طريقه عمل الفسيخ والسردين

[Dona Nabil]

هو الليمون عندك بالكيلو ههههه
الحاجة بتشترى الليمون عندنا بالعدد
الخمسة بجينة . العشرة على حسب بقى هههههه

كمان بالعدددددد!!
بفكر أعزل :shutup22:

 

[Dona Nabil]

سؤال بقى صغير
لو حد ضربت معاة وعملة باحتراف هيطلع زيى الصور دى برضة هههههههه

على ضمانتى يا حسبووو بيطلع حلو خالص
أهم حاجه تسيبه أما يتصفى خالص فى الاول وتمنع عنه الهوا كويس

 

[عبود عبده عبود]

طيب فين طريقة عمل الفسيخ يا جماعة
انا عارف مكان بأجيب منه البورى الكلابى
طريقته ازاى بقى ؟​

 

[grges monir]

على ضمانتى يا حسبووو بيطلع حلو خالص
أهم حاجه تسيبه أما يتصفى خالص فى الاول وتمنع عنه الهوا كويس

امنع عنة الهوا واسيبة يتخنق ويموت يعنى
عاوزانى اقتل يعنى ههههههه

 

[grges monir]

كمان بالعدددددد!!
بفكر أعزل :shutup22:

فكرة برضة
بس انا شايف بصراحة ان الكيلو ارخص من العدد ههههههه

 

[candy shop]

سؤال واتمنى مش تنفضى لى زى كل مرة أدخل فيها مطبخك
أنا كنت باخلله وباحط الشطة والملح فى الخياشيم
وباتبع نفس الطريقة ماعدا الخل
وبيطلع نفس النتيجة على فكرة
طب وهو فين السؤال ؟
السؤال ان العنوان بيقول فسيخ
وحطيتى بس السردين
فين الفسيخ ؟​

عبود انا برده اقدر انفضلك والنعمه ابدا

بس مش بردعلى المواضيع غير كل مده

الفسيخ اهو اى خدمه مقدرش ازعل زبون فى مطبخى

الزبون دايما على حق ههههههههههه مش كده برده


المكونات:

سمك بوري" الكيلو سمكتين"
نص كيس ملح خشن
معلقتين كبيره شطه
و كياس جديده نضيفه
و حته قماش نضيفه



الطريقه:


اول حاجه نجيب السمك البورى طازه ولازم يكون طازه ده اهم حاجه
و منغسلوش و منعملش فيه اي حاجه

و بعدين نجيب ورقة جرنان و نحط عليه السمك البوري بالشكل ده

لحد مايصفي كل الدم

لمده لا تقل عن 12 ساعه
يعني تعلقيه بليل و تعمليه الصبح

.

وبعدين تجيبى الشطة والملح

وبعدين تفتحى خياشيم السمكة كده على الأخر
شايفاها حمرا أزاى لأنها طازه لو لون غير يبقي بايته

و بعدين نحشي خياشمها دي بالملح و الشطه
تجيبي الملح و الشطه و تخلطيهم مع بعض
و بعدين تحشي لحد ما تحسي انها هاتفرقع و تضغطي كده بصوابعك علي الخياشيم المحشيه دي
هتلاقي الملح بيخش لجوه كده و بيتكبس


كده زي الصوره

و تعملي كده في كميه السمك اللي عندك
و بقي شويه من الملح و الشطه دول
هقولك هانعمل بيهم ايه
حلو
تجيبي بقي كيس نايلون و تحطي فيه شويه ملح و شطه كده
بس ماتحطيش اكتر من سمكتين في الكيس الواحد
.

اهو الكيس فوق
تعالي بقي نحط السمك بعد ماحشيناه
واحده عكس التانيه

و نروح رشين عليه شويه كمان من الملح و الشطه
و نربط الكيس الاولاني كويس قوي
و نلفه في كيس نايلون تاني

و بعين تلفيه في كذا كيس
يعني حوال 5 كده
و بعدين اخر حاجه نلفه في مشمع
او كيس تخين علشان مايطلعش ريحه


كده

.

و بعدين بقي




نحطه في حته كده بعيد شويه




يعني في درفه مطبخ اللي تحت




او اللي عندها دولاب بلكونه




او اي حته مداريا




بصي بقي ركزي شويه معايا
احنا مش هانفتح الفسيخ خالص





اول 3 ايام.... مش هانيجي جانبه خالص




من بدايه اليوم الرابع لحد اليوم 15




كل يوم نقلبه مره
و هو ملفوف زي ماهو
يعني بنقلب اللفه كلها
الكيس كله





ازاي بقي




هو دلوقتي معدول نقوم محركينه كده كأنه نام علي الجنب الشمال




و بكره نخليه ينام علي بطنه




و بعده نخليه علي الجنب اليمين




و بعده نخليه تاني يتعدل




يعني بيلف




كل يوم حركه واحده بس




يعني اول ماتصحي الصبح حركيه و انسيه بقي لحد تاني يوم الصبح




الحركه دي مهمه قوي




لانها بتخليه يستوي




طيب هايطلع ريحه... اه هايطلع ريحه بس اول تلات ايام بس




و بعدين هايبقي فيه ريحه... اه بس خفيفه قوي




طيب خلصو ال15 يوم




تكوني بقي مجهزه القعده




بصل اخضر و عيش و ليمون و ياسلام بقي لو عودين نعناع علشان الشاي اللي بعده




و هاوريكو صورته حالا



استنوني


تعالي شمي بقي" قاصدي " شوفي الصور


ده شكله لما فتحته بعد 15 يوم
و شلت كيس ورا كيس ورا كيس
ياااااااه
كتير قوي
المهم... اهه شكله قبل ما اطلعه من اخر كيس

تم تصغير هذه الصورة. اضغط هنا لمشاهدة الحجم الكامل. أبعاد الصورة الاصلي هو 800*535.

اهو بقي يا ستي الفسيخ
و دي بقي لما طلعتو من الكيس
بس اهم حاجه خلي بالك افرشي جرنان واعملي احتياطاتك

تم تصغير هذه الصورة. اضغط هنا لمشاهدة الحجم الكامل. أبعاد الصورة الاصلي هو 800*535.

طبعا تجيبي سكينه و تشيلي كل القشر بتاعه
و بعدين تبلي ايدك ميه و تمسحي الفسيخه كده من برا ..
علشان تشيلي القشر اللي لازق عليها
و بعدين تقطعي راسها و ترميها
و بعدين تفتحيها كده و تشيلي بطنها

و بيبقي شكلها كده

تم تصغير هذه الصورة. اضغط هنا لمشاهدة الحجم الكامل. أبعاد الصورة الاصلي هو 800*535.

ها ايه رأيكو
روعه
و ريحته تجنن
شايفين اللون يا بنات
و ايه بقي كريمه
لحمه دايب جدا

و دي صوره كمان

تم تصغير هذه الصورة. اضغط هنا لمشاهدة الحجم الكامل. أبعاد الصورة الاصلي هو 800*535.

مستنيه رأيكو
​

 

[عبود عبده عبود]

مستينة رأينا ؟؟؟
ودى فيها رأى ؟
دة انا جبت رغيف وليمونة وغمست من الشاشة
تسلم ايدكى فى أنتظار المزيد ​

 

[حبو اعدائكم]

رنجا و فسييخ -- اوبببااا- انا كفايا عليا حد يجبهملى و انضفهم و اهيق القاعده هههههههههه--
بس شكرا جدا جدا
معلومات مفيييده

 

[bent el noor]

ياجماله ياجماله
هى دى الطريقه المظبوطه ميه فى اميه
ميرسي على الطريقه
كل سنه وانتم طيبين

 

[loly80]

ya salam 3la el sokar ely tal3 men ta3mo ya kamar

kool sana we enty tayba ya ahla kandy fee el donya

hately heta hena ana we gozy benmot feeh we seybek men el diet ely nefsy a3mlo we mish 3rfaaa

ahahahaaaaaaaaaa