما بقول مينفعش افكر لو كنت انثي مكنش قصدي التفكير العام
لان بالتاكيد انا بفكر لو كنت بنت هحتاج اية و هتصرف ازاي علشان اعرف افهم الاخر و احتياجاته
و عمر ما حد بيبقي ناجح في علاقاته مع الاخر الا لو تقمص فكرياً و وجدانياً الاخر دة بطريقة او بأخري .
لكن الي كان قصدي ابينه هو اعتزاري برجولتي الي يقابل اعتزار المرأة بأنوثتها .
اتمني تكون الصورة وضحت

3) سبق واوضحت انك من الرجال التى "لا تُخان" ... غير قابل للخيانه ... ليه ...
وهل الخيانه عندك ممكن ان تكون مبرره ... ام انه لا عُذر للخائن ؟؟

انا اقولك . تجربة التعرض للخيانة دي بتحصل لسببين معاً او كلاً علي حده

الاول : هو سوء الاختيار , اني اخترت اختيار خاطئ من البداية شخصية غير متزنة عاطفياً و هوائية لا تستطيع السيطرة عي مشاعرها ,
اولاً : هي مكنتش اصلاً ملك لنفسها لما ارتبط بيها و كانت متعلقة بشخص اخر .
وانا بعتقد اني امتلك الحد الادني من الخبرة " ليست فقط نظرة " علشان اقدر احكم علي الي قدام في نقطة مناسب و ناضج و لا لا

ثانياً : هو عدم القدرة علي اشباع الاخر . الاخر ليه احتياجات و المفروض اننا بنشبع احتياجات البعض .
لكن للاسف معظم المشاكل بتحصل من عدم قيامنا بواجبنا تجاه الاخر و دة مش بسبب اننا مكسلين او مستخصرين فيه الوقت و المجهود
" و ان كان دة سعات بيحصل " لكن بسبب عدم معرفتنا و ادراكنا للاحتياجات الحقيقية العميقة للاخر ,
يعني ممكن اكون بحبها بس مش عارف اوصلها كدة و اشبع احتياجها للشعور بكونها محبوبة . يبقي اكني مبحبهاش بالظبط .
فللحب لغات و ليس للحب فقط و لكن كل الاحتياجات المختلفة طرق مختلفة لاشباعها بتختلف من شخص لاخر
و دي محتاجة حد ادني من الذكاء الاجتماعي الوجداني علشان تفهم تفرد الاخر و الطريقة الامثل لاشباعه .
و اعتقد برضة ان عندي الحد الادني منه الي يساعدني علي اشباع الاخر .

فعند اقيم بأختيار سليم و العمل دائماً علي كون العلاقة صحية و مشبعة تقدري تقوليلي اية احتمالية التعرض للخيانة ؟؟؟

بماذا تفسر موقف ان البنت قبل الزواج مسئوله من ابيها ... وبعد الزواج مسئوله من زوجها ... هل الآنثى غير قادره على ان تُسئل من نفسها ؟؟

مين قال كدة ؟؟ انا سعات بشوف العكس ان الراجل عايز يتجوز علشان تعب و ارهق من المسؤليات الغير منتهية و محتاج حد يهتم بيه و يرعاه
و حتي لو افترضنا ان كلامك صح .
اية المشكلة ؟؟ مش في تميز في المهام الوظيفية حتي في الجسد الواحد , يبقي اية المشكلة لما يبقي في تميز بين جسدين ؟
و بصورة اوضح الراجل الاكثر قوة من الناحية البدية و الاكثر تحمل للضغط و غيرها من الامور الي تخليه الانسب لتحمل المسؤلية .
و انا بكدة مش بقلل من قدرات المرأة في نساء كتير بتفوق الرجال في القدرة عي تجمل المسؤلية و تدبير الامور .
لكن بجد انا سعات بشوف دة جهد اكبر من الي ربنا كان خالق المرأة لاجله و انه خلقها مميزة و مختلفة عن الرجل من اجل مهام مميزة و مختلفة .
و المسؤلية الي انا بعترف بيها هي في المقام الاول و الاخير بدافع الحب لا بدافع نقص القدرة او الامكانية . يعني من الاخر علشان بحبك مش عايزك تتعبي .

كيف تبدى أعجابك بفتاه .. يعنى كدة لو شفت :t25:بنت "حلوه " وحبيت تقولها انت جميله .. شيبرد هيقولها ازاى ؟؟

زي ما اي شاب بيقول لبنت
انت محدش قالك انت جميلة قبل كدة و لا اية يا وايت
دي حاجة متتقلش علي الملأ علشان متفقدش رونقها . علشان هي مميزة تسمع كلام مميز ليها هي بس
لكن كحالة عامة يعني و ابداء رايي في الاخر فده برضة مش هقوله كدة علي العام
بس هكتفي بالمثل الشعبي " لكل شيخ طريقته يا وايت "

6) ايه موقفك من ان يصبح التجنيد الزام على الفتاه كالفتى ؟؟

هو انا لما كنت في الجيش و سألوني السؤال دة قلتلهم لو حصل انا هتطوع في الجيش و هكمل فيه
بس اعتقد ان الي اجابة السؤال الرابع توضح موقفي من الفكرة دي . بعترض طبعاً لان المرأة لم تخلق من اجل ذلك و لكنها خلقت لما هو اعظم .

7) هل انت رجل سهل التعايش معاه .. ام انك شخص متعب .. ؟؟[/QUOTE

علي حسب . مفيش حد مريح للناس كلها لكن كلنا مناسبين لانواع شخصيات معينة .
بس في العادي يعني انا هادي شويتين و عاقل 3 شويات و طيب نصف شوية و يمشي حالي

8) ما موقفك من لقب "جوز الست " وهل تقبله ؟؟

طب انا عايز اعرف اية ال ورا اللقب دة ؟؟ اية المعني الضمني الي قصدك عليه .
يعني انا مثلاً ممكن اروح لشخصية معرفش والدي و لما اجي اعرفه بنفسي اقله انا ابن " فلانة " الي هي مامتي .
حاجة يعني ولا تزعلني ولا تعبني او تقلل مني اني انتسب لامي و افخر بيها نفس فخر انتسابي لابويا .
فالمشكلة مش في الالقاب و الكلام دة المشكلة في ما تحمله ضمناً . و اعتقد كدة ان موقفي العام وضح

"اتق شر الحليم اذا غضب " اعتقد ان هذه الحكمه تناسبك .. ماهو الشر الذى يجب ان تتقيه حواء اذا غضب شيبرد ؟؟

ههههههههههههههه انت كدة فضحتيني خلاص
انا بعتز جداً بمقولة " كلنا كالقمر لنا جانب مظلم "
بصي انا فيا مشكلة اني وقت الجد غير قابل للخضوع و خصوصاً لقلبي و مشاعري .
يعني المشاعر بكل صورها بتخضع للمنطق وقت الازمات .
تخيلها كدة ان انا و قلبي و عقلي 3 صحاب قوي و بنحب بعض و عايزين الخير لبعض
فاحياناً ممكن حد فينا يجي علي الاتنين التانيين علشان المصلحة العامة
و حتي لو عارف انهم هيزعلوا و مش عايزين كدة بس هو واثق ان بعد شوية هيعرفوا هو ليه عمل كدة و ان دة كان الانسب
هتقوليلي و مين بقي الي بيقرر التصرف الانسب لما التلاتة ممكن يجيوا علي بعض هقولك دة واحد رابع متعرفهوش
بس كدة كفاية قوي علشان الصورة العامة متبظش اكتر ما هي بايظة

قال العظيم نزار قبانى
" لم تستطيعِ بعد ان تتفهمى ان الرجال جميعهم اطفال "
هل حقاً الرجل طفل كبير ..؟؟

طفل دي كبيرة عليه صدقيني .
الراجل احياناً قد يكون من الصعب جداً فهمه و لكن ما يشفع لهم ان كل الرجال من السهل جداً ارضائهم . بأقل مجهود .

تفتكر الرجل الشرقى فعلاً "عينه زايغه :w00t: " , وليه ؟؟

دة فخ جامد قوي يا وايت و بجد مكنش العشم تحطيلي سؤال زيه
يعني تعالي نحلل الاجابتين سوا
" اة " و السبب هو قلة اهتمام المرأة بنفسها في مجتمعنا تروحي انت قايلة مش مبرر للجريمة او هو الي عامل فيها كدة و هو شهواني و الكلام الكبير دة
" لا " تقوليلي انت علشان راجل بتداري عليهم و بتحاول متقلش الحقيقية و الكلام الاكثر كبراً دة

بصراحة انا ارهقت من الفخاخ الكتيرة الي انتم مش عايزين تبطلوا تحطوها في النص
فمش مجاوبه
حرام عليك انا عضمة كبيرة و مش حمل شقاوة الشبات

اتركك مع شقاوه ... ولى عوده

all the best ​

عودة اية بس انا خلصت خلاص ​

ارحموني بجد​

 

[حبو اعدائكم]

اسئله تحفه و اجابات ممتعه
متابعه