ذكرياتى مع العرسان

عبود عبده عبود · 2 أكتوبر 2016

+إيرينى+ قال:
فين لقب العريس ؟؟ :dntknw:

كدة ح تخلينى ما كملش :2:

[FONT=&quot]الولة العريث دهون يصلح له أكتر من لقب وأنا محتار فيه

[FONT=&quot]مقترحاتى أهى وأنتى أختارى لك أسم
[/FONT]

[FONT=&quot]
[/FONT]

[FONT=&quot]عريس ( السكوت الدامس )
[/FONT]

[FONT=&quot]عريس (الكورنيش)[/FONT]

[FONT=&quot]عريس (صبة الخرسانة) [/FONT]

[FONT=&quot]( ودة أفشخ تعليق قريته وضحكت عليه يومين ورا بعض)
[/FONT]

:t11::t11::t11:

[/FONT]

!! Coptic Lion !! · 2 أكتوبر 2016

لا يمكن يا بنتى : كل الشباب كدة

أنقر للتوسيع...

انا بقي مش هقولك كل لاني هتهاجم جامد
مش كل الشباب ولا كل البنات وحشين
بس اغلب البنات كمان كده بس ميبانش عليهم

اتعلمت دلوقت للاسف اكشفهم وبقيت ماشي بتف علي نص اللي يقابلوني
منكرش اني خلاص بقيت معقد
واني فقدت الثقه في الناس
كنت هكتبها النساء
بس بردو مش عايز اتهاجم
الكلام ده طالع من تجارب لناس اغلبكم ممكن يحلف انهم قديسين

يلا اهم مبقوش معانا بس خدو حاجات كانت حلوه وصافيه جوايا
مبقاش فيا غير شك وشر وكره

حبو اعدائكم · 2 أكتوبر 2016

يعنى عريس 8 أتقلب بسرعه ... هو أنتئ كنت وقت العرسان دول طالبه فئ الكليه ؟ و لا كنتى اتخرجتى و بتشتغلى ؟

بايبل333 · 2 أكتوبر 2016

حبو اعدائكم قال:
يعنى عريس 8 أتقلب بسرعه ... هو أنتئ كنت وقت العرسان دول طالبه فئ الكليه ؟ و لا كنتى اتخرجتى و بتشتغلى ؟

دى كانت طالبة عريس

30:

+إيرينى+ · 3 أكتوبر 2016

عريس رقم 9

العريس دا جابتهولى خالتى برضوا

كان أكبر منى ب 6 سنين

خريج كلية تجارة

شاب شكله حلو _ جسمه لا رفيع و لا تخين

بيشتغل فى قطاع خاص _ مرتب معقول

جاء البيت أول مرة و معاه خالتى فقط ما جابش حد من عائلته

اخذ ينظر الى الصور المعلقة على كل حائط

(العدرا / مار جرجس / مار مينا / البابا كيرلس)

تحس إنه عصبى شوية (نرفوز) لأنه كان عمال يجز على أسنانه بطريقة ملفتة للنظر

القاعدة كانت كلام عام

بابا سأله : بتروح كنيسة ايه ؟

كنيسة سيدى بشر

احنا جه فى بالنا انها كنيسة مار مرقس الرسول و البابا بطرس الرسول فى سيدى بشر

مشى العريس و واضح عليه علامات الرضا

اقترح العريس اننا نيجى نتفرج على شقته : الاسبوع القادم

و قد كان

روحنا الشقة : فى الدور التامن من غير اسانسير

ماما تعبت جدا (عشان طخينة)

المهم

الشقة اوضتين و صالة محندأة (صغيرة)

و احنا عنده

بابا قال له : شقة جميلة بس ما فيش إمكانية إنك تجيب فى الادوار الأولى طالما ما فيش أسانسير ؟

رد : لا

أنا سألت عنك فى كنيسة مرقس و بطرس : ما حدش يعرفك _ مين أب إعترافك

لا أنا ما بأروحش الكنيسة ديه

أومال بتروح كنيسة إيه ؟؟

كنيسة كذا فى سيدى بشر (بروتستانت)

احنا عايزين الفرح يكون فى الكنيسة الارثوذكسية

لا لا لا _ كهنوت و كلام من دا لا

بس احنا ارثوذكس

فبدأ بإنه يعيب فى بعض من إيمانيات الارثوذكس مثل الاعتراف و الميرون و الشفاعة و قال فى وشنا : دا تخلف

وش كدة

لم ندخل معه فى مناقشة

غير اننا بدا على وجوهنا الضيق من الكلام

بابا قال له : حنرد عليك عن طريق فلانة (خالتى)

و طبعا كان الرد بالرفض

ليس لأنه بروتستانتى و نحن أرثوذكس لكن لأسلوبه الفظ فى تعبيره عن رفضه لما نؤمن به و لرفضه التام لاتمام الزواج بالكنيسة الارثوذكسية

WooDyy · 3 أكتوبر 2016

هما كام واحد بس علشان نبقي عارفين ؟!

عبود عبده عبود · 3 أكتوبر 2016

!! Coptic Lion !! قال:
يلا اهم مبقوش معانا بس خدو حاجات كانت حلوه وصافيه جوايا
مبقاش فيا غير شك وشر وكره

[FONT=&quot]أنت غلطااااان ... الحياة تجارب .. ولو كل تجربة هتاكل منك حتة

[FONT=&quot]مش هيتبقى من "عياد" حاجة

[FONT=&quot]حب نفسك الأول علشان تقدر تحب الناس أو تطلب حبهم .. [/FONT]

[FONT=&quot]وأعتز بذاتك – مهما حدث - ولا تفقد فيها الثقة [/FONT]

+إيرينى+ قال:
بابا قال له : شقة جميلة بس ما فيش إمكانية إنك تجيب فى الادوار الأولى طالما ما فيش أسانسير ؟

رد : لا

[FONT=&quot]عيل طِحشْ ...عبارة عن جاموسة بترد [/FONT]

[FONT=&quot]لسان حاله بيقوله : ( هى دى و إن كان عاجبك ) :smil8:[/FONT]

[FONT=&quot]
[/FONT]
[FONT=&quot]خشى على اللى بعده علشان أنا مستنيه[/FONT]

[FONT=&quot]بس ياواش يا واش علينا ... علشان دة محتاج قعدة قراية على رواقة
[/FONT]

:new6::new6::new6:

WooDyy قال:
هما كام واحد بس علشان نبقي عارفين ؟!

[FONT=&quot]هما ( حسب الذاكرة ) 30 عريس إن شاء الله
[/FONT]

:a4:

[/FONT][/FONT]

بايبل333 · 3 أكتوبر 2016

عريس رقم 9

العريس دا جابتهولى خالتى برضوا

كان أكبر منى ب 6 سنين

أنقر للتوسيع...

أنت عمرك 18 عام...؟

خريج كلية تجارة

أنقر للتوسيع...

زميل دفعة

شاب شكله حلو _ جسمه لا رفيع و لا تخين

أنقر للتوسيع...

وكمان ؟؟؟

بيشتغل فى قطاع خاص _ مرتب معقول

أنقر للتوسيع...

لا داة عريس لقطة

جاء البيت أول مرة و معاه خالتى فقط ما جابش حد من عائلته

اخذ ينظر الى الصور المعلقة على كل حائط

(العدرا / مار جرجس / مار مينا / البابا كيرلس)

تحس إنه عصبى شوية (نرفوز) لأنه كان عمال يجز على أسنانه بطريقة ملفتة للنظر

لا يا استاذة ايرينى كان جعان جداً جداً وحضراتكم لا قدمتوا لا ساقع ولا حتى سخن البخل معروف عنكم
داة انا شفت فار عندئكم مرة بيجرى وعمال يقول الحقونى الناس اللى جوة عايزين ياكلونى

ماما تعبت جدا (عشان طخينة)

أنقر للتوسيع...

مش مشكلته دى مشكلتكم

بابا قال له : شقة جميلة بس ما فيش إمكانية إنك تجيب فى الادوار الأولى طالما ما فيش أسانسير ؟

رد : لا

انسان صريح لا بتاع لف ولا دوران

كنيسة كذا فى سيدى بشر (بروتستانت)

احنا عايزين الفرح يكون فى الكنيسة الارثوذكسية

لا لا لا _ كهنوت و كلام من دا لا

بس احنا ارثوذكس

فبدأ بإنه يعيب فى بعض من إيمانيات الارثوذكس مثل الاعتراف و الميرون و الشفاعة و قال فى وشنا : دا تخلف

المحبة تحتمل كل شىء

ليس لأنه بروتستانتى و نحن أرثوذكس لكن لأسلوبه الفظ فى تعبيره عن رفضه لما نؤمن به و لرفضه التام لاتمام الزواج بالكنيسة الارثوذكسية

ليس لأنه بروتستانتى
و لرفضه التام لاتمام الزواج بالكنيسة الارثوذكسية

ليس لأنه بروتستانتى
و لرفضه التام لاتمام الزواج بالكنيسة الارثوذكسية
ليس لأنه بروتستانتى
و لرفضه التام لاتمام الزواج بالكنيسة الارثوذكسية

:big33::big33::big33:

grges monir · 3 أكتوبر 2016

موضوع ايرينى دليل ان العنوسة ف مصر موضوع فنكوش
لما نفر واحد جالة عشر عرسان يبقى يجى منين عدم الجواز بقى ؟؟؟؟؟؟؟؟
بس انا عندى اختين لسة مش اتجوزوا ههههه

+إيرينى+ · 4 أكتوبر 2016

عريس رقم 10

العريس دا جابتهولى إحدى زميلاتى فى العمل

و قالت لى أنا ما أعرفوش و مش ح آجى فى أول مقابلة

دا كان زميل الكلية لدكتور الاسنان بتاعى

مين د. الاسنان ؟

د. فلان الفلانى

لا انا ما اعرفوش _ طيب دكتور الاسنان دا يعرفه ؟؟

كان يعرفه لغاية التخرج و بعدين كل واحد راح لحاله

اتخرج من امتى ؟

من 15 سنة

يعنى اكبر منى ب 12 سنة

بس غنى على فكرة : مليونير و عايش فى امريكا و و

ممممممممممم طب انا ح اقابله ازاى ؟؟

اتفقى انتى و د. فلان

لا يا شيخة _ بتهزرى ؟؟

باقولك ما اعرفوش

المهم كان الحل الوحيد انه ياخد تليفون البيت و يتفق معانا احنا

ترن ترن

أنا د. فلان (العريس)

بابا : أهلا و سهلا

و اتفقوا إنه ييجى البيت فى أول زيارة

و قد كان

كانت مشيته أنوثية و كلامه أنوثى و حركة دراعاته أنوثية و جسمه انوثى ما كانش فاضل له غير ثديين و يبقى واحدة ست

طبعا ما عجبش بابا خااااااااااالص

العريس طلب إنه ينزل يتمشى معايا أنا لوحدنا

بابا رفض و قال له : من أول زيارة كدة ؟ مش لما يبقى فى خطوبة الأول ؟

فوجه العريس كلامه لى : انتشى (انتى) عاجبك الكلام الل بيقوله باباكشى دشا (باباكى دا)؟

قال الجملة ديه بأنوثة رهيبة مع حركة دراع تحس إن ملكة الاغراء بتتكلم

انت فاكر يعنى انى ح اعترض على كلام بابايا دا ؟

افرضى عايز اقولك سر ؟

سر !!

ما هو ما ينفعشى كدشة (كدة)

انتشوا (انتوا) رجعيين جدشا (جدا) على فكرة

احنا مش فى امريكا _ احنا فى مصر

انا مستعجل عل الجواز عشان راجع امريكا كمان شهر

يعنى ح تتجوزوا فى اد ايه ؟

اسبوعين

اه فى الحالة ديه جيب شقة بإسم ايرينى ب 250 ألف جنيه

كام ؟؟

زى ما قولت لك كدة و تتكتب بإسم إيرينى

إزاى يعنى ؟

دا شرطى

فوجه العريس كلامه لى تانى : انتشى عاجبك الكلام الل بيقوله باباكشى دشا (باباكى دا)؟

صدقنى أنا شايفة إن بابا متساهل معاك _ المفروض الشقة تبقى ب 500 ألف جنيه (الكلام دا كان سنة 2000_ يعنى قيمة الشقة ديه حاليا ب حوالى 10 مليون على الاقل)

العريس اتجنن

لا ما ينفعش كدشة دا تشعقيد (تعقيد)

دا الل عندنا

طب أنا ح أمشى

مع السلامة

و انتهت الزيارة

و بعد انتهاء الزيارة : بابا قال عليه كلمة عيب تتقال فى المنتدى :2:

بعديها العريس راح قال لدكتور الاسنان (الل تعرفه زميلتى) اننا ناس بنتأمر عل العرسان و عايزين كيت و كيت

اوم زميلتى نشرت انى واحدة باتأمر عل العرسان فى أرجاء الشركة :smil13:

:t11:

حبو اعدائكم · 4 أكتوبر 2016

اخث عليكى يا ارينى -- ازاى منزلتشيشى معاه و عرفتشى السر إيه الى كان عايز يقولوا هههههههههههههههههههههههههههههههههههههههههههههههه
و طلعتشى كمان متشئامره على العرسان هههههههههههههههههههههههههههههه

بايبل333 · 4 أكتوبر 2016

بايبل333 · 4 أكتوبر 2016

حبو اعدائكم قال:
اخث عليكى يا ارينى -- ازاى منزلتشيشى معاه و عرفتشى السر إيه الى كان عايز يقولوا هههههههههههههههههههههههههههههههههههههههههههههههه
و طلعتشى كمان متشئامره على العرسان هههههههههههههههههههههههههههههه

هو كان شكله عايز يقولها هو الراجل بيكون ازاى...؟:smil16:

بايبل333 · 4 أكتوبر 2016

عبود عبده عبود · 5 أكتوبر 2016

+إيرينى+ قال:
العريس طلب إنه ينزل يتمشى معايا أنا لوحدنا

افرضى عايز اقولك سر ؟

[FONT=&quot]ما السر أنكشف وبان ... بس دة كان عايز يتمشى

[FONT=&quot]مش كنتى أخدتى فسحتيه يا إيرينى ؟[/FONT]

[FONT=&quot]يمكن كان عايز يعمل بيبيي !!
[/FONT]

[FONT=&quot]
[/FONT]

[FONT=&quot]:new6::new6::new6:[/FONT]

[/FONT]

+إيرينى+ · 5 أكتوبر 2016

عريس رقم 11

العريس دا جه عن طريق ذات نفس الدكتورة الل جابت لى العريس (7) الل اتخطبت له

هى الدكتورة ما تعرفش العريس

لكن تعرف أمه من الكنيسة فى اجتماع السيدات

تعرفها بس يعنى عمرها ما دخلت بيتها

أم العريس (أرملة) عندها ولد وحيد (العريس)

عندهم محل (لا اتذكر كان ايه حكايته _ تقريبا كان بويات أو أدوات نظافة _ مش فاكرة حقيقى)

العريس وفق كلامها (خريج كلية التجارة)

صغير السن (أكبر منى فى حدود 5 أو 6 سنين)

أم العريس لما عرفت من الدكتورة صاحبة ماما : ان ماما عندها بنتين

قالت : أنا عايزة إبنى ينقى بينهم (بينى أنا و أختى) :11azy:
و ماما وافقت ييجى البيت و ينقى :heat:

أختى هاجت و ماجت و قلبت الدنيا :01964E~163:

أنا و لا أى تأثير (كالمعتاد) :big4:

جه العريس و معاه مامته

شوفته أنا و أختى من باب أوضتنا

العريس طويل و عريض : جسيم أبيض اللون

و قابلناه احنا الاتنين

الأم عمالة تتكلم تتكلم و العريس و لا نفس

أختى ما بتسكتش : هو العريس ساكت ما بيتكلمش ليه ؟؟

العريس ساااااااااااااااااااااااااااااااااااكت خااااااااااااااااالص

العريس شكله مش طبيعى (عبيط)

لما اختى اتكلمت شجعتنى اتكلم فسألت : هو العريس طبيعى ؟

أم العريس بدأت فى البكاء :36_1_4:

فأوضحت انه فعلا مش طبيعى (عبيط)

و إن الل ح تتجوزه ح تكتب بإسمها كل ما تملك (المحل و الشقة (فى منطقة اسبورتنج) و كل ما تملكه فى البنك من أموال (يتعدى المليون جنيه) ) كل ما تريده ان تطمئن على ابنها قبل موتها و ألا تتركه وحيدا

سكتنا كلنا و ما كناش عارفين نقول لها ايه

طبعا العريس اترفض

بس انا الل جننى : أخد كلية تجارة ازاى ؟ :36_19_1:

عبود عبده عبود · 5 أكتوبر 2016

:t11::t11::t11::t11:

[FONT=&quot]أنا قريت قصة العريس دى على تلات مرات

[FONT=&quot]كل مرة أقفل من كتر الضحك .. والناس اللى أتفرجت عليا [/FONT]

[FONT=&quot]مرة قفلت لما وصلت لدى [/FONT]

:download::download:

+إيرينى+ قال:
قالت : أنا عايزة إبنى ينقى بينهم (بينى أنا و أختى) :11azy:
و ماما وافقت ييجى البيت و ينقى :heat:

[FONT=&quot]وبعدين رجعت قفلت لما وصلت لدى [/FONT]

:download::download:
:t11::t11::t11:

أختى ما بتسكتش : هو العريس ساكت ما بيتكلمش ليه ؟؟

العريس ساااااااااااااااااااااااااااااااااااكت خااااااااااااااااالص

العريس شكله مش طبيعى (عبيط)

لما اختى اتكلمت شجعتنى اتكلم فسألت : هو العريس طبيعى ؟

أنقر للتوسيع...

[FONT=&quot]هو أنا عايز أسألك : أختك اللى مابتعرفش تسكت [/FONT]

[FONT=&quot]وأنتى اللى كيوتاية ؟[/FONT]

[FONT=&quot]دة أنتى طستيها فى وش أمه دايركتيللى [/FONT]

[FONT=&quot]( هو العريس عبيط ؟ )[/FONT]

:t11::t11::t11::t11:
[FONT=&quot]
[/FONT]

[/FONT]

عبود عبده عبود · 5 أكتوبر 2016

+إيرينى+ قال:
قالت : أنا عايزة إبنى ينقى بينهم (بينى أنا و أختى) :11azy:
و ماما وافقت ييجى البيت و ينقى :heat:

تاخد المشمشى ..
وألا الأبيض فى أسود ؟؟

:t11::t11::t11::t11:

grges monir · 5 أكتوبر 2016

رفضتى مليون جنية
شكلة العريس مش عبيط لوحدة :t11::t11::t11:

حبو اعدائكم · 6 أكتوبر 2016

مش قادره أصدق أن مأما وافقت يجئ ينقى .. و جرائت الأم بتاعت العريس مش تقول قبل ماتيجئ تدخل بيوت الناس ....

ذكرياتى مع العرسان

مفصول لمخالفة قوانين المنتدى

&#9733; &#8499;&#1103;.&#945;y&#945;d &#9733;

حبو...

حن يارحمــــــن

واحدة معاكم

عضو نشيط

مفصول لمخالفة قوانين المنتدى

حن يارحمــــــن

عضو مبارك

واحدة معاكم

حبو...

حن يارحمــــــن

حن يارحمــــــن

حن يارحمــــــن

مفصول لمخالفة قوانين المنتدى

واحدة معاكم

مفصول لمخالفة قوانين المنتدى

مفصول لمخالفة قوانين المنتدى

عضو مبارك

حبو...

★ ℳя.αyαd ★