احنا ايه

[kawasaki]

well don quazaki as long as your life since you converted to Christianity was full of problem and now after while is better the marriage as well is the same......! ask God in your prayer and you will see as much as God never ever let you down able to ménage a girl who gut same situation like you no worries every thing under heaven on time

Thank you sir
I always enjoy your beautiful words
You are first motivated me almost a year ago
...See
I am now related my Lord Jesus
And my trust in the Lord that he is the only one of gives me energy
Please ... pray for me​

 

[kawasaki]

اد ايه انا اتأثرت و بكيت و ضحكت من طريقة سردك للحوار ..
بالنسبة لصيني و اصلي فصدقني و بقولها بصراحة العابر بيبقي اصلي اكتر من اي شخص مسيحي .. جايز بتحس بالموضوع ده من جهة المعاملة لان فكرك دلوقتي في الارتباط و كونك عابر شايف ان مفيش واحدة مناسبة متاحة , فبتقول مش لو فضلت مسلم اصلي كنت هلاقي واحدة كويسة و لو كنت مسيحي اصلي مش كنت عرفت واحدة تناسبني

صدقني بامانه اعتقد ان دي اكبر مشكلة بتواجه العابرين لاننا في مجتمع متخلف من جهه و من جهه تانية كنيستنا مش قايمة بأي دور تجاه العابرين

نسيبنا بقي من المجتمع المتخلف و الكنيسة اللى مش شايفة شغلها و نبص لنفسنا

شوف يا حبيبي بالنسبالي انا شايف انك لو قدامك فرصة تسافر فانتهزها بسرعة و اول طيارة و اخرج من البلاد دي و بره هتبدأ حياة جديدة كريمة و محترمة تليق بانسان
لو السفر مش متاح
يبقي تعالي نحلل الموضوع بالراحة ...

انت عندك شقة راائع , يعني اهم مشكلة ممكن تقابلك و اتحلت يا معلم

طيب و العروسة ؟
شوف شيل من دماغك موضوع واحدة مسلمة ده خالص و اللى قالك كده يستحسن بالمرة متروحلوش تاني لان واضح انه مش فاهم حاجه

طيب و العمل ؟
حاجه من اتنين يا بنت مسيحية من اسره فقيرة مادياً و دول هتلاقي منهم متعلمين و عقليتهم و روحانيتهم كويسة جداً لكن ظروفهم المادية صعبة .. و ده مناسب لانها بتبقي مستنية حد تبدأ معاه حياه جديدة
هتتعرف عليهم عن طريق الشغل او الكنيسة في اجتماعات الشباب مثلاً

او عابرة بردو و بردو هما كتير و بيواجهوا نفس المشكلة و اللى سمعت منهم هنا في المنتدي كتير عن نفس الازمة دي .. دي ممكن تتعرف عليها من هنا في المنتدي او من النت عموماً و طبعاً تتعرف علي شخصيتها قبل ما تقابلها او اي حاجه

و في الحالتين لو البنت حبتك و اتعلقت بيك مش هتسيبك ابداً .. و علشان كده لو بنت مسيحية متصدمهاش بموضوع عابر كده وش من اول مرة خليه بالتدريج و بعد ما تعرفك كويس عل قد ما تقدر

يا ريت كان بإيدي حاجه تانية غير الصلاة كنت عملتها حبيبي
ربنا معاك و يقويك و يعطيك حسب قلبك

استاذي الغالي
شكرا علي سعه صدرك
واحب اوضح بعض النقاط
يالنسبه لموضوع فرصه السفر
تعالي نبص علي موضوع السفر من منظور تاني
هوا كل واحد معاه مشكله ياخذ ديله في سنانه ويطير ؟
بغض النظر
انا عيشت ثلثين عمري بره مصر
ولما انا اسافر علشان انا عابر
وغيري يسافر علشان عابر
وغيري وغيري
هانسيب البلد دي لمين ؟
للمرائين والكذبه؟
دي قضيتنا ولازم نكسبها
طيب هانقول مجبر !!
احب اوضح لحضرات الاعضاء ان مسأله السفر دي مش سهله ماديا
يعني انتا لو حبيت تروح امريكا ولا اوروبا
شوف لازم يكون معاك خطاب بنكي بكام وسكك تانيه صعبه
عن نفسي انا لا احبذ فكره السفر مطلقا

نيجي للعروسه
انا لو هاتشنق.. رجلي تنقطع ولا اني اروح اتقدم لوحده مسلمه
يعني انا كنت منتن ونضفت اروح انط في البلاعه تاني ؟؟

اما لو كانت مسيحيه "اصلي مش تقليد"
مستوي معيشتها تحت او فوق
متعلمه واو حتي بتفك الخط
مينفعش
مين اللي هايديك بنته وعارف انك "تيواني"
وامها تقول ليه هوا انا بنتي بايره
مستحيل ان في واحد او واحده هاتديك بنتها بالطريقه دي
ومينفعش اروح اتعرف علي واحده في الاجتماع معانا والعب بمشاعرها وعواطفها
ونجي نخش في الجد اقولها (انا فستك ..مش اصلي )
قلبي ميطاوعنيش اني اعمل كده


اما لو كانت عابره
فهاذا هو المطلوب اثباته

اذكرنا في صلاواتك
​

 

[واثقه فيك يارب]

كلامك يحترم جداا
وهو كله مشاكل مش بس مشكلة واحده
بطلب من ربنا انه يحلهالك قريبا
وواثقه في اراء اخواتي هنا في المنتدي فيها
ولكن وقفت جداا عند الجزء ده ..... وحبيت اسألك سؤال واحد

روحت لابي الاعترافي
كلم واحده مسيحيه صيني برده زي حالاتي
قعدت معاها لقيتها تعليمها اقل من المتوسط
طبعا قعدت افكر لقيت الموضوع مش هاينفع
ممكن حد من الاعضاء يقولي ياعم دا انتا فقري
ماشي انا معاك
بس هاقولكوا مش هاينفع ليه
انا عايز زوجه ادخل انا وهي نكلل في الكنيسه نخش 2 نطلع 1
عايز زوجه متعلمه بمعني يكون فيه توافق
عايز زوجه تفهمني وافهمها
عايز زوجه تبقي كل حياتي وانا ابقي كل حياتها
عايز زوجه تفرح لفرحي وتشيل عني لما اكون مهموم
عايز زوجه تشاركني احلامي
عايز زوجه ابني انا وهيا عائله مسيحيه بجد
عايز زوجه اقول لها ياماما علشان انا انحرمت من الكلمه دي
عايز زوجه اقبض مرتبي واديهولها
عايز زوجه انا وهي نروح نشتري لبس العيد
عايز زوجه نروح انا هي نتناول
عايز زوجه انا وهي نروح نزور ماري جرجس

هل المُتعلمة تعليم اقل من المتوسط كما ذكرت مش هتعرف تلبي كل الطلبات او الامنيات دي ؟؟؟!
هل هيكون صعب عليها لان ربنا مش اراد انها تكمل تعليمها ؟!!

يعني زي مانت حاسس انك مظلوم في الحياه لانك "عابر"
وان الناس بتعملك علي انك مسيحي "صيني" (وده مش من حقهم طبعا)
يبقي كمان بنت الناس اللي تعليمها "متوسط" يبقي كمان مظلومة في الحياة لان فيه ناس بتفكر زيك كدا ولا انا غلطانه ؟!


ربنا يباركك ويفرح قلبك ويحقق كل احلامك اخي الغالي ياابن ديني وابن بلدي

 

[+إيرينى+]

كلامك يحترم جداا
وهو كله مشاكل مش بس مشكلة واحده
بطلب من ربنا انه يحلهالك قريبا
وواثقه في اراء اخواتي هنا في المنتدي فيها
ولكن وقفت جداا عند الجزء ده ..... وحبيت اسألك سؤال واحد


هل المُتعلمة تعليم اقل من المتوسط كما ذكرت مش هتعرف تلبي كل الطلبات او الامنيات دي ؟؟؟!
هل هيكون صعب عليها لان ربنا مش اراد انها تكمل تعليمها ؟!!

يعني زي مانت حاسس انك مظلوم في الحياه لانك "عابر"
وان الناس بتعملك علي انك مسيحي "صيني" (وده مش من حقهم طبعا)
يبقي كمان بنت الناس اللي تعليمها "متوسط" يبقي كمان مظلومة في الحياة لان فيه ناس بتفكر زيك كدا ولا انا غلطانه ؟!


ربنا يباركك ويفرح قلبك ويحقق كل احلامك اخي الغالي ياابن ديني وابن بلدي

هو قصده إنها تكون مناسبة يا واثقة بالنسبة له​

 

[kawasaki]

عن تجربه شخصيه صحتك النفسيه هتبقي في الارض....​

تعرفي يا اختي
انا زمان كنت مثلا اجي اسال عن اخبار شخص ما
كنت اسمع مثلا انه تعبان وعنده حاله نفسيه
ايه الحاله النفسيه دي ...مكنتش عارف دا مرض دا ... ولا دا عباره عن ايه

انا بقي بلا فخر
عرفت يعني ايه حاله نفسيه

شكرا علي مشاركتك
واذكرينا انا واخواتي في صلاوتك
​

 

[kawasaki]

سلام ونعمه
قريت الموضوع كله والردود
الاستاذ صاحب الموضوع بيقول ان العابرين تقليد والمسيحى المولد اصلى
احب اقوله انا كنت اكتر منك وكنت بتضايق جدا من المسيحيين ويمكن ده كان من اسباب شك ناس كتير فيه
وفى ايمانى
لكن احب اقولك الان ان لا تعيش فى هذا العالم
العابرين اصبحوا اكثر من المسيحيين المولد فى مصر اما موضوع الزواج
فانا اختلف معاك فى شىء
روحت لابي الاعترافي
كلم واحده مسيحيه صيني برده زي حالاتي
قعدت معاها لقيتها تعليمها اقل من المتوسط
طبعا قعدت افكر لقيت الموضوع مش هاينفع


انا فى دوله عربيه وعايش مسيحى وبدرس لاهوت وسانتقل لدوله اخرى اكمل دراستى بعد 3 شهور
ويوجد عابرين كتير لهم ايمان بالرب انه معهم
صدقنى اخى من سنتين فقط كانت عندى مشاكل العالم
والرب دايما بيعزينى
انا لا انتقدك لكن اقولك نصيحه خلى الاب الكاهن يعرفك على عابرين مثلك وطالما بتروح كنيسه وليك اب اعتراف
مهو زيك زى المسيحيين المولد على فكرة الكنيسه بتفرح كل يوم بالعابرين
هل تعلم ان كليات اللاهوت فيها ما لا يقل عن 50 الف عابر يدرسون الكتاب المقدس بطريقه روحيه وعلميه
ساكمل فى وقت لاحق

انتظر اكمال ردك لايضاح بعض النقاط​

 

[واثقه فيك يارب]

هو قصده إنها تكون مناسبة يا واثقة بالنسبة له​

طيب واللي تعليمها متوسط متبقاش مناسبه في كل الحاجات اللي زكرها ياايرو ؟

ماهو لو قال علشان تبقي مناسبه ليا
طبعا من حقه ومحدش يقدر يتكلم
انما هو قال كذا حاجه تحت بعض
اعتقد لو واحد امُية مش هتصعب عليها

 

[kawasaki]

بصراحة انا مش عارف افرحلك لمعرفتك طريق الخلاص ورب المجد ... ولا ازعل علشان مش لاقى حد يسعدك ...
بس فى الاخر هقولك اللى انت عوزة هيكون لو ربنا شايف ان فيه الصالح ليك ولحياتك ... حياتك مهمة جدا عن رب المجد اكيد هيكون جمبك ...

اولا : مفيش حاجة اسمها مسيحى اصلى ومسيحى تقليد او صينى زى ما حضرتك بتقول
يمكن يكون إيمان الصينى وعلاقته بالله احسن من إيمان المسيحى ...
لان الاصلى اتولد مسيحى فاخد الإيمان من الوالدين بدون بحث عن الله طريق الخلاص.. لكن انت واخد الإيمان عن معرفة وثقة واختبار حقيقى مع الله ...


ثانيا : هوضح حاجة بسيطة بتحصل لما العابرين يروحوا الكنائس للمساعدة او علشان يستنجدوا بيهم وبالاخص فى مصر ....
الاباء الكهنة بتقلق ان يكون ده مش عابر اصلا ويكون محولة لدخول الكنيسة فى مشاكل وتتحول الى مسلمين ومسحيين وينتج عنها قتل كتير من المسحيين وحرق منازل وكنائس ... فا الكنيسة مش بتقبل حد بسهولة كده لازم يكون عندك إيمان حقيقى تفضل متمسك بيه وتروح مرة واثنين وثلاثة لحد ما ...

وكويس انك بتقول ان ليك اب اعتراف يعنى انت وصلت لمستوى كويس داخل الكنيسة

نطلب منك انك تتواصل مع الكنيسة عن طريق الاجتماعات الشبابية او حضور الصلاوات باستمرار ... التواجد فى الكنيسة هو اللى هيديك الفرصة للتعرف على الشباب بشكل اكبر سواء اولاد او بنات وفى الاثنين هتتعرف على عدد كبير ومن هنا هتقدر تدرس الشخصيات اللى حوليك وتقدر تعرف مين اللى ممكن تكمل معاك حياتك ...

وياسلام لو يكون ليك دور فى خدمة داخل الكنيسة انت اللى تحدده او اب اعترافك يرشد ليه ويسعدك كمان ...

وسيبك من موضوع اتجوز مسلمة وهى لو بتحبك هتتغير علشانك ... لانها لو اتغيرت علشانك بكرة تتغير تانى علشان واحد تانى او تتغير تانى علشان خاطر اهلها .. لانه من تغير داخلى او روحى ده تغير عاطفى فقط يتغير باستمرار

واحب اعرفك ان فى زيك كتيرررررررررررررررررررررررررررررر يعنى انت مش لوحدك بس كلهم زيك برضة مختفيين عن الانظار للحد من المشاكل او عوزين يعيشوا مع الله عيشة حقيقية

المنتدى هنا فى كتير فى نفس حالك وكتير قدر يوصل حاول تتواصل معاهم ومع الاعضاء اكيد هيكون فى ارشاد روحى ومعرفى حقيقية للخلاص

ولو وصلت لحاجة وتحب تقولها احنا هنكون موجدين لسماعك وهنكون سعداء جدا

ربنا معاك ويبارك حياتك ويرشدك للصالح

يعلم ربنا كلامك مش دخل عقلي
كلامك دخل قلبي
اعتقد انا حضرتك فاهم النار اللي احنا عيشين فيها
رجاء خاص من اخ ليك
ارجوك تابع الموضع الي الاخر​

 

[amgd beshara]

ومينفعش اروح اتعرف علي واحده في الاجتماع معانا والعب بمشاعرها وعواطفها
ونجي نخش في الجد اقولها (انا فستك ..مش اصلي )
قلبي ميطاوعنيش اني اعمل كده

لا انا مقصدتش كده خالص انا قلتلك خليه بالتدريج يعني مش وش من اول مرة ولا برده بعد ما تحبها و تتعرف عليها و هي تتعلق بيك .. لا طبعاً بس مش من اول مرة

و صدقني بيقبلوا مش زي ما انت متخيل خالص .. عن تجربه

بالنسبة للسفر برة مصر لو مش متاح خلاص انما لو متاح متضيعش الفرصة .. و ممكن ترجع للموضوع ده تقراه و انا مقتنع بيه جداً
http://holy-bible-1.com/articles/display/12089#.UX6DP5jvqNA

ربنا معاك حبيبي و يعزيك و يعطيك بحسب مسرته و امانته

 

[kawasaki]

اخى الغالى
kawasaki

اول حاجه يا غالى تروح تعملها -- تغير الصوره الرمزيه دى هههههههههههه


يعنى داخل على العروسه و انت حاتت الصوره دى -- بزمتك بزمتك بئا مش البنيه هتتفش هههههههههههههههههههههههههههههههههههههههههههههه
ده هزار كدا اخى الغالى

اخى احب اقول لك مفيش حاجه اسمها صينى و اصلى--- و عايزا اقول لك لو هنتكلم على الاصلى هيبقى انت الإنسان العابر الى عرف الرب فعلا و إتهان و تعب و شاف المر علشان يتمسك برب المجد-- علشان كدا هو الى إمانه اصلى --
و المسيحى الميلاد كثير منهم -- كثير منهم اوى بيبقى إمانهم صينى----

اوعا تشك إن الرب هيسيبك--
زى ما بدئت من الصفر من جديد و ربنا فتحها عليك و وقفت على رجلك تانى و جبت الشقه اكيد اكيد هيبعت لك العروسه
عايزا اوضح لك شىء كمان-- مشكله الزواج دى اصلا موجوده عند الشباب المسيحى العادى او اى شاب من اى ديانه-- تسمع إن مفيش حد لاقى الى يناسبه--

فكره إنك تتزوج عابره دى انا شايفاها اجمل فكره-- لإنك بتنتشل فتاه مثلك عبرت لنور الرب و نفسها تروح كنيس و تولع ترانيم و تصلى و تظور اماكن مقدسه مثلك-- و هتبقى فرحت عمرها طبعا---

هى مشكله فعليه-- لى اختى الغاليا العابره السعوديه هى و اختها-- نفس المعاناه-- و دول بئا مقفولين فى البيت--
بنات فى ريعان شبابهم جماال و نقاء و إيمان و يرفدون يرفدون اى زيجه علشان عايزين يكونوا مع شخص مؤمن-- بس المشكله إن فرصتهم تكاد تكون مستحيله
لا كنيسه لديهم و اب إعتراف و لا اى حد لهم----
منهم لربنا بس--
ربنا يكون مع الكل-
و انت يا استاذى بردوا زى ما شوفت فتاه عابره و لم يحدث قبول شوف فتاه تانيا--
الرب هيبعت لك اكيد كله فى وقته-- فى كتير عندهم الفتاه و معهمش الفلوس و لا عندهم البيت علشان يتزوجوا-- اعرف إن محدش احسن من حد و كل واحد عنده مشكله بتاعته--
و اعرف إنك اصلى و غالى ههههههههههههه و انا الى فشنتك هههههههه و صينى و مغشوش ههههههه

و نصيحا منى--- شوف زوجه تكون مؤمنه-- شوف زوجه تحس إنها مملوئه من محبه الرب--- شوف الزوجه الى تكون طيبه--- ساعتها هيتحقق كل الباقى هتحبها و هى هتحبك
و كمان العابره هتبقى عانت الى انت عانتيته و مرت بالضغوت النفسيه الى انت مريت بيها -- يعنى لما هتتكلم هى هتبقى فهماك و حساك و تقدر تحتويك و انت تحتويها--
--
ربنا معاك و طمنى عليك--

اشكرك سيدتي علي روحك الجميله
ماهو انا مش عارف اشوف المؤمنه دي فين
انا متفق مع كلامك تماما
بس الاقيها فين
عارفه المثل بتاع ((بتدور علي ابره في كوم قش))
يعلم ربنا
هاحرق القش وادور علي الابره
صلي من اجلنا من فضلك​

 

[Marina coptic]

مشاركه ملهاش علاقه بالموضوع معلش

جميل اوى المزمور اللى فى توقيعك اخونا يوحنا
ربنا يباركك

إِنَّمَا خَيْرٌ وَرَحْمَةٌ يَتْبَعَانِنِي كُلَّ أَيَّامِ حَيَاتِي
مز 23 : 6

 

[kawasaki]

[FONT=&quot]بص ياباشا ...مبدئيا كدة أكبر خطأ بيقع فيه أى شاب​

​

[FONT=&quot]انه يروح لأى حد ويقوله ( دور لى على عروسة )​

​

[FONT=&quot]معندكش عروسة [/FONT][FONT=&quot]ليا والنبى ؟ - بلاش والنبى دى [/FONT]​

[FONT=&quot]وكأنك بتدور على عربية نص عُمر أستعمال خفيف أو أستعمال طبيب [/FONT]​

[FONT=&quot]هتقابل اللى عليها " العين " فى يوم من الأيام ومن غير ماتتعب[/FONT]​

[FONT=&quot]ومن غير أى ترتيب [/FONT]​

[FONT=&quot]أنا رأيى أن " الولّية " دى كانت فرصة ضيعتها من أيديك[/FONT]​

[FONT=&quot]خيبكَ الله [/FONT][FONT=&quot]...[/FONT]​

[FONT=&quot]قولى لى لية ؟ - قلتى لى لييييية ...اقولك[/FONT]​

[FONT=&quot]لو كانت مبدئياً مقبولة من ناحية الشكل والهندام والثقافة والذى منه[/FONT]​

[FONT=&quot]( الذى منه على الخاص بقى ) [/FONT]​

[FONT=&quot]كنت تقعد معاها وتتعرف عليها - مش عيب ولا هو حرام – [/FONT]​

[FONT=&quot]لأن أنتم الأتنين متجهين لهدف واحد شرعى مائة بالمائة [/FONT]​

[FONT=&quot]وهو التعرف بغرض الزواج [/FONT]​

[FONT=&quot]هذه المرأة كانت واضحة وصريحة والنوع دة من النساء مُريييييح[/FONT]​

[FONT=&quot]طبعا انت مارتحتش لأسلوبها وقلت فى عقل بالك دى مُنفلتة وقليلة الأدب[/FONT]​

[FONT=&quot]و دة اللى خلاك تعرق وتتحر وتبعد وترفض [/FONT]​

[FONT=&quot]بالعكس بعد ما تتعرف عليها كويس أوى وتتأكد انها تصلح لك وأنت كمان تصلح لها [/FONT]​

[FONT=&quot]تديها المعلومة على دفعات...أنا ماليش فى الدين وبافكر فى المسيحية [/FONT]​

[FONT=&quot]لو ماهمهاش الأمر ...كمل ودوس واعترف لها[/FONT]​

[FONT=&quot]بس بالراحة من غير غشومية [/FONT]​

[FONT=&quot]وطبعا انت ماغيرتش بطاقتك ...يبقى هتتجوز أسلامى يعنى هتتجوز أسلامى لا مفر[/FONT]​

[FONT=&quot]الحل التانى [/FONT][FONT=&quot]زى ما الأخوة قالوا لو عندك فرصة سفر أتوكل [/FONT]​

[/FONT][/FONT]

اها عبود بك بنفسه منور التوبك
كلامك جميل يا كولونيل عبود
بس البنت اللي حكيت لكم عليها دي
كانت لبسه اسدال
اســـــــــــــــــــــــــــــــــــــــدال
فاهمني ياحكمدار​

 

[kawasaki]

سلام ونعمة

بصراحة انت حسستنى ان مشاكل الحياة وكل اللى بنعانية من مصاعب وضيقات ولا حاجه .. ربنا يعيينك ويديلك ايمان قوى يشددك ويقويك ..
لكن انا عاوزة اقول لحضرتك حاجه انت منتظر مين يساعدك ؟؟؟ وخصوصا اذا كنا كلنا كمسحيين مضطهدين فى بلادنا
حضرتك مسيحى ولعلمك انت غلاوتك ومكانتك فى السما هتفوق مكانتنا احنا المولودين مسحيين لانك انت سعيت وعنيت علشان تكون مسيحى يعنى حضرتك كده المفروض يكون على راسك تاج واحنا من العامة
لاننا مجتهدناش فى اننا نكون مسحيين بنجتهد يمكن فى اننا نبقى بنفس النقاء وكما يليق بولاد المسيح فى ظل هذا المجتمع وكل تلك الشرور التى تحيط بنا لكن انت تقريبا هدمت كل حياتك السابقة علشان تبنى حياة جديدة مع يسوع المسيح ربى ومخلصى ..

انا حبيت فقط الفت نظر حضرتك ان المسحيين اللى هما عامة الشعب صدقنى لو كان بايديهم شىء يستطيعوا
ان يفعلوه من اجلك كانوا بالفعل ساعدوك لكن احنا كمسحيين فى وطن مبيمنحش ولاده كل الحقوق اللى المفروض ينالونها فى وطنهم فيمكن اللى بيدخل يقرا ومبيتكلمش دا لانه مش فى ايده حاجه يقدمها وصدقنى احنا كلنا بنصليلك انت وغيرك ان ربنا يعيينكم .. وانا عن نفسى مكنتش متوقعة ان فى مصر فى عابرين كتير
ولو حصلت حاله ولا اثنين بعتقد انهم بيفضلوا يسافروا بره مصر يعيشوا حياتهم ..

ودى النصيحة اللى عاوزه اقولها لحضرتك .. بلادنا مخنوقة و روتينيات من ناحية تسجيل الاولاد والديانة يعنى قوانين عقيمة وعقليات متحجرة ومتشددة هتلاقى اضطهاد وهتلاقى نظرات صعوبات فى ارتباطك وفى وجودك فى المجتمع عموما سواء كنت زوج او اب او حتى عازب وانت اكيد عانيت وبتعانى من ده .. ليه حضرتك مفكرتش بمساعدة ناس مختصة بالعابرين من الكنيسة سواء كان اب اعترافك او اى اب كاهن مسئول وله معارف يسفروك خارج مصر اى بلد اوربية يكون فيها انفتاح اكثر واكيد اى بلد من البلاد الاروبية عدد العابرين فيها بيكون اكتر بكتير من مصر هتتعرف على الناس اللى بتعيش نفس ظروفك وحتى لو معرفتش بنت عابرة مثلك هتلاقى شخصيات منفتحة وعقليات متفتحة بعتقد مش هيكون فى اى صعوبة انك تلاقى الزوجة المناسبة ليك وفيما بعد ولادك هيكونوا مسحيين ويتعلموا ويعيشوا بشكل طبيعى .
ربنا معاك ويدبر امورك ويعيينك ويحميك من كل شر .. شفاعة ماما العدرا وكل القديسين تكون معك

نورتي التوبك ياست الكل
انا مش عايز اسافر
ومعلومه لحضرتك مفيش مكان خاص للعابرين
الحاجه الوحيده للعابر
يالا اغطس في الجرن ....مع السلامه روح

رجاء
صلي من اجل العابرين
واطلبي من الله ان يقبلنا في ملكوته​

 

[kawasaki]

أهلا حبيبى ......
كويس انك طلعت كل اللى جواك ..... ولى بضع ملاحظات
1- لا تظن ابدا أنه يوجد مسيجى واحد يظن أن العابر مسيحى درجة تانية .... بالعكس ... العابر مسيحى درجة أولى والمسيحى المولد يبدأ من الدرجة الثانية.... وينتهى بالدرجة صفر .... أى مسيحى بالبطاقة فقط .... وللأسف دول أغلبية ليس فى مصر فقط بل فى العالم أجمع .....
2- لا توجد مسيحية بدون صليب ..... ومن يبحث عن مسيحية بدون صليب فعليه أن يراجع مسيحيته
3- الصلاة المسيحية التى اعطاها لنا الرب يسوع تلزمنا أن نسلم حياتنا بالكامل للرب ..... فنقول له فى صلاتنا: لتكن مشيئتك ..... فإن كنا لا نعنى صلاتنا تلك .... فعلينا أن نراجع انفسنا ....
4- من المؤكد أن هناك نقاط ضعف فى حياتنا ..... ومن المؤكد ايضا أن الرب يعلم ذلك .... لذا علينا أن نطلب المعونة بكل لجاجة ..... وتأكد أن الأستجابة ستكون مبهرة ....
5- التحول من كونك مخدوم إلى خادم أمر مطلوب منك .... فهناك كثيرين بحاجة لك لتنقذهم من الهلاك الابدى ...... فلا تنسى ذلك

يعلم ربنا مش عارف ارد اقول ايه
الكلام عمال يتلغبط في دماغي
You know, my father I robbed me what I own. and carried my Cross and followed the Lord Jesus Christ

 

[kawasaki]

اابنى العزيز/
العابرون لهم مشاكل كثيرة ومنها عدم الثقة
فى العابر
عايز تتزوج تزوج عابرة هذا افض لحل لكما
امام الناس انتم مسلمين وامام الرب انتم مسيحيون
وياريت تعيش فى مدينة غير مدينتك لا يعرفك فيها احد
ربنا معاك

هذا شرف لي لا استحق ان انوله
كون حضرتك نعتني بأبني العزيز
شرفت بمرور سعادتك
صلي من اجلنا​

 

[kawasaki]

سلام و نعمه للجميع

اولا احب اشكر اختنا الغاليه candy shop على ارسالها لينك الموضوع و دعوتى للمشاركه
اكتر حاجه عاوزة اعلق عليها موضوع الاصلى و الصينى ده
بص باه يا اخى ,,, انا عرفت مسيحيين(بالوراثه) كتير بحكم وجودى فى منتدى مسيحى اخر لاكتر من عامين
منهم اللى بالفعل مقدر قيمه الثروه اللى ورثها و مع ذلك كلامه و تعليقاته عاديه و مرحه و مش بيحاول يظهر بمظهر مقدس زائف ... الناس دى قلبها و عقلها كبير اوى و بتقدر تحس و تفهم اللى قدامها و بتساعده روحيا جدا عشان كده دول فعلا مسيحيين
و فيه ناس باه تقرا كلامهم تحس انك مش قادر تقول اسمهم حاف كده من غير كلمه قديس او قديسه فلانه ... الناس دى منهم بالفعل ناس كويسه لكن منهم ناس لما تقرب منهم تبقى عاوز تقول منكم لله دانتوا فعلا عار ,,, تلاقيهم دايما يشككوا فى ايمانك و يتكلموا من ورا ضهرك ... انا نفسى كان بيوصلنى عن شخص انه بيشكك فى ايمانى من ورايا و انا بطنش و لا بعطى اهميه لكلامه... اللى عاوزة اقوله ان ضعاف النفوس موجودين فى كل مله و دين بس فى المجمل ايه اهميه البشر؟؟؟
هو انت امنت بالمسيح ؟؟ و لا بالمسيحيين ؟؟؟
الكلام و التشكيك بيوجع انا معاك بس اللى انت امنت بيه و روحت له مش نايم ده حى شايف كل حاجه و بيمسح دموعك فالمفروض انت تقدره و تحبه اكتر من كده و تقول له يا رب اللى يشكك يشكك و اللى يقول عليا صينى براحته طالما انت عارف اللى فى قلبى و انا جايلك انت و مش شو باخد بيه تقدير البشر
اما عن المعاناه فربنا موجود و بيتدخل فى الوقت المناسب حسب مشيئته
يعلم الله انا بعمل شغل اراجوزات عشان اقدر اسافر ادخل كنيسه مثلا و بسمع كلام فى جنابى فى البيت كتير اووى ما هم برضه شاكين فيا و بخاطر مخاطره كبيره ممكن اخسر فيها اولادى بس برجع و اقول لنفسى اللى بدأ معايا الطريق مش هيسيبنى
اشكر ربنا انك اتعمدت و بتحضر صلاه و قداسات و بتتناول و تعترف ... غيرك اللى هو انا حب يروح كنيسه بس يصلى حتى لوحده فى يوم العيد و لقيت بوليس كتير على الباب فخفت يوقفونى و يفضلوا يسالونى داخله ليه و كده و ده طبعا يلفت النظر و ممكن حد يشوفنى فاضطريت امر من امام الكنيسه و انا بعيط و مش قادره حتى ابص ناحيتها و لا لما ربنا يقدرنى و احضر قداس باعجوبه و ييجى وقت التناول و انا واقفه مش قادره اتناول زى الناس و لا لما تتفق على المعموديه و تعمل المستحيل عشان ترتب امورك فى البيت و فى اخر لحظه يتصل بيك الاب الكاهن يعتذر كأنك قنبله موقوته هتنفجر فى الكنيسه,,,, بقولك الكلام ده لسبب واحد هو انك تحس انك فى نعمه اكتر من غيرك و تشكر ربنا عليها
اقولك ,,, اعمل زيى كل لما الدنيا تضيق حواليا اسمع الترنيمه دى

[YOUTUBE]4lSC3uiUdfc[/YOUTUBE]​

تصدق انت قلبك ابيض
شوف على حظك لقيت اخ ليا باعتلى الصوره دى

انا اسفه انى طولت اووووى كده بس انا حاسه بالم اخونا
ربنا معاك

اشكرك علي تعزيتك لي
ومش عارف اعزيكي ولا اقولك ايه
ربنا معاكي ويقويكي​

 

[kawasaki]

تصدقيني لو قلتلك
ان البابا شنوده الله ينيح روحه
لما تنيح حسيت ان في عمود من اعمده الحياه راح مني ؟؟؟​

 

[حبو اعدائكم]

متعولش الهم و متخفش ربنا موجود---
بحب الترنيمه دى اوى-- ما نرنمها مع بعض كلنا

 

[صوت صارخ]

يعلم ربنا مش عارف ارد اقول ايه
الكلام عمال يتلغبط في دماغي
You know, my father I robbed me what I own. and carried my Cross and followed the Lord Jesus Christ

حسنا .....
فالسيد قال ذلك .....
أحمل صليبك يا بنى واتبعه ....
ولو حتى الجلجثة .....
وانزف هناك كل دمائك .....
حتى يرى العالم فيك مسيحاً قائماً من الموت .....
لتكون ....
مثله ....
فالمسيحة شجرة ترويها فقط من صلبوا أنفسهم متشبهين بمثاله .......
وليس بقدرتك ستفعل ذلك ....
بل بعمله هو ....
فيك .....

 

[kawasaki]

كلامك يحترم جداا
وهو كله مشاكل مش بس مشكلة واحده
بطلب من ربنا انه يحلهالك قريبا
وواثقه في اراء اخواتي هنا في المنتدي فيها
ولكن وقفت جداا عند الجزء ده ..... وحبيت اسألك سؤال واحد


هل المُتعلمة تعليم اقل من المتوسط كما ذكرت مش هتعرف تلبي كل الطلبات او الامنيات دي ؟؟؟!
هل هيكون صعب عليها لان ربنا مش اراد انها تكمل تعليمها ؟!!

يعني زي مانت حاسس انك مظلوم في الحياه لانك "عابر"
وان الناس بتعملك علي انك مسيحي "صيني" (وده مش من حقهم طبعا)
يبقي كمان بنت الناس اللي تعليمها "متوسط" يبقي كمان مظلومة في الحياة لان فيه ناس بتفكر زيك كدا ولا انا غلطانه ؟!


ربنا يباركك ويفرح قلبك ويحقق كل احلامك اخي الغالي ياابن ديني وابن بلدي

لا لا صدقيني مش قصدي كده خالص
دا لو حتي مش بتعرف تتكتب اسمها
مكانتها عندي اعلي بكتير
فقط انها مؤمنه
بس مش عارف افهمكوا ..........
محستهاش كده
مفهمتهاش
مرتحتش معاها​