Psalms - Chapter 49 | Latin Vulgate (Vulgate)

  • 1. {cf2 (48:1)} in finem filiis Core psalmus {cf2 (48:2)} audite haec omnes gentes auribus percipite omnes qui habitatis orbem
  • 2. {cf2 (48:3)} quique terriginae et filii hominum in unum dives et pauper
  • 3. {cf2 (48:4)} os meum loquetur sapientiam et meditatio cordis mei prudentiam
  • 4. {cf2 (48:5)} inclinabo in parabolam aurem meam aperiam in psalterio propositionem meam
  • 5. {cf2 (48:6)} cur timebo in die malo iniquitas calcanei mei circumdabit me
  • 6. {cf2 (48:7)} qui confidunt in virtute sua et in multitudine divitiarum suarum gloriantur
  • 7. {cf2 (48:8)} frater non redimit redimet homo non dabit Deo placationem suam
  • 8. {cf2 (48:9)} et pretium redemptionis animae suae et laboravit in aeternum
  • 9. {cf2 (48:10)} et vivet adhuc; in finem
  • 10. {cf2 (48:11)} non videbit interitum cum viderit sapientes morientes simul insipiens et stultus peribunt et relinquent alienis divitias suas
  • 11. {cf2 (48:12)} et; sepulchra eorum domus illorum in aeternum tabernacula eorum in progeniem et progeniem vocaverunt nomina sua in terris suis
  • 12. {cf2 (48:13)} et homo cum in honore esset non intellexit conparatus est iumentis insipientibus et similis factus est illis
  • 13. {cf2 (48:14)} haec via illorum scandalum ipsis et postea in ore suo conplacebunt diapsalma
  • 14. {cf2 (48:15)} sicut oves in inferno positi sunt mors depascet eos et dominabuntur eorum iusti in matutino et auxilium eorum veterescet in inferno a gloria eorum
  • 15. {cf2 (48:16)} verumtamen Deus redimet animam meam de manu inferi cum acceperit me diapsalma
  • 16. {cf2 (48:17)} ne timueris cum dives factus fuerit homo et cum multiplicata fuerit gloria domus eius
  • 17. {cf2 (48:18)} quoniam cum interierit non sumet omnia neque descendet cum eo pone; gloria eius
  • 18. {cf2 (48:19)} quia anima eius in vita ipsius benedicetur confitebitur tibi cum benefeceris ei
  • 19. {cf2 (48:20)} introibit usque in progenies patrum suorum usque in aeternum non videbit lumen
  • 20. {cf2 (48:21)} homo in honore cum esset non intellexit conparatus est iumentis insipientibus; et similis factus est illis
أعلى